لقاء كـ،ـ،ـارثي
نادر…..بابتسامه و مش اي سمير سمكره يا ايمي بعد ما خلصنا الجامعه خدنا القرار اننا نسافر وقتها ابويا كان قرر يقسم فلوسه علينا و هو عايش و يشوف كل واحد فينا هيعمل ايه وفي دماغه ايه طبعاً هو كان علي الابيض خالص مكانش معاه اي حاجه و كان في مصاريف سفر و كنا حابين نجيب بيت هناك عشان نروح علي مكان و منتبهدلش فا اديته 200 الف و قالي هسافر قبلك و نظبط الدنيا كده و بعدين انت تيجي
قولتلوا اشطا و بصراحه انا واثق فيه طبعاً و قولت كده احسن عشان لما اروح تبقي الدنيا تمام سافر هو و فضلنا علي اتصال ثلاث شهور كل مكالماته ليا انه متبهدل متدمر الدنيا مش احسن حاجه خليك يا صاحي انت مش وش بهدله استني شويه
لحد ما فات حوالي سبع شهور فا قولت لا مش هسيبوا لوحدوا كده و سافرت من غير ما هو يعرف قولت اعملهالوا مفجأه طبعاً روحت لا لقيته و لا لقيت العنوان و لا هو كان موجود اصلاً في البلد طلع في بلد تانيه و سافر تبع حد من قرايبه بيشتغل هناك اصلاً ولما اتكلمت معاه بقي يكدبني و عمل زعلان و جاب الحق عليا و عملي بلوك مكنتش مصدق اصلاً اللي بيحصل في الاول و قولت انا ظلمتوا و استعجلت بس عرفت بطريقتي انه خان ثقتي فيه و انه وصل بس مشدنيش و خان العهد طبعاً انا اتملمت مع اخوه الكبير هو محترم جداً و حقاني و عرف ان كلامي كله صح و سد الفلوس عن اخوه معرفش جابهم منه ولا هو اللي اداني حقي بس طلب مني ان اهلوا ميعرفوش و لا اتكلم في الموضوع و انا سكت عشان عشرتي معاه بعدها بفتره فك البلوك و حاول يعتذر و قالي انه مكانش قاصد ولا في نيته يعمل كده خالص بس طبعاً كانت خلصت خلاص وبس بعدت عنه
نعيمه….يعني هو مش مسافر زي ما قولت و ان السفر بعدكم شويه و كل واحد بقي ليه حياته
نادر…..مسافر اه بس قولت كده لاني مكنتش حابب اتكلم في الموضوع و قفلت عليه خلاص و قررت اني مشاركش اي حد
عشري….مش عارف اقولك لازم تكون واثق لان انت بتقول صاحبك من صغركم بس كمان في ناس كويسه كنير و نضيفه و مش بتخون الثقه
نادر….اكيد بس انا اتقفلت جداً لان والله نيتي كانت خير
رشيد….حقك بس انت لسه صغير وهو كمان صغير الحياه هتعلمكم كتير و قدام شويه هتقدر تميز الصاحب الجدع من اللي مش جدع
مصطفي…..فلوسك رجعتلك المهم
نادر….بصحك اه رجعت
مصطفي….خلاص يروح واحد يجي عشره المهم انك بخير عم ميدو
عسال…..خير
مصطفي…..اعترف الوقت بحاجه غلط عملتها و محدش يعرف عنها حاجه
عسال…..مفيش
مصطفي …لا فكر انت مش ملتك ياعم ميدو
عسال….والله مفيش اكيد مش ملاك يا واطي بس بيتهيالي اكبر غلط عملتوا ولسه بعملوا اني بشرب سجاير يعني جايز ليا غلطات بس عاديه مش سر يعني
مصطفي…..بضحك ريهام اعترفي علي غلط ميدو عملوا
ريهام….بضحك يعني هو لو عملوا في السر يااذكي اخواتك هعرفوا ازاي بس في العموم يعني انا اخويا ملاك يا حبيبي مش بيغلط
ايمي….بضحك بصي بصتلوا ازاي
نعيمه….اسحبي سكينه و هاتي رقبته يا بت
ريهام….بضحك لا والله بس ميدو من الناس اللي بشوفهم واضحين اوي و مش بيخبي و بيبان عليه اصلا و بعدين هو مسالم جداً مستحيل يكون عنده غلطات واسرار و الجو ده
نعيمه….طيب ينفع نسأل ريهام صح
مصطفي…..اه دورها اسالي
نعيمه…..مين اقرب حد ليكي في الثلاثه
سلامه….بهمس مسموع كنتي عايزه تعملي شوبينج صح انا فتكر مش ناسي
ليله….بضحك بترشيها
سلامه….يعني كلمه حلوه في حقي وليها مقابل حرام يعني
ريهام….بصي التلاته قريبين مني اوي و بحبهم جداً
نعيمه….طيب رتبيهم
ريهام…..بحبهم قد بعض و متخيلش حياتي من غيرهم بيضحكوني جداً الثلاثه دول مصايب بجد دمهم اخف من بعض حنينين جداً طيبين اوي بس لو هنقول كل واحد اقرب من ناحيه ايه فا هقولك مصطفي انا وهو صحاب اوي مصطفي غلبان فوق ما اي حد يتصور و مش عشان اخويا والله العظيم بس هو مش خبيث مش سوسه حد نضيف و فاضي من جوه ديماً شابف الحياه وردي حتي لو مخنوق و مضايق بيتنمر علي احزانه ااا سلامه فيه صفات كتير تجنن بس هو بالنسبه ليا الامان يعني بحس انه ابويا
ابتسم سلامه بحب
ريهام….ااا ميدو بقي الركن الهادي بتاعي زي ما مصطفي قال كده لما بعمل اي مصيبه اجري علي ميدو حتي لو كانت مصيبه في البيت مثلا بوظت هدوم لسلامه ضيعت حاجه مهمه يعني حجات زي كده اجري اقولوا وهو يتصرف بهدوء كمان بحب اتكلم معاه جداً عنده طولة بال رهيبه مستعد يقعد يسمعك من غير ما يزهق سلتمه ممكن يتعصب و يزعق لو عملت اي حاجه معجبتهوش ميدو بقي الدرع الحامي بتاعي ممكن يقف في وش سلامه و الخناقه تبقي بينهم بس سلامه ميزعقش ليا و لا يزعلني ممنوع اصلاً المبدأ ده عنده لا مصطفي و لا سلامه حد فيهم يزعلني مع انهم نادراً يعني لو زعلوني بجد بس ميدو مش بيسكت بس
ايمي…ربنا يخليكم لبعض و تفضلوا ديماً ايد واحده كده اخواتك بجد يجننوا و انتي كنان تجنني بس قوليلي بقي اخبار المشاعر ايه
ضحكت ريهام و حطت ايدها علي وشها
ايمي….ايه مكسوفه عشان اخواتك ما مسيرك هتتجوزي اكيد مش قعدالهم يعني
ريهام……لا بلح مفيش الكلام ده
ايمي…..مفيش حب
ريهام….مفيش
ايمي…..طيب مكانش فيه قبل كده
ريهام…..بضحك و الله شكلها ولا هيبقي فيه طول ما الجوز دول بالذات لسه متجوزوش وقاعدين معايا
سلامه….بضحك خير هتبوظي يعني بعد ما نتجوز.
ليله….لريهام لا ارجعيلي انتي كده شويه خيررررر هو حضراتكم مانعين الموضوع ده اصلاً
ريهام…..بضحك اه والله يا ليله بخاف منهم اصلاً خلصت الجامعه و مش بشتغل و محدش بيشوفني اصلاً
ليله….يعني انت وهو يا حلو منك ليه تحبوا و تصيعوا و ترتبطوا وعايزين البت تقعد كده
سلامه….بضحك مين قال كده اكيد هتتجوز
ليله….لا معلش اركن الجواز علي جنب الوقت هتتجوز ازاي من غير ما تحب و انت يا عم ميدو يا نصير المرأه موافق علي الكلام ده
عسال…بضحك انتي عايزه ايه؟
ليله….بابتسامه صدمه انتوا بتتكلموا جد
عسال…..طب بصي انا عن نفسي في الموضوع ده اكيد معنديش مانع انها تحب و ترتبط و تتجوز و تعيش حياتها بس تقدري تضمني الشخص اللي ممكن يرتبط بيها
ليله…..ايه الضمان اللي تقصده معلش؟
عشري….بضحك يومكم اسود مع ليله ارجعي يا قلبي بس هتقعي
ليله….بعصبيه مضحكه لا وسعلي كده انت الوقت مش وقتك خالص
نعيمه…..بضحك استني يا امااااا
ايه……اسكتيييي انتي يعني اسكتي انتي
ضحكوا كلهم علي الافيه بتاع نعيمه و أيه
ليله….بضحك استني انتي وهي كمان قعدت ليله علي حرف الجالسه اللي قاعدين عليها استنوا بجد كده عشان افهم
ريهام….بضحك و سعاده اخيراً حد هياخدلي حقي بس ارجعي احسن النار تحرقك
ليله….اصبري يا بت دول يومهم مهبب معايا ايه الضمان اللي حضرتك تقصده يا استاذ ميدو
عسال….يعني تقدري تضمنيلي الراجل اللي هي هترتبط بيه انه محترم كويس هيصونها مش هيتخطي حدوده
ليله…..معلش يا ميدو هو ايه في الدنيا دي مضمون اصلاً
عسال…..بالظبط اديكي قولتي
ليله…..بس اللي حضرتك مش واخد بالك منه ان الحياه تجارب و هي لازم نجرب بنفسها عشان تتعلم
سلامه…..ماهي هتتعلم لاننا طول الوقت بنتكلم معاها و بننقلها تجارب كتير حصلت مع اشخاص كتير
ليله….يا سلاااااام هو انت متخيل ان حد فينا ممكن ينجح في حياته لما يبنيها علي اخطاء غيره غلطان يا سلامه طبعاً لو بجد بتفكر بالطريقه دي البني ادم عمره ما بيتعلم الصح من الغلط غير لما بيجرب بنفسه تجربه اي شخص حضرتك بيكون ليها ابعاد مختلفه و خبايا محدش يعرفها يعني انا مثلا اتجوزت وخلفت و مع الوقت بقي في مشاكل كتير وصلتني للانفصال و خرجت من التجربه معقده اجي اقعد مع البنات و احكيلهم عن تجربتي المفروض بقي ابقي قدوه صح و المفروض ان البنات تسمعلي و تقول ان ليله قالت ان الجواز وحش و بناءً علي تجربه ليله احنا هنمتنع عن الجواز طب ما يمكن انا تجربتي كانت فاشله ازاي بجد عايزينها تتعلم من ايجابيات و سلبيات غيرها يا شيخ دول بيقولوا التجربه خير دليل
سلامه….بضحك حاسس اني هتضرب
ليله…..انتوا حرقتوا دمي بجد
عسال…بضحك انا معاكي في اللي بتقوليه سيبك من وجهه نظر سلامه انا وجهة نظري ان ريهام شخص طيب و علي سجيته جداً و ممكن يتضحك عليها بكلمتين و ممكن اي حد يستغل طيبتها دي
ليله…..مفيش اهبل من اللي جنبك دي يا ميدو و انت كمان يا سلامه انت خاطب واحده عالابيض و مع ذلك الاتنين كان ليهم تجارب فاشله لا اتعقدوا و لا اتضحك عليهم
عسال….ماشي خليني امشي معاكي بس في تجربه مع نادين كانت ممكن تأذيها و ده عشان طيبتها دي
ليله…..وايه المشكله انها تتأذي و تتعلم هو انت فاكر ان نادين متعلمتش حتي من قبل ما تتعرض للموقف ده نادين من قبلك اصلا يا ميدو كانت واخده قرار كلنا كنا بنقاوح فيها بس هي كانت حابه تدي الفرصه للاخر و لنا شافت و اقتنعت و جربت بنفسها بعدت
عسال….تمام و انا قولتلك معنديش مشكله خالص انها ترتبط لانها مسيرها هترتبط
ليله…امتييييي البت بتقولك من وقت ما خلصت دراستها وهي قاعده في البيت لا شغله ولا مشغله هتشوف حد امته الناس هتشوفها امته هتحتك ازاي وتختلط بالمجتمع علي فكره انتوا كده غلط لا الشده اوي صح و لا انك تسيب الدنيا خالص صح
سلامه….فين الشده بس هي بتخرج و بتروح و بتيجي
ريهام….معاكم او مع ماما بس حتي مليش صحاب
سلامه….بضحك ده انا هعلقك استني عليا.
ليله….علي فكره هي كبيره مش صغيره يعني اكيد تقدر تميز مين كويس و مين وحش بس صدقني القفله زياده عن اللزوم تخليها تسلم قلبها بمجرد ما تسمع كلمتين حلوين
ايمي….علي فكره ليله بتتكلم صح الخنقه وحشه.
سلامه….محدش فينا خانقها والله انتوا فاهمين الموضوع غلط كل الحكايه ان ريهام ملهاش تجارب و ميغركيش هزارها و ضحكها بس هي حقيقي هبله و طيبه جداً و محدش مضمون من الشباب.
ليله……ماهي معندهاش تجارب بسببكم و اه مفيش حد مضمون بس كمان هي لازم تحتك و بعدين معلش بقي انا واحده صريحه و انتوا حرقتوا دمي ما انتوا ارتبطوا و اتعرفتوا علينا و انتوا الاتنين بالذات اتعرفتوا علي ايه و نادين ولا هو عادي علي بنات تانيه و اختكم لا
حسان….بضحك البسوا بقي
نادين….اه صح ما انتوا اتعرفتوا علينا عادي ترضوها علي اي بنت و اختكم لا
عسال…..بضحك الله يسامحك يا ليله
ايه…..ايوه يعني مش فاهمه قصدك انت كمان هو اللي ليها تجارب مثلاً وحشه مش مؤدبه
سلامه….يا ختااااااي منك لله يا بلطجيه يا قلبي مقولتش كده انا اقصد ان ريهام خيبه جداً دماغها صغيره بتصدق و بتثق و طيبه و بنخاف عليها
ايه….وايه المشكله ما انا بصدق و بثق واوقات ببقي هبله و عادي اتعرفت عليك
عسال…..حبيبي انا لما عرفتك من اول لحظه شوفتك فيها خلاص اختارتك والكل شاهد عليا انا مكنتش اعرف يا نادين لا انا ولا اي واحد فينا اننا هنتعرف عليكم يعني مقابلتنا لبعض كانت صدفه مش اكتر يعني مش محسوبه و مع ذلك انا واحد منهم شوفتك قولت خلاص هي دي و كنت جاد معاكي جداً و احنا الوقت متجوزين يعني ده خير دليل اني كنت صادق
نادين….ايوه بس كان ممكن التعارف بينا ميكملش وقتها انت كنت هتبقي شخص وحش و لا انا كنت هبقي بنت بتتعرف علي شباب و خلاص
سليم…..مسكوا في بعض
عدي….بضحك استهدوا بالله كل اتنين ماسكين في بعض
فضل…..بضحد الوقت نلاقيهم قافشين في بعض اتقل
امنيه…..ليله ولعت الدنيا
ليله….مش ولعتها بس انا مبحبش الدماغ دي يا جدعان لازم يكون في جزء من الحريه ووفي ثقه انا بعيد خالص عن العلاقات عشت سنين في ضغط من امي كل حاجه مرفوضه و كل حاجه لا عشان بس خايفه عليا اخواتي اتجوزوا و طبعاً ابويا مش موجود و هي فاكره ان دي التربيه صح و بعدين ما هي ماتت و انا فضلت محافظه علي نفسي و بطولي لا اب و لا ام ولا اهل واخواتي كل واحد في حياته
عسال……بس احنا واثقين في نفسنا يا ليله و اثقين في حبنا ليكم و اننا كنا معاكم قد الثقه اللي حطتوها فينا بس مش كل الشباب زينا
ليله….لا معلش بقي يا ميدو احنا لما اتعرفنا عليكم مكانش في ضمان واديك بتقول لما اتعرفنا يعني كان مجرد تعارف انتهي بايه ده اللي بتكلم فيه بس كان وارد اوي ان التعارف ده ينتهي من غير ارتباط كان وارد حد فينا تجربته معاكم تظبط وحد لا بس جربنا و قدرنا و بقينا مع بعض الثقه اللي بتتكلم فيها دي قدام شويه لما علاقتنا اتطورت اتحطت فيكم لكن قبل كده لأ مكانش في ثقه و لا كان في ضمان
الاتنين دول حصلوا لما اتعرفنا علي بعض اكتر .
وخليني بقي ارجع لمشكلتي مع عشري هو يوم مش باين ليه ملامح من الاول قولت ميت مره مش هفتحه بس هي بتلف و بتدور و بترجعلنا تاني خد بالك
عشري….بضحك انا مالي طيب
حسان…..بضحك انا حاسس ان ليله هتحدف النار في وشنا
ليله…بابتسامه لا متخافش بص يا عسال انا اكتر حد في البنات بعد مشكلتي مع عشري كان ممكن اقول ان تجربتي فشلت و ان ثقتي في عشري مكانتش في محلها و اني اتخدعت بس انا لو مش شايفه في البني ادم ده حاجه كويسه مكنتش رجعت في جمله كده بتتقال البني ادم شواف و مهما كانت البنت معندهاش خبره و هبله زي ما بتقول بس سبحان الله ربنا خالقنا كده بحساس يخلينا نعرف اللي قدامنا ده لعبي مش سالك مش مظبوط معاك ان في بنات بتسلم حتي وهي من جواها مش حاسه براحه بس المفروض انتوا واثقين في ريهام و عقليتها
سلامه….لا الموضوع مش ثقه خالص طبعاً واثقين فيها وفتربيتها و عارفين انها مش هبله للدرجه اللي بتقولي عليها
ليله…..وقفت بعصبيه يبقي مقفلين علي البت ليه ياللي ربنا ينتقم منكم
سلامه…..اجري يا عسال هتضرب
كلهم كانوا فطسانين من الضحك وهي بجد متعصبه منهم
عشري…..بضحك ليله استهدي بالله
ليله….بضحك عصبوني بجد لما انت يا حبيبي منك ليه قافلين اوي علي البت كده رضيتوا ليه علي ايه و نادين اللي مرضتهوش علي اختكم
عسال….طب اسمعي بس انا عن نفسي بمجرد ما شوفت نادين قولتها للشباب و قولتهالكم اني خلاص هي دي فا كنت جد معاها و كنت قد كلمتي و كلكم شاهدين
ليله…..انا اول واحده شاهده يا سيدي و بشهد ديماً بعلاقتك بنادين و معاملتك معاها بس خلينا نقول ان محصلش بينكم نصيب بعد التعارف و قتها انت يا عسال كنت هتبقي زي الشباب اللي بتتكلم عنهم و مش مضمون و بعدين انت قولت كان ليك علاقات قبل نادين و مكملتش حق بقي البنات اللي كانت علي علاقه بيك الوقت تقول انك مكنتش مضمون ولا انا غلطانه
نعيمه…..بضحك علي حق يابا
فضل….بضحك اسكتي انتي هتتحرقي تاني
عسال…..بضحك انتي عايزه ايه يرضيكي الوقت وانا هعملوا؟
بصتلهم ليله كانوا فطسانين كلهم من الضحك ضحكت هي كمان و قعدت بغيظ و ولعت سيجاره
سلامه…..بضحك ليله عندك عريس لريهام .
ريهام…..بضحك ااااه مش قادره والله الاتنين قاموا و بعدوا عنها
عشري….بضحك لريعام ماهي متشرده هما عارفين
ليله….بضحك اسكت انت خالص عشان معصبني بجد انت وهو يا جدعان بجد حرام عليكم هي لازم تجرب لازم تعيش حياتها لازم تحس انكم محترمين مساحتها الخاصه لازم يكون في ثقه و صراحه انتوا اصلا علاقتكم مع بعض تجنن يعني انا واثقه ان ريهام يوم ما تحب او تعجب بشخص هتبقوا عارفين عنها كل حاجه هتحكي لمامتها
سلامه….طب انتي عارفه انا ديماً مشكلتي في ايه ان ريهام ممكن تتحرج في النقطه دي بالذات انها تقولنا لان في النهايه احنا شباب و في نفس الوقت امي اطيب منها بمراحل و بتثق في كل الناس و كل الناس عندها طيبين لحد ما تكتشف نواياهم يعني مش هتفيدها
ليله…..واحنا يا حبيبي بقينا موجدين يعني تقدر تعتبرنا اخوانها و تقدر تحكيلنا و اكيد هننصحها يعني لو دي حجتك يا خويا خلاص بطلت
سلامه….بضحك وانا واثق فيكم يلا روحي حبي يا ريهام
عسال…..بضحك هو ايه اللي حبي يا ريهام؟
ليله…..بضحك خد بالك هغير فكرتي عنك دماغك مش مظبوطه ؟
عسال….والله العظيم بخاف عليها يا ليله هي بنت وحيده و طيبه جداً و مش حمل انها تتجرح او تتوجع و الشباب مش مضمونين
ايمي…..كل ده حلو يا ميدو بس عايزه اقولك بطريقتكم دي هيحصل حاجه من اتنين يا هتعيش من غير جواز يا هتتجوز جواز صالونات و ده اكتر حاجه مش مضمونه
ليله….ااااا خليه يابت يجوزها جوازة صالونات و يطلع عينها و ترجعلهم متطلفه و معاها عيال
ريهام….بضحك نهار اسود مش هتحوز خلاص
ليله….ماهو لو بيتكلم عن الضمان ممكن يتقدملك شاب تشوفبه تقولي مفيش منه مال و جمال و رجوله و محترم بس تنجوزي و تتفاجئي انتي وهما بطباعه اللي زي الزفت تلاقيه راجل ميتعاشرش ليه عشان الاساتذه جوزوكي حد خبط علي الباب و خلاص لا عرفتيه و لا اكتشفتي طباعه فا هتاخدي ايه بقي غير طلاق في الاخر و عيل علي ايدك وخد بالك كتير اوي بيدخلوا البيت من بابه بس مش كلهم رجاله
رشيد…..انا مش قادر والله بطني وجعتين من الضحك
عسال….بضحك انا نفسي اعرف يا واطي انت سألت ريهام ليه السؤال ده
مصطفي…..بضحك والله ما سألت دي ايمي اللي سألت
عسال….بضحك اقول عليكي ايه فتحتيها و مش عارفين نسكتها
حسان…..بس اقولكم حاجه ليله معاها حق الحياه تجارب كلنا جربنا في اللي نجح وفي اللي فشل الفشل مش عيب بالعكس بيعلم و بيخلي البني ادم يطون واعي اكتر انضج اعقل عنده خلفيه كبيره في العلاقات عموما مش شرط علاقات الحب يعني نادر مثلا بعد سنين مع صاحبه اكتشف انه خاين مش قد الثقه منقدرش نقولوا اختيارك كان غلط لانه كبر معاه و اكيد مكانش متوقع
نادر….صح حصل
حسان…..و كمان بشوف انه غلط ان الاهل يلوموا علي البنت او حتي الشاب في اختيارهم لو طلع فاشل
عادي انها تختار و اختيارها يكون مش صح مش لازم نعلق المشنقه و نقول اختيارك و غلطتك او نلوم الشاب انت اختارت غلط و دي نتيجه اختيارك لان خلاص العلاقه فشلت بالعكس ندعهم و نقولهم عادي اللي جاي احسن و اهي تجربه و اتعلمتوا منها كلنا بنغلط و كلما قلبنا ممكن يسوحنا كلنا بنتعمي احيانا عن الحقيقه بس الاكيد اننا بنتعلم و ريهام ماشاء الله عليها متربيه و بعدين متعلمه ميتضحكش عليها في ثقه بينكم فا عادي انها تجرب و تعيش حياتها ادام بالاصول وتحت عنيكم
ليله…..الله يفتح عليك يا حسان
سلامه….بضحك اقوم اعملك ليمون
عسال…..بضحك اجيبلك قهوه
ليله…..بضحك مش عايزه منكم حاجه سبيوا البت في حالها بس و متخافوش عليها دي بميت راجل و اكيد عمرها ما هتختار غير الصح اللي يرفع راسكم بصت علي عشري بغضب
عشري….بابتسامه جميله انا مالي طيب
ابتسمت ليله و ضحكت لعشري
ليله…..عصبوني
عشري…..بضحك ولا يشغل بالك منكم لله
محمود…..بضحك كله بسببك
ريهام…..بضحك وانا مالي يا عم
عسال…..مبسوطه هاااا
ريهام….بضحك الشهاده لله فرحانه فيكم يس ميمنعش انكم حبايبي بردوا
مصطفي…..بضحك تفتكروا لو كملت هتضرب ولا عادي
ليله….بضحك علي حسب بتفكر زيهم و لا لا
مصطفي…..لا انا بس نرجع و هعرفها علي شباب
ضحكوا كلهم و مسك عسال علبه السجاير حدفوا بيها
عسال…..اظبط يا واطي هات العلبه ياض
مصطفي…..بضحك يعني لما البس النار دي في وشي هترتاح
عشري…..بضحك عاجبك كده يا بلطجيه خايفين منم
ليله….بضحك هما اللي عصبوني انا كنت ساكته
مصطفي…..طب سؤال بقي يا ليله في بدايه اللعبه ايه قالت انها كان نفسها تبقي زيك عشان انتي صريحه و كلنا شوفنا الوقت بس سؤالي بقي كمل بضحك ديماً في شعره بين الصراحه والوقاحه
ضحكوا كلهم بصوت عالي و ليله ضحكت معاهم و هي في حضن عشري
مصطفي…..سؤالي بقي هل انتي ممكن اوقات تقطعي الشعره دي و صراحتك توصل للوقاحه
ليله…..بضحك البركه في اخواتك طلعوا اوسخ ما فيا الوقت
