جاسمين

رواية
چاسمين
أميرهاسامه
صاحبةالبطلالواحد
فتجدهم حيارى مضطربين ليسوا على يقين من أمرهم
البارت السابع و العشرين
……………..
في صباح يوم جديد صحيت  علي صوت جرس الباب
قامت بسرعه من مكانها و خرجت من اوضتها بصت علي اوضه والدتها لقتها لسه نايمه نزلت علي تحت بهدوء و قربت من الباب بصت من العين السحريه ملاقتش اي حد حست بقلق و خوف.
سهر….مين مين بره
لكن مكانش في اي رد فضلت واقفه و متردده مش عارفه تفتح ولا لأ لكن كانت خاېفه طلعت تاني بسرعه علي اوضتها جابت الموبايل عشان تتصل علي ياسر و بصت من شباك اوضتها علي المكان تحت الشارع كان هادي و مفيش اي حد ولا حتي كان في حد واقف قدام الباب
ياسر….بصوت لسه نايم الوو ايوه يا سهر
سهر…اسفه يا ياسر لو صحيتك
ياسر….لا لا مفيش حاجه انا كده كده كنت هصحي عشان عندي مشوار قبل الشغل في حاجه ولا ايه
سهر….الباب خبط و روحت عشان اشوف مين بس مفيش حد بيرد ولا في حتي حد واقف و بصراحه انا خۏفت و مش عارفه اعمل ايه
ياسر…..لا متفتحيش
سهر….ما انا مفتحتش
ياسر…..طيب بصي من الشباك كده
سهر….ما انا بصيت الشارع هادي مفيش اي عربيه ولا حتي في حد قدام الباب
ياسر….طيب و مفيش خبط تاني
سهر….لا خالص اللي خبط خبط مره واحده بس
ياسر…..انتي كنتي نايمه
سهر….اه كنت نايمه
ياسر….طيب ما يمكن بتحلمي ولا بيتهيألك
سهر….لا و الله مش بيتهيألي و بعدين مكنتش بحلم انا صحيت اصلا علي صوت الجرس
ياسر….طيب بصي كده تاني من الشباك
سهر….مفيش حد انا اصلا بكلمك وانا واقفه قدام الشباك يعني قولت لو في حد مستخبي اكيد هيظهر بس مفيش و مفيش خبط
ياسر….طيب انزلي كده وانا معاكي بصي بصه تحت و بعدين افتحي الباب
سهر….ماشي لحظه خليك معايا
قام قعد علي السرير و هو بيمشي ايده علي شعره
ياسر….انا معاكي
نزلت سهر علي تحت فضلت تبص في كل الشبابيك من وراء البيت و بعدين راحت وقفت قدام الباب تاني
سهر…..انا قدام الباب
ياسر….طيب افتحي
سهر….انا خاېفه اوي
ياسر….مټخافيش انا معاكي افتحي
فتحت سهر الباب براحه و بصت من جوه مكانش في اي حد
سهر….مين
ياسر…ايه في حد
سهر…لا خالص مفيش ايه ده لحظه
ياسر….بقلق في ايه
سهر….ده في ظرف قدام الباب
ياسر…..فيه الظرف ده
خدت سهر الظرف و دخلت وقفلت الباب
سهر….مش عارفه ده ظرف مقفول واضح في ورقه جوه
ياسر….طيب افتحيه وانا معاكي
سهر….طيب لحظه
فتحت سهر الظرف و بدأت تقرأ اللي جواه
ياسر….هاااا في حاجه
سهر….دي رساله يا ياسر رساله منهم
ياسر….طيب قوليلي مكتوب فيها ايه
سهر…. حمد الله علي سلامة والدتك يا سهر المرادي ربنا سترها و خرجت منها سليمه و رجعتلك اعتبري ان ده كان انذار ليكي بس المره الجايه هيبقي تنفيذ ابعدي عن اللي ميخصكيش يا سهر متحاوليش تقربي من منطقتنا لان الدخول فيها مش سهل و الطلوع منها بطلوع الروح وده اخر تنبيه .
و صحيح مبروك علي رجوعك الشغل .
ياسر…..كنت شاكك ان اللي خبط حط رساله
سهر….ده كده ټهديد رسمي يا ياسر
ياسر….اه ټهديد رسمي و كان لازم هيحصل
سهر…..مش فاهمه تقصد ايه
ياسر….اقصد انك مبلغتيش و لا جبتي سيره ان والدتك حصل معاها حاډثه و الموضوع عدي  فا بالنسبالهم فاكرين انك ممكن تعتبري اللي حصل ده حاډثه  عاديه فا هما كان لازم يعرفوكي انها مش حاډثه عاديه و الرساله دي توضيح منهم فهمتي
سهر….فهمت بس ايه موضوع مبروك علي رجوعك شغلك ده هو انا رجعت الشغل
ياسر…..مش فاهم المقصود
سهر….ياسر خليك معايا متقفلش معايا تليفون لحظه
ياسر….معاكي
سهر….الووو استاذ فضل
فضل…..ايوه يا سهر اسف لو اتصلت في وقت مش مناسب وصحيتك
سهر…لا خالص انا صاحيه في حاجه ولا ايه
فضل….مبروك يا ستي البرنامج بتاعك رجع و تقدري تطلعي هواء الحلقه الجايه في معادك عادي
سهر…..بفرحه بجد يا استاذ فضل
فضل….اه والله لسه عارف حالا وقولت افرحك الف مبروك
سهر….الله يبارك في حضرتك حقيقي فرحتني اوي
فضل…..تستاهلي كل خير يا سهر بس المهم عايزين بقي نهدأ كده و منبوظش الدنيا خلينا نكمل الموسم علي خير ده احنا ملحقناش نصور منه غير حلقتين
سهر…اطمن يا استاذ فضل هو ده اللي هيحصل متقلقش
فضل…..ان شاء الله مبروك يا ستي رجوعك لينا بألف خير و لو قدرتي تيجي انهارده عشان نجهز موضوع الحلقه الجايه تعالي لو مقدرتيش ومش عامله حسابك يبقي بكره اكيد
سهر….لا بكره ايه انا مصدقت حضرتك عارف ان موضوع وقف البرنامج ده خلاني تعبت بجد انا مقدرش علي قعدة البيت
فضل…..خلاص يبقي هستناكي و هبلغ الوقت باقي التيم
سهر….وانا مش هتأخر عليكم و بجد شكرا اوي ليك علي الخبر الحلو ده
فضل….تستاهلي كل خير يا سهر يلا مش هعطلك بقي عشان تجهزي وانا هروح ابلغ باقي التيم
سهر….ماشي تمام
فضل….مع السلامه
سهر….سلام.
نسيت سهر ان ياسر لسه علي الخط من كتر فرحتها ونسيت الرساله كمان.
ياسر…..الووو
سهر….ياسر اسفه نسيت انك معايا والله اتاخرت عليك معلش
ياسر…لا ولا يهمك في ايه قلقتيني
سهر….بفرحه لا متقلقش دي مكالمه حلوه
ياسر…طيب فرحيني
سهر….البرنامج هيرجع يا ياسر و اقدر اطلع هواء الحلقه الجايه في نفس المعاد عادي لسه مدير القناه مبلغني بنفسه
ياسر…..طيب حلو الف مبروك
سهر….الله يبارك فيك يا ياسر حاسه ان روحي رجعتلي
ياسر…..بس مش غريبه !!
سهر….هو ايه الغريب
ياسر….ايه انتي مش ملاحظه ان المكالمه دي جاتلك بعد ما شوفتي الظرف
سهر….بشرود ايوه صح يعني كده الجمله اللي في اخر الرساله كانت مقصوده
ياسر….طبعا كانت مقصوده و ده معناه انهم كانوا مستنين انك تقرأي الرساله عشان يلغوا قرار وقف البرنامج و يتصلوا بمدير القناه يبلغوه عشان يبلغك
سهر…..طيب ده معناه ايه تقصد ان رجوعي في حاجه خطړ
ياسر….لا خالص انتي رجوعك طبيعي و مفيش منه اي خطوره اللي اقصده اننا كل شويه بنتأكد ان الناس دي ناس واصله وتقيله اوي تزامن وصول الرساله في ايدك مع تزامن المكالمه اللي جاتلك سريع و السرعه دي ميعملهاش غير حد واصل و اكيد هو منهم.
سهر…..كل حاجه هتظهر اكيد يا ياسر مع الوقت المهم بس اني اخيرا رجعت شغلي انا بجد مبسوطه اوي
ياسر…بأبتسامه مبروك يا ستي المهم نلتزم ونسمع الكلام
سهر….لا متقلقش انا لسه عند وعدي هفضل بعيد عنهم الفتره دي خالص
ياسر….لما نشوف المهم قوليلي هتعملي ايه
سهر….المفروض اني اروح الوقت عشان هنجتمع انا والتيم و هشوف مع الاعداد موضوع الحلقه الجايه بس بصراحه انا نسيت موضوع ماما ده خالص من كتر الفرحه و مش عارفه اعمل ايه
ياسر….تعملي ايه في ايه
سهر….يعني هسيبها ازاي بعد اللي حصل يا ياسر انا خاېفه اسيبها لوحدها يحصل حاجه وانا مش موجوده
ياسر….لا بعد اللي حصل ده اكيد مش هيحصل حاجه هما تقريبا المقصود بالرساله دي انهم يفتحوا معاكي صفحه جديده
سهر….صفحه جديده ايه افرض كانوا قاصدين كل ده عشان اسيبها لوحدها و يأذوها
ياسر….لا من الناحيه دي اطمني مستحيل الرساله اللي في ايدك دي دليل علي ان في حد كان بيهددك و اعتراف باللي عملوا في والدتك و دول مش عبط يعني اكيد مش هيعملوا حاجه تدينهم
سهر….علي اساس يعني احنا عارفين هنا مين يا ياسر
ياسر….صحيح الرساله دي مكتوبه بخط الايد ولا مطبوعه
سهر…..لا بخط الايد
ياسر….بابتسامه شړ بيقولوا
—
ان وقعة الشاطر بألف و دي غلطه اكيد معملوش حسابها
سهر….لا مش فاهمه تقصد ايه
ياسر….اقصد اننا ممكن نوصل او نقرب منهم خطوه اكبر بسبب موضوع الخط ده و بيتهيألي فريد و بلال هنا اللي هيقدروا يساعدونا في الموضوع ده
سهر….طيب تمام الرساله معايا قولي اوصلهالك ازاي فريد قال اننا مش هنقدر نتواصل الفتره دي كتير
ياسر…..انا هشوف كده طريقه مع فريد و هناخدها منك المهم خليها معاكي
سهر….طيب هحطها في شنطتي و هتفضل معايا علي طول لحد ما تاخدها
ياسر…..تمام اتفقنا
سهر…..صحيح انت رايح فين قولت عندك مشوار
ياسر….مفيش ده مشوار شغل عادي مش تبعنا متقلقيش
سهر….طيب تمام يلا روح شوف هتعمل ايه وانا هروح اجهز وافرح ماما
ياسر…..ماشي لما تخرجي عرفيني و طمنيني عليكي طول الوقت و اه صحيح احتمال كبير بلال يبعتلك انهارده ناس تركب الكاميرات و جهاز الانذار
سهر….طيب امته انا لسه مش عاره هرجع الساعه كام
ياسر…..مش عارف هو قالي انه هيبعتهم انهارده بنسبه كبيره بس عادي حتي لو انتي مش موجوده المهم عرفتي مامتك عشان لو الباب خبط متبقاش قلقانه
سهر….طيب هو ممكن تعر من بلال هيجوا امته بالظبط عشان ابقي معاك او مع بلال علي الموبايل و اعرف ماما تفتح
ياسر….طيب انا هقول لبلال و اتفقوا انتوا وظبطوا مع بعض
سهر….خلاص تمام
ياسر…ماشي يلا شويه واكلمك
سهر….اوك باي
ياسر….باي
طلعت سهر صحت والدتها و عرفتها علي خبر رجوعها لكن مقالتش ليها اي حاجه عن موضوع الرساله عشان متقلقش فرحت امل جدا لكن كانت قلقانه لانها عارفه ان سهر مستحيل تسمع الكلام لكن سهر طمنتها و وعدتها انها مش هتقرب منهم خالص .
نزلت امل بعد ما سهر راحت علي اوضتها تجهز الفطار .
……………
صحي مازن بعد ما لبس و جهز راح علي اوضه مريم و خبط عليها
مريم….صباح الخير
مازن….انتي لسه مجهزتيش يا مريم
مريم….معلش والله راحت عليا نومه انت عارف اني مش متعوده اصحي بدري خمس دقايق وابقي جاهزه
مازن…طيب تمام انا هستناكي تحت
مريم…اوك هاجي وراك الوقت
مازن….ماشي.
نزل مازن علي تحت لمح ابوه قاعد علي كرسي قدام الشباك و قدامه الزرع بتاع الجنينه وشارد بحزن
مازن….صباح الخير
سعيد….صباح الخير يا مازن
راح مازن يشرب وفضل عينه علي سعيد كان حاسس ان شكله غريب حزين و ساكت و مش عادته و كمان فاتن مكانش ليها اثر ولا حتي جهزت الفطار لسه
مازن…..هي فين ماما
سعيد….مش عارف يا مازن
مازن….يعني ايه مش عارف هي مش في اوضتها
سعيد….صحيت ملقتهاش اتصلت بيها قالتلي مش هعرف اكلمك الوقت انا رايحه مشوار وقفلت
مازن…بسخريه اكيد بتدور علي بيري او بتحاول تلاقي طريقه توصلها بيها بس اطمن مش هتعرف و لا حضرتك كنان هتعرف يعني بتتعبوا نفسكم علي الفاضي
سعيد…..من غير تردد و انا مش عايزك تقول علي مكان بيري يا مازن اوعي يا ابني تقول علي مكانها واوعي تروحلها الفتره دي. خالص وحتي لو حصل ايه من مهيب اوعي اصعب عليك او تفكر انك تقول فاهم يا مازن
بصله مازن باستغراب ساب الكوبايه من ايده وراح قرب منه