لقاء كارثي

سلمي…..هو انت رايح توديهالوا وتسيبها ما انت معاها و اهله معاه يعني متقلقش و لو بابا صحي يا سيدي انا هقولوا ان سلامه تعب اوي و ايه قلقت عليه وتامر خدها وداها عشان انت نايم انا لو بدري عن كده كنت قولت لحسان ونزلت هي متخيله انهم بيكدبوا عليها و متنساش اللي حصلها زمان مع الشخص اللي كان في حياتها كانت فاكره تعبان عادي و اتصدمت انا واثقه ان هي بتفكر بالطريقه دي الوقت ومش هتطمن غير لو شافته بنفسها

تامر….اووووف طيب خلاص قوليلها تلبس بسرعه

سلمي….بابتسامه ماشي

راحت سلمي عليها لقتها قاعده عالسرير بتعيط

سلمي…..بابتسامه قومي البسي بسرعه تامر وافق و بطلي زن

ايه….بجد وافق

سلمي… اه والله اخلصي عشان متتأخروش يلا بسرعه عشان بابا كمان ميصحاش

ايه….طب انا هروح كده

سلمي…هتروحي بالترنج اخلصي البسي اي حاجه بسرعه

ايه….طيب ماشي

قامت جري طلعت بنطلون و تيشرت و جريت تلبس

دقايق بسيطه و خرجت من اوضتها جري لقت احمد خارج من اوضته وقفت اتسمرت في مكانها و بصوا لبعض كلهم

احمد…..بابتسامه ايه يا حبيبي لسه راجع ولا ايه ؟

تامر….اااا بصلهم اه اه لسه راجع يا حبيبي

احمد….طيب علي ما تغير هجهزلك انا العشاء بص علي ايه ولقاها لابسه
انتي كنتي فين يا ايه ؟

ايه….ااااممم مكنتش في مكان

احمد….امال لابسه ليه انتي راحه فين؟

سلمي….ااا بابا هي ايه كانت هتروح مع تامر يطمنوا علي سلامه بس حضرتك نايم و محبيناش نقلقك بس

احمد….يطمنوا علي سلامه فين؟ هو ماله اصلا؟

ايه…..سلامه تعبان يا بابا و من بدري كل ما اكلموا ميدو او طنط حنان اللي يردو مسحت دموعها و اخر مره كلمتني قالتلي ان الدكتور جاي عشان يكشف عليه هو وريهام لانهم تعبانين اوي و انا قلقانه عليه حاسه انهم بيكدبوا عليا و هو فيه حاجه و حضرتك كنت نايم

احمد…..طيب ولو تامر مش موجود يعني كنتي هتروحي لوحدك يا ايه؟

ايه….ااااااا

سلمي…..هي لسه لابسه حالا اما تامر قالها تلبس مكانتش هتروح اكيد لوحدها

تامر…..احمممم تروح فين لوحدها يا بابا هي اصلا كانت بتتصل بيا عشان عارفه اني في مدينه نصر و كانت عيزاني اروح ابص عليه و اتأكد هو تعبان تعب بسيط ولا تعبان اوي قولتلها اني وصلت خلاص تحت البيت و لما طلعت عرفت الحوار و شوفتها قلقانه قولتلها تعالي نروح نطمن عليه هي مقالتش عايزه تروح اصلا