لقاء كـ،ـ،ـارثي
لقاء كـ،ـأ،ـارثي
أميره أسامه
صاحبة البطل الواحد
. البارت السابع والثمانين .
………………………
خرج ميدو وقفل علي حنان الباب و راح بره عليهم .
مصطفي…..اهو ميدو جه تعالي
عسال….في ايه؟
مصطفي….هنلعب
عسال…..هتلعبوا ايه ؟
مصطفي….اقعد يلا هعملكم بودكاست علي الماشي
عسال….بضحك اسأله بقي و جو المذيع الرخم ده طب أهبط عارفين كل حاجه عن بعض جدد بقي
مصطفي….لا يا حبيبي الاسئله بتاعت الرحلات والجو الفاكس ده قديم انا عندي الجديد بس يارب تعرفوا تردوا بس
عسال…..ماشي يا عم يلا بينا
مصطفي…..الاول عشان بس نبقي متفقين السؤال هيتسأل الرد يكون سريع عشان نلعب كلنا و عايز إجابات مختصره و محدش يحور يعني يا تجاوب ياتنفذ عقاب
عسال……انا قولت جو قديم كل ده عملناه مع بعض
مصطفي….والله ابداً جرب و مش هتندم و بعدين الأسئله اكيد مختلفه عن التعارف و الجو ده انا عارف ان الكل عرف بعضه خلاص
ليله….ياعم خليه يلاعبنا بقي اسكت انت
عسال….ماشي ياعم اتفضل
مصطفي….اللي مش قد اللعب يعتبر نفسه متفرج اشطا
محمود….اشطا
حسان….انت عامل دوشه ليه ياض ما تسأل وتخلص
مصطفي…مش هرد عليك احتراماً للدكتوره
ضحكت سلمي علي طريقته
حسان….بضحك الف شكراً يا محترم
مصطفي…طب يلا خمسه هدوء بقي و خلونا نبدأ و تاني قبل ما هنبدأ ركزوا معايا
هسأل سؤال لاي حد يجي علي بالي يعني مش بترتيب القاعده ولا الاسئله والله هتبقي مترتبه السؤال يكون الرد عليه سريع من غير تفكير
مش حابه تجاوبي او مش حابب تجاوب هيكون في عقاب و العقاب هيكون طلب و هتبقي تبقي طلبات قويه يعني ممكن طلب محرج طلب صعب طلب انك تعمل حاجه مش متوقعه بس لو حسيتوا ان الرد علي السؤال اهون من العقاب تقدروا ترجعوا للإجابه و الاوبشن ده مع كل واحد مره بس
ليله…..اه يعني لو قولت مش هجاوب و هتعاقب لو العقاب اصعب من الاجابه اقدر ارجع للسؤال تاني بس مره واحده بس
مصطفي….بالظبط يعني دي زي وسيلة مساعده ليكي حق أستخدامها مره واحده بس دي بالنسبه لرفض الاجابه علي السؤال و الرجوع ليه بالنسبه للعقاب يعني لو خلصتي وسيلة المساعده دي اكيد اي سؤال هسأل فيه لو مش عاجبكم هتختاروا عقاب العقاب كمان ليه حل يعني مثلاً العقاب صعب تقدري تختاري عقاب من اللي قاعدين يعني اعتبري دول جمهور و ممكن يبقوا احن شويه في عقابهم فا هتختاري شخص واحد و يعاقبك بس عشان اللعبه تبقي حلوه متختاريش مثلاً عشري فا يقولي اشريي حبة مايه ياروحي مفيش الكلام ده
ضحكوا كلهم عليه
ليله….شرير اوي
مصطفي…..ماهي اللعبه عشان تبقي حلوه لازم يكون فيها حماس يختار عقاب اخف شويه من عقابي بس بردوا يكون عقاب ماهو اسمه عقاب مش مكافئه
ليله…..تمام فهمت كده
مصطفي…..مفيش حد يتدخل في اي اجابه ولا اي عقاب يعني منجاوبش بدل حد حتي لو عارفين الاجابه و لا وقت العقاب يقول لا احنا مسامحين ملكوش فيها دي خالص و الا هتنفذوا العقاب بدالهم
عسال…..ايوه بس خف علي البنات يعني متزقهمش في اسئله رخمه و تروح مديهم عقاب ارخم
مصطفي….ماانا من الاول بقول اهو اللي مش حاسس انه هيقدر يتفرج و ميشاركش لان مفيش انسحاب
رشيد….انا مش مرتاح للواد ده
سلامه….بضحك والله ولا انا
مصطفي…..معاكم خمس ثواني تفكروا عندكم الجرأه و الشجاعه للعبه و لا من البدايه انتوا بره
تقي…..طيب سؤال بس معلش
مصطفي…..اهلاً بالقمر اتفضلي
ضحكوا كلهم و ضحكت تقي و هي حاطه ايدها علي وشها
ليله…..بضحك ممنوع المعاكسه
مصطفي….بضحك ياستي اسكتي بقي انتي اتجوزتي عايزه ايه حد جه جنبك
ليله…..بضحك طب خلاص صعبت عليا عاكس
مصطفي….قولي يا تقي
تقي….انت كده هتسألنا يعني انت مش هتتسأل ولا هتشارك في اللعبه
مصطفي…..لما اسأل اي حد فيكم قبل ما اروح لغيره لو عنده سؤال ليا يسأل و هبقي بلعب معاكم تمام اشطا
عشري….اه بس هتتعاقب بردوا خد بالك
مصطفي…..ماشي ياعم بس بعينك يا عشري ليه بقي لان مفيش اي سؤال ممكن اتسأل فيه مش هجاوب عليه
عشري…..يا وااااثق
مصطفي….بضحك مش ثقه بس ادي دقني اهي لو عرفتوا تسألوني سؤال جد
فضل….بضحك عشان بني ادم تافهه
مصطفي….بضحك اهو رد عليك
تقي….طيب سؤال اخير
مصطفي….معاكي لمليون سؤال يا قمر انا بسهر للصبح
ضحكوا علي مصطفي و طريقته
تقي…..بأبتسامه يعني انت بس اللي هتسأل مفيش حد فينا هيسأل التاني
مصطفي…..لا بس لو حد عنده سؤال وانا بسأل الشخص نفسه ممكن قبل ما ننقل علي غيره بردوا اللي عنده سؤال ليه ممكن يسأل يعني انا الوقت مثلاً سألتك قبل ما امشي من عندك انتي بس اللي تقدري تسأليني اي سؤال و كمان قبل ما اسأل غيرك اي حد لو عنده سؤال ليكي يقدر يسألك بس اسئله سريعه واجابات مختصره
تقي……طيب تمام اوي فهمت ابدأ بقي
مصطفي….حد عنده سؤال ؟ الكل فهم طيب حد عايز ينسحب
الكل قال لا و بدأ مصطفي اللعبه.
مصطفي….حاجه اخيره قبل ما ابدأ
عشري…..لا احنا بننام بدري اخلص
ضحكوا كلهم
مصطفي….دي شروط في اللعبه ولازم قبل ما نبدأ تبقوا موافقين عليها محدش يقولي علي اي سؤال انه غير منطقي لان دي لعبه و فيها جزء من الخيال و حاجه كمان دي لعبه بس الاسئله جايز تبقي رخمه و جايز يكون فيها ضغط يعني وارد نتعصب نضايق بس ممنوع الانسحاب تماماً و مش عايز اي حد يزعل مني يعني اللعبه تخلص كله يتنسي
ليله…..طيب ممكن طلب
مصطفي….اكيد
ليله….يعني في موضوع معين كده اكيد الكل عارف انا اقصد ايه مش حابه نيجي ناحيته خالص مش عشان اي حاجه بس انا قفلت الموضوع ده خالص و مش حابه اننا نفتحه
مصطفي….تمام فهمتك لا مش هتكلم في حاجه من الحجات دي
ليله…..تمام ابدأ حطت السيجاره في بوئها
مصطفي….أشطا يلا نبدأ بص عليهم كلهم ااااااااااا رشيدددد
رشيد….استر يارب
مصطفي….لو انت مضطر تختار الوقت حالاً شخص واحد بس يكمل معاك حياتك هتختار مين
رشيد….من الموجودين و لا في العموم؟
مصطفي….في العموم
رشيد…لا انت بتهرج ما ده حقيقي سؤال غير منطقي في ناس كتير اوي
مصطفي….انا عايز شخص واحد
رشيد….لا ماهو صعب و اي اجابه هقولها هتبقي مش مقنعه
مصطفي….تقدر تختار العقاب
رشيد….ما كده هخسر وسيلة المساعده الوحيده
مصطفي….لو العقاب صعب تقدر تختار حد من الموجودين يعاقبك
رشيد…بضحك ولا متبقاش رخم ما كده هحسر تاني واخر و سيله
حسان….بضحك العصبيه بدأت
رشيد…ماهو مستفز
مصطفي…..قدامك خمس ثواني يا تجاوب يا تختار عقاب
رشيد….يا غبي افهم في ناس كتير مقدرش اكمل من غيرهم في ايمي و في امي و ابويا اختي صحابي
مصطفي….ودي لعبه يعني انت مش مضطر تختار كده في الحقيقه
رشيد…تمام ايمي
مصطفي…..ما كان من الاول يلا اللي بعده بص لايه و ضحك
ايه….ايييييه
مصطفي…..قدامك خمس ثواني تقولي فيهم بصراحه مين اكتر بنت من الموجودين بتغيري منها
ايه….اغيررررر لا مفيش طبعاً
مصطفي….مش شرط غيره اللي هي نفسنه بنات ممكن تبقي غيره حلوه
ايه….امممم اه في ثلاثه
مصطفي….انا عايز واحده
ايه…..بصت ايه بين نادين و ايمي و ليله هختار ليله
مصطفي…..والسبب؟؟؟
ايه….. شخصيتها بالنسبالي مميزه بحبها و اوقات كتير بيبقي نفسي اكون زيها جريئه وقويه و واثقه و بتعرف تجيب حقها صريحه لدرجه رهيبه و دي بالنسبالي صفه مش موجوده فيا
مصطفي…..انتي مش صريحه؟
ايه…..صريحه بس اوي يعني مقدرش اوصل للصراحه اني اكون جريئه في صراحتي من الاخر يعني معنديش الحته بتاعت اني اقول للاعور للاعور انت اعور في عينه بس ليله عندها الحته دي و بتعجبني اوي لا بتخاف ولا بتنكسف
ابتسمت ليله بهدوء.
مصطفي…..تمام بص لحسان اااا حسان مين هنا لو زعلك هيأثر فيك اوي
حسان……كلهم غالين عليا و اكيد هتأصر من اي حد فيهم
مصطفي…..اختار واحد
حسان…..ميدو
بصلوا ميدو وضحك
عسال…..انااااا
مصطفي….اشمعني ميدو
حسان…..لان ديماً انا حاطت ميدو في حته لوحده مع ان الكل ممكن يكون عارف ان رشيد اقرب ليا بس انا اتوقع اي حاجه من رشيد عشري فضل سلامه يعني اتحطينا في مواقف كتير و مشاكل كتير و عارف ردود افعالهم و عارف انفعالاتهم ممكن توصل لانهي حد بس ميدو الوحيد اللي ديماً يراعي اوي انه ميجرحش حد و بصراحه هو عمره ما عمل معايا كده رغم اني اتحطيت قصاده في حوارات كتير و كنت بطلع وانزل و هو يسكت و يعدي فا بحس انه شخص حنين اوي و ديماً الشخص اللي مش بتبقي متوقع انه يوجعك لو وجعك او زعلك صدمتك فيه بتبقي كبيره و بصراحه محبش ابداً اني اتوجع منه لانه غالي عندي اوي و ليه مكانه مختلفه عندي
عسال….بابتسامه حبيبي انت
مصطفي…..طيب اللي بعده انا باخد شاب و بنت ماشي ااااا ليله
ليله….بابتسامه خير
مصطفي…..يعني ده من وجهة نظري الشخصيه من معرفتي بيكي الفتره دي حسيت يعني انك شخصيه قياديه و مسيطره شويه فا سؤالي بقي في العلاقه يعني علاقه الحب الجواز تحبي تكوني شخصيه قياديه و مسيطره و لا تحبي ان الشخص اللي معاكي يكون هو اللي قيادي و مسيطر و ليه؟؟
ابتسمت ليله بهدوء
ليله….انا في العموم محبش اي حد يكون مسيطر عليا بس في العلاقه لا اكيد عايزه الشخص اللي في حياتي يكون هو القائد للعلاقه هو اللي مسيطر مش انا
مصطفي…..طب و السبب؟
ليله…..لان بشوف ان الست مهما كانت قويه لازم تحس بضعفها قدام الراجل اللي معاها و ضعفها اللي اقصده مش ضعف شخصيتها اقصد ضعف تركيبتها عموماً هي في النهايه ست و لازم تحس بانوثتها ولازم تحسس الراجل كمان بانوثتها و انا واحده مستحيل تركيبه شخصيتي تركب مع راجل انا اللي امشيه و اقوله يعمل ده و يعمل ده مستحيل اكون مع راجل مش حاسه معاه بالامان في النهايه انا ست و مهما كانت قوتي لازم الراجل اللي معايا يكون اقوي مني
مصطفي…..تمام قبل ما اكمل احنا كده سألنا رشيد و ايه و حسان و ليله في حد فيكم انتوا الاربعه عايز يسألني اي سؤال و في حد في الموجودين عايز يسأل الاربعه دول اي سؤال..
عسال……بأبتسامه انا عايز اسأل حسان
مصطفي…اسألوا
عسال…..حسان سؤال مصطفي ليك كان مين اكتر حد لو زعلك هيأثر فيك و انت اختارتني انا من بين صحابك ليه مثلاً مختارتش سلمي يعني زعلها ليك مش هيأثر و لا متوقع منها انها تزعلك
مصطفي……بضحك بيهدي النفوس
عسال…..بابتسامه والله مش كده بس بفهم
حسان…..لان باختصار انا و سلمي بيحصل بينا زعل و سوء تفاهم يعني علاقه طبيعيه جداً متوقع منها تزعلني متوقع مني ازعلها يعني بنزعل و بنتراضي شوفت ردود افعالها شافت ردود افعالي فا لما اختارتك انت بالنسبالي الشخص الوحيد اللي هتأثر اوي لاني مجربتش رد فعلك مجربتش انك تزعلني فاهم.
عسال…..بأبتسامه ماشي كمل يا مصطفي.
ايه….طيب مصطفي انا عايزه أسالك
مصطفي…..اسالي
ايه….من بين سلامه و ميدو مين فيهم اللي ممكن تعمل غلطه كبيره و متخافش انه يعرفها يعني بتعمل حساب مين فيهم اكتر انه ميعرفش مش خوف احترام مثلاً
مصطفي….اااا سلامه
ايه….بضحك بتهرج
مصطفي….والله العظيم سلامه
ايه….طب ليه يعني سلامه مرح و بيهزر
مصطفي…..و ميدو كمان بس حصل مواقف كتير مثلاً و غلطت كتير و كل مره كنت اجري علي ميدو اقولوا الحقني لان سلامه علي قد ماهو طيب و حنين و بيضحك و كوميدي و يبان انه مش جد بس رخم جداً ورد فعلوا مش متوقع و يمكن اختيار حسان لميدو بالنسبالي كانت اجابه صادقه لان ده نفس احساسي
ميدو شخص مستحيل ينفعل بسهوله مستحيل يعاتب او يلوم بيحترم جداً الغلطات و الاخطاء و بيدي اعذار و متهاون شويه يعني مستحيل تلاقيه مثلاً ياخد منك رد فعل قوي يحل الموضوع بس لو غلطه كبيره ممكن يفضل واخد مني جنب شويه بيني و بينه بس بعد ما يصلح اللي انا هببته لكن سلامه بصراحه اخاف من رد فعلوا
ليله…..بابتسامه معلومه جديده دي عن سلامه
حسان…..لا خدي بالك سلامه شديد شويه مش زي ميدو
مصطفي…..طيب نرجع للاسئله اخر حد كان ليله هنسأل شاب اااااا تااامر
تامر…..بابتسامه حط ايده علي وشه ربنا يستر.
مصطفي…..من بين حسان و سلامه و ايه و سلمي هتختار الاقرب ليك من البنات و من الشباب و تقول السبب.
ابتسم سلامه وبص للارض و ايه اتوترت شويه و فضلت تلعب في شعرها.
تامر…..لا ده صعب ده الاربعه والله قريبين مني و غالين عندي
مصطفي…..غاليين عندك و بتحبهم ده اكيد بس انا بتكلم علي الاقرب ليك و لو مش حابب تجاوب يبقي تختار العقاب بس افتكر لو العقاب طلع اصعب و حبيت ترجع للسؤال يبقي خسرت اول و سيله.
تامر….ااااا ماهو صعب اوي
مصطفي…..خمس ثواني قدامك و هنروح للعقاب
تامر…..ااااا طب بصوا انا بحبكم انتوا الاربعه جداً و إجابتي بعيده عن حبي ليكم اااا ابتسم و مسح علي وشه اووووف اااا من بين سلمي و ايه ااا ايه الاقرب
بصت سلمي و ايمي و ليله لبعض
تامر …ومن بين حسان و سلامه الاقرب اكتر سلامه
مصطفي….حلو طب و السبب
تامر….اااا يعني بين حسان و سلامه والله بحب حسان جداً و بعتبره اخويا الكبير بس انا احتكيت اكتر بسلامه بنتكلم كتير ااا دماغه قريبه من دماغي بنضحك بنهزر بحس حسان يعني اعقل ممكن مني ومن سلامه بس في العموم بحبه و بحترمه
مصطفي….طيب و بين سلمي و ايه
تامر…..اختياري لايه مش معناه اني بحبها تكتر من سلمي لان سلمي عارفه غلاوتها عندي بس نقدر نقول بردوا نفس السبب انا و ايه دماغنا اقرب لبعض بنهزر بنضحك سلمي اعقل شويه اااا بس
نظرات البنات هديت و اختلفت شويه خصوصا بعد اختياره لسلامه بدل حسان و ده معناه انه مش بيكرهه و اجابة تامر كانت مقنعه و دبلوماسيه مفيهاش اي تخطي للحدود..
مصطفي…..اممممم نعيمه لما الدنيا بتضيق بيكي مين اكتر شخص بتتمني انه يكون موجود.
نعيمه…..اوووف طيب فين شخصين
مصطفي…شخص واحد
نعيمه….اااا مقدرش في اتنين
مصطفي…..واحد او اختاري العقاب
نعيمه…..بضحك ولااااااا بلاش رخامه اسمع الرد و انت تفهم
كلهم ضحكوا عليها
مصطفي….بضحك مش عايز اسمع غير اسم شخص
نعيمه….لا مش هقدر العقاب
فضل….بايتسامه قولي محدش هيزعل منك
نعيمه…..ماهي اجابتي لازم فيها شخصين
فضل…..طب ينفع انا اجاوب بدالها
لان في تفصيله كده انا عارفها
مصطفي…..لا تجاوب بدالها ولا تسامحها في عقاب
نعيمه….بضحك ولااااا انت رخم والله هات عقابك
مصطفي…..اممم العقاب هتختاري حد من الموجودين هنغمض عينه بأي حاجه و هيرسم علي وشك من غير ما يشوف
نعيمه…..بضحك ده انت يومك اسود
نسمه……بضحك انا ارسم
نعيمه….بضحك والله ما يحصل متستعبطش يا مصطفي
مصطفي….بضحك والله لو العقاب مش عاجبك تقدري ترجعي للسؤال و تجاوبي و تبقي خسرتي و سيله الرجوع للسؤال او تختاري حد من الموجودين يعاقبكم و تبقي خسرتي العقاب و بشرط ليكم كلكم محدش يختار شريك ليه يعني متختاريش فضل ولا تختاروا اخوات يعني ولا نادر و لا نسمه
نعيمه….بضحك لا انت مستقصدني بقولك ايه انا مبقتش احبك خلاص
مصطفي….بضحك قدامك خمس ثواني تقرري
نعيمه…..اااااا هرجع للسؤال
مصطفي……بضحك ماشي جاوبي لما الدنيا بتضيق بيكي من الشخص اللي بتتمني يكون موجود
نعيمه…..احممم ااا ليله
ابتسمت ليله بهدوء
مصطفي….و السبب
نعيمه…..لانها بتقدر تهون عليا بكل الطرق و اجابتي يارخم كنت هقول مؤخراً بقي فضل كمان
مصطفي….بضحك لا خلاص خدت الاجابه
فضل…..بضحك جدع ياض يا مصطفي
نعيمه….بضحك والله كنت هقول انت كمان
فضل….بضحك خلاص بقي كل حاجه اتكشفت علي فكره انا كنت هجاوب نفس الاجابه لان نعيمه من غير ليله كانت تعبانه و لما اتحرقت كنت واثق ان وجود ليله هيفرق في نفسيتها جداً رغم ان انا و الكل كان جنبها بس نفسياً اتحسنت كتير لما لياه رجعتلها
ابتسمت ليله بهدوء و باستها علي الهواء
مصطفي…..امممم طيب اااامحمود
محمود….بضحك هات العقاب اسألتك مهببه
مصطفي…..بضحك ياعم انا لسه سألت
محمود…..ما هي واضحه اسأل ياعم
مصطفي….موقف اتنميت فيه انك تختفي من الدنيا بحالها و لحد الوقت بتفتكروا و بسببه بتتمني تفقد ذاكرتك الخاصه بالموقف ده و ايه هو الموقف.
محمود كان مبتسم و بدأت ابتسامته تختفي بهدوء و في لحظه اتغيرت ملامحه قدام الكل بص محمود بعيد و فضل يمسح علي وشه و شعره
بصتلوا ايمي بوجع و تأثر كبير
محمود…..العقاب
مصطفي…..نط في البيسين زي ما انت
مستناش ثانيه واحده يفكر وقام من وسطهم
رشيد….بضحك استني يلااااا
عشري….اه يا مفتري يا واطي
خد محمود نفس طويل و نط في البيسين و غطس و فضل تحت شويه مطلعش
قامت ايمي بقلق و خرجت من وسطهم راحت علي البيسين طلع محمود و خرج نفس طويل و فضل باصص علي المايه وهو بياخد نفسه
ايمي…..بهدوء انت كويس
ابتسم محمود بهدوء و هز راسه
ايمي….طيب اطلع يا حبيبي يلا الجو برد عليك
كلهم كانوا بيضحكوا و بيهزروا بس اللي كان عارف اللي محمود حس بيه من السؤال ايمي و ليله و سلمي و امنيه اللي بصت لمحمود بحزن فظيع.
طلع محمود و ابتسم بهدوء
رشيد…..بضحك علي طول كده بتنط
مصطفي….بضحك ايه اخبار المايه
محمود…..حلوه هحدفك فيها
مصطفي….طب غير بسرعه و تعالي
ايمي…..بسرعه يا محمود هتبرد
محمود….ماشي هغير واجي
ايمي…عايزني معاك
محمود….لا يا قلبي جاي علي طول
ايمي….تمام طبطبت علي ضهره و مشي محمود
عشري…..اجري يا محمود عشان متبردش
جري محمود علي جوه بسرعه و رجعت ايمي قعدت.
مصطفي…..ايمي دورك
ايمي….خير يا مصيبه
مصطفي….بضحك اااا بتحبي التعلق و لا بتخافي منه.
ايمي….بخاف
مصطفي……ليه
ايمي….يعني بخاف اتعلق بحد و اتعشم فيه اوي و اخسره و فجأه ميبقاش في حياتي
مصطفي…..حتي لو طلع ميستاهلش
ايمي…..اي شخص فينا لو حب بجد من قلبه و اتعلق بشخص بيتجرح من خسارته مع الوقت لما بنهدأ و تبدأ توضح الامور اكتر و نعرف انه مكانش يستاعل تعلقنا بيه وحبنا الكبير ليه اكيد بنتخطي بس كداب اللي يقولك انه ممكن ميزعلش حتي لو وقت خسارتي بالشخص ده اكتشفت انه حقيقي ميستاهلش اكيد هناخد وقتنا لان مشاعرنا مش زرار سريع للنسيان والتخطي
حسان……براڤو يا ايمي
مصطفي…..ده ايه العمق ده يلا تعالي يا عم عشري
عشري….بضحك شوفت البيسين اللي حوده وقع فيه ده فكر في اسألتك بدل ما تحصلوا
مصطفي…..بضحك نسيت احط قانون للتهديد
عشري…..بضحك لا حط عشان اعلقك
مصطفي….احمممم طيب لو حصل معاك موقف زعلك اوي او حاجه ضايقتك و محتاج تتكلم فيها مين غير ليله تحب تتكلم معاه
عشري….ليله اكيد
مصطفي…..لا بقول غير ليله ؟ و مش شرط يكون من الموجودين
عشري….ااااا هو انا اوقات كتير ممكن يحصل معايا مواقف او حجات تضايقني و متكلمش فيها اصلاً يعني بعديها
مصطفي…..بس لو انت مقرر تحكي اللي جواك و بعيداً عن ليله خالص تحكي لمين
عشري…..عسال
مصطفي….جمهورك كبير يا ميدو طيب اشمعني ميدو
عشري….ااااا كلهم غالين عليا وزكلهم بتكلم معاهم بس ميدو اكبر من سنه و تفكيره بيعجبني و قريب مني و اللي عارف علاقتي بعسال عارف انه قريب مني
ابتسم عسال بحب لعشري و ابتسمت نادين لميدو وتعليقاتهم عنه سواء حسان او عشري او حتي مصطفي.
مصطفي…..طيب سلمي مين اقربلك تامر و لا ايه
سلمي….الاتنين اخواتي
مصطفي…..و انا قولت ولاد الجيران عارفين انهم اخواتك
سلمي….بضحك خد بالك اسألتك توتر بجد احنا لما سافرنا اول مره و لعبنا الاسئله كانت غير كده
مصطفي…..بضحك ده سؤال بسيط بقول اقربلك مش بتحبيه اكتر يعني عادي
سلمي…..امممم ايه
مصطفي….و السبب
سلمي….يمكن عشان بنات زي بعض و الطبيعي البنات بيكونوا اقرب او يمكن عشان هي الصغيره بجد مش عارفه
مصطفي….ماشي شوفتي سؤالي سهل ازاي
سلمي…..بضحك اووووي تيموووو انت حبيبي
تامر…..بضحك وانتي قلبي
مصطفي…..اممممم
تقي….بهمس انا خايفه من الاسئله مينفعش اقوم اجري
نسمه….بضحك و الله وانا تعالي نقوم نجري مع بعض
بصتلها تقي و قعدوا يضحكوا وعينهم كانت رايحه جايه بهدوء علي عدي و سليم.
مصطفي…..فضل
فضل….معاك
مصطفي…..انا عارف ان من عادتكم شغلكم يكون مع بعض يعني اخوانك شباب عيلتك بس لو جاتلك فرصه لشغل عاجبك و بره العيله خالص و مضطر انك توقف شغلك مع عيلتك هتعمل ده ولا مش هتقدر
فضل……يعني اسيب شغلي خالص مع اهلي و لا اشتغل في الاتنين
مصطفي….لا تسيب خالص يعني ميبقاش في حاجه تربطك بالشغل مع اهلك
فضل…..هو اولاً موضوع ان من عادتنا نشتغل مع اهلنا بس مش صح لان انا و عشري شغالين مع الشباب عادي و انا وعشري لينا شغل خاص مع بعض و مؤخراً بقينا شركاء مع البنات في المزرعه في عادي اننا نشتغل بره العيله بس لو معروض عليا حاجه زي دي لا مستحيل طبعاً
مقدرش اسيبهم
مصطفي…..حتي لو اللي معروض عليك ده حلمك
فضل….اه حتي لو حلمي
مصطفي…..يعني انت مستعد تضحي بحلمك مقابل انك تشتغل مع اهلك
فضل….مش هضحي بحلمي بس كمان مش هسيب اهلي لان احنا سبب نجاحنا و وقفتنا علي رجلينا من البدايه اننا كنا ايد واحده
مصطفي….طيب لو فرضنا مثلاً ان انت ونعيمه اتجوزتوا وهي حبت تنفصل من شغلها عن اصحابها و طلبت منك تعمل ده و تعملوا شغل و حاجه قويه مع بعض و دي كانت رغبتها هتوافق
فضل…..لو هي حبت تنفصل مش هتدخل و عادي نعمل شغل خاص بيا انا وهي بس لا مش هوافق اني اسيب شغلي عموما سواء مع اهلي او صحابي
مصطفي….طب ولو ده كان شرطها عشان تكمل معاك
نعيمه….بضحك انت مستغز والله اتعصبت منك
مصطفي….بضحك والله دي خلاون اللعبه الضغط
فضل….اولاً مستحيل نعيمه تطلب مني ده
مصطفي….افرض طلبت
فضل….خليني بس اكمل كلامي انا واثق من اللي بقولوا هي مستحيل تطلب بس لو طلبت مستحيل اوافق
مصطفي….حتي لو رفضك ده ممكن يخليكوا تبعدوا عن بعض
فضل…..اه لان ده مش شرط اصلاً ده شغلي يعني كياني و مستقبلي اللي هيبقي مستقبلها وانا ادري بيه منها و بعدين انا مش بتدخل في شغلها و حتي لما ابقي اجوزها لو جات قالتلي هتشارك مين مليش دعوه هي حره في شغلها وفلوسها و إدارتها عموماً ممكن انصحها لو شايف حاجه غلط او تضرها بس اني ارفض مش من حقي و لو عملتها حقها متفضلش معايا ثانيه فا بما اني مش بتدخل هي كمان لتزم متدخلش في شغلي بس نتناقش انصحها تنصحي اخد رأيها تاخد رأي لكن منشرطش علي بعض
مصطفي…..بضحك طب سؤال اخير و بلاش تحدفني في المايه عشان نكمل اللعبه
فضل….بضحك اسال
مصطفي….لو نعيمه مثلاً كانت تعرف شخص قبلك و انت عادي عارف عنها مل حاجه بس عرفت انها هتشاركه في شغل كويس اوي هتقبل ولا هترفض
فضل….بابتسامه بص علي حسب لو جوايا شك مش مريح هرفض يغني لو حاسس ان الشراكه دي وراها نوايا مش حلوه من الشخص ده لا طبعاً مش هوافق بس لو الدنيا تمام و ثقتؤ فيها طبعاً موجوده و عارف نواياها من الشراكه دي و الشخص ده كل اللي هامه الشغل ليه لا
مصطفي….يعني بجد ممكن توافق
فضل…..لو حاجه فيها خير ليها عمري ما هقق في وشها و دي مش مثاليه بس انا راجل بتاع شغل و عارف كويس ان الشغل مفيهوش هزار
مصطفي….مش هتغير عليها
فضل…..هبقي معاها خطوه بخطوه مش هسيبها طبعاً لان اكيد هيبقي في غيره طبعاً بس ثقتي فيها هتخليني مع الوقت اهدأ و افكر بنفس طريقتها وخو الشغل و بس
مصطفي….بابتسامه بص لنعيمه ابويا انا عالثقه
ضحكت نعيمه و مسكت كف فضل
قرب محمود منهم و هو مبتسم
مصطفي…..شكلك ناوي علي الشر
كلهم بصوا علي محمود
محمود…بضحك كأن مفيش حاجه حصلت ده انا هنفخك
عمرو…..شوف الحماس اللي جايلك بيه ناوي علي الشر
مصطفي….انا عايز افهم ليه مغيرتش العقاب و خليت حد فيهم يسالك و كنت خسرت وسيله العقاب بدل ما تنزل في المايه
محمود….بضحك ما انا مفكرتش بقي نزلت بسرعه بس مش مهم هزنقك في سؤال رخم
فضل…..بابتسامه طيب سؤال يا محمود بجد بعيداً يعني عن السؤال اللي سألوا مصطفي انت رفضت الاجابه عشان السؤال ضايقك و لا عشان هو سر مش حابب حد يعرفوا
محمود…..خالص والله مش سر ومش قصه ضايقني بس اوقات كده بيحصل في حياتك مواقف بتضايقك
و طول الوقت بتحاول انك تنساها او متتكلمش فبها عشان متقلبش عليك المواجع
عسال…..طيب دي مجرد نصيحه انت عارف ان جزء كبير اوي من تعافي اي بني ادم بسبب موقف وحش مر بيه او موقف علم و وجع انك تتكلم و تحكي و تخرج اللي جواك مش قصدي الوقت في العموم يعني مش شرط تحكي لاي حد بس انك تحكي عموما ده يريحك كتير
محمود…..يمكن معاك حق بس في حجات لو وجعاك يا ميدو و فكرت انك تحكيها طول ماهي ملهاش حل صدقني بتفضل وجعاك يعني اللي عايز اقولوا مش كل حاجه بنحطيها بتخفف وجعنا خصوصا لو ملهاش حل
ساب ميدو ايد نادين و قري لقدام
عسال….بص يا محمود اغلب مشاكلما و المواقف الصعبه اللي بنمر بيها يوم ما بنقرر اننا نحكيها بنحيكها عشان هي ضاغطه علينا و عشان مش لاقين ليها حل اوقات كتير ممكن مثلا احس اني تعبان مضغوط حصل معايا موقف واجعني اوي و اجي احطيهولك انا عارف وانا رايح لمحمود انه معندوش و عارف كمان ان في مواقف بنمر بيها مبيبقاش ليها حل بس اني احكي و اطلع اللي جوايا ده في حد ذاته جزء من التعافي تخيل كده مريت بموقف وقف حياتك و محدش عرف عنه حاجه و هو حقيقي ملهوش حل و فضلت كاتم جواك تفتكر عشان هو ملهوش حل يبقي كتمانه صح بالعكس ان حد يسمعك انك تواجه نفسك و تبدأ تفنح قلبك لحد بترتاح ليه بيحسن حالتك بيخف الضغط بيخليك تقدر تواجه و جايز اوي حقيق الموضوع ملهوش حل بس ممكن اللي قدامك يقولك كلام يخليك تفوق هو مش حل بس بيبقي طبطبه يفوقك يخليك تشوف الحياه بشكل تاني بوجه نظر مختلفه عن وجه نظرك فاهمني
محمود…..فاهمك
عشري….بص يا محمود في حجات بتحصل في حياتنا لا ليها حل و لا و جعخا جوانا ممكن الوقت يخففه بس زي ما ميدو قالك احياناً اللي قدامك حتي لو مش عنده حل ممكن كلامه يريحك كل واحد فينا او خلينا نقول في الموجودين حالياً ليه فكر و عقليه و وجه نظر مختلفه يمكن تلاقي تلاته اربعه بيفكروا زيك و تلاته اربعه تانيين عندهم وجه نظر زي بعض و غيرهم عنده فكر مختلف خالص و الاكيد ان وارد اوي تلاقي فيهم حد يوصل للنقطه اللي وجعاك و يحسها بس بطريقه مختلفه عن طريقتك انت فا تبدأ تاخد كلامه و تطبقه علي حياتك و فجأه تحس ان الخياه اختلفت و تقول لنفسك انا ليه معملتش كده من الاول ليه مفكرتش بالطريقه دي كنت ارتاحت
ليله…..طفت السجاير و بصت لمحمود بص يا محمود يعني خليني اقولك مثال بسيط مع اني مش حابه اتكلم في مشكلتي خالص مع عشري بس خليني اقولك ان عشري و ميدو معاهم حق لما حصلت المشكله دي و قررت اني اختفي و ابعد انا عقلي كان فيه تشويش مرعب كان جوايا صراع و في لحظه بقيت حاصره نفسي في دايره وحشه وضلمه و بقي عندي حاله كده من التقليب في الماضي يعني كل حاجه وجعتني في حياتي بقت زي الشريط قدامي و خليني اقولك ان اغلب الموجودين هنا كانوا عمالين يبعتولي رسايل علي امل اني اشوفها واهدا بس طبعاً انا مفتحتش الموبايل غير لما رجعت من اسكندريه و خليني اقولك ان سبب من الاسباب اللي خلتني اهدأ و اشوف المشكله بتاعتي بشكل مختلف و افكر بهدوء رساله ابوك ليا و اللي حقيقي انا قولتها للكل حماده فوقني من غير ما يحس انت كنت جنبه و هو بيتكلم معايا و سمعتك هو مقالش حاجه يعني مقالش حل بس اتكلم معايا بوجهة نظره هو زي ما قال ميدو كده و عشري كل واحد فينا عنده وجهة نظر و فكر و عقليه يعني خلينا نقول ان المشكله بتاعتي انا وعشري كلنا عرفناها بس كل واحد فينا ليه وجهه نظر في حلها ليه اسلوب و انا سمعت كل الرسايل و لما رجعت سمعت كل شخص بس حماده اكتر حد اثر فيا و خلاني ابص للموضوع بشكل مختلف
وده المقصود بكلتم ميدو وعشري بلاش تكتم جواك حاجه معلمه فيك حتي لو انت واثق ان هي ملهاش حل بس جايز وجه نظر و فكر معين يخليك تبدأ تخرج من الوجع اللي معلم فيك ده
رشيد….بضحكه جميله هو انا يا حوده مش فضولي بطبعي بس اول مره احس اني فضولي جداً و عايز اعرف اجابه السؤال اللي مصطفي سألوا
محمود…..بضحك انت بقالك سنه ساكت حاي تفوق علياي يا ابو نسب الوقت
رشيد….بضحك لا والله بس حسيت انك اتضايقك و ملامحك اتغيرت و انا اتعودت اشوفك كلك طاقه و حيويه و بصراحه مش لايق عليك انك تزعل كده فا انا رأيي من راي الشباب خرج اللي جواك اسمع وجهات النظر اخرج من الموقف اللي انت حبيت تختفي منه ده و شوف الدنيا بعين تانيه
محمود…..بابتسامه المشكله يا رشيد ان اوقات احنا بردوا بنتعب نفسنا بايدنا يعني الموقف ده مثلاً تقدر تقول فات عليه حوالي عشر سنين اوقات احس اني تخطيت لاني عيشت وكملت و اوقات تانيه لما افكر احس انه لا انا متخطتش و اه عيشت و كملت بس موقف حياتي بايدي.
حسان….بابتسامه ايه حبيت و مطولتش
بصلوا محمود و ضحك ضحكه كلها وجع
ابتسمت ايمي ابتسامه وجع بصلها مجمود و ابتسم
عشري…..ايه حسان معاه حق
محمود…..اااا يعني
فضل….بتتكلم جد يعني انت بقالك عشر سنين و متخطتش
محمود….مش فكره اني متخطتش يا فضل بس الموقف بتفاصيلوا كلها علمت معايا جامد و خدت مني وقت يمكن في البدايه فضلت كذا سنه تعبان بس بعد كده كملت لكن وقفت حياتي
حسان….طيب سؤال ليه سيبتها؟ يعني لو بتحبها اوي كده مكملتش معاها ليه حصل مشكله مثلا
محمود….بضحكه هاديه لا محصلش مشكله و مسيبتهاش لان احنا اصلاً مكناش مع بعض
حسان…لا مش فاهم
رشيد…..يعني ايه مكنتوش مع بعض
محمود…..يعني كان حب من طرف واحد
بصولوا كلهم بصدمه و سكتوا غمض تامر عينه و بعدين بص لبعيد
سلامه…..متعرفش انك بتحبها يعني
محمود…..كنا زمايل حبيتها اوي و مكنتش حابب اتكلم غير لما اقف علي رجلي كنت ديماً اسمع من ابويا ان الراجل الصح يوم ما يحب بجد من قلبه لازم يكون قد الحب ده لو ناوي يكون جاد في علاقته لازم يعمل كل حاجه عشان البنت اللي حبها من اول ما دخلنا الجامعه بدات احس اني معجب بيها من الترم التاني مثلا و فضلت ساكت لحد ما وصلنا تالته جامعه مثلاً و كنا شله كبيره بس محبتش ابداً اني اقول مشاعري دي لاي حد خالص و في ثالثه جامعه جاتلي فرصه شغل كده في شرم و قررت اني اروح غيبت شهر ونص و الحقيقه ان الشغل ده فرق معايا اوي بدأت احس ان معايا فلوس كتير و بعمل حاجه كنت فرحان اوي و خدت الموضوع جد و قررت اني احافظ علي كل قرش بيدخلي عشان اقدر اتقدم نزلت اجازه اسبوع ورجعت تاني كنت بشتغل و بذاكر مكنتش حابب اني انزل سنه عشان اخلص بسرعه و اتقدملها يمكن انا فهمت كلام ابويا غلط و ترجمته بطريقه مش صح و الحقيقه اني معترف بغلطي ده و كان لازم علي الاقل المحلها ندخل علاقه و بردوا اكون جاد معاها علي الاقل تعرف مشاعري من ناحيتها و انا كمان ابقي عارف هي في حد في حياتها ولا لا بس انا للاسف معملتش كده بس نزلت امتحنت و الحمد لله نجحت و رجعت تاني سافرت و تقريباً قضيت الاجازه كلها في شرم في شغلي و بدأ الترم الاول لسنه رابعه كنت بنزل اجازات سريعه اشوف الورق اللي ناقصني احضر حجات مهمه اشوفها و اتفاجئت في اجازه الترم الاول بخطوبتها علي صاحبي و صاحب عمري طبعاً لاهي كانت تعرف بمشاعري دي و لا حتي هو لاني محكتش و هما كمان محكوش هو حبها و محبش ابداً انه يعمل شوشره عليها بارتباطهم بس وانا مسافر كان ديماً يقولي انا محضرلك مفجأه انا ارتبطت و لما تنزل هعرفك علي حبيبتي و هتفرحلي مجاش في بالي ابداً انه حبها و بيتكلم عنها و نزلت وقت خطوبتهم و عرفت كانت صدمه كبيره اوي ليا لاني حبيتها بجد و هي كانت تتحب فعلاً و صاحبي ده كان جدع و طيب اوي و بيحبني من قلبه مكانش قدامي غير اني اسكت
سافرت و رجعت علي الامتحانات بس للاسف شيلت السنه لاني مقدرتش اذاكر و اتجوزوا بعد ما خلصوا السنه بحوالي خمس شهور
مكنتش ناوي احضر الفرح و اتحجج بالشغل بس هو فضل يقولي عايزك معايا انا مليش اخوات ومليش غيرك
كان الموضوع صعب بس مقدرتش اسيبه كنت معاه وهو بيشتري بدلته و بيجهز فرحه و حضرت الفرح و كنت بموت بجد اليوم ده مش بيمشي من بالي حقيقي بتمني كل لحظه عرفت فيها بعلاقتهم تختفي من ذاكرتي وقفتي في الفرح وانا شايفها عروسه لغيري موقف بتمني اني انساه المشكله اننا فضلنا صحاب انا وصاحبي وده كان بيوجعني اكتر لاني حاسس اني بخونه طبعاً انا من اللحظه دي خرجتها من عقلي عشانه ده صاحبي وهي اتحرمت عليا خلاص بس احنا نقدر نتحكم في عقلنا لكن قلبنا الموضوع بيكون صعب بس دي كل الحكايه.
فضل….هو معرفش ولا حس بحبك ده
محمود….لا انا مقولتش لحد اصلاً
رشيد…طيب ليه هو مقالش ليك انه بيحب ادام كنتوا صحاب
محمود….هي كانت ملتزمه جداً و اهلها شداد شويه و كانت هاديه اوي فا هو كمان حب يحترم النقطه دي و بعدين احنا كنا شله كبيره و طبعاً كان في عقليات تافهه بتحب الضحك و السياح كده يعني فا هو حافظ علي علاقتهم بعيد شويه عن الكل
حسان…..الحب من طرف واحد ده شقاء و للاسف يا محمود انت وجعت نفسك يمكن زي ما قولت فهمت كلام ابوك غلط بس كمان انت ظلمت نفسك بعد ما عرفت بعلاقتهم و جوازهم كان لازم تتخطي و تشوف حياتك
محمود….حاولت كتير والله ويمكن ارتبطت بعدها كتير مش هكدب بس بردوا غلطت غلطه تانيه كان ديماً عندي مقارنه بينها وبين اي بنت بعرفها او تقدر تقول اني كنت بدور عليها في شخص تاني
عشري…..وده اكبر غاط يا محمود مفيش ست بتعوض مكان ست انت دورت علي الشكل والملامح والروح بس كان لازم تعرف ان كل ست ليها روح مختلفه و ليها شمل وملامح تانيه ده انت حتي لو لاقيت توأمها في الشكل مستحيل تلاقي توامها في الروح عسان تتخطي يا محمود كان لازم اصلا تدور علي شخص مختلف مش تدور علي نفس الشخص في حد تاني
محمود…..صح و عشان كده انا يمكن اكون معرفتش اتخطي مع ان والله الموضوع بقي عادي يعني خلاص خرج من جوايا بس بحس اوقات اني مش عارف اعبر عن نفسي لاي بنت بحس اني خايف اخد الخطوه مش حابب اظلم حد معايا
عسال…..لسه علاقتك بيهم زي ما هي يا محمود
محمود….لا يعني كل فين وفين انا وصاحبي بنسال علي بعض هو اصلا مسافر بره الباد و تقدر تقول انهم استقروا كمان بره وخلفوا معاهم تلاته ماشاء الله و هي انتقبت و علاقتي بيها مقطوعه تماماً بس بنسأل علي بعض انا وصاحبي كل فين وفين بقي ليه حياته و مسؤوليات كده يعني
رشيد….طيب وانت مستني ايه عشان تخرج من القوقعه دي يا محمود هو العمر فيه كام سنه يا صاحبي
عسال….بص يا حودا مش هقولك انك غلطت ولا ضيعت عمرك و كان زمانك عامل بيت و عيله و الجو ده لان ده نصيب و كده كده كنت هتشوفوا بس فكر بطريقه ايجابيه اكتر يعني كان ممكن اصلا متعجبكس شخصيتها كان ممكن هي ميعجبهاش شخصيتك كان ممكن تتوجع اكتر لو صاحبك عرف انك حاولت معاها و منفعش و وافقت بصاحبك و علاقتكم ببعض كانت باظت يعني كان في حجات كتير ممكن تحصل كفايه يا محمود يعني عشر سنين ده رقم كبير اوي اوعي يا حودا تجري وراء حاجه انت عارف انها مش بتاعتك انت طيب وجدع ومحترم و الف بنت تتمناك و شخصيتك جميله بجد تستاهل انك تتحب و تحب و تشوف حياتك بشكل مختلف و تعمل بيت و عيله
ليله…..بابتسامه محمود انت عارف انا بحبك قد ايه و انا عارفه حكايتك دي من زمان يمكن عمري ما اتكلمت معاك في الموضوع ده لان ديماً كان عندي جزء كده بيخليني اسكت و مبحبش اضايقك و لا بحب اشوفك مضايق لانك بالنسبالي شهص كده جميل روحه حلوه علي طول بيضحك و كله طاقه ايجابيه و ده مش رايي ده راي كل اللي عرفك انت حد بيدخل القلب بسرعه اجتماعي جداً عندك علاقات تجنن مع كل الناس فا كنت ديماً مبحبش افتح الموضوع معاك عشان بحب اشوفك بتضحك بس انا عارفه اللي جواك…. و بما ان الموضوع اتفتح خليني اقولك كلمتين من اختك و اسمعهم كويس.
الحب من طرف واحد ده عامل زي لقي أچنده او كشكول شكلو حلو اوي من بره فا استخسر انه يرميه و بدأ يدور جواه علي ورقه فاضيه يحاول يكتب فيها و ملقاش للاسف صفحه يقدر يكتب فيها حكايته أرمي الكشكول ده يا حودا و دور علي كشكول غيره يكون فاضي من الصفحه الاولي للاخيره متحاولش ابداً انك تدور علي صفحه واحده و انت تقدر تلاقي كشكول كامل
بيتهيألي انت فاهمني كويس فوق يا حودا و اخرج بسرعه هي مش ليك و شافت حياتها وعملت بيت و عيله و انت لسه هناك هي سبقتك بعشر سنين و انت لسه واقف الحب من طرف واحد موت بالبطيئ يا محمود
بتدي حب و مشاعر و احاسيس و اهتمام و للأسف مش بتاخد حاجه
بتعيش وانت معبي قلبك بحب شخص انت مش في باله اصلاً حرام بجد تعمل في نفسك كده المشكله يامحمود ان اغلب اللي مروا بالتجربه دي هنا عارفين كويس اوي ان الشخص ده خلاص مستحيل يكون ليهم بس مش قادرين يتخطوا و لا قادرين يحبوا و يقدروا نفسهم اكتر من كده بس انا عارفه انك قوي و كمان مصدقه علي فكره انك اتخطيت انت بس ناقصلك خطوه واحده تفكر في نفسك و تبطل تفكر في شخص هو من البدايه مش ليك وصلت يا اخويا
محمود…بابتسامه جميله وصلت يا ليله و اوعدكم اعمل بالنصيحه بتاعتكم كلكم لان والله هي مش بالي خلاص و نسيتها والحب اكيد مبقاش موجود بس انا اللي محتاج افكر بشكل محتلف زي ما قولتي يا ليله
سلامه….ليله
ليله…..نعم يا سلامه
سلامه…..عاااش
بصتلوا ليله ثواني في عينه و هو بصلها و بعدين ابتسمت بهدوء و هزت راسها
وحصل بينهم في الثواني دي كلام كتير بلغه العيون حسس ليله ان سلامه عارف حاجه .
و سلامه يمكن محسش ان ليله عارفه هو بيفكر في ايه بس كلامها جه في الوقت المناسب.
اما تامر فكان في دنيا تانيه خالص كان اكتر حد قادر يحس بوجع تامر و اكتر شخص عارف انه مش بمزاج محمود لان اللي جرب شقاء الحب من طرف واحد لايقدر يوصف وجعه و لا يقدر يتخطاه بسهوله.
مصطفي….بص لمحمود بنظره جانبيه مضحكه يعني جرجروك لحد ما حكيت مش كنت استنيت شويه بدل ما تنزل و تبرد و بعدين نزلت المايه عشان موقف زي ده بالذمه مش عيب يا اخي علي الاقل انت حبيت و سكت في غيرك اتفرض يا حودا و عايش و الدنيا تمام
محمود….بضحك شكلك شايل و معبي
مصطفي….يا شيخ لا معبي ولا نيله الحياه سهله و مش مستاهله
نعيمه….بضحك ومين دي اللي ترفضك ده انت سكر يا صاصا
مصطفي……بضحك مين دي لا هما كتير
ايه….بضحك لا وفخور
مصطفي…..اقعد اعيك يعني ولا اموت نفسي ما عادي خلاص هفضل حزين و اضيت عمري لا والله و لا يحصل
سلمي…..بابتسامه اترفضت كام مره يا مصطفي
مصطفي…حوالي اربع مرات
سلمي…بضحك طب سبب الرفض كان ايه
مصطفي….نفس الجمله تحنا بنعتبرك اخونا
ضحكوا كلهم بصوت عالي
عشري….ما انت اكيد مكنتش بتبين حبك
مصطفي….ياعم اسكت و النبي ده انت كنت هاري روحي عزومات و هدايا و مشاوير و اهتمام
عشري…..بضحك ما كل دن اي حد يقدر يعملوا عادي معملتش اكيد حاجه اسبيشيال
سلامه….بضحك كان بيسهر يعملهم حلويات عمايل ايده
مصطفي…..بضحك اهو قالك و ياريته طمر يلا خلينا نكمل بص لمحمود وضحك اي خدمه يا عم حوده اللعبه قلبت معاك بجلسه علاج نفسي عد الجمايا
محمود….بضحك حبيبي عقبالك
مصطفي….سيبني بدل ما اقوم ارمي روحي في البحر
فضلوا كلهم يضحكوا علي مصطفي
مصطفي….اخر حد سألناه مين
محمود….انا
مصطفي…..لا انت مكنتش سؤال مين كان قبل محمود
فضل….انا يا مصطفي سؤال الشغل
مصطفي…..ابوه صح يعني بنت المرادي امنيه
امنيه……بابتسامه يلا جاهزه
مصطفي….اعترفي الوقت بموقف عملتيه قريب او وانتي صغيره و محدش عرفوا خالص
امنيه…..موقف ازاي يعني مصيبه ولا سر
مصطفي…..مصيبه اه او غلطه
عمرو…..بضحك يلا اعترفي
امنيه….ااااا مفيش و الله
مصطفي……لا اعصري دماغك بس هتلاقي انتوا اصلاً مش بتعملوا غير مصايب
امنيه….اصل احنا كا أسره يعني عارفين كل حاجه عن بعض حتي البلاوي اللي بنعملها
مصطفي…..هخلي اخواتك يعترفوا عليكي و هيبقي شكلك وحش
امنيه ….بضحك طب بص هو في موقف واحد بس و انا صغيره عملتوا بس ايمي قفشتني وانا بعملوا و من كام سنه قريبين كده اتعرف بس هو موقف مضحك كنت طفله
ايمي…..بضحك العمل
بصتلها امنيه و فضلت تضحك هي و ايمي و محمود
ليله….عمل ايه يا جزمه
امنيه…بضحك هحكيلكم ماشي و لا خلي ايمي تحكي احسن يا مصطفي هي مش هتساعدني و الله بس هتضحكم اكتر
ايمي….بضحك طب احكي انتي الاول اللي حصل و هحكي لما شوفتك
مصطفي…..خلاص احكي وهي تكمل
امنيه…..ماشي بصوا انا كنت في اولي اعدادي تقريباً و كان عقلي صغير والله و كنت بصدق اي حاجه يعني هبله اوي المهم كان في رحله في المدرسه و كنت هتجنن و اروح لان صحابي كلهم كانوا رايحين كانت الفيوم تقريباً المهم ماما طيبه اوي و صاحبتنا جداً بس واحنا اصغر شويه كانت اشد من كده يعني كانت بتعترض شويه علي حجات كتير و ده خوف مش اكتر و لما عرفت ان الرخله الفيوم و كده خافت قالت لا بابا بقي طول عمره زي ما شوفتوا كده طيب و مش بيحب يزعلنا فضلت اتحايل عليه قالي مليش دعوه انا موافق بس قولي لامك مرضيتش خالص كان فاضل حوالي اربع ايام علي اخر الدفع حاولت معاها بكل الطرق لدرجه اني قعدت يوم ماكلش عملت اضراب بس ولا فرق معاها فا خلاص هي رافضه استسلمت بقي كملت بضحك لحد ما كنت بقلب في التلفزيون لاقيت مسرحيه عشان خاطر عيونك
فضلت تضحك و هما يضحكوا علي ضحكها.
امنيه…..فا شوفت شريهان في اول المسرحيه و هي بتحط الحجاب اللي فيه العمل لفؤاد المهندس عشان يوافق يشغلها في الكباريه قولت بس ماما مش هينفع معاها غير العمل
امنيه بضحك كنت هبله وصدقت بقي قعدت افكر العمل ده بيتعمل فيه ايه مكنتش عارفه بس جبت ورقه و قعدت احاول اقفلها شكل الحجاب ومعرفتش احط فيه ايه قا مسكت الورقه و فضلت ادعي يارب ماما توافق
فصلت من الضحك و هما كلهم كانوا عمالين يضحكوا
ايمي…..بضحك انا بقي سمعتها وهي عماله تدعي قولت البت حرام هتموت و تروح الرحله عماله تدعي مع نفسها المهم بصيت عليها لقيتها ماسكه ورقه فا مترجمتش في الاول لاني متوقعتش اصلا تفكر بالطريقه دي فضلت مرقباها من بعيد كانت عامله زي اللي عامله عامله عماله تروح و تيجي و تبص لحد ما لقيتها بتحط الورقه تحت السجاده و مش تستر علي نفسها بقي لا دي من عبطها عماله تقول لماما امشي من هنا لا لفي كده هو انتي مش بتروحي من الناحيه دي ليه.
ماما عدت مرتين و دي عماله تعد واحد اتنين بدأ بقي اترجم الموقف و افتكرت المسرحيه قولت بس انا هشتغلها روحت وجيت علي الورقه سبع مرات و هي عماله تقولي لا متجيش من هنا لا خلي ماما اللي تمشي.
فا عديت و بعدين روحت قولتلها
سكتت وفضلت تضحك
امنيه…..بضحك اشتغلتني بقي و حسستني ان العمل اشتغل معاها
ايمي……قولتلها امنيه انتي عايزه تروحي الرحله قالتلي اه قولتلها انا هوديكي عشان انتي لازم تروحي قالتلي بس ماما مش موافقه قولتلها مش مهم هوديكي انا غصب عن اي حد و شربت التمثليه
مصطفي…..و راحت
ايمي….بضحك ودتها اقنعت ماما و قولتلها هروح معاها و هوصلها و هفضل قريبه منها لحد ما تخلص براحتها خدتها و ودتها انا مراحتش تبت المدرسه بس كانت مع صحابها
بس قولت لامنيه و احنا في الطريق اني شوفتها و عرفت اللي عملتوا و ان كل ده هبل و مفيش الكلام ده و قولتلها مش هقول لماما تحسن تزعل منك و تعاقبك
امنيه…..بس فضلت تذل فيا بقي فتره و كل ما اعمل حاجه تقولي اقووول لحد ما في مره من وقت مش كبير يعني عدي كام سنه و ماما عرفت و ضحكوا عليا بس
ليله……انا قولتوالبت دي صفرا بتعملي عمل لزوزو
امنيه….بضحك مكانتش راضيه توديني يا ليله..
مصطفي….ونفهم من كده ايه ان انكم مخكم لاسع
ليله…..اتلم يا مصطفي
مصطفي….بضحك يا ستي بقي بتعمل عمل لامها يرضيكي يعني
ليله….بضحك دي متخلفه عقلياً اصلاً
عمرو……بضحك عمل لزوزو القمر
امنيه…..ما هو مطلعش عمل بقي
مصطفي…..طب عمرو عمرك مديت ايدك علي بنت
عمرو…..مستحيل
مصطفي….طيب لو حصل اي موقف بينك و بين بنت في الشارع و قلت ادبها رد فعلك هيكون ايه؟
عمرو….ولا حاجه هسيبها طبعاً لا هرد ولا همد ايدي لاني اولاً هقلل من نفسي ثانياً حتي لو الحق معايا هطلع غلطان لان مفيش راجل يرد علي ست
مصطفي…..لا عاش طيب خلينا نسأل نفس السؤال ده للشباب بسرعه لاني اتحطيت في الموقف ده بجد و حابب اشوف رأيكم قول يا فضل
فضل…..مستحيل طبعاً
مصطفي…..رشيد
رشيد…..عمري ما عملتها و عمري ما هعملها
مصطفي……عشري
عشري…..ابتسم و بعدين الشباب و البنات ابتسموا فا ضحك هو قا لما ضحك افتكر مصطفي المشكله
مصطفي….نهااااار اسود حقك عليا يا باشا عدي السؤال حد تاني يرد بسرعه
عشري…..بضحك استني بس بص انا عملتها بس في حياتي عمري ما عملتها و لا عمري هكررها تاني بس انا مش ندمان اني عملت كده و لو رجع بيا الزمن هعملها تاني لان وقتها اتحطيت في موقف خلي عقلي يغيب و مكنتش اصلا ناوي اعمل حاجه زي دي بس اتصدمت و لما أتصدمت انا حقيقي مكنتش في وعيي
حسان….بص يا مصطفي انا في العموم ضد ان الراجل يمد ايده علي ست و في مثل كده بيقولك عايز يتهزق راجل هاتلوا ست و انا بشوف ان مهما كانت الست غلطانه قليله الادب لسانها طويل مستفزه مينفعش ابداً ان الراجل يرد عليها او يمد ايده لان حتي لو الكل شاهد انها تستاهل بردوا هيغلطوا الراجل و احنا اتربينا اصلاً علي ان الراجل قوته مش في عضلاته و لا ينفع يقف بالبلدي كده يردح للست بس عشان اكون حقاني موقف عشري ميتحسدش عليه يمكن انا لو كنت في مكانه معرفش بصراحه كنت هتصرف ازاي بس كمان انا واثق ان عشري فعلاً مكانش في وعيه
فضل….انا كنت معاه وقتها و كنت بحاول علي قد ما اقدر ابعده و امنع مصيبه تحصل بس حقيقي انا لو مكانه كنت هعمل زيه
مصطفي…..امممم طيب سلامه
سلامه…..لو في العموم مستحيل لو موقف عشري مش عارف بصراحه
بص مصطفي لمحمود
محمود….لا مستحيل محصلتش و لا هتحصل
نادر….ولا انا متحطتش في موقف اصلا شره كده بس لو اتحطيت لا همشي و هسيبها تقل ادبها براحتها
تامر….بردوا محصلش و لو حصل عمري ما همد ايدي او حتي اشتم
مصطفي….عسال
عسال….مستحيل
فضل…..بضحك نصير المرأه ده
عسال….بابتسامه لا مستحيل
مصطفي…..طب لو موقف عشري يا ميدو
عسال…..انا متحطتش في الموقف عشان احكم عليه بس لو عايز رد يعني في العموم بردوا لا و ده مش عشان عشري همجي او الموضوع بالنسبه ليه عادي لا خالص عشري اصلا مش ده اسلوبه و انا واثق انه اتضغط جامد بس عشان كل واحد فينا عنده رد فعل مختلف.
مصطفي….طيب مين تاني سليم
سليم…..لا محصلتش و لا هتحصل مرتبيناش علي كده اصلا بس اخويا كان معاه حق
ابتسم عشري بهدوء لسليم
مصطفي…عدي
عدي….لا بردوا عمري انا مره واحده زنقت عليا بالعربيه و هي اللي شتمت اصلا و وقفت تقل ادبها الناس غلطوها و انا مردتش عليها مستحيل اصلاً بس لو موقف عشري هعمل زيه بالظبط
مصطفي….بضحك طيب انا يا جدعان اتهزقت من واحده بردوا كانت سايقه و ربنا ما جيت جنبها و شتمتني شتايم و صلت لاجدادي الفراعنه و بصراحه كنت هموت وانزل اقتلها بس قولت لا خليني محترم و انا عايز حقي
ضحكوا كلهم و ماتوا من الضحك علي كلامه.
رشيد….طب هترد عليها هتقولها ايه هتهزق نفسك والله اللي زي دول تحترم نفسك و تمشي احسن
مصطفي….ماانا مشيت يا عم رشيد بس كان دمي محروق والله فا قولت اشوف رايكم
رشيد….بصحك لا انت صح يا مصيبه
مصطفي…..طيب نادر
نادر…..قول
مصطفي….لو واحد صاحبك اوي بتحبه و بتثق فيه ثقه ملهاش حدود و اكتشفت او اتقالك من حد تاني انه خان ثقتك دي هتروح تواجهه ولا هتصدق و تاخد موقف ولا مش هتصدق اصلا و مش هتروح تقولوا
نادر….بابتسامه لا هي حصلت اصلاً ويمكن الكلام ده اول مره في حياتي هقول ا الوقت حتي نعيمه و نسمه ميعرفوش عنه حاجه
مصطفي…..حصل ايه؟
نادر….مفيش ده كان صاحب عمري زي ما بيقولوا كده معايا من ابتدائي واكلين شاربين نايمين خارجين عارفين كل حاجه عن حياه بعض
من صغرنا كنا خطوه بخطوه مع بعض لدرجه اننا فكرنا نسافر و نشتغل و نبدأها من الصفر و خدنا عهد علي بعض ان اللي يوصل يشد التاني
ايمي….خدت سمير سمكره هااا
