لقاء كارثي
لقاء كارثي 127
لقاء كارثي
أميره أسامه
صاحبة البطل الواحد
. البارت المئه 127.
………………………..
في منزل ايمي و رشيد…
ايمي….بصت لحسان و ضحكت لا بجد اشمعني رز بلبن
رشيد….بضحك اه صحيح اشمعني و بعدين احنا مش قولنالك متجيبش حاجه
حسان….بضحك اولا انا جاب بيت اخواتي يعني انا حر اجيب حاجه مجيبش حاجه متتدخلوش ليه بقي رز بلبن هقولكم انا مكنتش هلحق اجيب حاجه عشان متأخرش عليكم
ثانياً المحل بتاع اللبن ده فتح من كام يوم قبل فرح ليله و عشري
رشيد….اه انا شوفت الافتتاح بتاعه و شكله ماشاء الله حلو اوي
حسان…..اه لسه جديد اتغدينا انا و تامر و الشباب و بعدين هو راح يجيبحاجه للشغل و رجع بعدها بكام ساعه ولاقيته جايب رز بلبن لينا كلنا فقالي المحل لسه فاتح والحاجه شكلها تحفه و كلوا بتاع المهم انت عارف انا مليش في الحلو اوي بس كان نفسي بيه بقالي زمن مكلتهوش
لاقيته تحفه يا رشيد
رشيد…بابتسامه بجد والله
حسان….اه والله طعمه حلو اوي و نضيف و هو اصلا المحل لفت نظري هو عامل محلين في محل كده جزء البان بس و التاني رز بلبن فا قولت بس اجيبلكم منه تدوقوه
ايمي….هو انا مش بحب اي حاجه فيها لبن بس هو شكله حلو اوي
حسان….انا عارف قصه اللبن دي بس والله دوقيه هيعجبك بجد اوي
ايمي…..بضحك ماشي بس ايه كل ده انت جايب المحل يا حسان
رشيد…بضحك لا ده بيفرق في الشارع ايه يا عم كل ده بجد احنا ثلاثه علي فكره
حسان…ياعم كلوا منه هيعجبكم اوي و بعدين بصراحه بقي انا جايبه عشان ايمي و القمرات بتوعها
ايمي….بابتسامه حبيبي يا حسان طيب يلا اقعدوا بقي عشان ناكل
انا هجيب الاكل
رشيد….لا روحي انتي اقعدي انا هجيب
حسان….هي فين چوي صحيح
ايمي….چوي نايمه عشان تعبانه شويه
حسان…..طيب مش هتاكل حرام صحوها
ايمي…..ودي تفوتني برضوا يا عم حسان الاكل واصل من شويه و خليتها كلت قبلنا
حسان…..طيب ادوني حاجه بقي احطها
رشيد….خد دي يلا والله الجو ده فكرني برمضان رز بلبن و تجهيز الاكل
حسان….خلاص رمضان علي الابواب هانت كلها اسبوعين
رشيد…..بقولكم ايه صحيح هو كده عشري و ليله رمضان هيجي عليهم و هما مسافرين
ايمي…..لا هيرجعوا قبل طبعاً
رشيد…ازاي قبل و هما لسه مسافرين اخر الاسبوع
ايمي….هما مسافرين بعد خمس ايام و هيقعدوا اسبوع بره و يرجعوا قبل رمضان بيومين ثلاثه كمان
