جاسمين

مازن….ايه دي لعبه جديده بتلعبوها علينا عايزين تدونا الامان عشان تغدروا بينا وتعرفوا مكان بيري
سعيد….ليه بتقول كده يا مازن هو انت شايني وحش اوي كده
مازن….والله دي الصوره اللي حضرتك صدرتها لينا اصل غريب اوي موقفك الوقت انت اللي بتنبه عليا لا اروح لبيري ولا اقول مكانها لازم طبعا استغرب اصلي حفظتكم او تقدر تقول ان الفتره دي خلتني شوفت وشكم الحقيقي وبقيت عارف انتوا بتفكروا ازاي يعني غريبه اصحي ملاقيش ماما و غريبه كنان الاقيك قاعد و بتقولي مقولش علي مكان بيري و لا اروحلها و ده طبعا عشان احس ان قلبك علي بيري و اقول انك بقيت معانا واطمنلك واقولكم كمان مكان بيري فين او يمكن ارتاح و اديلك الامان و ابص الاقيك ورايا انت وهما وعرفتوا مكان بيري مش صح مش هي دي الخطه الجديده
سعيد….بص يا مازن انا عارف ان ثقتك فيا انت واخواتك اتهزت و انا مش هقدر ارجعها علي الاقل الوقت و عارف كمان اني مهما قولتلك مش هتصدقني و بردوا مش هقدر احاول اقنعك اني بقولك الكلام ده من قلبي الوقت
بس خدني علي قد عقلي يا سيدي و مش طالب منك انك تقول اي حاجه و لا حتي تطمن ليا كل اللي طالبه منك بس تاخد بالك كويس و اوعي تروح لبيري لانهم بيراقبوك و امك مش هتسيبك يا مازن غير لما تعرف مكانها هتحاول تضغط عليك بكل الطرق اوعي تستلم مش بعيد مهيب يسجني او ياذيني عشان توصله بأختك اوعي اصعب عليك او تفكر انك اذكي منه و تقوله انك هتعرفه مكانها في مقابل انه يخرجني و تبقي مبلغ او عامل اي حاجه صدقني هيطلع منها و بكل سهوله و وقتها هتبقي خسړت وقدرت تسلمه اختك بأيدك فاهمني يا مازن اوعي يا ابني تعمل كده و اوعي كمان تقول لامك حرف من اللي قولته ده.
مازن….مش قادر اصدقك
سعيد…مش مهم المهم الوقت تعمل اللي بقولك عليه و سيب الباقي عليا انا اختك امانه في رقبتك يا مازن لو جرالي حاجه هي و مريم في حمايتك و يوم القيامه هسألك عليهم و هشوف قدرت تحافظ علي الامانه دي ولا لا و بالاخص بيري
مازن…..ايه سبب التغيير ده ليه فجأه غيرت رأيك
سعيد…..قولتلك مش مهم الوقت
مازن….بس انا من حقي افهم علي الاقل افهم ليه بتعمل كده الوقت عشان اصدق انك فعلا خاېف عليا وعلي بيري ومريم
سعيد…..كل اللي لازم تفهمه اني ابوك اللي بيحبك وبيحب اخواتك ومستحيل اخلي حاجه تاذيكم و لو عايز اجابه تريحك اعتبر اني كنت في غفوه وصحيت منها
مازن…..ابويا اللي بيحبني و بيحب مريم ماشي هصدق لكن بيري لا بيري مطلعتش بنتك و زي ما ماما واضح قد ايه بتكرهها و عشرتها معاها السنين دي كلها مقدرتش تخليها تحس انها بنتها اكيد انت كنان زيها
سعيد….پغضب وتأثر وحزن ولمعه في عينه لاااا لا يا مازن متقولش كده بيري بنتي حته مني يمكن هي مش بنتي في الحقيقه بس بيري اتولدت علي ايدي اول واحد شالها اول ما جات الدنيا بعد بطن امها كانت ايدي اول ضحكه ضحكتها كانت في وشي و انا بلاعبها اول كلمه نطقتها كانت بابا بيري دي اول فرحتي غلاوتها من غلاوتك انت ومريم
مازن…..امال حصل ايبييييه ليه سكت علي كل اللي حصل من امي ليه سكت علي كل اللي حصل من مهيب وخالد ليه مقولتش لا ليه موقفتش في وشهم وحاولت تمنعهم انهم ياذوها حتي لو بكلمه
سعيد….بۏجع دموعه خانته عشان مضطر عشان مجبر
مازن…..ليه مضطر وليه مجبر تعرف ايه انا مش عارفه اتكلم يا بابا ما يمكن اللي انت مخبيه ده يكون سبب قوي نقدر نبعدهم بيه عننا
سعيد……مش هقدر يا ابني مش هقدر ڠصب عني صدقني
مازن…ليه ليييييه قولي ايه اللي يمنعك
سعيد…بيري بيري هي اللي منعاني يا مازن خۏفي عليها هو اللي مانعني
مازن…..وليه تخاف عليها ادام معاك اللي يدينهم و
—
يوديهم في ستين داهيه
سعيد….عشان المشكله مش فيهم هما بس يا مازن المشكله صدقني يا ابني انت مش فاهم حاجه
مازن….وانا عايزك تفهمني اتكلم معايا قول اي حاجه انت لسه فاكر اني مازن العيل الصغير انا كبرت يا بابا و بقيت راجل ولا انت مستقل بيا
سعيد…لا يا حبيبي انت راجل موقفك مع بيري يأكد انك بقيت راجل خلاني مطمن علي بيري و مريم و حسيت ان لو جرالي حاجه ھموت وانا سايبلهم ضهر يتسندوا عليه
مازن….طيب ليه مش عايز تقولي
سعيد….مش هقدر صدقني علي الاقل الوقت يا مازن بس اوعدك اني اول ما اقدر اتكلم هقولك كل حاجه بس لحد ما ده يحصل اعمل اللي قولتلك عليه لا تروح لبيري و لا تقول علي مكانها مهما حصل بيري امانه في رقبتك ليوم الدين يا مازن اوعي تضعف مهما حصل و مهما اتضغط عليك بأذيتنا انا او امك اوعي تتكلم اوعدني يا مازن اوعدني يا ابني
مازن….بحزن و عدم استيعاب لكلام سعيد اوعدك
نزلت مريم في الوقت ده مسح سعيد دموعه وقعد علي الكرسي قبل ما مريم تشوفه
مريم….صباح الخير
سعيد….صباح النور يا مريم
مريم….يلا يا مازن انا جاهزه
فضل مازن واقف ساكت وباصص لابوه بشرود
مريم….ماااازن
مازن….ايوه
مريم…انا جاهزه
مازن….احممم طيب يلا خلينا نمشي
خرجوا الاتنين و مشيوا
مريم…..مازن مالك ساكت ليه في حاجه حصلت مع بابا
مازن….مش قادر افهمه حاسس ان وراه حاجه كبيره مخبيها
مريم….تقصد ايه
مازن….هقولك
……………
في منزل رأفت الباشا اتجمعوا كلهم علي السفره عشان يفطروا.
رأفت …اخبار العياده ايه يا دكتور كله تمام
امجد….الحمد لله يا باشا كله تمام
رافت….شغلك يعني ماشي كويس ولا في اي حاجه واقفه قدامك
امجد….لا اطمن كل حاجه تمام و الشغل ماشي كويس جدا
رأفت…و انتي يا ملوكه طمنيني اخبار الجاليري ايه
ملك….تمام يا بابي. الحمد لله
رأفت….يعني خلاص هتاخدي المكان و لا حابه تشوفي غيره
ملك….لا خلاص انا انا استقريت عليه و شبه اتفقت خلاص علي كل حاجه ناقص بس المكان يكون جاهز في شوية تعديلات بسيطه حابه اضيفها وبعدين ابدأ انقل حاجتي كلها هناك
رأفت….ده في اخبار جديده معرش عنها حاجه يعني
ملك…..ابدا يا بابي بس حضرتك مشغول جدا الفتره دي و الله مش قصدي اخبي عن حضرتك يعني
رأفت….عار يا حبيبتي انا بضحك معاكي المهم ان المكان عاجبك دي اهم حاجه
ملك….لا اطمن المكان حلو اوي و عاجبني
رأفت….قدامه قد ايه ويكون خالص
ملك….هو تقريبا اسبوع عشر ايام بالكتير لان هو اصلا مفيهوش شغل كتير يعني استايل المكان انا حباه كده من غير تغيير الاستايل القديم و فنفس الوقت معاصر ده اللي كنت بدور عليه ناقص بس شوية لمسات بسيطه جدا
رأفت….خير خير ربنا يوفقك
ملك….ميرسي يا بابي
هناء….قوليلي صحيح يا ملك ناويه تعملي افتتاح المكان ازاي يعني قوليلي كده اللي في دماغك عشان نبدأ نشوف التجهيزات يعني هنتعاقد مع انهي شركه دعايه و نشوف الناس اللي بتعمل الحفلات دي و ممكن يا رأفت تكلم خالد هو اللي بيعمل ديما حفلات و الموضوع ده لعبته
رأفت….عادي طبعا تشوف هي ناويه علي ايه و ايه اللي في دماغها بس و انا هظبط كل حاجه
ملك….لا لا انا مش عايزه كده خالص انا عايزه حاجه بسيطه جدا حضرتك عارفه يا مامي اني مليش في البروباجاندا و الشو و الكلام ده
هناء….ايوه بس يا حبيبتي انتي لسه بتفتحي مكانك واكيد محتاج ضجه زي دي
ملك….صدقيني انا مش محتاجه كل ده انا هكتفي بس اني اعزم ناس مقربه جدا قبل ما افتح بيوم يعني زي برايفت اوبن داي و بعدين تاني يوم المكان هيكون مفتوح عادي جدا لاي حد و انا حابه ان المكان يتعرف من غير مجهود كبير يعني حابه ان اللي يجي المكان يكون مكتشفه بالصدفه لو عجبه اكيد هيجي تاني و اكيد هو من نفسه هيعمل دعايه للمكان لمعارفه و بس
رأفت…..شوفي اللي يريحك وانا معاكي فيه
هناء….طيب قوليلي هتعزمي مين بقي اليوم ده
ملك….زي ما قولت لحضرتك ناس مقربه يعني احنا صحابنا حضرتك لو عايزه تعرفي حد قريب منك بس مش اكتر
هناء…..و سهر من ضمن صحابك والمقربين
ملك….اكيد يا مامي طبعا حضرتك عارفه ان هي و بيري ومريم اقرب صحاب ليا ليه بتسألي السؤال ده
هناء….لان المفروض انتي عارفه رأيي ورأي بابي في حاجه زي دي كويس و اكيد فاكره كلامنا
ملك…..كلامكم كان عشان مقابلتنا معاها الفتره اللي فاتت مش اكتر بس مكانش اني اقاطع سهر
هناء….وهو انتي لسه ناويه تكملي معاها بعد اللي حصل منها يا ملك
امجد….اسف اني بدخل بس هي سهر عملت ايه يا مامي
هناء….انت لسه بتسأل يا امجد يعني مش عارف
امجد….لا حقيقي مش عارف و حابب افهم سهر غلطت في ايه اتكلمت في مواضيع مهمه طيب ما دي شغلتها و كمان الكلام اللي قالته كان مهم
رأفت…..بس بتاعة مشاكل يا أمجد
امجد….هو كل واحد هيقول كلمه حق يا باشا يبقي بتاع مشاكل و لا هو فعلا زي ما بيقولوا الصراحه بتزعل
هناء…..مين قال ان الصراحه بتزعل بس لما تخبط في كل حد يجي قدامها من غير دليل متبقاش صراحه تبقي وقاحه
ملك….مامي بعد اذنك متقوليش كده علي سهر
هناء….ايه يا ملك هتقوليلي اقول ايه ومقولش ايه
ملك…مش قصدي يا مامي بس حضرتك و بابي عارفين سهر كويس البنت محترمه ومؤدبه وبنت ناس بس ده شغلها سهر اعلاميه يا مامي لو حضرتك مش واخده بالك
هناء….لا واخده بالي بس عشان اكون اعلاميه شاطره وناجحه لازم اختار المواضيع اللي اتكلم فيها و لازم كمان مقربش من ناس و اشوه صورتهم المفروض اني مقربش منهم اصلا
امجد….طيب وليه متقربش منهم يا مامي ما هما لو سمعتهم كويسه و شايفين شغلهم كويس و بعيد عن الفساد عمرها ما هتقرب منهم و لا ايه رأي حضرتك يا باشا
رأفت…..بتوتر احممم شوف يا امجد انا مقدر اوي ان انت واختك قريبين من سهر و بتحبوها ويمكن زي ما ملك قالت هي بنت محترمه وبنت ناس بس كمان سهر معندهاش اي دليل علي اي حاجه تدين اي حد من اللي ذكرتهم قبل كده واللي لمحت ليهم قبل كده
امجد….يا بابي سهر اعلاميه يعني اكيد ليها مصادرها محدش هيطلع يرمي بلاه علي شخص من غير دليل ولا ايه
رأفت…..بس مش كل السياسين ورجال الاعمال و حشين زي ما سهر بتتعمد تظهرهم
امجد…بابتسامه ومين قال ان سهر طلعت في مره اجمعت ان كل السياسين ورجال الاعمال وحشين ما عندك مثلا سهر عمرها ما جابت سيرتك بحاجه وحشه و لا حتي سيرة انكل مهيب ولا حتي خالد اللي بتكرهه كره العمي
هناء….عشان متقدرش ابوك معروف و سمعته كل الناس تعرفها كويس و مهيب كمان رجل اعمال ناجح هو و خالد
ملك….ليه متقدرش يا مامي
هناء….يمكن مثلا عشان انتوا صحابها و يمكن ليها مصلحه معاكم و تخاف تقرب من حد منكم
ملك….يبقي حضرتك متعرفيش سهر كويس
امجد…..حتي لو احنا صحابها حضرتك عارفه ان سهر جريئه و مش پتخاف و لو في حاجه تعرفها مش هنفرق معاه قصاد انها تقول كلمه حق بس اللي اقصده
—
يعني توضيح بسيط لجملة الباشا انها بتخبط في كل السياسين ورجال الاعمال
ملك….وبعدين معلش يا مامي سهر ايه مصلحتها معانا سهر من يوم ما عرفتها وهي حد ناجح بيسعي ويتعب ويشقي طول الوقت عندها احلام وطموح وعمري ما شوفتها راحت لاي حد واصل عشان يخلصلها حاجه شخصيه احنا عشرة سنين وعمرها ما طلبت مننا واسطه من بابي مثلا ولا هي ليها في الجو ده
امجد…هي لو ليها في الجو ده بيتهيألي مكانتش هتخبط في اي حد من الناس التقيله دي كانت هتطلع تطبلهم عشان يحبوها و باشاره منهم يخلصوا كل حاجه تطلبها عشان تطلع ديما تتكلم عنهم و تحسن صورتهم
رافت….طيب سيبونا بقي من سهر و انتي يا كلك اعملي اللي انتي عيزاه اعزميها و انا عن نفسي عمري ما هقولك ابعدي عن حد بتحبيه كل الحكايه ان اليومين اللي فاتوا كنت قلقان عليكم مش اكتر المهم الوقت اخبار بيري ايه صحيح بقالكم كتير يعني مش بتجيبوا سيرتها ولا حتي بتقابلوها
ملك…احممم هو حضرتك مش طلبت مننا كده
رأفت….لا انا كنت بتكلم عن سهر مجبتش سيرة بيري هو انتوا مش بتكلموها ولا ايه
ملك….لا بنكلمها اكيد هي ومازن ومريم
رأفت…..وهي عامله ايه اكيد هتيجي افتتاح الجاليري
امجد….لحق ملك اكيد هتيجي طبعا
رأفت…بصلهم ثواني وسكت وبعدين ابتسم بهدوء متأكدين انها هتيجي
بصت ملك لأمجد بأرتباك و بعدين بصت لرأفت وسكتت
امجد…..حضرتك تقصد ايه
رأفت….انا بسأل متأكدين انها هتيجي
ملك….ايوه حضرتك ليه متجيش
امجد…..هو في حاجه عايز تقولها يا باشا
رافت….والله بيتهيألي انتوا عارفين كويس اللي انا عايز اقوله اصل كلامكم مع اللي انا عرفته مش راكبين مع بعض
ملك….عرفت ايه
هناء…..ايه يا ملك هتلعبي علينا انتي واخوكي
ملك…..لا بجد مش فاهمه
امجد…نلعب عليكم دي جمله كبيره اوي
هناء…..ماهي ملهاش معني تاني غير كده
امجد….طيب نفهم المعني المقصود الاول
رأفت…..يعني بيري مش سايبه البيت يا امجد و محدش يعرف عنها حاجه و مفيش مشاكل بينها وبين مهيب وخالد و مازن كمان دخل في الموضوع
امجد…..ايوه وفين المشكله يا باشا يعني هي عشان عندها مشاكل متجيش و لو فرضنا مجاتش فين بردوا المشكله
رافت…..لا هو مفيش مشكله بس اللي وصلني ان مازن مخبيها فا اكيد مش هتظهر بسهوله كده و لا ايه
امجد…..هو حضرتك ليه بتقول اللي وصلني وكأنه سر ما تقول علي طول ان انكل مهيب اللي حكالك
رافت….ماشي يا سيدي هو اللي حكالي
امجد…..طيب يعني اكيد ادام قال لحضرتك ان في مشكله يبقي حكالك المشكله نفسها
رأفت….مش بالظبط يعني معرفش تفاصيل اوي بس قولت اشوف لو جايه يمكن نقدر نحل المشكله دي بينهم يوم الافتتاح
هناء….ايوه نصالحهم و نحل سوء التفاهم
ملك….لا با مامي بلاش دي حاجه خاصه ببيري احنا صحابها و مدخلناش هي حره
هناء….بس واجب عليكي لما تشوفي صاحبتك بتغلط او مش فاهمه مصلحتها تنصحيها خالد بيحب بيري بجد و بصراحه هو شاب ميترفضش
امجد….بس هي رفضاه و مش حياه هنغصبها عليه انا بصراحه مستغرب خالد اصلا ازاي عار انها مش بتطيقه و لسه ماشي في نفس الطريق وبعدين انكل مهيب نفسه انا مستغربه فاكر انه هيقدر يغصبها و يضغط عليها
رأفت…..اه يعني قعدتوا واتكلمتوا في الموضوع بقي مع بيري
امجد….احنا مش محتاجين نقعد معاها عشان نعرف اللي حصل احنا عارفين من قبل ما تحصل المشكله اصلا ان ده رأيها
رافت….بس مهيب صعب يا امجد و قدام خالد ابنه و سعادته مستعد يعمل اي حاجه
ملك….هيعمل ايه يعني يا بابي يجبرها ولا ياذيها ويأذي اهلها عشان خالد يكون مبسوط
رأفت…..والله دي دماغه و لو طال بعمل كده هيعمل عشان كده انا عايز نمنع المشكله قبل ما تحصل يعني انا ممكن اتكلم مع بيري و اعرفها مصلحتها فين جايز تكون مش فاهمه ويمكن عشان مدتش خالد فرصه حكمت عليه من بعيد فا انا رأيي خليني اتكلم معاها
امجد….بس ده لا حل ولا اسلوب يا باشا مفيش حاجه اسمها قصاد سعادة خالد ممكن بعمل اي حاجه احنا مش في غابه ولا عايشين ايام العبيد عشان يجبرها تتجوز من حد مش بتحبه
هناء….طيب بلاش رافت خلوني انا اقعد مع بيري يمكن تقتنع و يمكن كمان اقترح عليها تعمل فتره خطوبه يمكن تحب خالد و نبقي حلينا مشكله و قربنا بينهم
ملك….لا يا مامي بلاش ندخل احنا في حاجه مش بتاعتنا انا لو مكان بيري بيتهيألي لا حضرتك ولا بابي هتجبروني علي حاجه يبقي ليه ترضوا عليها حاجه مش هترضوها عليا
هناء….ومين قال اني هجبرها انا هتكلم معاها بهدوء اقتنعت يبقي كويس مقتنعتش خلاص تبقي محاوله مش هتخسرنا حاجه
امجد…..معلش يا مامي خرجي نفسك من الموضوع ده زي ما ملك قالت لحضرتك وبعدين محدش فينا يعرف مكان بيري اصلا مازن هو اللي عارف مكانها و مقالش لحد فينا عشان خاېف عليها
رافت….ليه عايز تقنعني انكم متعرفوش بيري اللي مبتخبيش عنكم حاجه لا هي ولا مازن زي ما ديما تقولوا خبت عليكم
امجد….هما مش مخبين علينا بس كل الحكايه ان مازن شاف ده في مصلحة اخته احترمنا رغبته
هناء…..طب وسهر
ملك….يادي سهر مالها سهر
هناء….سهر متعرفش
ملك….لا محدش فينا يعرف
هناء…..هو انا ممكن اصدق كلامك بس لو انتي وامجد اللي متعرفوش لكن سهر مستحيل اصدق ده ان مكانتش هب اللي وراء كل ده اصلا
ملك….هو ليه حضرتك الفتره الاخيره دي شايفه ان سهر بقت شيطانه
هناء…..مين قال اني بقول عليها شيطانه بس متقنعنيش يا ملك ان ده تفكير مازن وتخطيطه مازن دماغه مش كبيره كده
امجد….يمكن حضرتك معاكي حق بس لما اخته تبقي بټتأذي او في حد ناوي يأذيها لازم دماغه تبقي كبيره لازم يحميها و لازم تفكيره يبقي شيطاني
هناء….بس بردوا انا مش مقتنعه ان سهر ملهاش يد في الموضوع ده و بصراحه ولا حتي مصدقه انكم متعرفوش مكانها
ملك….هو ممكن بجد تخرجي سهر من الموضوع ده يعني كفايه اللي هي فيه شغلها واقف و طنط امل مامتها كانت عامله حاډثه يعني اكيد هي مش ناقصه ولا فاضيه تخطط اصلا
هناء…..و الله طيب ما انتي بتكلميها اهو
سكتت ملك پصدمه وحست انها بوظت الدنيا
امجد….انا اللي قولت لملك يا مامي مازن قالي اللي حصل كلمتها وعرفت ملك عشان تكلمها وتطمن عليها و متزعلش منها وافكر انها مقصره معاها و بعدين دي مجرد مكالمه يعني نفذنا اللي قولتوا غليه ومش بنقابلها انا بحجة شغلي والعياده وملك بحجة تجهيز المكان
ملك….بالظبط هو ده اللي حصل و الله يا مامي انا اطمنت عليها بس بالموبايل
امجد…..لحظه بس يا ملك وبعدين يا مامي يعني لو فرضنا اننا نعرف مكان بيري تفتكري اننا ممكن نقول هي فين ده لو فرضنا يعني