لقاء كارثي

ليله….طب ايه اعمل ايه

عشري….ولا حاجه سيبها عليا انا وسلامه

ليله…..ماشي بس بقولك ايه خليك متجيش توصلني انت

عشري….لا هاجي مش هتروحي لوحدك

ليله….ما انا هرجع لوحدي

عشري….هسيبلك عربيتي

ليله….لا بصلي بقي انت تشوف حالك و ملكش دعوه بيا خالص و اديني مفتاح عربيتي عشان اصلحها

عشري….تاني مش قولتلك سرقتها و بعدين فرضنا اديتك المفتاح هتروحي تصلحيها انتي كده عادي

ليله….وايه يعني ما انا اللي بصلحها علي طول

عشري…ده وانتي لوحدك مش وانتي متجوزه يا بنت المارديني

ليله…بابتسامه براحه علي نفسك يا مراهق

عشري…. بضحكه جميله اممم طب ايه مش هنخلص من حوار مراهق ده بقي انا قولت امبارح نسيتي وربنا هداكي

ليله….بس مكنتش اعرف ان حبيب يرومانسي اوي كده

عشري….بضحكه توتر بت اظبطي

ليله….بضحك طب خلاص بس يعني كان حلو علي فكره

عشري…عجبك

ليله….اوووي

عشري…ايه رمتي الورقه

ليله…لا طبعا شيلتها في الخزنه ذكري

عشري….ماشي يا ستي طب مش هتفطريني بقي

ليله…بضحك حساك بتهرب هو البلطجي مكسوف ولا ايه

عشري….بضحك اقسم بالله هنكد عليكي

ليله….بضحك طب خلاص حقك عليا هسكت خلاص يلا اقعد

قعد وهو بيضحك و بعدين فطروا مع بعض و شوبه وقامت خدت شاور و لبست و علي غير العاده خلصت قبله و قعدت تستناه مكانتش حاطه ميك اب ولا عامله اي حاجه لابسه بنطلون چينز غامق و تيشرت ازرق غامق كانت بتحاول تلبس الوان بس غامقه عشان نسمه

خرج عشري بعد ما لبس لقاها قاعده السجاره في ايدها وسرحانه ملامحها حزينه مهما ضحكت و حاولت بس كل ما يلمحها من بعيد يلمح نفس النظره دي

عشري…..حبيبي

ليله…. بابتسامه تجنن وكانها اتحولت ايه خلصت يا بلطجي

عشري ….اه بس انا مضايق علي فكره يا ليله

ليله….ليه يا قلبي من ايه

عشري….منك

ليله….ليه

قرب وقعد جنبها وبصلها

عشري….شوفي انا مستعد اعمل اي حاجه في الدنيا عشان اشوفك مبسوطه و بتضحكي متفقين

ليله…تمام متفقين

عشري….حلو بس لو مش من قلبك تمثلي علي الدنيا كلها لكن انا لا

ليله…لا مش فاهمه

عشري….يعني تمثلي انك كويسه و بخير قدام البنات اخواتك اي حد لكن وقت ما تبقي معايا مينفعش تمثلي انك بخير وانتي مش بخير

ليله….وانا مثلت عليك في ايه طيب

عشري….ليله انا بغيب عنك ثواني برجع الاقيكي في دنيا تانيه و سرحانه و ملامحك حزينه