چاسمين

مهيب لا انا بره ليه في حاجه

مهيب طيب و قالت حاجه

مهيب تمام تصور كل حاجه وتبعتلي و لما اخلص هشوف و هكلمك

مهيب تمام يلا سلام
خالد خير يا باشا في حاجه
مهيب لا دي مكالمه شغل عاديه عموما انا مش حابب اخد من وقتكم كتير طبعا يا فاتن سعيد قالك اني عايز اجي عشان اتكلم كلمتين
فاتن ايوه قالي و اتفضل احنا سامعينك
مهيب لا هو صراحه الكلمتين دول انا جاي اتكلمهم مع بيري بيني وبينها يعني ده بعد اذنك يا سعيد طبعا
سعيد با خبر يا باشا حضرتك بتستأذني ده بيتك وبيري بنتك
فاتن طيب واحنا نطلع منها يعني
مهيب والله دي اسرار بقي من اب لبنته بس عادي ممكن بيري تبقي تعرفكم لو حبت و لا ايه يا بيري
بيري بتوتر وخوف اتفضل طبعا يا انكل مهيب تحب نقعد فين
فاتن طيب ادخلوا جوه في مكتب سعيد
سعيد اخ المكتب هتقدروا تاخدوا في راحتكم
قام مهيب وقف وبص لبيري
مهيب يلا يا بيري
قامت بيري وقفت و بصتله
بيري اتفضل يا انكل
خدته بيري ودخلت علي المكتب

في مكتب سالم عبيد
قفل سالم صوت التلفزيون بعد ما سهر راحت فاصل
ياسر مكنتش اعرف ان حضرتك متابع برامج يا متر
سالم ازاي ده انت حتي عارفني كويس انا مش بفوت لا خبر صحفي ولا برنامج و لا اي حاجه ليها علاقه بالبلد
ياسر طب ايه رايك في اللي قالته
سالم شوف انا متابع البنت دي من قبل ما تبدأ الموسم الاول للبرنامج بتاعها قبل ما تشتغل في البرنامج ده و تاخد الشهر دي كانت بتطلع في برنامج تاني علي قناه مش معروفه اوي و الفقره بتاعتها كانت ضمن برنامج يعني مكانتش هي اللي بتقدم الحلقه كلها بس هي شاطره وقدرت تاخد فرصه و كنت متابعها كمان قبل البرنامج الاول كانت لسه مشتغلتش اصلا او كانت لسه تحت التدريب كانت بتعمل مقاطع ڤديو صغيره كده علي الميديا زي مقاطع ساخره كده يعني بتعمل أسقاط علي بعض السلبيات اللي بتحصل لكن بطريقه ساخره
ويمكن المقاطع دي اللي خلتني اركز معاها وقتها قولت البنت دي هتبقي حاجه وتابعتها و فعلا عنلت اول فقره ليها في البرنامج اللي قولتلك عليه بس عشان كان ليها جمهور في الميديا قدرت تثبت رجلها وتاخد شهره اوسع و جاتلها الفرصه بتاعت البرنامج ده
الموسم الاول كسر الدنيا رغم ان حصلها قلق كتير و اتحذرت كتير لكن كملت علي نفس النمط
شوف هي ذكيه جدا شاطره و موهوبه عندها قدره رهيبه في الجذب يعني حتي اللي ملهوش في السياسه و لا يفقه فيها شئ
ڠصب عنه بيتفرج عليها عيبها الوحيد انها بالبلدي كده ضاړبه الدنيا صرمه معندهاش حدود للكلام
ياسر بس اللي اعرفه يعني ان حضرتك بتحب النوع ده من الناس و حضرتك نفسك بتعمل اكتر منها
سالم دي حقيقه بس في فرق يا ياسر
ياسر ايه هو بقي
سالم ان انا مأمن نفسي لابعد حد ممكن تتخيله عارف كل حرف بقوله رايح فين ولمين و عارف كمان اللي بتكلم عنه ده انا ماسك عليه ايه يحميني من شره
انما هي لأ البنت لسه صغيره وبيتهيألي مهما كانت المعلومات اللي عندها اللي مدياها الجرأه دي فا هي في خطړ خد بالك انا عندي معلومات عن البنت دي كتير و عارف انها مسببه ذعر و خوف لناس كتير
ياسر وياتري بقي ايه سبب جمع المعلومات دي عنها
سالم اعجابي بيها و بجرئتها
المواضيع الحساسه اللي بتطرحها وبتتكلم فيها رغم صغر سنها و اللي كتير من الاعلاميين الكبار يخافوا يعملوا ربع اللي هي بتعمله خلوني متأكد ان البنت دي علي قد ما هيكون ليها شأن كبير و اسمها مسمع علي قد ما هتكون في خطړ
ياسر بيتهيألي مش لدرجه خطړ لانها مذكرتش اي اسم من اسامي الكبار بس ممكن تنتهي معاها بوقف من شغلها حاجه من الحجات دي
سالم طيب خد التقيله سهر عايشه مع والدتها و ليها اخت اصغر منها و اختها دي من حوالي ثلاث سنين او اربعه اټوفت وهي خارجه من الجامعه بتاعتها كانت خارجه مع زمايلها و هوب عربيه خبطتها علي ماوصلوا بيها المستشفي البنت كانت اټوفت و طبعا محدش عرف يوصل للي خپطها لانه طار بالعربيه حتي لما حاولوا يجيبوا رقم العربيه مقدروش يوصلوا لحاجه و العربيه اختفت من الوجود سهر و والدتها عارفين ان هي كانت مجرد حاډثه و اټوفت قضاء وقدر
ياسر طب وهو في كلام تاني غير ده
سالم اااااه كانت حاډثه مدبره يا ياسر
ياسر حضرتك بتتكلم جد
سالم والكلام ده فيه هزار
ياسر طيب حضرتك عارف اي معلومه عن اللي عملها
سالم حد بعينه لا لكن اعرف اسامي متورطه في الحاډث ده بس توريطهم مسمعش يعني ده كان بينهم وبين بعض
ياسر يعني لحد اليوم ده هي متعرفش ان اختها اټقتلت
سالم لا و حتي لو كانت عرفت مكانتش هتقدر تعمل حاجه ولو كانت حاولت تعمل كانت هتحصل اختها الناس دي مبتهزرش
ياسر ايوه يا متر بس من ثلاث سنين او اربعه سهر مكانتش بالقوه دي يعني و علي كلام حضرتك مكانتش لسه ليها برنامج خاص
سالم ده حقيقي بس السبب في كل ده المقاطع الساخره اللي كانت بتنزلها كانت بتخبط في اي حد و بتقرب من مواضيع كبيره عليها فا حبوا يردوا عليها بطريقتهم او يبعدوها عن اللي هي بتعمله حتي لو فتره
ياسر اااه تقصد يعني زي اللي اتعمل مع فريد التهامي
سالم الله ينور عليييك فريد التهامي لما كان بيلاحقهم ويقفل عليهم كل الطرق حبوا يقرصوا ودنه اول مره كانوا مقررين انهم يختالوا ضربوا عليه ڼار بس الطلقه جات في كتفه
ياسر غريبه بس مفيش يعني اي خبر اتقال عن المحاوله دي
سالم لان فريد نفسه مقالش حتي لاقرب ناس ليه انه اتضرب عليه الڼار الطلقه اللي جاتله كانت سطحيه و بعدين كان داخل علي جواز فا محبش يعمل شوشره
انا كنت علي علاقه بخال مراته الله يرحمها و اللي فهمته منه ان والد البنت كان خاېف عليها و حاول اكتر من مره يمنع الجوازه دي عشان بنته تبقي في امان
—
يعني عشان خطوره شغل فريد بس البنت كانت بتحبه ومتمسكه بيه فا في الغالب لما حصل كده فريد قرر يخبي عشان ميحصلش قلق و حماه يبوظ الجوازه
وطبعا فريد عنيد زي سهر كده فضل مكمل و هما قرروا يقرصوا ودنه للمره التانيه بس قرصه تطلع بدم وتخلي فريد بعدها يبعد عنهم تماما و يوم فرحه ضربوا ڼار و ماټ والده و ماټت عروسته فكروا ان بعد اللي حصل ده هيتهد و ېخاف و يسيبهم في حالهم بس عملتهم دي زودت ڠضب فريد الضعف و فضل وراهم و هما هنا حسوا بضعف موقفهم لان الواضح ان فريد كان ماشي بالاتجاه الصح وكان قريب منهم جدا وقتها قرروا يقرصوا ودنه للمره الثالثه
او بمعني اصح يضربوا فريد في مقټل
ياسر خطفوا اخته صح
ياسر بالظبط و طبعا لعبوها صح المرادي فريد خاف علي اخته وفكر انه لو بعد عن شغله و بطل يلاحقهم اخته هترجع و هتبقي في امان
ياسر و هما لا رجعوا اخته ولا هو رجع شغله
سالم بالظبط فريد لو اخته كانت ماټت كان فضل مكمل لكن خوفه عليها من اذيتهم ليها خليته يتصرف بعقل اكتر بس للاسف هو مش فاهم انه حتي لو بعد اخته مش هترجع
ياسر ليه بتقول كده
سالم ماهي واضحه مش محتاجه سؤال يا ياسر اخته مختفيه من ثلاث سنين لو كانوا عايزين يرجعوها كانوا عملوا كده من زمان بس ده مستحيل رجوع اخته معناه تدميرهم اولا فريد هيرجع تاني شغله و هيدور وراهم تاني ثانيا محدش عارف الفتره اللي اخته اختفت فيها دي عرفت عنهم ايه سمعت منهم ايه ايه الاسامي اللي اترددت قدامها طول الفتره دي وهما مش اغبياء يا ياسر حياتهم كلها في ايد اخته و هما من البدايه خطڤوها عشان فريد يبعد عنهم فا اكيد مش هيرجعوها تاني
ياسر ايوه بس هيفضلوا يعني مخبينها علي طول
سالم ده لو كانت عايشه يا ياسر من الاساس
ياسر اتغيرت ملامحه تقصد يعني انهم قتلوها
سالم وليه لا هما اصلا مش محتاجينها في اي حاجه بالنسبالهم هي مجرد درع حمايه ليهم مش اكتر
ياسر بس لو كانوا عملوا كده اكيد مش هيخافوا يعني اللي خلاهم قتلوا ابوه واخته
سالم لا طبعا هيخافوا ويخافوا اوي كمان لو عرف ان اخته اټقتلت هيرجع من تاني و هيرجع متوحش اكتر مۏت ابوه ومراته موقفوش اللي وقفه يا ياسر هو خطڤ اخته فريد صابر علي امل انها عايشه وممكن ترجعله لكن لو عرف انها ماټت او اټقتلت زيهم مش هيسكت لانه مش هيبقي عنده حاجه يبكي عليها خلاص بالعكس ده هيرجع بقوه محدش يتخيلها عشان كده مستحيل لو قتلوها يقولوا
ياسر طيب بيني وبينك كده حضرتك عارف حاجه عن اخته
سالم سمعت كتير انهم في البدايه سفروها بره و سمعت تاني انهم صفوها تماما ومخلوش فيها حته سليمه و لا حتي سابوا لجسمها اثر و سمعت بردوا انهم جوزوها لحد تبعهم وهددوها انهم يقتلوا اخوها لو نطقت وسمعت ان عقلها راح من اللي اتعمل فيها شوف الحكايات كتير بس فين الحقيقه محدش يعرف
بصله ياسر بحزن و هو مش عارف يقول ايه
ياسر بس انا سمعت من فتره ان هي عايشه في بلد تانيه بردوا و في ناس من جوه الجهاز اتعرفوا عليها وشاكين انها هي
سالم قولتلك دي مجرد حكايه من حكايات كتير و لازم تعرف حاجه مهمه حتي لو دي الحقيقه الجهاز مش هيعمل حاجه لان في ناس من جوه الجهاز نفسه متورطين في الحاډثه دي من بدايتها
ياسر بس اللي اعرفوا ان فريد محبوب جدا في الجهاز ويتمنوا انه يرجع تاني
سالم فريد محبوب من جزء ومكروه من جزء فيهم ناس جوه كانت بتتمني ان الطقله اللي خدها ابوه ومراته هو اللي ياخدها لانهم ببساطه جزء من المنظمه دي و زي ما قولتلك واضح اوي ان فريد كان قريب منهم لدرجه خلت الكل يترعب ومش بعيد لو كان وصل لحاجه كان وقع وڤضح اسامي تقيله في الدوله
ياسر للدرجادي هو احنا عايشين فين لما اللي المفروض يكونوا التمان والحمايه لينا هما بنفسهم اللي بيدمرونا من غير ما نحس
سالم قولتهالك يا ياسر و هقولهالك تاني الكرسي ليه هيبه و اللي بيقعد عليه مستعد يعمل اي حاجه في الدنيا عشان محدش يسحبه من تحته يدمروا فينا بقي يمحونا من الوجود المهم هما واتباعهم يكونوا في امان خد بالك هما عاملين زي العقد لو فرطت واحده منه الباقي هيفرط
ياسر بس اللي اعرفه يعني ان اللي بيقع منهم مستحيل ينطق علي اللي فوقيه و عندهم استعداد يموتوا عادي بس ميتكلموش المهم يأمنوا اهاليهم بعد موتهم
سالم ودي حقيقه بس اللي يخليك توصل لواحد سهل توصل للي بعده لحد ما توصل للراس الكبيره و هما مش عايزين كده بيحاولوا طول الوقت يامنوا الصغير قبل الكبير
ياسر حضرتك كنت قولتلي ان سعد الدين رشدان من ضمن الاسامي المتورطه في الحاډثه دي بس اللي اعرفه ان الراجل ده مفيش عليه غبار
سالم ما هو ده المنهج اللي ماشيين بيه يا ياسر بيحطوا عالكراسي ناس يتحاكي عليهم في اخلاقهم وسمعتهم و هما مجرد ستار ما هما بردوا مش هيجيبوا واحد سمعته سبقاه واخلاقه زي الزفت عشان كل ما يحصل مصېبه يتشك فيه الناس دي ذكيه يا ياسر و بتقدر تختار بكل دقه وعنايه
ياسر طيب ايه اللي يخلي واحد زي سعد الدين رشدان ينضم ليهم اصلا اللي اعرفه ان الراجل ده من اغني اغنياء لبنان مولود في بوئه معلقه دهب زي ما بيقولوا ليه ينضم ليهم
سالم الناس دي مش بتفكر بالطريقه دي يا ياسر و لا الفلوس تشغلهم اللي يشغلهم بجد السلطه والتحكم النفوذ الكلمه المسموعه
يمشوا العالم كله تحت رحمتهم و باشاره منهم خدوا علي انهم يأمروا فا يطاعوا
ياسر طيب ومين تاني من الاسامي التقيله متورط مع سعد الدين رشدان
سالم اوعي تفتكر ان قضيه فريد التهامي هي بس الحاجه الوحيده المتورطين فيها لا ده في حجات كتير اوي و لو عالاسامي فا في رموز تقيله ورجال دوله يعني وزراء علي لواءات علي رتب في الجيش علي رجال اعمال من مصر وبره مصر زي سعد الدين يعني لو عالاسامي متعدش قولتلك هو عقد لو فرط هيجيب اسامي كتير اوي عايز اقولك ان فيهم ناس من رجالة مبارك مثلا اغلبهم عليهم علامات استفهام بس لما بدأت وساختهم تظهر للناس وحسوا انهم هيشكلوا خطړ عليهم زي ما قالت سهر كده يلا ثوره ويلا انقلاب عسكري
ياسر انا حاسس اني في كابوس
سالم احنا في العن من الکابوس يا ياسر يعني عندك واحد زي عادل الغندور رجل الاعمال بتاع مصانع الحديد من ضمن الاسامي اللي متورطه واحد زي محمد الرشيدي صاحب مجموعة معمار الرشيدي من ضمن الاسماء المتورطه في حجات كتير
يعني لو فضلنا نعد يا ياسر مش هنخلص يمكن فريد التهامي من الرجاله الجامده والقويه اللي كانت في الجهاز بس للاسف هو بردوا واقع وسط مستنقع صعب الخروج منه لان باختصار اللي بيحمي الناس دي ناي من جوه الدوله يعني مش هيقفوا مع فريد بالعكس دول هيحاولوا يمحوه عشان هما يعيشوا لان روحهم في ايده و حياتهم في كفه وحياته في كفه فهمت يا ياسر
ياسر بحزن هز راسه فهمت
دخلت بيري مع مهيب المكتب قعدت قدامه وحط رجل علي رجل حست بيري من نظراته انه متغير 360 درجه عن ما كان بره
نظراته ليها كانت مرعبه ومخيفه وفيها تعالي و تقليل و ضفيها جمود كانت متوتره مشبكه ايدها الاتنين في بعض و بتهز رجلها بتوتر
مهيب انتي ايه مشكلتك مع خالد يا بيري
بصتله بيري پصدمه متوقعتش السؤال و بسبب توترها ردها مكانش في محله
بيري مفيش مشكله يا انكل
مهيب جميل ولما هو مفيش مشكله ليه القلق اللي حاصل ده كله
هنا حست بيري ان ردها برأ خالد حاولت تستعيد قواها من تاني وترد عليه
بيري انكل مهيب حضرتك عارف اني بحترمك وبقدرك بس القلق اللي حضرتك بتتكلم عنه ده خالد السبب فيه
مهيب لا مش فاهم وضحيلي اكتر
بيري لا بيتهيألي حضرتك فاهمني يعني اكيد عرفت من خالد اللي عمله معايا و لو معرفتش منه بيتهيألي ان سهر جات عندكم البيت تاني يوم الحفله وحكتلك اللي حصلت
مهيب لا لا لا سيبك من سهر دي خالص انا بعدين هشوف شغلي معاها بطريقتي دي نكره و غلطت و انا اللي يغلط معايا او مع ابني من غير تفكير اوديه وراء الشمس
بيري بعد اذن حضرتك يا انكل مهيب انا مسمحش لاي حد يتكلم عن سهر بالشكل ده سهر مش صاحبتي دي اختي و اظن انها مغلطتش لا في خالد ولا في حضرتك دي كانت خاېفه عليا حضرتك شايف بقي انها تروح وراء الشمس عشان كانت خاېفه عليا
مهيب انا مش جاي هنا اتكلم علي سهر سهر مش موضوعنا اصلا دي نكرررره
بيري انكل مهيب من فضل حضرتك بلاش تتكلم عنها كده و بعدين حضرتك لو شايف ان في حد لازم يتحاسب فا الحد ده يبقي خالد مش سهر لان واضح ان حضرتك اختلط عليك الامر
اللي فهمته ان حضرتك بعد كلامك ده عندك علم باللي خالد عمله معايا ومع ذلك سايبه هو و ماسك في سهر اللي كانت خاېفه عليا ودي حاجه بصراحه انا مش قادره افهمها مع اني توقعت ان حضرتك اول حد هيقف لخالد و يحاسبه علي عملته دي
مهيب وخالد عمل ايه يا بيري
بيري بابتسامه صډمه حضرتك بجد بتسأل ابن حضرتك تعدي كل حدوده معايا و كان عايز يدمرني ويدمر حياتي ومستقبلي
مهيب ابني بيحبك يا بيري واختارك انتي دونا عن كل بنات العالم
بيري وهو في قاموس خالد وقاموس حضرتك ان اللي بيحب حد ممكن عادي يأذيه
مهيب وليه بتسميها اذيه ليه متسميهاش حب
بيري پصدمه هزت راسها بعدم تصديق حب !! هو ده مفهوم الحب عندكم يا انكل مهيب ده انا لو واحده رخيصه من الشارع هيبقي في بينا اتفاق حب ايه اللي حضرتك بتتكلم عنه هو لو خالد كان قدر يوصل للي كان بيخططه ليا يوم عيد ميلادي كان فتكر اني ممكن احبه وارضي بيه
مهيب ترضييييي بيه ليه هو خالد في حد ممكن يرفضه
بيري وليه لا يا انكل مهيب
—
مش معني اني مش بحبه اني بكرهه شخصيا انا مش بحبه كا راجل ممكن يكمل معايا حياتي ودي حاجه متضايقش حد لان دي حياتي انا و انا حقي اختار البني ادم اللي اكمل معاه
مهيب حلو اوي و ايه كمان يا بيري هانم خالد ليه مش هو البني ادم ده عشان لسه بتحبي مثلا حمزه
بيري انكل مهيب انا مسمحش لحضرتك تتكلم معايا بالطريقه دي لان تلميح مش مقبول بس لو علي حمزه ده اخر شخص في الدنيا ممكن افكر فيه و لعنت الساعه اللي عرفته فيها الف مره
مهيب امال مين بقي اللي مخليكي رافضه خالد
بيري هو لازم يكون في حد انا مفيش حد في حياتي ومع ذلك مش حابه ارتبط بخالد يا انكل مهيب ارجوك افهمني و فكر لحظه بعيد عن ان خالد ابن حضرتك خالد بالنسبالي مجرد صديق للعيله اعرفه من زمان زيه زي مازن اخويا يعني علاقتي بيه مستحيل تطلع بره الاطار ده و لازم تعرف اني حاولت كتير افهمه بس هو رافض
مهيب اسمعي يا بيري زمان لما والدة خالد اټوفت قررت اني اعيش علي ذكراها و اربي خالد لوحدي و عشان مبقاش ببالغ وقتها انا مكنتش فاضي اني ادخل علاقه جديده لان شغلي كان بيكبر ومحتاج مني وقت ومجهود و فعلا قعدت سنتين انا وخالد بطولنا بس بعد السنتين دول قررت اني اتجوز مش هقولك بقي عشان اجيب ام لخالد او عشان هو محتاج حد لا
بس اكيد انتي عارفه ان مفيش راجل يقدر يعيش من غير ست وانا كنت محتاج ست في حياتي وبالمره تهتم بخالد مع اني مكنتش مأثر معاه ولا مخليه يحتاج لمخلوق في الدنيا بعدي
اتجوزت و هما ست شهور بالظبط بمجرد ما حسيت انها مش قادره تهتم بابني طلقتها وقررت بعدها اني اعيش عشانه هو بس ربيته وكبرته علمته عشت معاه كل تفاصيل حياته كنت ليه اب وام و اخ وصاحب
لو كان يطلب نجمه من السماء كانت تحضر لاجل عيونه قربت منه لدرجه المړض خۏفت عليه لدرجه الوسواس عمري ما رفضتله طلب ولا عمري خليته ينام وهو زعلان و لا عمري أثرت معاه في تحقيق اي امنيه هو بيتمناها و معنديش استعداد طول ما فيا نفس ان خالد يتمني حاجه و محققهاش ليه حتي لو كانت ايه
سيبك بقي من الفلوس والنفوذ وكل حاجه انا املكها لان الحاجه الوحيده اللي انا املكها بجد في الدنيا هو خالد ابني و تحت اي ظرف حتي لو كان بالڠصب هحقق لخالد كل حاجه بيتمناها
بصتله بيري پصدمه وخوف و عدم تصديق مستغربه كلامه ولهجته بالنسبالها كانت مريبه
مهيب خدي بالك يا بيري العلاقه اللي بينك وبينك خالد دي مش عجباني ولا داخله مزاجي لان بسببك خالد ماثر في شغله وفي حجات كتير مش قادر يركز وده عاملي انا قلق لان بدأت انا كمان اهمل شغلي عشان حاسس ان ابني مش مبسوط
بيري بس انا وخالد يا انكل مهيب مفيش بينا اي علاقه متبادله العلاقه اللي حضرتك بتتكلم عنها دي من طرف خالد ولو في تأثير في شغله او شغل حضرتك زي ما بتقول فا ده بسبب خالد مش بسببي انا موعدتش خالد بحاجه ولا عمري اتعاملت معاه بطريقه تخليه مشغول بيا فا انا مش سبب
مهيب بصوت اعلي نسبيا لا انتي سبب وسبب قوي كمان كل حاجه بتحصل لابني بسببك انتي بسبب رفضك ايه انا مش فاهم ازاي اصلا ترفضي خالد انا ابني ميترفضش يا بيري انا ابني تتمناه اي بنت في الدنيا
بيري إلا انااااا إلا انا يا انكل مهيب وده مش عشان خالد وحش بس انا مش بحبه مش شايفه نفسي معاه في علاقه مفيش اي حاجه ممكن تجمعني بيه مش قادره اشوفه غير صديق معرفه مش اكتر من كده
مهيب يعني ايه
بيري يعني اللي حضرتك فهمته يا انكل مهيب انا مش هقدر ولازم خالد يفهم ويقتنع
مهيب بس خالد لا هيفهم ولا هيقتنع
بيري تبقي مشكلته هو مش مشكلتي انا
مهيب لا مشكلتك يا بيري مشكلتك انه حبك واختارك انتي دونا عن كل بنات الدنيا وعشان كده انا مستحيل طول ما انا عايش اخلي ابني يحزن او يتمني حاجه و ميطولهاش انا وعدته ان طول ما انا عايش كل احلامه هتتحقق
بيري باستغراب ابتسمت ابتسامه سخريه حاجه !! و انا مش حاجه يا انكل مهيب و لا حتي حلم من احلامه اللي اعرفه ان الاحلام عشان تتحقق لازم تكون متبادله مش اسعد بني ادم واتعس بني ادم تاني
مهيب وانتي فاكره ان حياتك مع خالد هتكون تعيسه انتي هتعيشي في مستوي صعب تتخيليه يا بيري كل طلباتك هتتحقق هعمل معاكي كل اللي بعمله مع خالد واكتر في مقابل سعادة ابني الوحيد و وريثي
بيري انا اسفه يا انكل مهيب انا مش مش صفقه و لا انا مجرد بيعه و لا انا ممكن اتجوز بني ادم عشان فلوسه او نفوذه حضرتك فاهمني غلط انا مش كده مكنتش اتمني اقف مع حضرتك في الموقف ده ابدا بس انا اسفه مش هقدر وطلب حضرتك مرفوض
مهيب بصلها ثواني وكل نظراته اتحولت لدرجه خلت بيري قلبها يدق بسرعه من كتر خۏفها رغم انها كانت جريئه معاه و عارفه ترد ألا انها مقدرتش تنكر الرهبه والخۏف والتوتر اللي كانوا جواها باعت ريقها بصعوبه واستنت منه رد علي كلامها
مهيب و انا كمان اسف و مكنتش اتمني نوصل في نقاشنا للمرحله دي بس انتي اللي اضطرتيني يا بيري علي اللي هقوله الوقت
بيري تقصد ايه
مهيب اقصد ان حتي رفضك ده غير مقبول و هعتبر نفسي مسمعتهوش و جوازك من ابني هيتم
بيري پصدمه بصتله ايه حتي لو ڠصب عني
مهيب اه حتي لو ڠصب عنك انا قولتلك مستعد اهد الدنيا عشانه و بما اني اتكلمت معاكي بهدوء وحاولت اقنعك و انتي رافضه ومصممه علي قرارك يبقي انا مفيش قدامي حل
وقفت بيري پغضب وبصتله
بيري لو حضرتك ممكن تهد الدنيا عشان حاجه ابنك عايزها انا كمان مفيش حاجه في الدنيا تقدر تغصبني علي حاجه انا مش عيزاها
مهيب مكااااانك
وقفت بيري وبصتله وهي قلبها بيدق من صوته
مهيب لا في يا بيري وفي كتير يغصبك علي الموافقه زي مثلا اني في لحظه ممكن ارميكم في الشارع او اني اسجن ابوكي و اخوكي و اشرد امك واختك ده غير اللي ممكن يحصل فيكي
بيري هو انت ازاي كده حضرتك بتهددني فاكر يعني ان البيت و الفلوس و الشغل بأيدك انت علي فكره لا دي حاجه بايد ربنا
مهيب وبأيدي و اه اعتبريني پهددك واضح كده انك متعرفيش حجات كتير اوي و سعيد وفاتن مخبيين عليكي
بيري مخبين عليا ايه
مهيب يعني اني مثلا معايا شيكات علي سعيد تخليه يقضي عمره مرتاح في السچن و مش بس عمره ده لو هيتحط عمر علي عمره مش هيقضي سنين السچن اللي ممكن اقعده فيه
ابوكي مديون ليا بملايين من بدايه ما وقفت معاه وقت ما خسر فلوسه عمري ما طالبته باي مليم و كل ده عشان ابني اختارك
ده غير البيت والعربيات غير سنين التعليم اللي اتصرفت عليكي وعلي اخواتك في احسن المدارس واحسن الجامعات
كل ده انا كنت متكفل بيه و عشان اريحه كنت باخد عليه شيكات مكنتش ناوي اطلعها بس صدقيني لو اضطريت همحي كل عيلتك من الوجود
مش بس كده فاتن حبت انها تحجز ڤيلتين واحده لمازن و واحده لمريم و هما مضوا علي اوراق الڤيلا يعني قدام القانون هما مديونين ليا بتمنهم و بما اني هسحب كل حاجه منكم مش هيبقي في قدامهم غير يا الدفع يا الحبس و مش بس كده فاتن كمان حجزت واحده هي كانت ناويه تعملها مفجأه ليكم لما تنقلوا فيها بس اسف بوظت المفجأه وهي كمان مديونه ليا
يعني باختصار عيلتك كلها مديونه بكل حياتها ليا انا وكلمه واحده منك يا بيري يا تخليهم عايشين ملوك يا تخليهم عايشين طول حياتهم في السچن
انا قولت اللي عندي و مستحيل ارجع فيه قدامكم يومين بالظبط تفكري و اعملي حسابك اخر الاسبوع الجاي هيتكتب كتابك علي خالد وبعدها نحدد معاد فرحكم يا توافقي يا ترفضي انتي حره بس انا كمان حر و اوعي تفكري ان عشرتنا و معرفتنا ببعض و غلاوتكم ممكن تكون اكبر من حبي لابني ماشي يا بيري فكري والقرار في ايدك وانا عليا التنفيذ
قام مهيب وقف و طفي السېجار بتاعه ي الطفايه قدامها وسابها وخرج بيري كانت واقفه مصدومه دموعها نازله ومش بتنطق حست خلاص ان الدنيا اسودت في عينها وضاقت بشكل ميتوصفش قعدت عالكرسي وحطت ايدها الاتنين علي رجلها و هي دموعها بتجري
المكتب بيلف بيها عينها مركزه علي الارض بلا مبالاه مش قادره تستوعب اللي حصل وبقي صعب عليها تنفذ خطتها اللي اتفقت عليها مع سهر و ملك خلاص كل حاجه كانت فاكره انها ممكن تعملها لو اتغصبت علي جوازها من خالد جه مهيب في لحظه وضړب كل مخططاتها في عرض الحائط
خرج مهيب وكان طبيعي سلم عليهم وخد خالد ومشيو وهي كل ده في المكتب عندها ذهول
مازن هي بيري فين كل ده
مريم تعالي نشوفها
سعيد تعالوا لما نشوف حصل بينهم ايه
فاتن اكيد اقنعها
دخلوا الاربعه علي بيري المكتب كانت في حاله لا يرثي لها من كتر الصدمه كانت في حالة صمت دموعها بس هي الحاجه الوحيده اللي بتتحرك
مازن پخوف بيري انتي بټعيطي
مريم قربت منها بسرعه في ايه يا بيري مالك حصل ايه
فضلت بيري علي نفس حالتها وباصه في الفراغ ومش بتنطق
سعيد في ايه يا بيري ما تتكلمي يا حبيبتي
فاتن بيري حصل حاجه بينكم
مازن طيب قوليلي يا حبيبتي في ايه هو ضايقك بالكلام قالك حاجه جرحتك
بلعت بيري ريقها بصعوبه وكان في غصه في حلقها و من بين دموعها نطقت
بيري انا موافقه اتجوز خالد
ابتسمت فاتن ابتسامه واسعه وبصت لسعيد بفرحه ابتسم خالد بهدوء ورجع بص لبيري
فاتن براڤو عليكي يا حبيبتي انا كنت واثقه انك هتعملي الصح
سعيد مبروك يا بنتي خالد والله شاب مفيش منه وهيسعدك
مازن پغضب بسيط معلش لحظه يا ماما انتي وبابا هو ايه اللي برافو عليكي و ايه اللي مبروك هو انتوا ازاي مش شايفين حالتها بيري شكلها مش
—
موافقه
فاتن ليه حد غصبها فينا يا مازن ما هي اللي قالت انها موافقه وبعدين هتلاقي فين زي خالد
مازن في داهيه خالد هو انتي مش شايفه دموعها با ماما ولا ايه هو في حد يعيط علي حاجه موافق عليها الا لو كان مڠصوب
فاتن وليه متبقاش دموع الفرح
مازن فرررررح ده علي اساس ان بيري كانت بټموت في خالد ما كلنا عارفين انها مش بتطيقه ما تنطقي يا بيررررري في ايه
فاتن هو انت عايز تعمل مشكله وخلاص وبعدين انت بتدخل ليه هي موافقه
مازن وهي اختييييي ومستحيل اخليها تعمل حاجه مش علي مزاجها لو فيها مۏتي هي و مريم اخواتي و حته مني و سعادتهم لو مش طالعه من قلبهم مستحيل اخليهم يتغصبوا علي حاجه
سعيد وانت فاكر اني ممكن اغصب ولادي علي حاجه يا مازن ولا انت نسيت اني ابوهم
مازن لا منستش بس حضرتك وماما واضح انكم مش واخدين بالكم من حاله بيري و المفروض انكم اكتر اتنين في الدنيا كلها تبقوا عارفين ايه اللي ممكن يفرحنا وايه اللي ممكن يزعلنا و المفروض انكم تبقوا عارفين احنا راضييين ولا مغصوبين بس واضح انكم مش شايفين حاجه زي دي للاسف
فاتن ماااااون خد بالك من كلامك انت بتتكلم مع امك وابوك مش صحابك
مازن واخد بالي كويس اوي بس اتمني تاخدوا انتوا بالكم ان بيري بنتكم
فاتن واحنا عملنا ايه احنا عايزين سعادتها
مازن واهووو سعادتها باينه علي وشها ده محدش فيكم فكر يسألها ابه اللي حصل بينها وبين مهيب الباز محدش فيكم سأل اتكلمت ا في ايه وصلها للحاله دي
بيري مازن ارجوك كفايه انا قولتلك اني موافقه ومحدش غاصبني علي اي حاجه
مازن وانا مش موافق وعلي چثتي تتجوزي خالد حتي لو اضطريت اقتله الا لو عرفت ايه اللي حصل بينك وبين مهيب و قالك ايه وقتها بس اقتنع انتي موافقه بمزاجك او في حاجه غصبك بيها علي جوازك من ابنه
فاتن وانت مين انت عشان توافق او تعترض علي حاجه اختك عيزاها
مازن ده لو كانت عيزاها فعلا وانا مين انا اخوها سندها ضهرها اللي مستعد اعمل اي حاجه عشان اشوفها اسعد واحده في الدنيا
بيري مازن محصلش حاجه يا حبيبي صدقني انا موافقه
مازن وانا مش موافق اقولك انا هروح الوقت احصل مهيب وخالد وهقولهم في وشهم ان علي چثتي بيري تتجوزك
بيري پخوف استني يا مازن ارجوك اڼهارت من العياط ومسكت ايده اوعي تعمل كده وحياتي عندك
مازن قوليلي ليه وانا اوعدك معملش كده
مريم اتكلمي يا بيري في ايه يا حبيبتي هو هددك بحاجه اصل مازن معاه حق احنا مستحيل نصدق انك وافقتي عليه بمزاجك
مازن قدامك دقيقه لو منطقتيش هروح
سعيد يا ابني تروح فين هو اي جنان وخلاص
فاتن اطلع من الموضوع ده يا مازن عشان وقتها انا اللي هقف قدامك
مازن انا اسف يا ماما بس مش هستغرب انك تقفي قدامي عشان خالد ما انتي واقفه قدام بيري عشانه انا طول الوقت عامل نفسي عبيط و مستغرب طريقتك مع بيري و وقوفك في وشها واجبارها علي الجواز من خالد واقول عادي هي مش فاهمه هي عايزه حياه افضل لبيري بس مش قادر اتجاهل اني اوقات بحس انك بتحبي خالد اكتر ما بتحبي ولادك
فاتن هو انا لما اتمني ليكم الخير واختار ليكم شريك حياه كويس ابقي بحبه اكتر منكم خالد هو مفتاح الحياه بالنسبه ليكم ولينا
مازن ليه بتتعاملي معانا علي اننا مجرد بيعه للي يدفع اكتر
فاتن انت لسه صغير مش فاهم حاجه بكره بس تكبر والدنيا تطلع عينك هتعرف ان معايا حق
مازن وانا راضي ان الدنيا تطلع عيني ولا اني اتذل انا واخواتي لاي بني ادم علي وجه الارض و بعدين ما احنا هايشين كويس مالها حياتنا يعني
بيري باڼهيار حياتنا دي مجرد ظل تابع ليهم يا مازن افهمممم حياتنا دي مش هتكمل زي ما انت شايفها حلوه كده الا لو اتجوزت خالد هو قالي قالي ان حياتنا رهن اشاره منه وافقت علي خالد هنعيش عيشه ملوك موافقتش هنتدمر كلنا
مازن اااااه حلو يعني مهيب الباز بيهددك عشان تقبلي بابنه تمام وانا بقي هعرفه يعني ايه يتجرأ ويفكر ېهدد اختي
فاتن مااااون اقف عندك
بيري ماااااازن اوعي تروح يا مازن لو عملت كده مش هيسمي عليك ولا علينا بابا ماضي علي نفسه شيكات تسجنه عمره كله هو قالي ان كل دين بابا اتدين بيه منه من ايام ما خسر شغله و هو واخد علي شيكات قالي البيت و العربيات واخد بيهم شيكات مصاريف تعليمنا من واحنا في مدارس لحد ما بقينا في جامعه بشيكات حتي انت ومريم قالي الڤلتين اللي ماما خدتهم ليكم كاتب عليكم انتوا الشيكات باسمكم يعني انتوا كمان هتتسجنوا لو خد كل حاجه منكم ومش بس انتوا حتي الڤيلا اللي ماما خدتها منه شيكاتها معاه
بصوا كلهم لفاتن باستغراب
سعيد ڤيلا انتي خدتيها يا فاتن
فاتن بأرتباك اه كنت حابه اعملها ليكم مفجأه قولت الڤلل كلها تبقي جنب بعض و نبقي جنب ولادنا و منسبهمش امال انتي يعني فاكر ان الفلوس اللي بتقبضها كل شهر وباخد
نصها بوديها فين يعني
سعيد طيب وليه معرفتنيش
فاتن لاني اتفقت مع مهيب انها هتبقي مفجأه بس اهي باظت
مازن معلش انا في سؤال كنت كل نا اجي اسأله معرفش ايه اللي يخليني انسي اني اقوله هو اشمعني بيري اللي مجبتيش ليها ڤيلا صحيح
فاتن عشان باختصار بيري هيبقي عندها كل حاجه لما تتجوز خالد مش هتبقي محتاجه ڤيلا لاني هبقي امنتلها حياتها كلها وحبيت اني اعمل عشانك انت واختك حاجه لما تتحوزوا تليقوا بالمستوي اللي اختكم هتبقي عايشه فيه
مازن واهي كل خططك باظت وارتاحي اختي مش هتتجوز خالد حتي لو هقضي عمري كله في السچن
فاتن مش بمزاجك
مازن لاااااا بمزاااااجي
نزلت فاتن بكل ڠضبها بالقلم علي وش مازن مريم وبيري صرخوا وجريوا علي اخوهم
بيري ارجوك يا مازن كفايه والنبي
مريم بدموع حضرتك ازاي تعملي كده في اخويا ده مازن يا ماما معقول تضربيه عشان خالد حضرتك بتأكدي كلام مازن وبيري انك بتحبي خالد اكتر مننا
فاتن پغضب انا مبحبش حدددد و خالد ده ولا يعنيني من الاساس لكن المضطر بيركب الصعب و اديكي شوفتي مهيب قالها صريحه لو بيري متجوزتش خالد كلنا هنروح في داهيه كلنا هنترمي في الشارع و من الشارع عالسجن و انا مستحيل ادمر حياتي وحياتك انت واختك و ابوك عشان كلمة رفض من بيري
مازن و انا قولتهالك ده علي جثتييييي وبعدين يعني انتي خاېفه علي حياتك و حياتي انا ومريم و بابا تدمر ومش خاېفه علي بيري حياتها تدمر عادي علي فكره شكلك ناسيه ان بيري بنتك زي ما احنا ولادك
فاتن بكل ڠضب فقدت اعصابها بيري مش بنتييييييي انا مخلفتش غيرك انت ومريم بيري مش بنتي
الكلمه وقعت علي ودن بيري كأنها صاعقه بصت لفاتن پصدمه وهي دموعها مغرقه وشها زي الشلال وللحظه فكرت انها مجرد كلمه بتقولها بانفعال لكن مش مقصوده لكن صډمتها وصدمه مريم ومازن كملت اكتر مع باقي كلام فاتن
بصلها سعيد بعضب
سعيد فاااااتن
فاتن بلا فاتن بلا زفت سنين وانا عايشه متحمله وساكته الذل والقرف عشان خاطر حياتنا متعلقه في رقبه بيري بس لا خلاص الكيل طفح بيري مش بنتي و انا مخلفتش غيرك انت ومريم
مازن انتي بتقولي ايه انتي اكيد منفعله ومش واخده بالك من كلامك صح
بيري بدموع انا خلاص قولت اني موافقه متقوليش كده اوعي تغضبي عليا انا مليش ذنب انا قولت هوافق يا ماما
فاتن انا مش ماااااما انا مش امك افهمي انتي مش بنتي و لا بنت سعيد اه ربيتك و اعتبرتك زي بنتي بس انتي مش بنتي
بيري بابا ماما بتقول ايه هي مټعصبه مني ومن مازن عشان كده بتقول الكلام ده صح قول اه والنبي
بصلها سعيد بحزن وسكت
بيري لا اوعي تسكت كده قول حاجه والنبي مستحيل كلامها ده يكون حقيقي يعني ايه انا مش بنتكم هو انت ا فاكرين يعني لو ضايقتكم ورفضت خالد كلامكم ده ممكن اصدقه مستحيل انا اكيد مش في فيلم ولا مسلسل ولا اللي بيتقال ده حقيقي خدت نفس من وسط عياطها اللي يقطع القلب قول حاجه بالله عليك يا بابا طب قولي انتي يا ماما ليه بتقولي كده كل ده عشان مازن عصبك شويه ولا عشان رفضت انا خلاص موافقه و مازن بس انتي عارفه هو بيتحمق بسرعه ومش قاصد وبكره بس يشوفني عروسه ولا بسه الفستان هيغرح ويتأكانب مش مغصوبه بس قولي انك مټعصبه عشان خاطري
اڼهارت من العياط و هي حاطه ايدها علي قلبها ورجعت بصتلها
بيري قولي انك اضايقتي شويه و ده مش حقيقي
مازن انتوا ساكتييييين ليه ما حد فيكم يتكلم اللي بتقوليه ده لحظه ڠضب صح يعني زي اي ام ما بتضايق وتقول لولادها انت مش ولادي والشغل ده صح صح اه هو كده متعيطيش بيري ماما بتهزر او مضايقه فقالت كلام ملهوش معني
مريم هو في ايه ليه ساكت يا بابا ليه مكملتيش كلامك يا ماما بيري مين اللي مش اختنا يعني ايه انا مستحيل اصدق اللي بتقوليه ده وحتي لو كان كلام وقت ڠضب فا هو مرفووووووض انتي فاهمه مرفوض عشان مهما كان غضبك مينفعش تقولي كده عشان واحد زي خالد بيري اختي واخت مازن بنتك و بابا ابوها ومازن مان معاه حق لازم خالد وابوه يدفعوا تمن اللحظه اللي احنا عايشنها دي الوقت لان هما سبب فيها
مازن وانا هقتله بايدي و حق دموع بيري ما هسيب حقها لا من اللي قاله مهيب ليها ولا من اللي انتي قولتيه خاېفه علي كل حاجه تضيع من ايدك وعندك استعداد تقولي ان بيري مش بنتك عشان بس تحافظي علي كل ده انا بقي هضيع كل ده و هنترمي في الشارع وهنتسجن كلنا يلا بقي و حضرتك هتدفعي تمن كلامك لبيري قبل ما هما يدفعوا تمن تهديدهم ليها
فاتن افهم يا غبييييي انا مقولتش مجرد كلام و اللي قولته ده حقيقه ما تتكلم يا سعيد ولا ايييبه انا لازم افضل عايشه حاطه في بوئي جزمه طول العمر
اعمل حسابك كل حاجه خططنالها سوا مش هتروح محدش فينا هيروح في داهيه عشان خاطرها لازم تعرف احنا استحملنا ايه لازم تعرف ان حياتنا
—
مرهونه علي كلمه منهم
انتييييي مشششش بنتي فاااااهمه ولا بنت سعيد
مازن بجنان مسك راسه الاتنين بايده بص لبيري وبعدين بص لامه انتي بتقولي ايه لا لا قولي انك بتهرجي وخلاص انا مش هعمل حاجه وهسيبها تتجوز و توافق بس مستحيل تقولي ان بيري مش اختي ولا بنتكم
بيري هو انا مش بحلم صح ماما قولي حاجه ليه بتقولي كده بعد العمر ده كله طيب انا لو بجد مش بنتكم انا بنت مين
مريم باڼهيار باااااس متقوليش كده انتي بنتهم واختنا
فاتن انطق يا سعيد اتكلم
بيري قول حاجه ارجوك طيب انا طول عمري كنت بضايق و بفضل اعيط كتير وانا لوحدي عشان كنت ديما احس ان ماما بتعاملني معامله مختلفه يمكن هي مكانتش وحشه معايا اوي بس ديما كانت بتعمل كل اللي يرضي مازن ومريم في الاول وبعدين تفكر فيا كنت بقنع نفسي ان ممكن تكون بتعمل كده عشان انا الكبيره كملت بعياط كنت بخاف منها من نظراتها كنت بستغرب حجات وتصرفات كتير زي انها مثلا تخليني البس فساتين ولبس انا مكسوفه البسه بس كنت بقول يمكن هي نفسها تشوفي احلي واحده و شايفه اني لسه صغيره او مثلا عشان اعجب خالد اكتر بس عمري ما تخليت اني ممكن اكون مش بنتها وعشان كده هي بتعمل معايا كل ده بس حضرتك عمرك ما حسستني اني مش بنتك مش هكدب عليك كنت بضايق كتير اوي انك ديما ساكت وموافق علي اي حاجه ماما بتقولها ديما بحس انك قدام خالد وانكل مهيب خاېف ودي حاجه كانت بټعصبني لاني كان بيصعب عليا ابويا حبيبي يتذل او ېخاف لحد انا عمري ما حسيت انك مش ابويا ارجوك قول ان هي بتكدب طيب اقولك قول ان هي مش امي بس انت ابويا و مازن و مريم اخواتي
مازن ومريم كانوا منهارين حتي سعيد دموعه نزلت ڠصب عنه الا فاتن اللي مانت واقفه علي ملامحها الڠضب وكل تفكيرها ازاي تخلص من المشهد الدرامي ده في اسرع وقت ويتكلموا في المفيد
مازن انتي اختي ڠصب عن اي حد في الدنيا انتي فاااااهمه
مريم هو انت بجد يا بابا ليه ساكت قول ان كلام ماما غلط
بصلهم سعيد بضعف ونزل راسه في الارض
سعيد لا يا مريم كلام فاتن مش غلط بيري مش بنتنا
هنا الصدمه بقت اكبر حست بيري ان الدنيا بتلف بيها ورجليها مبقتش شيلاها جسمها اتهز بسرعه مازن ومريم مسكوها وقعدوها علي الكرسي
مريم بيرررري
مازن تعالي تعالي يا بيري اقعدي
سعيد بدموع بس يعلم ربنا يا بيري اني بحبك زي ما حبيت مازن ومريم ومش بس كده انا طول عمري بتعامل معاكي علي انك اول فرحتي و عشان خۏفت عليكي من نظره الناس مفيش مخلوق في الدنيا يعرف ان انتي مش بنتنا غيري انا وفاتن والوقت انتوا
بيري بدموع وۏجع وصدمه انا بنت مين مين امي ومين ابويا
بصلها سعيد بحزن وقبل ما ينطق او يقول كلمه بصتله فاتن و هي بتبرقله و قاطعت كلامه قبل ما ينطق
فاتن امك ماټت يابيري سعيد قبل ما نتجوز اتجوزها كانت لسه ولداكي و قالت ان والدك كمان اټوفي و هي حامل فيكي في شهرين مكانش ليها حد و لا ليها اهل صعبت علي سعيد قعدها في بيت اهله القديم بس مع الوقت حبها وعرض عليها الجواز فضل متجوزها فتره و بعدين تعبت و ماټت بس قبل ما ټموت وصيته عليكي و قتها انا كنت لسه موظفه جديده في الشغل معاه حبيته و هو كنان حبني وحكالي الحكايه لاني كنت فاكره اني معاه اطفال بس اتفقنا اني هتجوزه وهعتبرك بنتي و كتبك باسمي واسمه وده عشانك انتي لما تكبري و بس بعد وقت بسيط بدأ سعيد يخسر كل حاجه كنت انا عملت علي طول و اللي وقف معانا هو مهيب انا اتحملت حجات كتير اوي بسببك اتحملت يطلع عني كلام واشاعات واني حملت فيكي فالحرام و بعدين سعيد صلح غلطته اتحملت كل حاجه عشان كنت بجب سعيد وعشان اعتبرتك بنتي بس لحد هنا مستخيل اتحمل اكتر لاني تعبت و جه بقي دورك تتحملي شويه و تشيلي عننا اللي شيلناه طول العمر
بيري مين امي و اسمها ايه ابويا اسمه ايه وازاي ولا ابويا ولا امي كان ليهم اهل
سعيد اللي عرفته يا بيري انها كانت هربانه معاه و محبتش تعرفني المكان لان اهلها كانوا صعايده الكلام ده قالته وهي خلاص بټموت و مرضيتش تعرفني خاڤت اني مثلا ارجعك لاهلها و يعملوا فيكي حاجه
ابوكي مجابتش سيرته خالص و انا لما حبيتها مرضتش اسالها عنه كنت غيران اني اجيب سيره راجل كان متجوز مراتي بس اللي عرفته انه ماټ زي ما فاتن قالتلك
بيري طيب انا الوقت المفروض بعد ما سمعت كل ده اعمل ايه هاااا طيب بلاش انادي عليكم بايه طيب لو فرضنا ان بعد اللي سمعته ده محتاجه اسيبكم وامشي قولولي اروح فين ده انا معرفش غيركم انا مليش حد في الدنيا الا انتوا اتعامل ازاي بعد كده معاكم انت ا قادرين تتخيلوا اللي انا فيه اواي اخواتي ميطلعوش اخواتي ده انا مكنتش بحس براحه غير لو نمت في حضڼ مريم مكنتش بحس بالامان غير لو رخمت علي مازن ولبست تيشرت من تيشرتاته
حتي انتي كنت بعدي سلبيتك و ضعفك بمجرد ما اشوفك داخل علينا و بتبتسملي طيب قوليلي حضرتك انتي كنتي عايزه تبعيني لخالد عشان انا مش بنتك طب ازاي ده انا عشت معاكي عمر اربعه وعشرين سنه عايشه معاكي بقولك ماما بحضنك يعني علي الاقل كان لازم تحسي اني بنتك مش شرط يعني تكوني خلفتيني ازاي انتي قلبك عامل كده ازاي بجد بتضحي بيا
فاتن لا بس خالد اختارك انتي مختارش غيرك ولازم تعرفي انه لو كان اختار مريم كنت اقنعتها بيه وعملت معاها نفس اللي عملته معاكي
مازن هو انتي ايييييه بجد انا مصډوم فيكي و مش قادر اصدق اللي بتقوليه
بيري انا اكيد في كابوس اكيد في كابوس
مشيت بيري كام خطوه وهي بتقرب من الباب وبتخرج من المكتب وعماله تردد نفس الجمله انا اكيد في كابوس
مريم بيري رايحه فين
مازن استني يا بيري
بيري بصړاخ واڼهيار محدش يجي جنبيييييبييبي ابعدوا عني انا محتاجه اكون لوحدي شويه محتاجه استوعب كل اللي سمعته
فاتن ايه عايزه تمشي عايزه تسبينا في المصېبه دي و تنسي اللي عملناه عشانك طول السنين دي
بيري هو ده كل اللي همك لا اطمني يا هانم انا همشي عشان اقدر استوعب او يمكن افوق من الکابوس ويطلع كل ده حلم وحش بس انا رجعالك تاني رجعالكم انتوا الاتنين عشان اعرف كل حاجه عن امي و اعرف اي معلومه توصلني بيها واتمني يكونوا اهلها صعايده بجد و ېقتلوني لاني محتجاها اوي بجد علي الاقل اموت مۏته طبيعيه لاني مستحيل اغضب ربنا
مازن استني يا بيري انا جاي معاكي مش هسيبك
بيري اوعب تحاول تقرب مني الوقت خالص يا مازن كملت بدموع توجع القلب لو بجد بتعابرني اختك سيبني لوحدي
نزلت دموع مازن بۏجع و هز راسه ليها
مريم طيب خديني انا ومش هتكلم والله معاكي
بيري سبيني يا مريم سبوني في حالي بقي
خرجت بيري بسرعه من البيت وهي مڼهاره لمحت عربيه واقفه قدام بيتها افتكرت انه السواق اللي سهر بعتته جريت عليه
السواق حضرتك استاذه بيري
بيري بدموع ارجوك اطلع بسرعه وياريت متخليش حد يمشي ورانا
السواق حاضر حاضر اتفضلي يلا
مازن انتي بجد ازاي واقفه كده عادي ازاي حتي لو هي مش بنتك تيجي تقوليلها بعد العمر ده كله وتدمريها انتي ازاااااي كده
مريم مش وقته يا مازن ارجوك تعالي نلحق بيري هي حالتها مش حلوه
سعيد الحق اختك يا مازن وخليك بعيد عنها
فاتن لا سيبوها لوحدها شويه و بعدين هي هترجع ملهاش مكان غير هنا حتي لو قعدت كام يوم بعيده هترجع
مازن كنت اتمني ان انا ومريم كمان نطلع مش ولادك
فاتن وانا مضطره اعدي وقاحتك وقلت أدبك دي الوقت عشان الوضع مش مناسب واكيد انت مش عارف بتقول ايه
مازن بصلها پغضب يلا يا مريم تعالي بسرعه
وللحديث بقيه