چاسمين

رواية
چاسمين
أميره اسامه
صاحبة البطل الواحد
فتجدهم حيارى مضطربين ليسوا على يقين من أمرهم
البارت الثاني عشر
علي الساعه سته دخل بلال علي فريد و ياسر الصاله لمح ياسر نايم علي الارض و فريد بيكلمه
فريد ايييييه هتفضل نايم في الارض كده كتير يا دكر
ياسر حرام عليك مش قادر يا مفتري مش حاسس برجلي
فريد تعبتي يا سوسو
بلال بضحك رد يا سوسو
ياسر هاجي ابوظ وشك واطلع علي جتك التعب اللي في جتتي وانت يا عم ايه سوسو دي
فريد والله مش عاجبك الاسم يبقي تقوم
ياسر يا جدع العضله اللي في رجلي وقفت انت مبتتعبش يا فريد
فريد التعب مش للرجاله يا دكر احنا كنا في عز تعبنا بنعمل اضعاف التمارين دي و مستحيل كان يطلع مننا كلمة تعب
ياسر انا مالي ومالكم ياعم انا راجل محامي مليش في كل ده هو انا داخل فيلم اكشن ومش عارف تصدق بالله هو ده اللي بيخليني اطفش منك
ياسر طب ايه هنرغي كتير يا سوسو
بلال متحاولش كتير معاه قوم بكرامتك احسن
ياسر بضحك من كتر التعب يا جدع بقولك العضله سابت انا لو قمت لو يعني هخسر كل العضلات و مستقبلي هيضيع ترضهالي يا صاحبي
بلال بضحك لا كله الا باقي العضلات
ابتسم فريد ڠصب عنه وهز راسه شمال ويمين
فريد خد بالك انت تعبان مش من التمرينه انت تعبان عشان مش ملتزم
ياسر عايز تقنعني انك كنت بتمرني عالهادي
فريد والله التمرينه كانت بسيطه وهاديه
ياسر يا اخي منك لله امال لو كانت شديده كنت هتخليني ازحف
فريد طب قوم قوم كده كده الساعه بقت سته وراك مشوار
قام ياسر بصعوبه من الارض وقف و اتحرك كام خطوه وهو فاتح رجله
ياسر منك لله اروح اقابل الراجل ازاي ورجلي مخاصمه بعضها كده عامل زي اللي لسه طالع من اوضه ولاده
فضل بلال يضحك علي منظره وفريد ضحك عليه ڠصب عنه
ياسر انا راجل مش مظبوط قال ايه قولت اجي كده بما اني مش رايح شغل افك علي نفسي كده واتنشط
فريد هو دش ساقع كده هيظبط معاك الدنيا و هتتنشط
ياسر كمان دش ساقع في الجو ده كش بقولك مفتري
فريد مش بهزر بعد التمرينه دي مينفعش دش سحن هيسيب جسمك و عضلاتك
ياسر بضحك اكتر من كده
فريد اه والله اكتر من كده الدش الساقع هينشطك وهيقوي عضلاتك السخن هيرخيها
ياسر يرخيها لا وهي اللهم صلي عالنبي نشيطه اوي خد بالك انا بقيت لا اصلح للجواز
فريد بضحك مش هرد عليك بس وديني يا ياسر لو ما التزمت لا كل مره هتيجي هكسر عضمك كده
ياسر ده لو جيت اصلا او عتبت الصاله دي تاني
فريد علي فكره بتكلم جد حرام عليك نفسك بلاش اهمال انت جسمك حلو والشيب بتاعك خساره تهمله كده
ياسر الشيب بتاعي لو طال يشتم بالاب والام بعد اللي عملته فيه مش هيتأخر اوعي يا عم بلا كلام فاضي ده اخرة اللي ميسمعش كلام امه الست فضلت تتحايل عليا اقعد وارتاح بس انا اللي عملت فيها رياضي اوي
بلال بضحك طب يلا يا عم الرياضي ادخل خد دش بلاش تسيب جسمك عرقان كده
ياسر ولا يا بلال لو اتاخرت ابقي اطمن عليا عشان حاسس اني هقع في الحمام
بلال بضحك اجي معاك
ياسر بتصطاد انت في المايه العكره صح
بلال بضحك طب الحق عليا يا عم
ياسر ايه انت مش ناوي تاخد دش
فريد لا لسه عندي تمرينه برايڤت
ياسر تمرينه برايڤت لسه هو انت لسه عندك نفس منك لله انا ماشي
فريد بضحك وانا زيك يا سوسو
ياسر فاكر يعني لما تقولي سوسو الدكر اللي جوايا هيضايق و يفوق ويرجعلك تاني لا خالص ماله سوسو زي الفل اعيش سوسو ولا اموت ياسر وسع يا جدع بلا كلام فارغ قال رياضه قال
مشي ياسر علي الحمام و فضل بلال و فريد يضحكوا عليه