لقاء كارثي

أصعب حاجة مش إنك تسمع خبر فقدان شخص غالي الأصعب إنك تكون شايل الخبر جواك وقلبك محتاج يروح لأقرب إنسان ليك تحكيلوا و تنهار قدامه وتلاقي في حضنه المساحة الوحيدة اللي ممكن تستوعب وجعك لكنك عارف إن حتى وجعك مش من حقك تحطه على قلبه.

و الأصعب إن الشخص اللي نفسك تقولوا أنا محتاجك يكون هو نفسه في حالة صحية ما تسمحلوش يستقبل خبر سيئ

فتضطر تبلع وجعك و تدفن دموعك وتتصرف كأن الدنيا لسه ماشية بشكل طبيعي وانت من جواك في جنازة كاملة بتتعمل في صمت.

في لحظات زي دي الإنسان مش بيكون بس مكسور من الفقد بيكون مكسور لأنه مش قادر يحزن بالطريقة اللي محتاجها ولا قادر يروح للشخص اللي كان دايماً ملجأه.

فتخبي الخبر مش لأنك قوي ولا لأن الوجع عدى لكن لأنك بتحب الشخص ده لدرجة إنك مستعد تشيل حزنك لوحدك بس ما تكونش أنت السبب في وجع جديد يوجعه.
وأحياناً أقسى أنواع الحب إنك تبقى محتاج حضن فتختار بدل ما تطلبه تحمي صاحبه من دموعك.

…………………..

عند ميدو ونادين رجعت نادين عالبيت كانت مفتقداه رغم انها ملحقتش لسه تتعلق بيه الا ان وجود ميدو معاها كفيل يخليها تتعلق باي حاجه هو فيها..

فضلت قاعده لوحدها كام ساعه بعد ما سلامه وصلها هي وايه استنت ميدو و علي الساعه 11 رجع ميدو فتح الباب و بص عليها و بعدين دخل علي جوه يدور عليها..

عسال…..نودي نودي خبط الباب و فتح لقاها جوه في الدريسينج
حبيبي

نادين…بايتسامه هاديه لفت ايدها علي رقبته وحشتني

عسال…..وانتي وحشتيني ايه القمر ده

نادين ابتسمت وسكتت كانت لابسه بچامه هاديه و شيك و ماسكه علي جسمها رافعه شعرها و مش حاطه ميك اب خالص

عسال….بقولك ايه ممكن تغيري و تيجي ورايا بره

نادين…..اغير ليه احنا هننزل

عسال…لا غيري البسي اي حاجه تانيه بدل البچامه دي

بصت علي نفسها وفكرته مضايق ان البچامه لونها اسود

نادين….هي مش عجباك

عسال…مش عجباني ايه ده انتي قمر طبعا تجنني بس انا معايا حد بره اكيد مش هينفع القمر بتاعي يخرج كده

نادين….مين سلامه وايه صح

عسال… بابتسامه غيري يلا بسرعه و تعالي و انتي تعرفي

نادين….طيب البس ايه قولي

عسال….اممممم البسي البنطلون ده والتيشرت ده كمان بحبه عليكي

نادين…بابتسامه اوك

عسال….متتأخريش

نادين….ثواني بالظبط وهخرج