لقاء كارثي

ايمي….هي منهاره اصلا انت مش شايف حالتها عامله ازاي البت بتموت و انا مش عارفه اعملها حاجه دي اصلا تحت تأثير الصدمه لسه منظر الحادثه ماثر عليها

حودا….بس انتي المفروض تكوني اقوي من كده هي محتجالك و ليله كمان انتي شايفه منظرها عامل ازاي متنسيش انها شافت مع نعيمه و اتخبطوا بالعربيه خبطه مش حلوه يعني هما محتاجين حد يهديهم من الخوف الي جواهم

ايمي…بدموع والله ماقادره مش قادره انا كل حته في جسمي بتتنفض هموت عليهم ومش عارفه اعمل حاجه مش عارفه اهديهم او اطمنهم انا اصلا مرعوبه الباب ده يتفتح و يجيلنا اي خبر مش حلو

رشيد….مش هيحصل يا قلبي والله هيبقوا بخير

ايمي…لو جرالهم حاجه البت دي هتعيش بذنبهم هتفكر ان هي السبب انا عارفه نعيمه و هي قالتها هي متخيله ان هي السبب

حودا….يا حبيبتي ده قدر و حتي لو فكرت كده المفروض تجمدي كده و تقفي معاها و تعرفيها ان هي ملهاش علاقه ايمي انتي اجمد كده جرالك ايه

ايمي….انا مش اجمد انا جايه وانا بموت يا محمود عليهم بقالنا كتير بنلف و مستنين نعرف هما فين و الوقت حاسه بعجز اكتر وانا مش عارفه اعمل حاجه

رشيد..عارف و حاسي بيكي وكلنا اعصابنا متدمره بس نعيمه محتجالك انتي وليله والبنات ليله زي ما انتي شايفه مصدومه وعندها ذهول اللي اتحكي غير اللي هما شافوه

حودا….يا ايمي ليله منزلتش دمعه تامر بيقولي لما وصل ليله كانت في خاله توهان و مبتنطقش لازم تبقي معاهم و جنبهم انا خايف ليله ترجع تتعب تاني انتي فاكره لما تعبت و مكانتش عارفه تتكلم كان من صدمتها برضوا اتكلمي معاها خليكي جنبهم هما الاتنين مينفعش انتي وهي بالذات تبقوا كده في الوقت ده نعيمه محتجالكم

رشيد..ايمي الوضع بجد مش حلو اجمدي عشان خاطري انا مش عايزك تتعبي و لا هينفع تتعبي الوقت خالص البنات كلهم خالتهم مش حلوه ليله زي ما انتي شايفه ايه وسلمي و نادين لسه عرايس ملحقوش بفرحوا فا اللي حاصل ده مخليهم مصدومين اكتر فرحتهم في لحظه اتسرقت علي الاقل يبقي في واحده فيكم قادره تقوي الباقي

ايمي…ومش انا الواحده دي يا رشيد انا مش قادره وللله ما قادره

رشيد…..حاولي عشان خاطر نعيمه و خاطر البنات

حودا…..ليله منقدرش نعتمد عليها بعد الخضه والصدمه اللي شافتها بعينها دي و مع ذلك هي بتحاول حاولي انتي كمان اهدي وروحي خديهم في حضنك والله العظيم هما محتاجينك