لقاء كارثي

سليم….ولا انت هتصيع عليا ما تخلص هو انا مش عارف لما بتبقي مأريف ولما بتبقي مضايق متخانق مع تقي صح

عدي….عادي يعني شاديين شويه

سليم….بسبب لبس امبارح صح؟

عدي…..بصلوا انت ايش عرفك

سليم….مش بقولك حافظك امبارح كنت بتضحك واليوم تمام قلبت شويه بعد ما شوفتها بس لما شوفتك بتتعامل بعد كده عادي قولت اكيد اتراضيتوا

عدي…..انا عديت الموقف عشان منكدش عليها و اتكلمنا و خلصت هي فتحت الحوار انهارده و قفشت عليها دماغها جزمه

سليم….طيب ما انت عارف طبعها و بعدين فتحت الحوار ليه تاني لما هو مات امبارح

عدي…..ياعم انا لا فتحت ولا هببت انا قفلت الحوار امبارح اصلا كنت متعصب شويه و اتكلمت معاها وخلصنا الحوار هي بقي لما كلمتها مالك و صوتك متغير قولتلها لسه صاحي عماله تزن لا فيك لا مش طريقتك و بيني وبينك اه كنت لسه مضايق بس مكنتش ناوي اتكلم هي اللي عصبتني و قفلت معاها و بعد ما كلنا قولت معلش اكلمها الهانم قافاه موبايلها وهي عارفه اني مبحبش الطريقه دي و مش عارف اوصلها و انا لو وصلتلها والله هنكد عليها بجد

سليم….. ياعم بطل هبل بتدلع عليك اكيد زعلانه

عدي…..من ايه يا سليم انا اللي المفروض ازعل و عديت الحوار وهي اللي بتنكش و فتحته و لما نكشتني زعلت و كمان قافاه موبايلها عشان تضايقني هي عارفه كويس ان الحركه دي بتحضر شياطيني

سليم…..طيب انت عارف انها بتنكشك بالطريقه كبر دماغك بقي و بعدين يا عم البنات مجانين و بينكشونا بأكتر حاجه بتضايقنا خليك انت صايع بقي و سيبها براحتها واما تفتح الموبايل و تكلمك او تكلمها متعاتبهاش و لا تحسسها ان قفل موبايلها ضايقك شويه شويه هتبطل تضايقك بس طول ما انت معرفها اللي بيضايقك هتستفزك

عدي….وده صح يعني يا سليم تبقي عارف اللي بيضايقني و تعملوا انا لو بحبك بجد يا سليم مهما زعلت منك مش هضايقك بحاجه بتعصبك انا مبعملش معاها كده

سليم….معلش انت غيرها يا عدي كبر مخك تقي لسه صغيره ولسه مهما علاقتك بيها اتطورت فا انتوا لسه بتكتشفوا بعض هي بتتعود علي طبعك و انت بتتعود علي طبعها سايرها من غير عصبيه جامده بطل تكون حمقي معاها يا عدي

عدي…..حمقي فين يا سليم بس انا اتعصبت بسبب الفستان وحقي هي لو مش فارقه معايا هسيبها وهخليها فورجه للناس و بعدين ما انت كنت متعصب امبارح رغم ان انت لحد الوقت مصارحتش نسمه ولا هي صارحتك