چاسمين

قاطعها فريد بهدوء.

فريد…قولتلك متخافيش بصي انا هكتبلك رقمي التاني لو احتاجتيني في اي وقت او لو حصل اي حاجه كلميني عليه من التليفون الارضي تمام و انا اي وقت هكون فاضي فيه هتصل عليكي

بيري…طيب ممكن متتأخرش انا بخاف اقعد لوحدي ؟

فريد…بحده انا مش رايح العب انا رايح شغلي و انتي مش صغيره اكيد يعني مش هسيب اللي ورايا وافضل قاعد جنبك

بيري….اتغيرت ملامحها حاضر

فريد….يلا قومي اغسلي وشك و انزلي الفطار جاهز هسيبلك العلاج ورقم الموبايل علي التربيزه تحت و ياريت متنسيش اللي قولتلك عليه لا صوت ولا حركه و لا خيالك يبان لو حسيتي انك زهقانه افتحي التلفزيون

بيري…حاضر

فريد…اه بالمناسبه الزباله اللي انتي هربانه منه الخاتم اللي جابهولك مكانش مجرد خاتم عادي

بيري…يعني ايه ؟

فريد…يعني كان خاتم تعقب في حاجه صغيره زي ال gbs شكله كده كان عايز يعرف مكانك و يراقب كل مكان بتروحي فيه واكيد عشان يظهر قدامك

بيري….طيب ما هو كده ممكن يقدر يوصلي بسهوله

فريده….ماقلقيش انا رميت الجهاز في الباسكت بره وعامل النظافه زمانه خدها يعني هيلف مصر كلها وراء الجهاز

بيري….بابتسامه شكراً

فريد…متشكرنيش بس اتعودي بعد كده تركزي في اي حاجه بتاخديها من اي حد خصوصا لو حد هو بالنسبالك عدوك او حد انتي مش بترتاحي ليه مش لازم تثقي في الناس بسهوله .

بيري…بس حتي لو كل ده مكانش حصل مكنتش هقدر اعرف ان الخاتم فيه حاجه زي دي.

فريد…يمكن معاكي حق بس علي الاقل بما انك متعلمه كلن لازم تعرفي ان الشوكلاته اللي بتاكليها فيها نسبة كحول مشكلتك مش في الخاتم بس واضح ان مشكلتك في العشوائيه اللي في طبعك.

بيري….بغضب بسيط عشوائيه ؟

فريد…يلا بلاش كلام كتير اغسلي وشك و انزلي افطري وخدي العلاج .

بيري….استاذ فريد

فريد…بتنهيده ايه تاني ؟

بيري…انا عارفه اني مسببالك ازعاج بس من فضلك متتأخرش

فريد….مش هتأخر محتاجه اي حاجه من بره ؟

بيري….لا شكراً

فريد…يلا سلام

بيري….سلام.

خرج فريد مع بلال من الشقه بعد ما قفلوا الستاير واكدوا علي كل الابواب وامنوا المكان ومشيوا.

نزلت بيري بعد ما غسلت وشها لمحت الفطار علي التربيزه في المطبخ و جنب الفطار العلاج و الورقه اللي فيها الرقم.

قعدت بهدوء كلت و بعدين خدت علاجها ومسكت الورقه اللي فيها الرقم ضمت عليها كفها وراحت قعدت قدام التلفزيون فضلت تحول و لمحت اعادة البرنامج بتاع سهر ابتسمت بحب و بدأت تتفرج .

وللحديث بقيه…….