تعاهدنا
تعاهدنا
البارت الثالث…
خرجت ساره من منزل سهام وتركتها تعاني
من الحزن والوجع بكت كثير وانهارت كلما تذكرت
الصور ظلت تردد من بين دموعها معقول يا عهد
انتي وادهم تخونوا ثقتي فيكم اكيد أنا بحلم مستحيل
مستحيل عهد اللي ربتها و ضيعت عمري عشانها
تعمل كده مستحيل كل القيم والمبادئ اللي زرعتها
جواها تكون نسيتها مستحيل عهد تنسي ربنا
مستحيل عهد تكسرني …طيب لو عهد حبت ادهم
لدرجه أنها تضعف معقول ادهم يخون ثقتي فيه
ده انا اللي ربيته استأمنته علي عهد اللي كان بيخاف
عليها من الهوا الطاير اللي كان بيعاملها علي انها
قطعه كريستال خايف يلمسها تتكسر انا عمري ما
اطمنت علي بنتي مع راجل بعد ابوها غيرك يا أدهم
ليه كده ليه يا ادهم توجعني في بنتي ده انا ربيتك
و كبرتك مع امك كنت نور عيني حبيتك حب
ما يتوصفش الناس كانت بتفكرك ابني من كتر حبي
ليك….طيب لو بتحبوا بعض ليه مقولتوش ليه
ماعرفتوناش انك حابين تكملوا حياتكم مع بعض
ليه كنتوا بتتعاملوا علي انكم أخوات كنت تعالي
قولي يا ادهم أنك بتحب عهد وانا عمري ما كنت
هدي لنفسي فرصه حتي أني افكر عشان انت
غالي عندي اوي وطول عمري بتمني لعهد راجل
زيك .. مستحيل يكون اللي شوفته ده حقيقه
اكيد في حاجه غلط اكيد في سوء تفاهم
طيب يمكن ساره بتكذب عشان بتحبك يمكن
غارت من بنتي عشان حبك ليها او يمكن غارت
من علاقتك بعهد ومفيش من الأساس بينكم
اي حاجه…مسكت سهام راسها بوجع ..
يارب دلني علي الحقيقه قولي الصح فين
مين اللي صادق قولي يارب بنتي وأدهم
عملوا كده فعلا ولا انا ظلماهم ولا ساره
بتكذب عليا طيب أعمل ايه اواجهم
وساعتها مضمنش رد فعل ساره ولا اسكت
واسمع كلامها عشان متنفذش تهديدها ليا
وتفضح بنتي…وفجأه سمعت صوت بره في الجنينه
قامت بسرعه طلعت علي فوق عشان تعمل نفسها نايمه
وتشوف من بعيد طريقتهم مع بعض وهل هي فعلا
ظلماهم ولا ساره معاها حق في كل كلمه.
فتحت عهد بالمفتاح مامي مامي انا جيت
أدهم ….ايوه افضلي نادي علي سوسو عشان
تهربي من شيل اللعب دي كلها تعالي دخلي معايا
عهد…بضحك مش تكمل جميلك انت مالك بقيت
كسلان كده ليه
أدهم….ايوه صح انا مالي بقيت كسلان كده ليه
يامفتريه حرام عليكي ده انتي طلعتي عيني
في المول مكنتش باين من كتر اللعب اللي في العربيه
ولما خرجنا بره مهانش عليكي تحطيهم في عربيتي
