چاسمين

#رواية
#چاسمين
#أميره-اسامه
#صاحبة-البطل-الواحد

((فتجدهم حيارى مضطربين ليسوا على يقين من أمرهم ))

( البارت الثاني )

وقفت بيري وراء الشباك تراقب خالد و الرجاله اللي معاه والحقير  اللي واقف جنبه حمزه كانت شيفاهم بيدورا عليها في  كل مكان

وخالد و رجالته مش مهتمين باي حد من سكان المنطقه دخلوا بعربياتهم و اسلحتهم بكل بجاحه و جرأه.

كانت بتبص عليهم من وراء الشباك وهي بتترعش. من الرعب و مع كل صوت لخالد يرتجف جسمها و تجحظ عينها حاولت انها متتحركش عشان محدش يشوف خيالها من وراء الشباك

بدأ سكان المكان يشوفوا اللي بيحصل في المكان من خلال الشبابيك و خرج جزء منهم علي ابواب البيوت و انضم ليهم بعض من رجال امن المكان و حراس المنازل المجاوره.

في الوقت ده وصل فريد قدام البيت بتاعه بعد ماساب بلال وياسر

بص بطرف عينه من بعيد علي خالد ورجالته اللي واقفين غي وسط الشارع الرئيسي بكل بلطجه ولكن قرر انه ميتدخلش اتحرك كم خطوه وراح وقف قدام جار ليه كبير في السن و شابين صحاب .

فريد…مساء الخير يا استاذ عماد

عماد…اهلا يا فريد

فريد….ايه الاخبار يا شباب

نادر…بخير يا كوتش

وليد….تمام يا كوتش

فريد…و هو ينظر لخالد ورجاله هو ايه الحكايه ؟

عماد…والله يا فريد يا ابني ما انا عارف بس الجماعه دول وصولوا المكان من حوالي ربع ساعه ولا عشر دقايق وزي ما انت شايف بيدوروا علي بنت و قالبين الدنيا

فريد…يعني ايه بيدوروا علي بنت مخطوفه يعني ؟

وليد…لا شكلها كده عامله مصيبه متعرفش بقي سارقه حاجه ولا قاتله قتيل ليهم بس الراجل اللي واقف ده شكله ميبشرش بخير

فريد…ايوه بس الدخله بتاعتهم في المكان بتاعنا مش حلوه و عيب في حقنا مهما كان مينفعش يدخلوا بأسلحة و بودي جارد ايه فاكر نفسه بلطجي؟

نادر… المشكله ان حتي الامن مطلبوش البوليس دول بيدورا معاهم.

عماد…كبر دماغك يا فريد يا ابني شكل البنت عامله فيهم حاجه كبيره ملكش دعوه انت ده شكله كده واحد واصل ومش هامه اي حد.

فريد…بهدوء و ابتسامه بسيطه و ايه المشكله ترضهالي يا استاذ عماد دي حتي تبقي عيبه في حقي لو مدخلتش ده داخل المكان بتاعنا بكل بجاحه.

عماد…فريد يا ابني ابعد عن الشر وغنيله ملكش دعوه بالمشاكل الوقت يلاقوا البنت ويروحوا لحالهم.

فريد…وافرض البنت معملتش حاجه نسيبهم ياخدوها وحتي لو عملت يبلغ البوليس مش يجي يقتحم المكان وياخدها من وسطنا و احنا واقفين نتفرج

عماد…ايوه يا ابني بس ده شكله ميريحش انا خايف عليك.

فريد..انا ميتخافش عليا يا استاذ عماد و عموما انا مش هعمل حاجه انا هتكلم معاه بس

عماد…طيب استني بس انا جاي معاك.

تحرك فريد باتجاه خالد ورجاله و تبع فريد عماد و الشابين وبعض من جيرانه الرجال

فريد….بهدوء خير يا استاذ في حاجه ؟

خالد… خليك في حالك يا استاذ

فريد…نعممم قولت حاجه.

تدخل في هذا الوقت احد افراد الامن سريعاً

الامن…استاذ خالد الاستاذ فريد يعتبر المسؤول هنا عن امن المكان بيساعد الناس كلها والكل بيحبه و اكيد لو عرف ممكن يساعدك .

عماد…خير يا ابني قولنا في ايه و لو نقدر نساعدك مش هنتأخر.

نظر له فريد بترقب و هو يجز علي اسنانه

خالد….وهو ينظر لفريد ااا انا بدور علي بنت و مش هطلع من هنا غير وهي معايا

عماد….طيب قولنا عملت ايه طيب و احنا ندور معاك و فريد يبلغ كل معارفه في المنطقه و هيجيبوها

بصله خالد بتوتر و ارتباك و سكت ثواني يفكر في كذبه يقنعهم بيها.

بصله فريد في عينه مباشرة و غمض عينيه و حس بريحة  الكذب بتفوح من خالد.

خالد….ااا سرقت سرقت اختي و دخلت المكان هنا واختفت

عماد….سرقت حاجه كبيره يعني.

خالد….اه سرقت علبه فيها دهب و الماظ يعني علبه تساوي ملايين.

عماد…لا حول ولا قوة الا بالله

فريد….و هو ينظر علي جبهته وجبهته حمزه اممم قولتلي بقي انها سرقت ؟

حمزه…ايوه يا استاذ سرقت

فريد…وهي بردوا اللي عملت كده فيكم؟

حط كلاً من خالد وحمزه كفهم علي جبهتهم بتلقائيه وبصله  خالد بغضب.

خالد….تقصد ايه ؟ اتكلم عدل بقي بنت زي دي اللي هتعمل فينا كده.

فريد….والله انا بسأل و بعدين لو هي سرقت انتوا مستنين ايه ليه مبلغتوش الشرطه و هي هتجيبها  بسرعه.

خالد….و الله لما سرقت الشرطه مكانتش موجوده و انا مش مستني الشرطه تجيبلي حقي عشان انا اعرف اجيبه بنفسي  حابب تساعد اتفضل مش حابب سيبنا نشوف شغلنا

عماد….يا ابني استاذ فريد ميقصدش هو يقصد بس ان الشرطه هتكون اسرع بدل ما البنت تعرب منكم بالدهب ومتعرفوش تمسكوها

خالد.. والله لو مستخبيه في بطن الارض هجيبها

فريد…اممم طيب بالتوفيق تقدر تدور بقي من هنا للصبح بس من فضلك بلاش صوت عالي المكان هنا كله ناس ساكنه زي ما انت شايف يعني ممنوع الازعاج

خالد….انت بتقول ايه ؟

فريد.. بنبره حاده نسبياً انت سمعت اللي قولته كويس و انا مش بكرر كلامي كتير.

ادار فريد ظهره لخالد و مشي باتجاه البيت بتاعه وساب خالد هيموت من الغضب

خالد…و لو كررت كلامك يعني هيحصل ايه ؟

مردش فريد عليه ولا اداله اي اهتمام و دخل حديقه منزله و قفا الباب وراه.

عماد…اهدأ يا ابني استاذ فريد ميقصدش بس زي ما انت شاي المكان كله ساكن في ناس كبيره في السن وفي ستات واطفال و الطريقه يعني. اللي انت داخل بيها ممكن تخوفهم هو عايز يساعدك بس انت رافض.

خالد….حمززززه لو مظهرتش خلال 5 دقايق مش عايزك تسيب  بيت غير لما تفتشه انت والرجاله مفهووووم.

عماد ..لا حول ولا قوة الا بالله تعالي يا نادر يا ابني انت و وليد

بعد عماد والشباب و راحوا قدام  منازلهم يشوفوا ايه اللي هيحصل .

في نفس الوقت كانت بيري واقفه وراء الشباك شيفاهم من بعيد تركيزها بالكامل كان مع خالد ورجالته و  ملاحظتش دخول فريد من باب الحديقه لانها كانت واقفه بالجنب تبص من الشباك و الستارة حاجبه الرؤيه شويه

وفجأه اتنفض جسمها لما سمعت صوت ارتطام باب الشقه

جحظت عينها بخوف و بسرعه اتحركت من قدام الشباك عشان تستخبي قبل ما يمسكوها  اصحاب البيت.

بمجرد ما فتح فريد الباب و قفله وراه وقف قدامه ثواني و هو بيبص بجانب عينيه بترقب قفل نص عينيه ورفع راسه وهو بيميل للجنب بتركيز شديد و بدأ يحرك انفه و هو بيبص في كل الاتجاهات وسرح ثواني.

فلاش باك.

خيري….عفارم عليك يا فريد حلال عليك الترقيه.

فريد…كله بفضل توجيهاتك يا سيادة اللواء.

خيري…. بس خليني اعترف يا فريد ان اللي نجح العمليه المرادي مش توجهياتي اللي نجح العمليه هي قدراتك

فريد…بابتسامه قدراتي انا ؟

خيري….طبعاً و من انهارده تنسي اسم فريد ده خالص انت بقيت معروف في الجهاز و الوحدات كلها( بالفهد الإفريقي ) و انا اللي لقبتك باللقب ده.

فريد…بابتسامه ده شرف ليا يا سيادة اللواء  واي حاجه تيجي من حضرتك وسام علي صدري بس مين ده (الفهد الافريقي) ؟

خيري….انت يا فريد اللقب المركب ده تستحقه عن جداره الكل يشهد انك عندك سرعه رهيبه زي الفهد اما باقي اللقب ده كان اكتشافي اللي يمكن انت نفسك مكتشفتوش يا صاحب اقوي حاسة شم و بالمناسبه الافريقي ده هو الفيل الافريقي اللي عنده اقوي حاسه شم .

فريد…بابتسامه عشان كده بقيت (الفهد الافريقي ) ؟

خيري….انسي بقي فريد الفتره الجايه خالص و مبروك عليك اسمك الجديد.

بااااااااك.

رجع فريد من شروده مره تاينه وهو يهمس بصوته بعد ان استطاع ان يعرف الرائحه

فريد….بهمس چااااااسمين

حرك رأسه شمال ويمين خلي عظام رقبته تصدر صوتاً و بعدين اتحرك ببطئ شديد كالفهد الذي يتتبع فريسته لينقض عليها حط ايديه في ظهره خرج مسدس و فضل ماشي يتتبع الريحه اللي ملأت المكان .

مشي وراء كل مكان كانت فيه بيري  لحد ما خدته رجليه علي الدور الارضي اللي موجود فيه الاجهزه الرياضيه.

المكان كان ظلمه و مش موجود فيه غير اضاءات بسيطه بتخرج من اسلاك الكهرباء و نور القمر اللي واصل من الشباك.

اما عن بيري فا استخبت وراء جهاز من الاجهزه الرياضيه وهي ماسكه في ايدها جزمتها و موجهه الكعب الي الاعلي عشان اول ما يقرب تضربه لو قرب منها .

فضل فريد يتحرك بهدوء مرعب مبيطلعش اي صوت في حركته و مصوب سلاحه قدام عينه و البوصله اللي  كانت بتحدد وجهته هي الريحه اللي كانت ماليه المكان.

همس فريد مره تانيه.

فريد….چاااااسمين.

وقف قدام الجهاز اللي كانت مستخبيه وراه حرك راسه يمين  و شمال بترقب و تركيز حاسس بصوت انفاس عالي الريحه بقت اقوي واقرب غمض عينيه بتدقيق و هو بيتكلم مع نفسه داخلياً.

ايوه صوت الانفاس دي انفاس خوف ورعب.

لمح خيالها المنعكس علي الحيطه بسبب ضوء القمر وبيعكس صورة ايدها وهي مرفوعه و لمح حاجه مسكاها في ايدها

مش من الجنب المعاكس ليها وهي كانت باصه من الاتجاه التاني عليه.

وبمجرد ما حست بيري بأقترابه بصت وراها بسرعه وهي بترفع جزمتها عشان تضربه بالكعب  علي رأسه

ولكن كان فريد اسرع منها سحبها بكل قوته علي الحائط اللي قدام الجهاز فا ارتطم ظهرها بقوه صوب المسدس علي رأسها و بأيده التانيه لحقها و قبض علي ايدها اللي ماسكه بيها الجزمه.

و كان المشهد كالتالي فريد واقف قدامها بالظبط و مصوب سلاحه علي راسها بايده اليمين و بايده الشمال رافع دراعها و مثبته علي الحيطه بقوه  فا وقعت منها الجزمه من شدة الرعب و سرعة فريد.

بص في عينها بتركيز وهي كمان بصتله وفضلت تبص لعينيه برعب و الدموع ماليه عينها و ضوء القمر بيعكس نوره عليها خلاي عينها شبه القطه في الظلمه من شدة لمعانهم.

استمر هذا الوضع اكثر من دقيقه

نفسها بيعلي بشده وضربات قلبها من الخوف والتوتر قربت تشق عظام صدرها .

و بعد ان طالت حالة الصمت قرر فريد انه يتكلم خاصتاً بعد ان درس جيداً لغة الجسد الخاصه بها.

فريد….انتي مين ؟ و دخلتي هنا ازاي ؟

فضلت بيري تبص ليه مش قادره تتكلم حاسه ان في حاجه ماسكه حلقها و احبالها  الصوتيه.

فريد…انطقييييي

بيري… بصوت متقطع ااا انا اسفه مكنتش اقصد ادخل بيتك

فريد….بس جاتلك الجرأه  وعملتيها

بيري….صدقني مكنتش اقصد بس كنت بحاول اااا

فريد….بتحاولي تهربي مش كده ؟

بصتله بيري و متكلمتش

فريد…انتي اللي بيدوروا عليها بره مش كده ؟

بيري… ارجوك اوعي تعرف اي حد اني هنا وانا اوعدك بس يمشوا وانا همشي علي طول ومش هتشوف وشي تاني ابداً

فريد….بالسهوله دي عيزاني اتستر علي واحده حراميه؟

بيري…حراميه !! لا لا انت فاهم غلط انا مسرقتش حاجه و لا هربانه عشان سرقت

فريد….امال ايه ؟

بيري…. صدقني انا معملتش حاجه

فريد….الراجل اللي بره قال انك سرقتي

بيري…. كداب والله كداب انا مش حراميه وبعدين ده منظر واحده سارقه حاجه ؟

فريد…. ما يمكن انتي اللي بتكدبي الراجل اللي بره شكله صادق

بيري… كداب والله كداب وبعدين هسرق ايه انا مش معايا غير شنطتي دي شوفها لو عايز مش هتلاقي فيها حاجه غير حجات شخصيه بتاعتي و انا لو هسرق منه حاجه الشنطه دي هتشيل اللي سرقته.

فريد….ما يمكن اللي سرقتيه خبتيه في اي مكان و بعدين هربتي.

بيري… محصلش هما كانوا ورايا من بدري بالعربيات بتاعتهم و موقفتش لحظه هخبيها فين

فريد.. افتحي شنطتك

حركت بيري راسها بطاعه و سحبت ذراعها من قبضته و فتحت شنطتها قدامه .

بيري… اهي شوف بنفسك مفيهاش اي حاجه انا حتي موبايلي وقع وانا بجري منهم

لفت نظر فريد علبه صغيره

فريد…. و لما انتي مش حراميه ايه العلبه دي ؟

بيري… بلهفه وهي ترتجف لا لا ده خاتم

فتحت بيري العلبه و ظهر الخاتم ببريقه اللامع

فريد….بابتسامه سخريه قولتيلي بقي ان ده خاتم مكنتش واخد بالي بصراحه طب قوليلي ده من ضمن المسروقات ؟ خبيتي الباقي و نسيتي العلبه دي ؟

بيري…. ااانت بتقول ايه لا لا انت فاهم غلط والله انا مسرقتش اي حاجه انا هقولك كل حاجه

فريد….امشي قدامي

بيري….استني ارجوك ابوس ايدك متعملش فيا كده لو سلمتني ايه انا نفسي معرفش ممكن يحصل فيا ايه صدقني ده كداب ومريض صمتت ثواني وهي تبكي بشده و تحاول السيطره علي نفسها.

الخاتم ده هدية خالد ليا عشان انهارده كان عيد ميلادي.

فريد…خالد مين ؟

بيري….اللي واقف بره ده و بيدور عليا

فريد….يعني انتي تعرفيه؟

بيري…ايوه اعرفه انهارده كان عيد ميلادي وهو اداني الخاتم ده هديه صدقني انا مش بكدب عليك

فريد….وليه بيقول انك سرقتيه؟

بيري…عشان كداب والله هو عايز يلاقيني بأي طريقه فا اكيد قال كده عشان الناس تتعاطف معاه

فريد….ولما انتي تعرفيه و جابلك هديه في عيد ميلادك ايه اللي يخليه يعمل كده هو قال انك سرقتي اخته و خدتي منها علبة فيها دهب و الماظات

بيري….ببكاء وده اكتر حاجه تثبت انه كداب خالد وحيد ملهوش اي اخوات كل الحكايه انه بنس ادم مريض بيحبني و عايز يتجوزني حتي لو بالعافيه انا مش بحبه و مستحيل اتجوزه

حاولت افهمه اكتر من مره بس هو مش بيسمع وفاكر ان كل حاجه يقدر يشتريها بالفلوس اللي واقف معاه بره ده كنت بحبه وكان في مشروع خطوبه بيني وبينه بس خالد اشتراه بفلوسه ونفوذه عرض عليه مبلغ كبير و منصب اكبر في مقابل انه يسيبني و طبعاً هو مترددش لحظه وسمع كلامه و من وقتها وهو بيحاول يقربلي بأي طريقه انهارده كان عيد ميلادي عزم صحابي و صحابه في الڤيلا عنده فاكر ان بالطريقه دي هيرضيني او يلفت انتباهي بأهتمامه الخاتم ده كان هديته ليا . انا كان معايا اختي واخويا و صحبتي واخوها بس انا فجأه لاقيت حمزه اللي كان خطيبي ده قرب مني و اتكلم معايا وحاول انه يقنعني ادي فرصه لخالد وفضل يقولي قد ايه هو بيحبني

انا كنت مصدومه من كلامه وانه بيحاول يقربني من خالد قولتله كلام كتر وانا متعصبه وسيبته ومشيت و كنت همشي خالص من الڤيلا بس لاقيت خالد قرب مني و مرضيش يخليني امشي طفينا الشمع و انا كنت مصدعه جدا فا قالي تعالي ارتاحي في المكتب ونتكلم شويه بعيد عن الدوشه انا مكنتش عايزه بس هو صمم دخلت معاه واللي كان مطمني ان اخواتي واصحابي وناس كتير موجودين بس لما دخلت تعبت اكتر وجسيت ان الدنيا بتلف بيا قالي ادخل اغسل وشي لحد ما يتصل بأخويا عشان نروح مع بعض

غمضت عينها وهي بتفتكر  وبكت بشده فتحت عينها مره تانيه وبصت لفريد.

بيري…. مكنتش اعرف ان هو وحمزه متفقين عليا والقذر اللي كنت فاكره انه بيحبني لتاني مره كان عايز يبعني بس المرادي. البيعه كانت هتساوي عمري كله

قرب خالد مني وحاول انه بتهجم عليا كنت مغمضه عيني مكنتش قادره افتح الاوضه بتاعت المكتب كانت بتتشقلب بيا بس سمعت صوته وهو بيقول كلام غريب و بيحاول يلمسني فتحت بسرعه لاقيته بيتهجم عليا وبيقولي. لو مش هتبقي ليا برضاكي هتبقي ليا غصب عنك

صرخت وعيطت واترجيته بس مسمعنيش ومحدش سمعني لكن قدرت امسك حاجه من التربيزه وضربته بيها علي راسه وقع علي الارض و كان سايح في دمه جريت بسرعه فتحت الباب لاقيت في وشي حمزه فكرته سمع صوتي وجالي عشان بنقذني منه بس طلع واقف بره عشانه عشان يراقبله الوضع بره وميخليش حد يدخل عليه مسكني من ايدي ودخلني تاني بالعافيه انا عارفه انه حقير بس مكنتش اعرف انه واصل للدرجه دي لاقيت ڤازه قريبه مني مسكتها و ضربته هو كمان علي راسه وجريت من باب المطبخ عشان رجالة خالد كانوا واقفين علي باب الڤيلا و هربت من باب خلفي و فضلت اجري حتي. اخواتي سيبتهم هناك وصحابي ومعرفش هنا عرفوا ولا لا صدقني هو ده اللي حصل انا فجأه دخلت المكان هنا ولما شوفت عربياتهم لاقيت بيتك قدامي دخلت بسرعه لما لاقيت الانوار مقفوله قولت اكيد مفيش حد هستخبي شويه وهمشي والله هو ده اللي حصل.

بصلها لها فريد بصه طويله بيحاول يكتشف مدي صدقها و وافتكر الضربه اللي كانت موجوده علي جبهة خالد وحمزه.

فريد….احممم طيب و لما انتي مش بتحبيه وافقتي ليه اصلا تروحي وتعملي عيد ميلادك عنده و فين والدك و والدتك ؟ مش شايفه انها غريبه شويه اني ابقي مش حابب حد واوافق انه يعملي عيد ميلاد واقبل منه هديه كمان.

بيري…. ببكاء لا غريبه طبعاً و غريبه جداً كمان بس احياناً اي حد فينا بيتجبر علي حجات هو اصلاً مش حاببها ولا موافق عليها صدقني دي. حكايه طويله انا بس حكيتلك الجزء اللي يخصك عشان تصدق اني مش حراميه و لا انا كنت قاصده اقتحم بيتك.

في اللحظه دي سمعوا صوت جرس الباب يدق.

التفت رؤوسهم في نفس اللحظه باتجاه الصوت ورجعت بيري تبصله بخوف ورجاء

بيري….متفتحش ارجوك متفتحش.

بصلها فريد و التفت لصوت الجرس اللي رن مره تانيه.

بيري…. ارجوووك انا مش كدابه والله قولتلك الحقيقه بلاش اي حد يعرف اني هنا وانا اوعدك بمجرد ما يمشوا انا همشي ومش هسبب ليك اي أذي.

بص فريد بهدوء علي ايديه اللي ماسك بيها المسدس و مصوبه علي راسها وشرد.

فلاش بااااك.

قبل فرح فريد باسبوع كان واقف في الشباك اللي في الاوضه بتاعته لمح ساره بتجري من الجنينه و بتدخل بسرعه علي البيت.

استغرب فريد و ضحك عليها و نول علي تحت بهدوء وهو في ايه المسدس شافها واقفه بتبص من الشباك و قاعده تروح شمال ويمين حط المسدس في راسها فا صرخت.

ساره….اخص عليك يا فريد خضتني

فريد….بضحك مالك يا عبيطه بتجري كده ليه و شكلك خايف

ساره…. في عفريت بره يا فريد

فريد…عفريت ؟! لا انتي شكلك اتجننتي علي الاخر

ساره…. صدقني انا شوفته و انا واقفه في الجنينه كان ماشي قدام الباب

فريد…اه اللي كان لابس اسود ده

ساره…اه هو انت شوفته ؟

فريد…بضحك اه يا هبله بس ده عامل النظافه

ساره….لا مش هو

فريد….والله هو انا شايفك وانتي بتبصي عليه و عمال اضحك وانتي بتجري منه

ساره….طيب وايه اللي ملبسه اسود في اسود كده ده وقف قلبي

فريد….احنا هنتدخل في لبس الراجل يعني اروح اقوله معلش متبقاش تلبس اسود تاني عشان اختي هبله وبتخاف

ساره….لا مش قصدي بس شكله مرعب وبعدين حاطت الكاب بتاع السويت شيرت علي راسه و مش باين منه اي حاجه وقف قلبي والله

فريد…لا يا حبيبتي بعد الشر عليكي وبعدين عيب في حقي لما تحري وانتي مرعوبه كده انتي ناسيه مين اخوكي يا بت

ساره…لا مش ناسيه طبعاً بس فكرتك نمت و انت عارف ان طول ما انت مش موجود او نايم انا مش ببقي حاسه بالامان

فريد…لا ياعمري ماقلقيش لا النوم ولا عدم وجودي يخلوكي تخافي او تحسي بعدم الامان انا جنبك وهفضل جنبك واحميكي لاخر يوم في عمري

ساره….ربنا ما يحرمني منك يا حبيبي اوعدني يا فريد انك تفضل جنبي ديماً

فريد…دي مش محتاجه وعد يا ساره انا عمري ما هبعد عنك

ساره…حتي لو اتجوزت انت و غرام يا فريد ؟

فريد..انتي فاكره ان جوازي ممكن يبعدني عنك ده انا لو اتجوزت وخلفت وبقيت جد وانتي بقي عندك احفاد هتفضلي اختي وبنتي وهفضل مسؤول عنك و احميكي

ساره….بس انت هتبعد عننا لما تتجوز يا فريد و هتسكن بعيد عننا

فريد…بعيد فين بس ده كلها شارعين تلاته يعني مش بعيد ولا حاجه وبعدين انتي متخيله يا ساره ان المسافات ممكن تخليني ابعد.عنك ده انا لو بيني وبينك اخر الدنيا هحميكي

ساره…عارفه بس فكرة ان يجي عليا الليل وانت مش معايا كل ما افكر فيها بترعبني ده لما بتكون مش موجود وبابا بيكون نايم واسمع صوت او اسمع صوت الباب بترعب.

فريد…محدش يقدر يأذيكي طول ما انا عايش وبعدين انا عايز تجمدي كده و تبطلي خوف ده انتي اخت فريد التهامي يا بت وبعدين انا عايز اقولك حاجه كمان غرام بتحبك انتي وبابا جدا ومكانش عندها مشكله تسكن هنا معانا بس انا اللي محبتش اعمل كده عشان انتي بس ست البيت ده و مش عايز اي حد يضايقك او يشاركك فيه.

ساره….ليه بتقول كده غرام دي جميله وطيبه وحنينه وبعتبرها اختي يعني عمري ما هضايق من وجودها.

فريد…عارف و هي كمان بتحبك اوي بس عايزك انتي وبابا تكونوا براحتكم عايز لما نجيلك زياره تبقي انتي صاحبة البيت واحنا ضيوف عندك

ساره…انتوا عمركم ما هتبقوا ضيوف يا فريد و بعدين افهم من كده لما هاجي عندك هبقي ضيفه