لقاء كارثي

احمد…عارف بس اقصد يمكن يكون حد فيهم عارف او قال حاجه قدامه

نعيمه…..بابا كل سره و كلامه كان مع حماده و حمودي هنا صحابه الوحيدين

حماده…هو قايلنا بس المكان فين بالظبط والله ما اعرف ده هو نفسه راح تقريبا مرتين مره لما اشتراه و مره تانيه معرفش كان بيعمل ايه

نعيمه….بدموع يعني ايه هنفضل سايبينهم كده نادر اللي عارف واكيد مش هيفوق الوقت ولو فاق انا اخاف اقولوا اصلا وهو تعبان كده

عشري الكبير….طبعا مش هيتسابوا كده لو عالمدافن يا بنتي موجوده و كتير و تحت رجلهم

فضل….ايوه يا نعيمه احنا لينا مدافن هنا كمان يعني لو حابه قولي بس اه

احمد….و انا يابنتي المدفن موجود في مدينه بدر

حماده…والمدفن بتاعي موجود هو برضوا بعيد شويه بس موجود

عسال…..نعيمه احنا كمان لينا مدفن مدفن بتاع اهل امي و مدفن انا اشتريته من فتره و لسه برضوا محدش اتدفن فيه

بقوا عمالين يتكلموا ويعرضوا و هي منهاره و عماله تبص للبنات بوجع كأنها تايهه و عماله تهز راسها بلأ

قربت ليله منها بهدوء خدتها من ايدها و بعدوا شويه عنهم

ليله….تعالي يا نعيمه

راحت معاها هي والبنات كلهم

نعيمه…بانهيار اعمل ايه والنبي انا مش عارفه اسيبهم كده لحد ما نادر يفوق مش هقدر طيب لو فاق اقولوا ايه و بعدين ازاي ادفنهم في مدفن تاني

نادين….بدموع نوني كده او كده لازم نتصرف و بعدين انتي سمعتي الدكتور قال ان قدامهم من اسبوع لعشر ايام يفوقوا يمكن اقل ان شاء الله بس حتي لو يومين اكيد مش هنسببهم كدخ

نعيمه…بدموع دول متلجين يا نادين من التلاجه مش هقدر لا والله

بصتلها نادين وانهارت وخدتها في حضنها و فضلت ايه تعيط و هي ماسكه ايدها

ايمي….نوني ندفنهم عند ابويا ؟ لو مش عايزه حاجه بعيده ممكن عند حمودي بدر بعيده بس بيتهيالي ابويا ابعد دي علي طريق مصر اسكندريه

نعيمه….بدموع معررررفش معرفش انا مش عايزه ابعدهم عني والنبي و مش عارفه صح ولا غلط ادفنهم عند فضل وعشري ولله ما عارفه عقلي واقف

ليله…نعيمه اسمعيني كويس مش هندفن في مدفن فضل ولا عشري ولا هبعدهم عنك ايه رايك ندفنهم في مدفن امي وابويا هما مدفونين في نفس المكان وقريبن هنا في صلاح سالم لو موافقه هنبدا حالا نخلص تصاريح الدفن وكل حاجه و هخلي وليد يعملك نسخه من المفتاح ليكي ولاخوانك تروحوا اي وقت مش هيبقوا بعيد عنك ولا هتبقي مكسوفه تروحي كل شويه مدفن اهل فضل او اهل عشري ده هيبقي بتاعكم زينا بالظبط و معاكوا مفاتيح ايه رايك