لقاء كارثي
لقاء كارثي 93
مصطفي…..طيب و انت يا تامر
تامر…..بابتسامه جميله ااا انا بصراحه يعني ابويا علي عيني و راسي و كل حاجه حلوه عملها علي راسي من فوق و زي ما سلمي قالت تعب معانا اوي بعد وفاة امي بس انا قدوتي بجد هي سلمي
بصتلوا سلمي و ابتسمت بصدمه
مصطفي…..اوعي معانا واحده سلمي
ابتسمت سلمي بحب و تاثر لتامر
تامر…..بابتسامه سلمي بعد وفاة ماما شالت نفس المسؤوليه مع بابا و يمكن هي دورها بالنسبالي كان اكبر لان هي وقتها كانت محتاجه حد يشيل مسؤوليتها زيي انا و ايه و اتاثرت بموت ماما بس ركنت كل ده علي جنب و اتحولت سلمي من اخت كبيره لام يمكن هي متحسش بالمجهود اللي عملتوا ده بس حتي لو سألتوا بابا نفسه هيقولكم هي تعبت قد ايه معاه هو كمان
ماما لما اتوفت كانت هي مشغوله في دراستها جداً لان دراستها صعبه ايه كمان كانت بتدرس و تعبت اوي بعد وفاة ماما و انا كمان اتاثرت لاني كنت قريب من ماما اوي سلمي قوتنا كلنا و بقت تخبي زعلها و تحاول تغير المود بكل الطرق اللي تتخيلوها
تعبت مع بابا اوي عشان تخرجوا من حالة الحزن دي كانت ام ليا انا وايه قبل ما تكون اخت كبيره فا هي بالنسبالي قدوه و صاحبة موقف
سلمي مسحت دموعها و ابتسمت
ليله…..هتعيطنا بقي منك لله يا تامر
قام تامر و هو بيضحك بهدوء و راح عليها باس راسها بحب
خد حسان منديل ادهولها و طبطب علي ضهرها بهدوء.
حنان…..بس يا قلبي ربنا يرحمها يارب و يخليكم لبعض
تامر….طب ايه اغير و اقول بابا
سلمي…..بضحك من بين دموعها ينفع كده طيب
تامر….حقك عليا والله
رجع تاني مكانه و قعد
مصطفي….ما كنا ماشين حلوين و الدنيا هادين لازم تعيطها
تامر…..بضحك والله ما اعرف انها هتعيط خلاص كمل عشان تنسي
مصطفي…..حنون مين قدوتك قولي انا هااا انا
حنان…..بضحكه جميله انت و اخواتك والله ربنا يحفظكم و يحميكم كل واحد فيكم كبير في عيني و ليه مواقف معايا متتنسيش
عسال…..ربنا يخليكي لينا يا ست الكل
سلامه…..ربنا يديكي الصحه يا حنون
مصطفي…..وانت يا عم سلامه مين قدوتك في الحياه
سلامه….بابتسامه بص لحنان بعيداً عن ان انتي يا امي ست الكل و علي راسي و قدوتي في الحياه كلها بمواقفك و تربيتك لينا و كل حاجه ضحيتي بيها عشاننا احنا الاربعه فا انتي خارج المقارنه بس لو هختار فا انا هختار ميدو
مصطفي…..بعصبيه مضحكه اااااه هاتي الطبله يا ريهام طبللهم شويه ده يقولك سلامه و ده يقولك ميدو و انا شفاف
ضحكوا كلهم علي مصطفي و قام سلامه حضنوا و هو ميت من الضحك
سلامه….ياض انت حبيبي
مصطفي….ياعم حبيبك ايه بقي ده انتوا لو لاقيني.علي باب جامع هتختاروني مجامله
رشيد….بضحك طب اقنعني انت اخوك الكبير هيختارك انت ليه قدوه
مصطفي…..انجازاتي في المطبخ والحلو متتعدش يا عم رشيد انت مدوقتش التورته ولا ايه
رشيد….بضحك صراحه جامده
مصطفي…..طب دي لوحدها كفايه اكون قد ه عشانها ده انا عملتها في يوم المفروض تتعمل قبلها بيوم اصلا
سلامه…..بضحك معلش امسحها فيا
مصطفي…..ماشي ياعم يلا حسبي الله
حنان….بضحك بتحسبن علي اخواتك يا جزمه
مصطفي…..ما طبعاً عاجبك انتي الطبله اللي رايحه جايه بينهم
حنان….يا واد ما انا اختارتك
مصطفي…..لا انتي قولتي انت و اخواتك اللي هو فوق البيعه
حنان…..بضحك والله ابداً ده انت حبيبي يا مصطفي هو حد واخد بحسي قدك و مطلع روحي في المطبخ غيرك
مصطفي….بضحكه جميله ايوه كده قولي كلمتين حلوين هعديها خلاص عشان خاطرك وانت اقعد يا عمممم و قول اختارته ليه
سلامه…..بضحك انت بتزعق ياض
مصطفي…..بضحك لا خلاص قلبك ابيض
عشري…..هاتوا من قفاه الواطي
مصطفي…..متعصبش روحك انت يا باشا
عشري…..بضحك ماشي ياعم
سلامه…..خلصت مسرح
مصطفي….اه اتفضل المايك معاك
سلامه…..هو بدون دخول في تفاصيل كتير بس ميدو بالنسبالي عنده قلب مشوفتش زيه حنين بشكل ميتوصفش عارف يعني ايه عيله اللي في ايده مش ليه بيحب باخلاص مستحيل يلاقي حد محتاج و يرده انا مش هتكلم بوضوح اوي
بس من فتره بسيطه عرفت ان ميدو بيعمل خير مكانش حد يعرف عنه حاجه وانا عرفتوا بالصدفه و الحقيقه اني اتصدمت و بجد انا فخور انه اخويا
عسال…..بحب ربنا يخليك ليا بس انت ضيعت الثواب اقول عليك ايه
سلامه….بضحك لا انا مقولتش تفاصيل و مش هقول
عشري…..ربنا يديه علي قد نيته
مصطفي…..يارب اللهم امين طيب و انتي يا ست ايه
ايه….بابتسامه و مالك بتتك علي السين كده ليه
مصطفي…..بضحك بهددك يمكن تخافي و تقولي مصطفي قدوتي
ايه…..طب ما توريني ال c.v
القدوه بتاعك الاول
ضحكوا كلهم و بصلها مصطفي بطريقه مضحكه و هو قرفان منها
مصطفي….شكراً علي قصف الجبهه قولي مين يا ايه و اخلصي
سلامه….بضحك احسن جيبته لنفسك
ايه…..بأبتسامه اااا هما اتنين بس قبل ما اقول هما مين سلمي بره الاختيار ده زي ما تامر قال هي كان ليها دور كبير في حياتي كانت ام فعلاً و حتي قبل ما ماما تتوفي اللي هي خالتو يعني مش ماما الحقيقه
مصطفي….لا استني متوهنيش ماما مين فيهم
ايه…..بابتسامه طيب امي و ابويا الحقيقين مش هتكلم عنهم لاني يمكن فاكره شكلهم شويه لاني مكنتش بيبي يعني بس معشتش معاهم كتير و كنت صغيره فا اكيد مش هقدر اقول حد فيهم قدوتي لان اللي اعرفوا عنهم بسيط اوي
فا كلامي هنا عن بابا و ماما التانين و ركز معايا
مصطفي….بضحك اسف يا افندم اتفضلي
ايه….قبل ما ماما تتوفي انا كنت بروح لسلمي في اي موقف جديد عليا او غريب و اتكلم معاها او اسالها هي لاني كنت بتكسف من ماما
مصطفي….اللي هي خالتو صح كده
ايه…..بضحك اه يعني مش هتكلم بوضوح اوي بس اي موقف جديد علي اي بنت بتحتاج فيه مامتها فا سلمي بالنسبالي هي اللي كنت بروحلها في الحجات دي و بعد ما ماما اتوفت زي ما تامر قال هي كانت ام لينا بجد و قدرت تخرجنا من حالة الحزن قدرت تساعدنا نكمل و منوقفش لا دراسه ولا حياه عاديه كانت داعم قوي لينا فا سلمي بره كلامي عن القدوه خالص هي تتحط تحت بند تاني خالص يعني لوحدها كده
ابتسمت سلمي بحب لايه
ايه….بس لو هتكلم عن القدوه فا في شخصين اول حد ليله و بيتهيألي لما سألت يا مصطفي قبل كده حد بتغيري منه و كان نفسك تبقي زيه و انا اختارت ليله و قولت لاني بحب شخصيتها و مواقفها و الغيره هنا غيره حلوه مش وحشه ليله قدوه ليا في حجات كتير بحاول علي قد ما اقدر اكون زيها جدعه صاحبه مواقف حقيقيه تضحي بنفسها عشان اي حد مش بتخاف من اي حد و تقول الحق لو علي رقبتها و حجات كتير اوي
مصطفي…..قولي بصراحه يا ليله انتي دفعالهم حاجه او معشماهم بحاجه
ليله…..بضحك والله يا ابني ابداً
مصطفي……بضحك طيب و مين تاني
ايه….بابا عمل عشاني حجات كتير اوي عمري ما حسيت في مره اني مش بنته و يمكن بحس اوقات انه بيتعامل معايا احسن من سلمي و تامر كمان بيعتبرني الصغيره اخر العنقود يعني تعب عشاني كتير مشوفتش حد بيعمل كده مع بنت مش بنته يوصلني دروس يقفلي بره وقت الامتحانات ميقدرش يزعلني ولو حصل و زعلت مع تامر او سلمي و عيطت يبقي هيتجنن حجات كتير اوي بجد مواقف كتير مش اي راجل يعملها عمري ما حسيت لحظه انه جوز خالتي اصلا انا بنسي انه مش ابويا من كتر ما هو اب حقيقي فا هو قدوتي
مصطفي….ربنا يخليه ليكي يارب
ايه…..يارب
مصطفي…..الباشا ابو ايد تقيله
عشري…..بضحك ابويا طبعاً اللي اتمني اكون ربعه ربنا يديه الصحه
مصطفي…..عم عشري الكبير داخل المنافسه مع امي و ليله دول لو داخلين انتخابات مش هيجيلهم كل الاصوات دي
ضحكوا كلهم علي مصطفي.
عشري…..طيب انت عمال ترغي مين قدوتك
مصطفي….طب نسأل ليله هي اخر واحده
ليله…..بضحك لا قول عايزين نسمع
مصطفي….والله بما ان محدش اختارني و لا جبر بخاطري فا انا قدوتي في الحياه يا جماعه من غير غرور
ضحكوا كلهم عليه
ليله…..بضحك ورحمه امي كنت حاسه
مصطفي ….بضحك لا بجد والله و من غير هزار امي و سلامه و ميدو هما قدوتي في الحياه سلامه كان اب و كان قد المسؤوليه زي ما قال ميدو و امي حياتها كلها درس بالنسبالي و هي قدوتي الاكبر ميدو كان الاخ الكبير الحنين اللي بيحب الخير للكل و اللي ديما عايز يفرح الكل و بالنسباله اكتر حاجه تفرحوا لما يفرحنا احنا مش مهم هو فا التلاته دول بالنسبالي قدوتي
ريهام…..وانا بنت البطه السوده يعني
مصطفي…..بضحك انتي قلبي
ايمي…..بضحك بيردهالكم
مصطفي….لا والله ريهام دي الجزء الحنين بتاعي اللي بضحك فيه من قلبي و صاحبتي و اختي هي في حته لوحدها كده
ريهام…..بابتسامه ايوه كده يا شيخ
مصطفي…..بضحك وانتي يا ليله
ليله…..بابتسامه بص الاول شكراً من قلبي لكل اللي قال اني قدوه ليه بس انا والله لا قدوه ولا اي حاجه انا جايز ليا مواقف حلوه زي ما انتوا ليكم مواقف حلوه في حياتي يعني انا معملتش حاجه زياده عنكم و مش انا خالص الشخص اللي اكون قدوه لاي حد انا ابسط من كده بكتير و انا بصراحه قدوتي الحقيقه مع احترامي ليكم كلكم هو سيدنا محمد مفيش غيره
الجميع…..اللهم صلي و سلم و بارك عليه
مصطفي…..هو رد حلو و جميل بس ليه
ليله…..عشان من وجهة نظري يا مصطفي سيدنا محمد جمع بين الرحمه والعدل و الصدق و القوه و التقوي هو ده اللي لازم يكون قدوه لينا احنا بشر علي فكره و لينا اخطاء مينفعش نكون قدوه جايز يكون لينا مواقف حلوه جايز يكون عندنا رحلة حياه معبره ناخد منها عبره لكن قدوه دي كلمه كبيره بصراحه و عشان ناخد حد قدوه يكون حد ملهوش اخطاء حد ربنا اصطفاه بس
لكن يقولولك ليله يا جدع بلاش تهريج دي ليله كلها اخطاء
حنان ….صح يا ليله ربنا يفتح عليكي
مصطفي……بضحك هي الصراحه عندها مش لدرجه الوقاحه لا هي بتسف علي نفسها كمان
ليله….بضحك مش بس والله بس انا مين عشان اكون قدوه القدوه ده حد مش بيغلط حد كل حاجه فيه جميله حد يقدر يعلم فيك بجد
مصطفي……ماشي يا ستي طيب خلوني اسال سؤال تاني خالص و السؤال ده هيخصكم انتوا اكتر
عشري……مين انتوا وضح
مصطفي….يعني انتوا السته انت و فضل و سلامه و ميدو و حسان و رشيد و البنات طبعاً انتوا اتعرفتوا علي بعض في ظروف غريبه و الصدفه جمعتكم و فات وقت طويل و عرفتوا بعض اكتر مين فيكم شايف ان في حد اتغير لما عرفتوا اكتر او مين شخصيته اتغيرت و مين زي ما هو هبدأ بالبنات و بعدين هبدأ بيكم
نادين …يعني احنا نقول الشباب اتغيروا في ايه و لا البنات كمان
مصطفي……لو حاسين ان في حد منكم انتوا البنات اتغير بعد الارتباط كمان يقول عادي
نادين….اوك فهمت
مصطفي….طيب نبدأ بنعيمه شايفه مين شخصيته اختلفت بعد ما عرفتيه الفتره دي يا نعيمه من الشباب و لو في حد من البنات شخصيته كمان غيرها الاربتاط
نعيمه…..اااا بص رشيد و حسان و سلامه و عشري بالنسبالي زي ما هما زي اول مره اتعرفت عليهم ميدو كنت بحس انه خجول اوي رغم ان في اول سفريه كان دمه خفيف و بيتعامل عادي بس اقصد انه فك اكتر كمان فضل انا اول ما شوفتوا كان بالنسبالي شخص مغرور اوي و حتي لما اتربتط بيه في الاول كنت ديما اقولوا اصلا يا مغرور
مصطفي….بضحك اه بقي نرجسي اكتر
فضل…..بضحك اه يا واطي
نعيمه….بضحك لا خالص والله هو ده اول انطباع تفضل واخده عليه فتره لحد ما تتعامل معاه
تقي….بدون قطع كلامك اسفه يا فضل بس انا كمان بصراحه كنت بسوفك مغرور
فضل…..بضحك ليه طيب عملت ايه
تقي…..بضحك مش قصدي حاجه والله بس ده اول انطباع خدته عنك بصراحه كنت بحس انك شايف نفسك بس طلعت طيب
فضل…..حبيبتي يا تقي
نعيمه…..بابتسامه هو اللي يعرف فضل اوي يعرف انه حد جميل والله و مش بقول كده يعني عشان خطيبي بس دي حقيقه
مصطفي…..ابسط ياعم
فضل…..بابتسامه لنعيمه قلبي
مصطفي……طيب والبنات
نعيمه….اااا ايمي هي هي اللي اعرفها ايه كمان هي هي اللي بالنسبالي شخصيتهم اختلفت شويه سلمي و نادين و ليله
ليله…..اختلفت في ايه يا مصيبه
نعيمه…..بصي الاول سلمي ااا يعني مش اختلفت شخصيتها بس اختلفت بالنسبالي في علاقتها مع حسان حساها فكت اكتر علاقتها اتغيرت معاه عن الاول قريت منه كنت بحس ان في حاجز بينهم لان حسان شخصيته هاديه و هي كمان بس بصراحه بحبهم مع بعض و بحس بحبهم و طاقتهم مع بعض تجنن و فكوا خالص حساهم مرتاحين
ابتسم حسان و ابتسمت سلمي
نعيمه…اااا نادين بقي اللي فكت خالص عموما و يمكن كلنا ملاحظين ده يعني علاقتها بميدو من الاول جميله بس كان في شويه حجات كده من ناحيتها هي و الوقت فكت خالص و بقيت احس ان نادين مرتاحه اوي و ميدو غير في نادين حجات كتير و بصراحه كان شخص ايجابي في حياتها انا اعرف ناديني يا ميدو من زمان و يمكن في الاول خالص كنتوا بتستغربوا لما نقول ان نادين مش هاديه و مجنون بس انا شايفه ان نادين بالنسبالي انا كمان اتغيرت و بشوفها حد تاني بيحب الحياه اكتر بكتير
ابتسمت نادين و بصت لميدو بهدوء ابتسم و لعب في شعرها .
مصطفي…..طيب وليله
نعيمه…..بص هي هتروقني الوقت بسببك بس مش هوضح يعني ليله من بدايه علاقتها بعشري لحد ما ارتبطوا و هي بالنسبالي ليله متغيرتش بس ليله اتغيرت بالنسبالي بعد مشكلتها
عشري…..بضحك ليه السيره دي
نعيمه…..بضحك ما انا عشان كده بقولوا هتروقني و الله ما قصدي افتح اي كلام خالص بس علي ما اظن لو سألتهم كلهم هيقولوا انها اتغيرت
حسان…..حصل
ايمي….بابتسامه و انا كمان حصل
عسال….هو انا مش عارف تقصدوا ايه بالتغير بس انا كمان شايف ان ليله اتغيرت بعد المشكله
ايه…..وانا كمان
تقي…..بضحك وانا جداااااا
مصطفي…..لا ده في اجماع طب اتغيرت في ايه يا نعيمه
نعيمه…….جماعه حاسين ان ليله بقت اهدأ شويه ولا انا بيتهيألي
عسال….بابتسامه لو ده اللي في دناغك يبقي صح هو ده اللي كنت هقولوا
ايمي….صح يا نعيمه
حسان….علي فكره كنت هقولك كده اكتر من مره بس محبتش اتكلم عشان منفتحش الموضوع و يمكن انا حسيت التغيير ده لما جيت اشوف عشري بعد العمليه
فضل…..بابتسامه و انا حسيته قبلهم
ليله…..طيب اتغيرت يعني للاحسن ولا للاوحش
حسان……هو مفيش اوحش في الموضوع بس انتي بقيتي هاديه جدا
نعيمه…..جداااااا حساها بقت دماغ كده
رشيد…..بصي يا ليله انا حسيت بالتغيير ده من اول ما رجعنا و شوفتك عندنا و اتكلمنا في الموضوع و قفلناه و من غير كدب انا مكنتش مصدقك حتي لما كانت ايمي بتتصل ترخم عليكي و انتي تسكتي كنت بحس انك هتكلعي عينها و عين الكل بس لما الموضوع اتقفل و مشيتي سالت نفسي اللي هو ايه ده دي بجد ققلت الموضوع و معملتش حاجه.
ايه….هو التغيير اللي انا شيفاه كمان ان ليله حتي في الهزار و الجنان و الاندفاع و شقاوتها و روحها اللي كانت بتبقي موجوده ديماً و حضورها واخدين اجازه شويه
سلامه…..بابتسامه حصل في حاله كده جديده مبقتش بلطجيه اوي بقت كيوت
ايمي…..بصي الهدوء مش مقصود بيه حاجه و حشه بس انا فاهمه الحاله اللي ليله و صلتلها ليله عايزه تكون في الهدوء ده اصلا عن قصد و لا ايه يا عشري معانا ولا
عشري…..معاكم جداً و يمكن زي ما قال رشيد انا كنت واثق ان ليله صعبه و مش هتعدي اي حاجه بس انا لما ببص في عين ليله بفهمها و بعرف هي ناويه علي ايه او بتفكر في ايه و الحقيقه ان الهدوء ده كان باين ليا قبل ما يطلع ليكم و كنت واثق فيها
ليله…..اااا طيب هو واضح انه شعور جماعي و معاكم حق فيه جداً و انا معترفه اني في حالة هدوء و ثبات جديد عليا انا شخصياً
مصطفي…..طيب بدون دخول في تفاصيل ايه سبب الحاله دي بما انك دخلتي مرحله الهدوء دي بمزاجك
ليله…..بتنهيده اااا بص يا مصطفي احياناً بنحتاج هدنه من الحياه عموماً تسمع انت عن استراحه المحارب هي دي لا بتبقي عايز تتهزم و لا تنسحب و لا تحارب لا عايز تدخل معارك و صراعات و لا عايز تتوقع او تخمن عايز بس تاخد ركن هادي و تقفل عليك ابواب كتير اوي و تعيش شويه مع نفسك في سلام كملت بابتسامه و بعيداً عن الموضوع المهبب اللي كل ما اقول مش هفتحه يتفتح لوحده بس حقيقي المشكله اللي حصلت دي انا بعترف انها خلتني مش عايزه اي حاجه من كل اللي قولته ده غير اربع حجات هدوء و سلام و حياه جديده و عشري و بس
ابتسم عشري و حرك ايده علي راسها بحب كلهم ابتسموا بهدوء.
ليله…..بضحكه جميله بس ده ميمنعش يعني اني هرجع اقرفكم واطلع عينكم و هرجعلكم البلطجيه تاني متستعجلوش
حسان….بابتسامه والله تفضلي كده ترجعي تاني المهم انك تكوني مرتاحه انتي و عشري بس كده
ليله…..بابتسامه متقلقش احنا بخير
كملوا كلامهم و كل واحد قال مين اتغير و مين لا و تقريبا كان كلامهم و اختيارهم نفس نعيمه.
مصطفي……طيب كل واحد فيكم يقول ايه اكتر حاجه بيخاف منها…
ووووووو للحديث بقيه….
