لقاء كارثي

لقاء كارثي
أميره أسامه
صاحبة البطل الواحد

. البارت الثالث و التسعين .

………………………

تامر راح قال لعدي بهدوء عدي راح علي الڤيلا يجيب الالعاب الناريه و خده معاه.

عدي…..خلاص يا درش خلصت

مصطفي…..اه يلا انتوا جهزتوا

عدي….هطلع بسرعه اجيب الحاجه من فوق و هنزل

مصطفي…..طيب انت معرفهم بره ولا لا

عدي….علي ايه ؟ التورته يعني

مصطفي…لا علي الالعاب الناريه دي عشان محدش يخاف

عدي…..لا مقولتش لحد لما نخرج هنعرفهم

تامر…..انا هبقي اقولهم متقلقش بس هتعملوا ايه الاول

مصطفي…..انا تخرج بالتورته الاول وشغلوا الاغنيه و بعدين عدي يضرب

عدي…..اشطا يلا هنزل بسرعه

دقايق بسيطه و عدي و تامر كانوا خرجوا كان معاه الالعاب في شنطه كده مش كبيره اوي

تامر…..اروح اعرفهم بسرعه

عدي….اه في السريع كده المهم تقي متخدش بالها و انا هروح اقول للشباب هناك

تامر….انت هتحطها فين

عدي…..هحطها بره الڤيلا قدام الباب كده في نص الشارع عشان تبقي بعيد

تامر…..تمام

راح تامر و عدي لفوا عليهم و عرفوهم كانوا متحمسين و ليله كانت مبسوطه اوي عشان تقي اكيد هتفرح بالمفجأه دي جداً كلهم قربوا و قعدوا جنب بعض و عشري ندالهم كلهم يجوا يقعدوا عند النار عشان هيلعبوا وقالوا ان مصطفي محضر لعبه جديده فا تقي اتحمست وهي مش عارفه وراحت تقعد.

خلصوا كل حاجه و رن عدي علي مصطفي وقفل لمحوا جاي من بعيد
و هز راسه لسلامه فا شغل سلامه بسرعه اغنيه لعيد الميلاد بصت باستغراب الاول و هي مبتسمه فكرت سلامه شغلهالها عادي و فجأه لمحت مصطفي قرب اكتر و معاه قالب كيك شكلوا حلو اوي بصتلهم بصدمه و هما بيغنوا مع الاغنيه حطت ايدها علي وشها و فضلت تضحك كانت مبسوطه اوي و الموقف خلي قلبها يدق جامد

قربت منها ليله و حطت ايدها علي كتفها ضمتها ليها و هي بتغني معاهم

شغلت أيه أغنيه ((عيد ميلادي )) عشان ترقصها و يرقصوا معاها و تعمل جو .

اول ما الاغنيه اشتغلت فضلت هي و نسمه و ايه و أمنيه و البنات يغنوا مع الاغنيه و هي و ايه و نسمه عملوا اجواء تجنن علي الاغنيه و خاصتا هي وأيه كانوا بيغنوا و كل كلمه بيمثلوها بشقاوه تجنن و ليله كانت عماله تصورها و مبسوطه بيها و ابتسامتها كلها حب كأنها بنتها

وقفت تقي و سطهم و هنا عمالين يسقفوا و مصطفي ماسك التورته بيرقص بيها….

ياااااااا جماعه
النهارده يوم مش عادي
أحلى يوم ف حياتي
عشان في ضهري إخواتي
هتولع الليلادي
النهارده عيد ميلادي
ايوه عيد ميلادي

عيد ميلادي عيد ميلادي عيد ميلادي عيد ميلادي عيد ميلادي

وقفت هي و ايه و هما بيشاورلهم و بيمثلوا الاغنيه…

ياااااااا جماعه
ثانيه واحده
مش عايز منكو هدايا (هدايا)
كفايه إن إنتو معايا
أنا يومي احلو بيكو (آه والله)
بقولها من جوايا (جوايا)

مافيش غريب وسطينا (وسطينا)
عشان احنا في بعضينا (واحد)

حركت ايه ايدها علي راس تقي كأنها بتبخرها

خرزه وخمسه علينا (آه)
من العين يا رب احمينا (يلا)

عيد ميلادي عيد ميلادي عيد ميلادي عيد ميلادي عيد ميلادي

طب-طب-طب وسعولي كدا
كل سنه وأنا (وأنا)
حلو زي ما أنا (ما أنا)
وبتاع كل سنه (ولا)

انا ملك الجدعنه (ولا)
الحلو هيدلع (دلع)
ولع الشمع ولع (ولع)
يلا نطفي النور
ع التورته هنتجمع

عيد ميلادي عيد ميلادي عيد ميلادي عيد ميلادي عيد ميلادي
عيد ميلادي

شاورت تقي عليهم و هي بتغني

أنا وصحابي (أنا وصحابي)
راكبين العربيه (راكبين العربيه)
عملولي مفاجأه (عملولي مفاجأه)
ولاد الجنيه (ولاد الايه)

غمولي عينيا (غمولي عينيا)
وجابولي هديه (وجابولي هديه)
وبيحتفلو بيا
وشغلولي أغنيه

عيد ميلادي عيد ميلادي عيد ميلادي عيد ميلادي

وهما بيرقصوا و بيغنوا عدي اختفي و خرج بسرعه علي بره راح ولع الالعاب الناريه و جري بسرعه علي الباب من جوه و فجأه الالعاب الناريه

فضلت تضرب و تعمل نور في السماء بصت بصدمه و بقت تضحك و فرحتها كانت من قلبها بصت علي عدي و هو واقف جنب الباب حط صباعه في وسط راسه و حرك كتفه برقصه خطفت قلبها ضحكتها مكانتش بتقف و سعادتها كانت كبيره و نادين سابت كل ده و كانت عماله تتفرج علي الالعاب وهي بتضرب و فرحانه زي العيال الصغيره و الاجواء اتحولت في ثانيه
لأجواء جميله مع الاغاني و الرقص و الاحتفال الكل كان مبسوط بجد

قرب مصطفي حط قالب التورته علي التربيزه كان عامله نصين نص شوكلت و نص فاكهه و كاتب علي التورته happy birthday و كاتب اسمها

الكل قرب يقولها كل سنه وانتي طيبه البنات كلهم حضنوها حضنتها ليله اوي

ليله…..كل سنه وانتي طيبه يا عمري

تقي…..وانتي طيبه يا لولي

طبطب عشري علي شعرها و ضمها من كتفها

عشري…..كل سنه وانتي طيبه يا ليله يا صغيره

تقي…..بضحكه جميله وانت طيب يا عشري

رشيد…..كل سنه وانتي طيبه يا بلطجيه يا زي عمتك

تقي….بضحك ما بلاش عمتك دي هتلبسنا التورته

ليله….بصحك هو حر

رشيد….لا وعلي ايه الراجل حرام تعب فيها من بدري بيعملها.

تقي…..اااا طيب معلش اقول بس كلمتين انا مش بعرف اقول كلام حلو عموما بس بجد شكراً من قلبي علي المفجأه الحلوه اللي متوقعتهاش و لا شكيت اصلا لحظه من البنات محدش قالي

ايمي…علي فكره والله مكناش نعرف الشباب بس اللي كانوا عارفين

حنان…..بأبتسامه و انا كمان

مصطفي….بضحك اع ماما بس اللي عارفه و قولتلها متقولش كنت عارف انهم هيفتنوا

سلمي….لا والله مكناش هنفتن بس بجد مفجأه جميله ليها ولينا

تقي…..مصطفي بجد من قلبي شكراً علي وقفتك و تعبك و اهتمامك التورته حلوه بشكل فظيع تسلم ايدك و بجد تعبتك و كتير والله

مصطفي…الله يخليكي يارب

ضحكوا كلهم علي مصطفي

عسال….بضحك خدي بالك مصطفي مش بيعرف يقول كلام حلو ولا بيعرف يرد علي الكلام الحلو

سلامه…..احمدي ربنا انه مقالكيش ربنا يباركلك يا حاجه

تقي….بضحك لا مش مهم انا كمان كده بس بجد شكراً و وو شكراً يا عدي علي الجو الجميل ده و شكراً ليكم كلكم والله

حسان…..مفيش شكر يا تقي كل سنه وانتي بخير و ان شاء الله السنادي تكون احلي سنه ليكي

فضل…..كل سنه وانتي طيبه يا بلطجيه يا صغيره

تقي…..بضحك وانتوا طيبين يارب

ايمي…..بس بقولك ايه فرحتك دي متنسكيش ان واحده صاحبتنا نسيتك انهارده

ليله…..طب ما بلاش انتي هقلب عليكي

تقي…..بضحك رفعت حاجبها لا متخافيش يا ايمي مش ناسيه طبعاً اصلا انا مخصماها

ليله….بضحك يابت بتقوعنا في بعض دي صفرا زي اختها

امنيه…..يادي احتخا يابنتي انا جيت جنبك الوقت

ليله….بضحك اختك اللي نكشتني
بت يا تقي احنا حبايب

تقي….ابداً

ليله…..في هديه خدي بالك

تقي…..بضحك بترشيني

ليله….لا مش رشوه كده كده في هديه بس يعني الهديه حلوه هتصالحك

تقي…..اممم والله هو في حاجه لو عملتيها هصالحك و هرضي عنك و مش هايزه هديه

ليله…..خير

تقي…..تقنعي اخوكي اسافر

ليله…..بضحك ابعديني عن ابوكي انا وهو متصالحين و مش ناقصه نكش

تقي…..خليكي جدعه

عشري…..عايزه تروحي فين يا تقي

تقي….ياعم اي حته انا راضيه بس يعني نقول دبي

نادين…..بابتسامه اجي معاكي

تقي…..احلفييييي

نادين….بضحك ما بتصدقي انتي

تقي…..يا جدعان هموت واسافر بره مصر قيل ما اموت

حنان….بعد الشر عليكي يا بنتي

نعيمه…..قوليلوا هديه عيد ميلادي مش هيقولك لا

تقي…..والنبي اسكتي انتي مش فاهمه حاجه مش هيرضي ممنوووع محدش هيقنعوا غير ليله

ليله….و الله هيخسرني بسببك

نعيمه….انتي عايزه تسافري لوحدك يعني

تقي…..لوحدي او مع صحابي انا راضيه المهم اسافر

حسان…..طيب هو رافض عشان عمرك ما سافرتي ولا هو رافض المبدأ عموما

تقي……المبدأ نفسه

امنيه….طب وانتي عايزه تروحي دبي تعملي ايه شوبينج يعني و لا فسحه

تقي….الاتنين

ليله…..طب خليها دي لما حد فينا يسافر او لو نادين و نعيمه سافروا مره للشغل روحي معاهم و ليكي عليا انا هقنعوا

تقي…..بتثبتيني يا ليله

ليله….والله العظيم ابداً انتي عارفه ان كلمتي واحده بس عشان نكون متفقين يعني هو معاه حق خايف عليكي

تقي….مابلاش انتي ما انتي سافرتي زمان في نفس سني و قعدتي ثلاث سنين و علي طول بتسافري

ليله…..مسكتها من قفاها اولا بلاش زمان دي عشان حسستيني اني كبرت ميت سنه

تقي…..بضحك مقصدش والله

ليله…..ثانياً ابوكي فرج عليا امة لا إله إلا الله و قعدت فتره بقنعه لحد ما وافق و اللي هلاه وافق اصلا نفسيتي اللي كانت زي الزفت

تقي….يعني ادخل في اكتئاب عشان يرضي

ليله…..لا بس انا اصلا كنت مسافره تبع الشركه و كنت رايحه في شغل و ظروفي غير ظروفك هو خايف عليكي و بعدين انتي رايحه تتفسحي كام يوم

تقي……طيب اديكي بتقولي يعني مش ههاجر

ليله…..يا جزمه اقصد انه هيخاف عليكي اكيد

تقي…..اااااه طيب اخوكي مش بيحبك بقي و مش بيخاف عليكي وانا جايه اهدي النفوس

ليله…..لا مش كده بس انا غيرك صحيح انتي شبههي في حجات كتير بس انا اشتغلت و اتعاملت اكتر منك كان عندي خلفيه عن الشغل و ظروفه و بهدلته لكن انتي لسه بادئه تتعاملي من فتره بسيطه و الطبيعي انه يخاف عليكي

حنان…..هو معاه حق يا تقي ده اب و مشاعر الاب تحتلف عن الاخ و مش معناه انه مش بيحب ليله بس يمكن ليله كانت شخصيتها اقوي بتعرف تتعامل بتعرف تواجه فهمتي

تقي….شكلك متعرفتيش يا حنون عموماً انا موافقه اللي يسافر فيكم ياخدني معاه و انتي عليكي اقناع اخوكي

ليله….خلاص قولتلك هليها عليا بقي

عشري….يا ستي ليكي عليا انا لما نتجوز انا وليله بعد شهر العسل نطلع علي الامارات و هناخدك معانا

تقي….بابتسامه طب احلف

عشري…..بضحكه جميله والله العظيم

ليله….اخو ملكيش حجه مش هيرفض ساعتها

تقي….تصدق بالله انت اجدع جوز عمه شوفته في حياتي

ليله….فين الشبشب بتاعك يا ايمي

تقي….بضحك لا لا خلاص

مصطفي….طب ايه هتاكلوا التورته ولا كفايه عليكي كده

تقي…..ايه هترجعها لا استني هناكل

مصطفي…..طيب هاتوا بقي سكينه و اطباق و شوك

راحوا البنات جابوا الحاجه و رجعوا قطعوا التورته و قعدوا كلهم ياكلوا مع بعض

عدي….بهمس لتقي و هو بياكل حلوه فكرة عشري دي و اخو بالمره ابقي اروح انا كمان اعمل شوبينج

بصتلوا تقي وابتسمت بخدوء وهي رافعه حاجبها.

تقي…..بهمس مش هتيجي معانا يا صديقي العزيز

عدي…..هنشوف