لقاء كارثي

بصتلوا ايه و سلمي علي كدبته البيضا ..

احمد…..بتنهيده تمام يا ايه روحي مع اخوكي بس متتأخروش تطمني عليه وترجعي و انت تطلع معاها

تامر….ما اكيد هطلع معاها ميدو هناك هو ومصطفي مش هسيبها

احمد….ماشي و انتي بطلي عياط و متتأخريش

ايه….بابتسامه هزت راسها ماشي مش هتأخر قربت منه باسته من خده و جريت علي تامر

تامر….يلا سلام عليكم مش هنتأخر

هز احمد راسه و خدها تامر وخرجوا وبعدين بص احمد لسلمي

سلمي…..بابتسامه بسيطه ايه بتبصلي كده ليه قلقانه عليه و شكلوا تعبان بجد

احمد….بتكدبي عليا يا دكتوره انتي و البشمهندس المحترم

سلمي….هنكدب في ايه بس والله ده اللي حصل

احمد…..عيب متحلفيش انا سامع صوتكم من قبل ما اخرج و هي بتقولوا هروح انا

سلمي….بابتسامه بس انت عارف انها مش هتروح هي اصلا جاتلي علي الاوضه بتعيط و عيزاني ارزح معاها قولتلها مش هعرف قالتلي طيب صحي بابا وقوليلوا انتي قولتلها طب نتصل بتامر نلحقوا و هو يطمن و يطمنا و لاقينا تامر بيفتح الباب

احمد…..اه يعني لا هو كلمها زي ما قال ولا هي كانت عامله حسابي

سلمي….والله ما كانت هتروح هي اصلا متقدرش تروح لوحدها قالتلوا كده وخلاص عشان مضايقه

احمد….بابتسامه ماشي يا دكتوره

سلمي…..بابتسامه جميله عديها بقي يا حمودي بنتك خايفه عليه و بصراحه شكلوا تعبان اوي هو وريهام
حتي حسان قالي ان ميدو قالوا سلامه تعبان اوي

احمد….ربنا يستر ان شاء الله بس برضوا حسابكم معايا بعدين انتوا التلاته

سلمي….بضحك قربت منه و باسته من خده و لا هتعمل حاجه و هوعديها يا حمودي عشان انت احن اب في الدنيا و ملناش غيرك ندلع عليه

احمد….بابتسامه ماشي يا ستي اغلبيني بكلامك الحلو و استغلي انتي واخواتك حبي ليكم

سلمي…..نستغل براحتنا حد يلاقي حد بيحبه كده و ميستغلش حبه

احمد….بابتسامه طب روحي يلا نامي يا دكتوره عندك شغل بكره و انا صحيت خلاص هستناهم

سلمي….بابتسامه ماشي يا حبيبي تصبح علي الف خير

احمد…..وانتي من اهل الخير

……………….

نعيمه…..هو انت فين كده ؟

فضل….زهقت من النوم قولت انزل اللف شويه بالعربيه هو انتي هتفضلي مبوزه كده كتير مش ليله كلمتك و طمنتك عليها

نعيمه….انا كويسه والله بس مأريفه شويه حاسه ان اليوم طويل و مش بيخلص