لقاء كـ،ـ،ـارثي
صاحبة البطل الواحد
. البارت الرابع و السبعين .
………………………
عند ليله كانت قاعده مستنيه ايه
عشري نزل لمحمود قبل وصولها بربع ساعه عشان يسيبهم براحتهم
لانه فهم من ليله انها عندها مشكله و مش حابه حد يعرف .
وصلت ايه علي اللوكيشن تحت البيت اتصلت علي ليله تعرفها و تعرف منها هي في انهي دور كلمتها ليله و شافتها من فوق و قالتلها تطلع و هي هتستناها.
ركنت ايه و نزلت بهدوء دخلت علي البيت دخلت ليله كمان و راحت تفتحلها الباب وقف الاسانسير و نزلت ايه اول ما شافتها ابتسمت بتأثر و قربت منها بسرعه ضمتها
ايه ….وحشتيني اوي
ليله…..بابتسامه هاديه غمضت عينها انتي كمان و حشتيني اوي
فضلت ايه حضناها ثواني طبطبت ليله علي ضهرها بهدوء وحب اخبارك ايه
ايه….بابتسامه حزينه الحمد لله تمام انتي طمنيني عليكي
ليله……الحمد لله بخير ادخلي يلا
ايه…..عشري عامل ايه الوقت ؟
ليله….احسن كتير الحمد لله
ايه….الحمد لله هو هنا
ليله….لا لا مش هنا نزل محمود اخوه جاله من شويه خدوا وراح بيه علي الكافيه يقعد مع اخواته والشباب شويه
ايه….بابتسامه جميله لولي البيت ماشاء الله شكلوا حلو
ليله….بابتسامه ايه ده صحيح انتي مشوفتيهوش
ايه….لا مفيش حد شافه غير نعيمه بس
ليله….ايوه ده لما جينا نشوف الشقه اول مره طب تعالي يلا نتفرج عليه
ايه….لا خليكي مرتاحه و خليها وقت تاني
ليله….تعالي بقي يلا
مسكتها من ايدها و فضلت تفرجها علي البيت ايه كانت مبسوطه اوي
ليله….بضحكه جميله ايه رأيك بقي في بيتي يا ست يويو
ايه…..تحفه تحفه تحفه ماشاء الله والله يجنن كل حاجه فيه حلوه اوي و شكلي كده بومين وهلم عزالي و اجي اقعد معاكي و عشري يشوف مكان تاني
ليله…..بضحك و انا موافقه بس كام يوم دي كتير انا هكون مشيت
ايه….نهار اسود هو انتي لسه عايزه تهربي
ليله….ضربتها علي راسها اهرب ايه انا راجعه البيت
ايه….بيتك انتي و نعيمه طب ليه؟
ليله…..عشري قالي لما ايمي ترجع هنشوف هنروحلها امته و هنتجنع كلنا عندها و بعدين هيوصلني البيت ما انا خلااااص بقيت ماشيه علي مزاجكم
ايه….بضحك طب ليه بردوا مش فاهمه كرهتي الراجل في حياته و قال يمشيكي بنفسه
ليله…لا بس قالي هفضل هناك لحد معاد الفرح و كده يعني
ايه….بسعاده اوباااا يعني اتفقتوا
ليله….بضحك رفعت حاجبها حاجه زي كده
ايه….لولي بجد مش زعلانه خلاص يعني
ليله….لا مش زعلانه و بعدين يعني هنأجل الكلام ده لما اشوفكم عند ايمي لان في حاجه لازم نتكلم فيها قبل ما نقفل الموضوع ده خالص
ايه….مش مطمنالك حاسه ان البوليس هيجي ياخدنا كلنا مره واحده
ليله….هو انا نفسي بس متقلقيش مفيش بوليس خلاص قوليلي بقي تشربي ايه ولا تاكلي
ايه….ليله تعالي انا عبزاكي هتعملي فيها بقي اتجوزتي و بقيتي صاحبة بيت و بتضايفيني كمان
ليله….بضحك يا بت احترمي نفسك و بعدين ما طول عمري بضايفكم لما بتيجوا عندي اخلصي تشربي ايه
ايه….اي حاجه مش سخنه
ليله….طيب شوفي بقي حابه تقعدي فين الاول
ايه….اي مكان المهم يعني هو عشري لو رجع هيفتح علي طول
ليله…..لا اكيد هتقلعي ولا ايه
ايه….بابتسامه لا مش هقلع انا عشان صوتنا ميبقاش طالع وكده
ليله….طيب روحي علي المجلس اللي جوه
ايه….لا خلصي و نروح مع بعض انا مش عارفه انهي واحد
ليله….طيب لحظه انا جايه اهو لو حابه نطلع الروف تعالي بس بيتهيألي برد شويه
ايه …اه بلاش الجيوب الانفيه تعباني
ليله….اوك يلا تعالي
راحت ايه معاها و دخلوا علي المجلس الحريمي حطت ليله العصير و القهوه و ولعت سيجاره و بصتلها
ليله….قوليلي بقي في موضوع بجد ولا كنتي بتمثلي عليا
ايه…..بتنهيده هزت راسها في والله
بصي انا من اول المشكله وانا هتجنن واكلمك بس مكنتش قادره لان بعد اللي حصل و جوازك من عشري متقابلناش و مكنتش عارفه رد فعلك و خوفت منك بصراحه بس كمان اللي اقدر اتكلم معاه غيرك هي ايمي و ايمي مش موجوده.
ليله….وانا ياستي موجوده اهو و تمام و اكيد مينفعش تخافي من رد فعلي انتي عرفاني كويس قولي بقي في ايه.
لعبت ايه في صوابعها بتوتر غمضت عينها ثواني و خدت نفس طويل و بعدين بصتلها بهدوء
ايه….ليله انا سيبت سلامه انفصلنا
ليله…بصدمه نعمممممم
اتجمعت بسرعه دموع ايه و وشها احمر و حطت ايدها علي وشها بوجع
ليله….ايه انتي بتتكلمي جد
ايه….شالت ايدها و هزت راسها وهي بتعيط والله العظيم بتكلم جد
ليله….ايوه يعني ايه سيبتي سلامه اصلا وليه و ايه اللي ممكن يكون حصل بينكم انتوا الاتنين بالذات يخليكم تسيبوا بعض سلامه طيب و مش بتاع مشاكل وانتي هبله
ايه…..انا اللي سيبته يا ليله انا اللي قاعت الخاتم و نهيت كل حاجه
ليله….طب حصل ايه يعني مش فاهمه يعني عملك حاجه قفشتيه مع بنت مثلاً حصل ايه
ايه…..سلامه اتجنن يا ليله سكتت و فضلت تعيط مش قادره تتكلم
ليله….طيب هو انتي ممكن تبطلي عياط شويه و تعرفيني حصل ايه يعني ايه اتجنن قرب منك يعني عمل حاجه مينفعش يعملها طلب منك طلب مش وقته مثلا
ايه….لا لا متخليش دماغك تروح لبعيد سلامه مش كده
ليله…..طيب لما هو مش كده و مطلبش حاجه و معملش حاجه و قفشتيهوش مع حد امال عمل ايه
ايه…..بدموع سلامه طالب مني احط حدود مع تامر اخويا يا ليله
بصتلها ليله ثواني و بعدين بصت لبعيد ورجعت بصتلها بتركيز
ليله….يعني ايه حدود مش فاهمه
ايه….يعني في الهزار والضحك في البيت ميقربش مني ميدخلش عليا اوضتي مهزرش معاه بالايد حجات غريبه ليله كملت بدموع ليله تامر اخويا صحيح هو في الحقيقه مش اخويا بس انتي عارفه علاقتي بيه كويس احنا متربين سوا انا مليش غيرهم هما عيلتي الوحيده يا ليله انا لما سلامه فتح معايا الموضوع صدقيني انا كنت حاسه اني ناسيه خالص ان تامر ابن خالتي من كتر ما انا بتعامل علي انه اخويا
ليله…..طيب سلامه عمره ما علق علي علاقتك بيه من يوم ما اتعرف عليه و هو علاقته بيه كويسه اوي ايه السبب اللي خلاه يقول كده او يطلب منك ده
ايه….مفيش سبب يا ليله سلامه اتجنن
ليله….اااايه انتي جيالي تتكلمي و تحكي عن المشكله اللي حاصله بينك و بين سلامه فا عرفيني ايه اللي حصل عشان اقدر احكم علي الموضوع مفيش حاجه اسمها هو اتجنن لما يبقي معاكي طول الفتره دي و ميفتحش بوئه عن علاقتك بتامر ويجي مره واحده يطالبك انك تحطي حدود ميبقاش مجنون اكيد شاف حاجه استفزته ماهو مش هيجي يقولك يا تحطي حدود يا ننفصل كده منه لنفسه
ايه….لا هو مقالش ننفصل يا ليله ولا حتي حط شروط انا اللي سيبته سلامه قالي كده امر يا ليله لازم يتنفذ ياريته شرط عليا مثلاً مكنتش هبقي زعلانه و كنت هسيبه باختياري لكن هو اجبرني و انا بردوا ملاقتش حل غير اني اسيبه
ليله…كمان !!! يعني مش هو اللي ساب او حط شرط
ايه….طيب وهو لما يقولي هتعملي كده و من غير نقاش يبقي عادي
ليله….ما ده اللي بحكي فيه شاف ايه يخليه يطلب منك طلب زي ده هو مش مجنون يا ايه
ايه….ماشي هقولك من كام يوم سلامه جالي المحل و روحنا عند نعيمه و عسال و فضل كانوا هناك
ده اليوم اللي عرفنا فيه ان عشري عمل العمليه و كان حسان في الوقت ده بيوصل ابمي و رشيد انا كنت معرفه بابا و حتي تامر كلمتوا وعرفتوا لما رجعت بليل كان علي الساعه 11 ونص او 12 لاقيت تامر متعصب اوي و عمال يدور علي ورق مهم لشغله و بابا وسلمي بيدوروا معاه وقبل ما انزل الصبح كنت بدور علي السويت شيرت بتاعي عند تامر
وطبعاً تامر طلع عصبيته عليا و قالي انتي اللي دخلتي اوضتي واكيد لعبتي في حاجه و ضيعتي الورقه شديت معاه شويه المهم ساب كل ده و اتعصب اكتر انتي اتأخرتي ليه انتي فين كل ده انا و بابا في البيت و انتي لسه بره مع استاذ سلامه بس قالي يكون في علمك مفيش تأخير تاني و لو اتاخرتي مش هتروحي شغلك و مفيش مقابله مع سلامه ولا تأخير واخرك تسعه و لما تبقي مراته ابقي اخرجي براحتك
ليله…..وابوكي مردش عليه
ايه….لا رد و اتعصب عليه وقالوا ملكش دعوه لما اموت ابقي اتكلم مع اخواتك بالطريقه دي طبعاً شدينا اوي و انا دخلت اوضتي فضلت اعيط سلامه اتصل مرتين و خليت سلمي ترد المهم يعني انه عرف اني مش قادره اتكلم الوقت و سلمي قالتوا معلش هما شدوا شويه مع بعض و بعدها انا كلمت سلامه وعرف الحوار
ليله…..قولتيلوا انه قالك مفيش خروج مع سلامه يعني و ده السبب اللي خلاه طلب منك تحطي حدود
ايه…..لا لا هو اصلا لما عرف ان في مشكله اول حاجه قالها تامر زعل يعني عشان اتأخرتي قولتله لا هو اضايق بسبب الورق اللي ضايع هو قالي كده اه بس كان عايز يتخانق مش اكتر
ليله….طيب دي اول غلطه ليكي بس كملي
ايه….طيب ايه الغلطه هو اصلا مش ده الموضوع اللي طلب عشانه كده
ليله….حتي لو مكنتيش عرفتيه الجزء ده بالذات عشان ميضايقش من تامر يعني كنتي اكتفيتي بس انه متعصب بسبب ورق شغلوا
ايه….تمام المهم يعني الموضوع خلص وضحكنا و كله تمام و انا نمت علي الساعه خمسه ونص الصبح او سته تامر دخل الاوضه عندي و صحاني و قالي انه لقي الورقه و صالحني و قعدنا نهزر و الدنيا تمام قالي بكره هعزمك علي الغداء و اجيبلك حجات حلوه و فضل يهزر و خلاص مشي الصبح بقي كنت بكلم سلامه و كان طبيعي سألني تامر لقي الورقه قولتله اه و جالي صالحني و حكيتلوا اللي حصل و قولتله لو فاضي انهارده علي الساعه خمسه كده ابقي تعالي نتغدي احنا الثلاثه قالي هشوف ظروفي و لو قدرت هاجي حسيت ان صوته اتغير بس بصراحه مركزتش اوي
ليله….امممم اكيد كملي
ايه….تامر جالي جابلي سوشي و عروسه و شوكلت و قعدت كلت انا و هو و بعدها بوقت بسيط وصل سلامه واحنا بناكل سلم و هزرنا وقعد بس كان باين انه مش تمام مرضيش ياكل خالص و قال شبعان بس كان بيتكلم مع تامر و عادي
شويه و هزرت انا و تامر قولتله سيب الاكل بتاعي يعني هزار كده خد العروسه قالي طيب مش هديهالك فا خدت موبايله بهزار و جريت قولتله هبعت للبنت اللي بتكلمها اقولها انا حبيبته كل ده وسلامه قاعد يعني بيضحك و مفيش حاجه تامر لما سمعني قولت كده ساب العروسه وجري عليا حاول ياخد مني الموبايل و انا و تامر فطسانين من الضحك و قدامه بعني عادي بس بعدها تامر قال انا ماشي و قال لسلامه هيقابل عسال سأله هتمشي ولا قاعد شويه قاله لا قاعد شويه مشي تامر و مفيش دقيقه او اتنين لاقيت سلامه قام مره واحده انا ماشي طب ليه طب انت قولت هتقعد طيب انت ملحقتش حتي تقعد نص ساعه مفيش مفيش و كان شكلوا باين عليه انه شايط من حاجه فضلت اسأله مالك طيب حد مضايقك طيب متخانق طيب في مشكله في الشغل مفيش و اللي عليه سيبيني امشي قولتله طيب انت زعلان مني امبارح قفلنا الموبايل واحنا بنضحك و بقوله انا هقطع بقي ورق تلمر كله عشان يبقي يتعصب عليا و كان تمام و الصبح اه مكانش كويس اوي بس كان عادي و قالي لو معنديش شغل كتير هجيلكم
فا مكنتش فاهمه سبب العصبيه و الغضب والحاله اللي كان فيها انا مش هنكر انه قالي سبيني امشي عشان انا علي اخري سبيني عشان هترجعي تزعلي مني خليني اهدأ قولتله مش هزعل وقولي فجأه اتحول بجد و لاقيته بقي بيطلب مني الطلب ده و ازاي تامر يدخل عليكي الاوضه و انتي نايمه كمان تامر كان بيهزر معاه و بيقوله علي انه صالحني وكده و خلي بالك بتنام كده و بيبقي شكلها كده فا هو كان متعصب وهو بيقولي قالي ازاي يدخل اوضتك و يشوفك وانتي نايمه ازاي يوصفك ليا طب احنا في شتاء لو في صيف ونايمه براحتك بيدخل عليكي ازاي تسيبيه يقرب منك و يلمسك و ياخد منك الموبايل بالطريقه دي ازاي يحضنك من ضهرك و يكتفك و ايده تبقي عند صدرك كملت بدموع و حطت ايدها علي وشها ليله انا في صدمه بجد ازاي سلامه دماغه توديه لبعيد كده ازاي يشك في تامر طيب قصده ايه يعني ان تامر مش كويس هو مشافش منه غير هزار و ضحك بيحصل عادي بين الاخوات و بعدين انا قولتله طيب ليه مشوفتش نفس العلاقه دي مع ميدو و يهام ماهما مش اخوات فضل بتكلم عن ميدو وعلاقته بريهام وامه و انا بيخبط علي اوضهم و مستحيل يدخل غير لما يسمحوا ليه وانه عمره ما هزر بالطريقه دي مع ريهام حسسني فجأه ان تامر شيطان و ان انا قابله علي نفسي انه يلمسني انا اصلا بسبب كلامه ركزت في علاقتي مع تامر اما كنت ناسيه انه اخويا قولتله طيب ما تقولي علي بابا بالمره ماهو جوز خالتي قالي لا بس لو لزم الامر و حسيت بحاجه مش تمام اه هقولك حطي حدود
ليله….فا قلعتي خاتمك و قولتيلوا مع السلامه
ايه….حطي نفسك مكاني لو كملت ووافقت و جه في مره تامر هزر قدامه عادي مش هينكد عليا مش هيفضل متغير معايا افرضي طاوعته الوقت و حصل موقف زي كده قدامه مش ممكن يتعصب علي تامر و تبقي مشكله قدام شويه بعد جوازنا يا ليله سلامه هيتغير اكتر من كده هيمنعني ابات عند بابا مش بعيد لو تامر جالي في مره و هو مش موجود يتجنن ماهو بردوا مش طبيعي ان اخويا يستأذن قبل ما بجيلي او يستني يكون سلامه موجود ده اخويا يا ليله كملت بعياط مكانش قدامي حل الموضوع مقفول صدقيني و بعدين هو قالي انا مش بطلب منك تروحي تقولي لتامر او تعرفي اي حد ان في بينا مشكله بسببه تامر صاحبي واخويا و الدنيا بينا بعيد عنك تمام بس الحدود دي انتي اللي تحطيها اقفلي علي نفسك بليل متهزريش بالايد عشان هو ميهزرش معاكي ممنوع هزاره اصلا يخليه يقرب منك او يلمسك بالشكل ده
ليله….اممم وانتي مضايقه انه طالب الحدود دي منك طب احمدي ربنا في رجاله بيروحوا هما بنفسهم يطلبوا من الشخص ميتعداش حدوده و عشري بيتهيألي واحد منهم
ايه….ليله تمام هو طلب ده مني انا بس كمان انا مش هقدر اعمل كده يعني فجأه و بعد العمر ده كله احط حدود بيني و بين اخويا فجأه كده اتعامل معاه علي انه غريب عني صعب يا ليله انتي عرفاني كويس انا بتعامل بطبيعتي حد بيحب الهزار و الضحك طول الوقت مقدرش اني اقعد ساكته و بتعامل برسميه دي مش شخصيتي انا و بعدين انا مش طايقه سلامه يا ليله و في نفس الوقت موجوعه منه و كمان هو صعبان عليا مش طيقاه لان بسبب كلامه خلاني مش علي بعضي بقالي كام يوم مش قادره اهزر مع تامر او اتكلم او اتعامل عادي و لو هزر او لمسني بحس اني مش علي بعضي جسمي رافض لمستة يا ليله خلاني دخلت الاوضه و لاقيت نفسي من غير ما احس بقفل علي نفسي دخل علي سلمي الاوضه امبارح عشان كان واخد عربيتي وكان عايز يديني المفتاح و هي كانت بتغير طلعت فيه و بقيت متعصبه و ضايقته قولتله انت ازاي تدخل كده من غير ما تستأذن هو خبط بس متعود يخبط ويفتح هو كان مصدوم مني و حتي سلمي قالتلي في ايه و اتصدمت من رد فعلي و كل ده بعد ما سيبته يعني كنت فاكره ان ده الحل الوحيد و اني اسيبه افضل بس هو خلاني حتي وانا بعيد عنه دماغي باظت اتوجعت من كلامه و عدم ثقته فيا وفي تامر و اتوجعت عليه لانه شاف اني بيعته و انه رخيص امبارح هو اتصل كنسلت و عملتولوا بلوك بعتلي علي الواتس عملتلوا بلوك كمان نزلت الصبح بدري لاقيته في وشي كان متعصب مني و ازاي تعملي بلوك و انتي عبيطه وانتي عيله صغيره و دماغك صغيره اداني الخاتم وقالي البسيه و اركبي لازم نتكلم بس رفضت اتكلمنا شويه ونزل تامر سلموا علي بعض و بعدها سابني و قالي هسيبك تفكري بعقل و قالي كمان انه ماعرفش حد و مش هيعرف حد عشان ميتفهمش غلط و عشان مش حابب يخسر اهلي بسبب سوء فهم انا قولتله موافقه نرجع بس بشرط انه يشيل من دماغه كل اللي حصل ده و ميتدخلش في علاقته باخويا رفض طبعاً و مشي علي اني افكر بس هي مفيهاش تفكير يا ليله انا بجد مش عارفه ليه حصل كل ده ليه الموضوع راح في الحته دي اصلاً
ليله بصت علي الارض و حطت ايديها الاتنين علي راسها و فضل تمشي ايدها علي شعرها تكتر من مره كان باين عليها التوتر الانفعال الغضب بس كانت بتحاول تكون هاديه طول ما ايه بتحكي كانت سمعاها بس عقلها كان في حته تانيه خالص رفعت ليله وشها بهدوء و مسكت علبه السجاير حطت سيجاره في بوئها ولعتها وخدت نفس طويل و بعدين بصت لايه
ليله…..ايه انتي جيالي ليه ؟
بصتلها ايه بهدوء و مسجت دموعها
ايه…..انا عارفه انك زعلانه لسه من اللي حصل و اكيد مستغربه اني جيتلك بعد ما عملنا فيكي كده بس يعني ..
ليله….قاطعتها يتحرق زعلي انا مش بتكلم عني الوقت ولا بتكلم تنك جيالي بعد اللي حصل اولاً انا لا زعلانه و لا حاجه انا بسأل السبب اللي جابك هنا
ايه…..محتجالك محتاجه اتكلم لاني هتجنن بقالي كذا يوم
ليله….اممم جايه تفضفضي يعني مش اكتر
ايه…..لا اكيد محتاجه اتكلم بس عايزه اسمع رأيك عايزه حد بره الموضوع يقولي رأيه في اللي حصل ده انا كان ممكن اتكلم مع نعيمه او سلمي او نادين بس محدش فيهم ينفع خالص سلمي هتاخد موقف من سلامه طبيعي نادين خسيت انها مش هتعرف تقولي حاجه كمان خوفت تقول لميدو و يعرف حاجه زي دي و ياخد الموضوع بحساسيه علي نفسه و معرفش ممكن رد فعله يكون ازاي و نعيمه انتي عرفاها لما بتزعل علي اي حد فينا بتهاجم و ممكن تتكلم مع سلامه و انا مش حابه ده يحصل انا لا عايزه هجوم ولا دفاع انا عايزه اتكلم و حد يسمعني يقولي اني صح اني مدلمتش سلامه ان الموضوع غلط انه فتحه اصلا مفيش غيرك انتي و ايمي ممكن اتكلم معاهم.
ليله….وانتي بقي جيالي عشان اقولك انتي صح ؟ ولا جيالي عشان اقولك سلامه صح و انتي غلط
ايه….هو انتي شايفه ان سلامه صح اصلاً؟
ليله….لا ملكيش دعوه بيا انا خالص ملكيش دعوه انا شايفه مين صح و مين غلط الوقت انا كلامي كان واضح لو جايه هنا عشان تفضفضي باللي تاعبك فا انا سمعتك و سيبتك تقولي كل اللي جواكي لو جايه بقي عشان تسمعي رأيي فا ده موضوع تاني لو اني حاسه الموضوع فضفضه مش اكتر انتي ماشاء الله قلعتي شبكتك عملتي بلوكات نهيتي الموضوع شايفه ان سلامه غلط و ان الموضوع منتهي و مفيش حل فيه غير اللي انتي عملتيه يعني مش حابه تسمعي اراء
ايه…..لا بالعكس انا قولت اللي جوايا صحيح بس كمان قولي رأيك
ليله…..انا مش هقول رأيي يا ايه و اسيبلك الاختيار انا لو قولت رأيي هقول معاه كمان اللي هيتعمل و انتي هتعمليه بس السؤال بقي هتسمعي الكلام ولا لا
ايه….طيب قولي يمكن انا مش قادره افكر او اخد قرار صح
ليله…..ايه انا لما حصل معايا مشكلتي انا و عشري اتفقتوا عليا كلكم و جوزتوني من غير علمي لانكم عارفيني كويس و حافظين دماغي و قررتوا انكم تمنعوا غضبي يتحكم فيا و انا اهو قدامك رضيت و سكت و وافقت و دي اول مره في حياتي اعمل حاجه بالاجبار بس لما هديت عرفت انتوا صح و انا اكيد مش هجبرك و لا هتفق عليكي مع حد لسبب واحد انا كان معايا حق في مشكلتي فجأه عرفت انت خطيبي خاطب و الباقي انتي عرفاه فا صدمتي كانت كبيره و الحق كان معايا بس انتي الحق مش معاكي جايز تكوني اتصدمتي في حقيقه انتي مش متقبلاها بس للاسف يا ايه انتي غلطتي و غلطك كبير اوي
ايه….غلطي كبير ازاي يا ليله حطي نفسك مكاني
ليله….ايه انا سمعتك و سيبتك تتكلمي و تقولي كل اللي عندك اسمعيني انتي للاخر بقي.
رن موبايل ليله
ليله….لحظه الووو
عشري….ايوه يا قلبي ايه جات
ليله….ايوه يا قلبي
عشري….طيب بصي يا ست البنات اول ما تمشي عرفيني عشان في حد معايا هيطلع البيت اوك
ليله….مين ؟
عشري….لما اجيلك بقي اوك
ليله….طيب اوك يا قلبي هعرفك
عشري…..يلا باي
ليله….باي.
قفلت ليله و بصتلها
ليله….ايه اتكلم و لا هتقاطعيني
ايه….اتكلمي يا ليله
ليله….اولاً انتي قولتيلي حطي نفسك مكاني و انا هعمل كده اكيد خلينا الاول نتكلم عن تامر هو يا ستي اخوكي مش ابن خالتك يعني هنتكلم علي الاساس ده تامر اخوكي و وليد اخويا حلو
ايه….تمام حلو
ليله…..بصي اولاً انا لو اتكلمت عن الفرق بين وليد و تامر ابقي بظلم تامر لاسباب كتير اولاً جيلهم مختلف عن بعض ثانياً احنا يا ايه تربيتنا كانت مختلفه عن تربيتكم احنا اتولدنا و عيشنا في مكان شعبي
فا لو بردوا هقارن المكان بالمكان هبقي بظلم تامر بس انا هتكلم عن تجربتي الشخصيه بفرق الجيل اللي بين اخويا وتامر بفرق المكان اللي اتربينا فيه و هديكي مثال تاني لحد نفس تربيتكم نفس جيلكم عشان يبقي قدامك مثالين اولاً
و رحمة امي في تربتها انك يا وليد عمرك ما هزرت مع واحده فينا هزار بالايد وليد كان شاب في وسط ثلاث بنات وام انا و اخواتي البنات كنا بنام في اوضه واحده و امي ليها اوضه و وليد ليه اوضه انا كبرت اصلا و وليد في اوضته لان في فرق بينا 14 سنه فا معرفش زمان وهو مع اميمه كان معاها في نفس الاوضه ولا لا بس انا هكلمك علي اللي عيشته انا كنت الصغيره و افتكر اني لما امي كانت تحميني مكانش وليد يقول دي صغيره وعادي لو دخلت عمره ما عملها لما كان يشوف واحده فينا لابسه شورت او تيشرت بحمالات يقولها قومي غيري لما كان يبقي بره يجي يرن الجرس رنه معينه و يستني كام ثانيه و بعدها يفتح كنا عارفين رنته و عارفين بيقف قد ايه بعد ما يرن و بعدها يفتح كان بيعمل كده عشان اللي فينا واخده راحتها تروح تغير لو قاعده قاعده مش تمام تعدل قعدتها تلم رجلها حجات زي كده يعني.
عمري ما شوفته بيهزر مع اميمه هزار مش تمام هنقول بيحترم انها اكبر او بيحترم شخصيه اميمه عموما لان اميمه بصراحه طول عمرها ملتزمه و ليها شخصيه كده لوحدها بس حتي طريقته مع قمر اللي اصغر منه عمره ما تخطي حدوده معاها ديماً راسه في الارض كان بيدخل اوضتنا دي في المناسبات زي ما بيقولوا هو مكانش بيدخل اصلا غير لو حد فينا تعبان و راقد كان يدخل امي تغطينا و يدخل يطمن علينا لو جايبلنا حاجه معاه يديهالنا بس .
قمر طول عمرها لما البريود بتجيلها بتلم علينا امة لا إله إلا الله وانا قولتلكم قبل كده عن تعب قمر في البريود وانها لازم تاخد حقنه قويه عشان الالم يخف وليد عمره ما نزل معاها كانت امي اللي تاخدها و تنزل بيها الصيدليه و لو صادفت و تعبت بليل كان يسيبهم ينزلوا و يمشي وراهم من بعيد عشان ميحرجش قمر و خلي اميمه اتعلمت ضرب الحقن مخصوص عشان السبب ده لان امي كانت بتخاف.
هو طول عمره خجول في اي حاجه تخصنا اتربي علي كده امي كان ليها دور كبير في انه يطلع كده اصلاً طول عمره عنده مشكله معايا في لبسي و لحد الوقت لما اشوفه وابقي لابسه حاجه عريانه او جسمي باين و اقوله ايه رايك مثلا في الفستان ميبصش يقولي عريان اقوله طب بص علي الفستان يقولي حلو بس عريان
سلامه و عسال اكتر اتنين من الشباب بحسهم تربيتهم شبه تربيتنا مع اختلاف الجيل و انهم متفتحين اكتر بس كمان منسيوش الاصول اللي اتربوا عليها اللي عايزه اقوله
ان وليد اخويا عادي لو هزرنا ضحكنا حط ايده علي كتفي بس هو مش بيعمل كده فا عايزه ايه من راجل مقدر علاقتك بتامر بس كمان هو عارف انه مش اخوكي عايزه ايه يكون رد فعله لما يشوفه واقف في ضهرك
ايه….ليله احنا كنا بنهزر و كان بياخد مني الموبايل
ليله…..دي نظرتك بس فكرتي في نظرة راجل اولا تامر اه اخوكي اتربيتوا و كبرتوا سوا بس هو يجوز ليكي صح ولا لا
ايه….ازاي بس
ليله….صحححح ولا لا ابن خالتك يجوز ليكي ولا لا؟
ايه….بدموع يجوز
ليله….طيب نظره سلامه كاراجل بقي مش شايف ان ده هزار لما يشوف راجل يجوز ليكي قريب منك كده حاضنك في ضهرك انا اسفه لو قبلها يبقي الارسال عنده في الاريال عالي و انا محترمه جداً سلامه و محترمه رد فعلوا و كبر في نظري
ايه انا سيبت عشري و بعدت و قولت كل اللي بينا انتهي مش هنكر اني ضايقته بالتاتو و بلبسي و برقصي في الفرح و خربت الدنيا
بس لأخر لحظه انا عملت حسابه مقدرتش اتحمل ان راحل هو اللي يرسم عليا لما روحت لتوما قولتله مش عايزه اشوف راجل في المكان طول ما انا بعمل بخار و سونا وچاكوزي لان انتي عارفه المكان هناك لمستوي معين من الناس والرجاله اللي بتشتغل في المكان داخلين خارجين و زباين توما معروفين مش بيهمهم مين يدخل هو المكان ميكس اصلا انتي عارفه كويس نظامهم صح
ايه….صح
ليله….ومع كل ده رفضت اه كنت سايبه عشري بس احترمته انتي عارفه اني من غير عشري اصلا مليش في القصه دي و مش بسمح بيها بس كمان كان سهل اضايق عشري بس مقدرتش لانه راجل و انا بشوف ان الست اللي تزعل من الراجل اللي معاها و تفكر تضايقه في حاجه زي دي علي اساس يعني توجعه تبقي ست مش تمام
ايه….بس انا مكنتش بضايق سلامه يا ليله كنت بتعامل عادي مع اخويا وبنهزر الهزار بتاعنا
ليله….عارفه بس نسيتي ان سلامه راجل وحتي لو تامر اخوكي من امك وابوكي لازم تعرفي ان الراجل اللي في حياتك ليه احترامه تفتكري مثلاً اميمه اهي وهي متجوزه و كبيره و معاها عيال تقدر تقعد باي لبس قدام وليد تقدر تهزر معاه هزار بايدها تقدر تنام في حضنه اميمه اخرها تسلم علي وليد تحضنه حضن سريع و تبعد حضن سلامات يعني واهو اخوها حتي قمر عمري ما شوفتها سانده علي كتف وليد مثلاً يمكن انا الوحيده اللي ممكن اسند علي كتف احضن دراعه بس في وجود عشري مبقدرش اعمل كده هو عمره ماقالي بس انا مبحسش اني عارفه اعمل ده❣️
يوم ما وليد جالنا في المطعم و حابلي الخاتم انتي شوفتي وليد كان قاعد ازاي صح افتكري كده منظره و هو قاعد جنبي ضامم رجله و حاطت ايده وسط رجله هو من نفسه عامل حدود و محترم الراجل اللي معايا ايه الشيطان وحش اوي اوي بيزين الست للراجل و ده كلام ربنا مش كلامي انا مش شيخه و لما قال الست فتنه مقالش الست الغريبه عن الراجل هو عمم الراجل لو اتفتن بشت و الشيطان زينها في عينه لا بيقول اهتي ولا امي و لا حتي لو جدته انسي في سينسور كده و جرس لو رن جوه الراجل والله لو عملتي ايه ما هتقدري توقفي شيطانه خلاص هو جواه غريزه معينه اتحركت و شحنه عايز يفرغها في رجاله بتندم بعدين تمام بس بعد ايه و في رجاله انسي خدت علي كده في اللي بيعيش مهدد عياله و بيعمل معاهم كل حاجه واحنا سمعنا بلاوي زي دي كتير وفي اللي اخواته و في اللي بيستغلوا مرض امهم و بيتهيألي سمعتي انتي عن ست حملت من ولادها كانوا اتنين و شيطانهم اتفق عليها يعني ملهاش علاقه انتي شايفه تامر بالنسبالك ايه ولا ليها علاقه بي أنتوا ازاي مع بعض من زمان هو لو اخوكي اصلا شقيقك و اتعامل بنفس الطريقه انا واثقه ان سلامه كان هيعلق ايه عشري بيغير من ابوه و مش بهزر هو يمكن بيقولها بهزار بس انا عارفه كويس من نظرته اكيد مش هيشك في ابوه بس هو عارف ان ابوه بيحب يهزر بيبص بيحب الست الحلوه واغلب العرباويه كده علي فكره فا هو عارف ده و انا بحترم ده
خليني يا ستي كمان اقولك ان سلامه غلط و شاف الموضوع بطريقه غلط مع انه مش غلط ولا شافه غلط عشان بس نكون متفقين
بس لو انتي ذكيه كنتي هتقدري تمشي امورك في رجاله عقلها صغير و الست دورها انها تاخده علي قد عقله كان ممكن تريحيه تقولي حاضر هو مش عايش معاكي في البيت مش شايف هزاركم مثلاً مش شايفكم بتعملوا ايه..
يعني مثلا لو عشري شاف ان وليد بيهزر معايا كتير شافني واحنا قاعدين نايمه في حضنه عرف انه دخل عليا الاوضه لو انا واثقه في وليد و عارفه ان عشري عقله صغير هقولوا حاضر بس في النهايه انا هبقي مع اخويا عادي خصوصاً لو انا من جوايا عارفه ان وليد هزاره او طريقته معايا مش اوڤر و عشري بس اللي بيغير شويه وهريحه ماهو مش شايفني
يعني انتي كان ممكن تقولي انا حطيت حدود وتعيشي عادي حياتك بس لو انتي يا ايه مكنتيش من جواكي مقتنعه بكلام بكلام سلامه انه صححححح مكنتيش من نفسك هتقفلي باب الاوضه عليه بعد ما انفصلتي عنه مكنتيش هتضايقي من لمسه تامر ليكي مكنتيش هتنفعلي عليه و تقوليله اختك بتغير انتي طبقتي كلام سلامه من غير ما تحسي و حبيبتي توصلي لتامر رساله انذار عن طريق سلمي و بردوا من غير ما تحسي صح
بصتلها ايه بحزن و هزت راسها
ليله….لو من جواكي يا ايه حسيتي ان سلامه اڤور كنتي هتاخديه علي قد عقلوا بس انتي كنتي مصدقاه و مقتنعه ان قرب تامر منك اوڤر
بس للاسف طلعتي غبيه و عيله زي ما قال سلامه انتي وجعتيه و جيتي عليه و مع اول مشكله خدتي قرار انتي كنتي واثقه انه هيوجعك قبل ما يوجعه احساس سلامه بانك رخصتيه او بيعتيه مجاش من فراغ
و بعدين عايزه ايه تاني الراجل قالك اخوكي علي عيني و راسي و الحدود طالبها منك انتي مش منه هو بس انتي اعترضتي و المشكله انك بعد ما اتفصلتي من غير ما تحسي عملتي الحدود دي فا كان ليه الغباء من الاول ليه مقولتيش حاضر و عملتي الحدود دي واناي معاه
ايه….بدموع والله يا ليله ما اعرف انا اتصدمت اصلاً من كلامه عن تامر الموقف اصلا كان جديد وصعب عليا و اني اتخيل ان سلامه يشوف تامر بالنظره دي خلاني مش قادره افكر
وبعدين انا خوفت من قدام شويه خوفت علاقتنا تتأثر خوفت موضوع تامر يفضل يبقي هو مشكلتنا ديماً
خوفت من طريقته تتغير خوفت انه يطلب حدود اكتر خوفت انه يرفض وجودي في بيت بابا او وجود تامر في بيتنا لما نتجوز فكرت في حجات كتير اوي خوفت الموضوع يتعرف او يبان علي سلامه و بابا ياخد باله او تامر او سلمي و يبأدوا يزعلوا وياخدوا منه موقف خوفت اني اتعرض لموقف بعدين انا مش قده و اضطر اختار بينه و بينهم
ليله…..بس انتي عارفه كويس ان سلامه مش الشخص ده سلامه طيب اوي و محترم و ذوق جداً عمره ما هيرخصك او يهين اهلك مهما حصل عمره ما هيقابل تامر مقابله مش حلوه و بعدين يا ايه ليه مفكرتيش انك لو سمعتي كلامه و حطيتي حدود فعلاً و هو بدأ يلاحظ ده بعينه بعد كده مش هيركز في الموضوع ايه انتي بقالك مع سلامه كذا شهر و شاف علاقتك بتامر و هزاركم كتير ليه المرادي علق؟؟
ليه المرادي بالذات لفت نظره علاقتكم و هزاركم و رفض؟؟ ده عشان انا واثقه ان حكيك للموقف غير ما سلامه شافه
بصي يا ايه انا هقولهالك و انتي عارفه كويس اني صريحه لو لفيتي الدنيا كلها مش هتلاقي حد جدع و راجل و محترم و متربي و ذوق و حنين و في صفات جميله زي سلامه لو لفيتي الدنيا مش هتلاقي حد يحبك و يخاف عليكي قده
لو خسرتي سلامه هتخسري حجات كتير هتخسري عيله جميله بتحب الحياه عيله مليانه حب و حنان و دفا عيله شبهكك و شبه صفاتك و طباعك سلامه مش رخم و لا متشدد و لا متحكم علي قد ما يبان انه علي الله حكايته و انه راجل مرح بس هو كمان راجل و جدع و بيغير و ليه نظره و صدقيني انا احترمت سلتمه بطريقه مش ممكن تتخيليها احترمت ملاحظته و احترمت طلبه في الحدود اللي حب انك تحطيها
و انتي مش عشان صاحبتي هطبلك و اقولك اه انتي صح لا انتي غلط
و غلط جداً
سلامه لو مش متمسك بيكي كان خد الموضوع جد و عرف الكل انكم انفصلتوا مع انه يبان مجنون بس اثبت انه راجل و عاقل و استني علي الموقف شويه..
كمان في نقطه لازم تحطيها في بالك كويس اوي و تقدريها موقف سلامه من تامر مفيس اتنين ممكن يختلفوا عليه و مفيش مخلوق عاقل و فاهم ممكن يغلطوا و اي راجل حر كان هيتصرف بنفس الطريقه بس اللي لازم تعرفيه كويس ان في رجاله لو في موقف زي ده اتسابت بالكريقه اللي انتي سيبتي بيها سلامه بتمشي و مش بترجع و عشري واحد منهم
انا واثقه ان عشري لو اتحط في نفس الموقف و شاف مني نفس رد فعلك هيمشي و مش هيرجع
ايه….بس عشري كمان اتمسك بيكي يا ليله و انتي كمان عملتي في حجات كتير اوي و هو رضي بيها عشان بيحبك
ليله….لاااااا في اختلاف عشري كان غلطان و انا مغلطتش معاه خالص الموقف نفسه مكانش مني انا وهو كنا زي الفل قبل ما مريم تجيني اللي حصل مني رد فعل و صدمه وحقي
بس مبقاش غلطانه و اقاوح يا ايه الغلط منك و من تامر خلينا نقول ان لا انتي قاصده ولا تامر قاصد والموضوع كان بحسن نيه بس هو طلب حاجه معينه انتي بقي عملتي ايه رفضتي و قلعتي خاتمك كلمك بعدها عملتي بلوكان جالك تاني و ادالك الخاتم رفضتي بردوا و صممتي علي اللي في دماغك من غير ما تدي نفسك تبصي للموضوع بعقل المفروض سلامه بعد كل ده يبعد و خدي بالك لو بعد بجد ملهاش علاقه بالحب يعني كده مش هيبقي مش بيحبك ولا متمسك بيكي بالعكس بس مش قابلها غلي رجولته انك تسيبيه بالطريقه دي لكن هو عاقل و خدك علي قد عقلك .
و بعيداً بقي عن كل الرغي ده و التربيه والعادات و التقاليد انتي فين من الحرمانيه يا ايه ؟ يعني خلينا نقول انك اتصدمتي من كلامه و انك بتتعاملي علي انه اخوكي و انك من كتر ما علاقتك بيه حلوه نسيتي خالص انه ابن خالتك كل ده جميل
بس ليه مفكرتيش بالعقل شويه ان كلامه في الدين صح .
نادر اهو نفس تربيتكم و نفس المستوي و ده المثال التاني اللي قولتلك عليه لا عمري شوفته بيتجاوز حدوده مع نعيمه او نسمه.
محمود اللي نسخه من سلامه و عسال و بيهزر و بيضحك و مرح عمري يا محمود ما شوفتك بتهزر مع ايمي او امنيه بطريقه ملفته للنظر مع العلم ان ايمي جريئه و اوقات هي و محمود بيهزروا هزار بالكلام صعب بس عمري ما شوفته بيتخطي حدوده وامنيه اللي اصغر منه عمري ما شوفته واقف وراها بيحضنها بيعمل كده مع ان انتي عارفه ايمي و عيلتها فري لابعد حد ممكن تتخيليه بس عمري ما شوفت تجاوز
البيت الوحيد اللي دخلت فيه و نمت فيه و كان في شاب هو بيت ايمي كنت بنام وسطهم عمري ما شوفت محمود بيرفع عينه فيا طول الوقت مبيبقاش في البيت و لو رجع بليل وقعدنا مع بعض كلنا مبيقعدش جنبي حتي .
اقولك علي حاجه كمان يا ايه انا طول عمري بشوف هزار تامر معاكم والدنيا تمام بس عمري ماشوفته مثلا بيهزر مع سلمي بنفس الطريقه عمري ما شوفته قريب من سلمي قد ماهو قريب منك
ايه….لان سلمي جد شويه و بحكم شغلها ليها دماغ تانيه انا كمان اصغر و اقرب لتامر
ليله….حلو كل ده حلو و زي الفل بس هقولهالك تاني سلامه راجل و حقه و حقه كمان يلفت نظره انه عمره مشاف تامر بيهزر كده مع سلمي
ايه…..ايوه بس لما دخل علي سلمي و انا اتعصبت عليه عمل زي ما بيعمل معايا عادي يعني مفيش اختلاف هو بيتعامل علي اننا اخواته
ليله….تمام ده طبعه و ياستي اتعودنا عليه كده بس جالك راجل قالك في حجات معينه حابب انك تغيريها هنمنعه من حقه ده ولا هنحاول نرضيه بالعقل و بما يرضي الله؟؟
ده انتي كمان شرطتي عليه انك ترجعي بس المقابل انه يقبل بكل ده عادي و ميعترضتش والله يا ايه انا لو راجل و في نفس موقف سلامه ما كنت سألت فيكي و مشيت وانا ضميري مرتاح.
ايه…..طيب اعمل ايه يا ليله ؟ ماهو كمان لما اتعصب قالي يكون في علمك الحواز هيتم الفتره دي و مش هستني الصيف انا خوفت و اتصدمت انا خايفه اوافق قدام شويه الدنيا تبوظ او يفضل مركز خايفه يكون سلامه بيغير اوي و الغيره دي تبوظ حياتنا
ليله….غيره ايه؟! سلامه بيغير الغيره العاديه المقبوله عمره ما اعترض علي اي حاجه ولا علق علي اي حاجه و مش هيحصل منه كده وبصراحه انا كمان مع قرار سلامه في انكم تتجوزوا مش فاهمه صيف ايه و شتاء ايه جوازكم ده هيمنع مشاكل و شك كتير ده قرار صح في مصلحتكم و بعدين لما تتجوزي وجودك مع تامر هيبقي اقل من الطبيعي هو نفسه هيبدأ يشوفك ست متجوزه و اكيد هيراعي هزاره و هياخد باله من تصرفاته و من نفسه هيحترم الراجل اللي معاكي بصي يا ايه خلينا ننهي الموضوع ده بهدوء و نخلصوا من غير ما حد يعرف و هتعملي اللي هقول عليه تمام
ايه….اعمل ايه؟
ليله…..هتفكي اول الحاجه البلوك عن سلامه تلني حاجه اللي قاله هيتنفذ بالحرف بليل اقفلي علي نفسك الاوضه تامر مره علي التانيه هيبدأ يحس انك حاطه حدود من غير ما تتكلمي هيبدأ يفوق لنفسه و يعرف انك بنت و ليكي خصوصيتك و بيتهيألي بعد ما كلعتي فيه كده لما دخل علي سلمي يمكن ياخد باله
تالت حاجه هزراك مع تامر مش هيبقي بالايد لو منعتي هزار الايد هو من نفسه مش هيهزر معاكي بالايد
انتي اللي بتحطي حدود يا ايه مع الشخص اللي قدامك حتي لو اقرب حد ليكي مش بس في الموضوع ده لا في حجات كتير يعني لو مش بتقبلي هزار في سخريه منك بتحطي حدود و اللي قدامك من نظره بيعرف انك رافضه طريقته وانها تقيله علي قلبك لو حد بيستخف بعقلك هتقدري تحطي حدود لو حد بيشوف نفسه عليكي هتقدري تحطي حدود لو حد فاكر انه ممكن يستضعفك هتقدري تحطي حدود انتي اللي بتفرضي شخصيتك علي اللي قدامك و ختي لو سنك صغير بتقدري تخلي اللي قدامك لو عنده ميت سنه يحترم عقلك و شخصيتك .
فا حطي حدود لهزارك امنعي التجاوز و مش بس عشان سلامه عشانك انتي جسمك ده يا ايه ملكك مش من حق حد يلمسه او يقرب منه غيرك انتي و الراجل اللي هيتجوزك ده كلام اتربينا عليه مش لازم ننفذه لما بتطلب مننا احنا اللي لازم نعمل كده من نفسنا.
هتمشي من هنا يا ايه و انتي فاكه البلوك هتبعتي لسلامه رساله حلوه او بلاش رساله يا ستي كلميه اطلبي منه انكم تتكلموا عرفيه انك هديتي
وفكرتي بعقل عرفيه انك هتبدأي تعملي كده و انك اقتنعتي بوجهه نظره رجعي قيمة سلامه اللي ضيعيتها بسبب تصرفك قولي كل اللي في قلبك عرفيه ان سبب انفعالم ورد فعلك كان غصب عنك بس لما هديتي عرفتي انه صح
ايه….بس هو كان زعلان اوي و بيتهيألي هيفضل واخد جنب فتره
ليله….لو هيفضل واخد جنب و زعلان كان بعد من الاول يا ايه هو سايبك تفكري يعني مستني ردك و هو اكيد مش هيعمل كده و هيفهمك
اللي قولته ده هيتنفذ بالحرف انا لو شايفه ان سلامه غلط او حتي جاي عليكي في حاجه مش هقف معاه او هقولك هو صح في دي بس في دي غلط لكن للاسف انا مش شايفه اي غلط من الراجل صراحه هو عداه العيب علي الاخر الموضوع ده لازم يخلص عشان اولاً محدش عندك يلاحظ و عشان لو اتعرف هندخل في مشاكل اكبر اول مشكله هتواجهنا هو رد فعل ميدو و انتي عارفه كويس ميدو حساس قد ايه و ممكن يتوجع ازاي اكيد هو واثق في اخوه و نظرته ليه بس كمان هو بني ادم لو قعد وساب نفسه لعقله دماغه هتتعبه و احنا مش حابين نتعب اي حد معانا يا ايه لا عسال يستاهل الوجع ولا سلامه تمام يا ايه
ايه….حاضر
ليله….فكي البلوك و اللي حصل هنردم عليه و افتكري ديماً ان سلامه بيحبك و بيخاف عليكي و بيحفظك و بيعفك و بيقفل حواليكي ابواب الشيطان اللي ممكن يدخل منها بيمنع كمان عن تامر الفتنه فهمتي يا ايه؟
ايه….بابتسامه هاديه من بين دموعها فهمت يا ليله؟
ليله….بابتسامه بيحبك يا جزمه شايفك بنته و حبيبته اوعي تزعلي سلامه عشان هزعل منك بجد
ايه….ليله هو انتي هتقولي لعشري ؟
ليله…..اكيد لا طبعاً دي حاجه متتقالش و محدش هيعرف و انتي كمان سلامه مش لازم يعرف اني عرفت خلي الموضوع كأنه مخرجش منكم مش لازم يكبر و مش لازم يكون في اطراف خدي بالك من اكتر الحجات اللي ضايقتني بجد ان مشكلتي مع عشري كل الناس عرفتها وانتي عارفه كويس اني مش بحب كده بس بردوا هرجع واقول ان مشكلتي كانت مختلفه مشكلتي كانت معروفه للكل من قبل ما انا اعرفها صحابه و اهله ولما قولتلكم كنت خايفه تكونوا عارفين المهم يعني بلاش الموضوع يكبر و خليه بينكم اتفقنا
ايه….حاضر يا ليله ربنا يخليكي ليا انا مش عارفه من غيرك كنت عملت ايه
ليله…..انتي كنتي عارفه الصح يا ايه و مش محتاجه حد يقولك عليه انتي بس كنتي محتاجه تتأكدي حافظي علي سلامه يا ايه
ايه…..حاضر انا بحبك اوي
ليله….بابتسامه وانا بحبك اوي
ايه…. بقولك ايه انا هقوم بقي عشان الحق امشي الوقت اتأخر
ليله…..حمودي مش عارف انك هنا
ايه…..بصراحه لا قولتله اني هروح اشتري حاجه خوفت يقول قدام سلمي و لما ارجع تسألني انا جيت ليه
ليله….طيب يلا امشي و علي مهلك في الطريق ولما توصلي عرفيني و ياريت تفتحي البلوك انهارده
ايه….حاضر والله تمام
قامت ايه و حضنت ليله اوي و بعدين خرجوا علي بره
ايه….سلمي علي عشري كتير
ليله….حاضر يا قلبي يوصل خدي بالك من نفسك و اي حاجه تحصل كلميني
ايه……بأبتسامه حاضر مش عايزه حاجه
ليله….سلامتك يا عمري يلا علي مهلك.
ايه…..باي
ليله….باي
فضلت ليله واقفه لحد ما ركبت الاسانسير و مشيت
قفلت ليله الباب و فضلت مصدومه و شارده راحت علي موبايلها بسرعه و اتصلت علي سلمي و هي دماغها شغاله مش بتقف.
اول ما سلمي سنعت صوت الرنه اتفاجئت ان ليله بتتصل و بسرعه ردت.
سلمي….بابتسامه ايه ده انا مش مصدقه انك بتتصلي و حشني رنتك اوي
ليله….بابتيامه هاديه عامله ايه يا سلمي
سلمي….انا بخير طمنيني انتي عنك
ليله….بخير اسمعيني كويس انتي فين ؟
سلمي….في ايه انا كنت في الشغل ولسه راجعه من شويه يادوب خدت شاور وفي البيت عادي
ليله…..في اوضتك يعني ولا بره
سلمي…لا في اوضتي في ايه يا ليله قلقتيني
ليله…..بصي يا سلمي اللي هقولك عليه ده تنفذيه بالحرف و متسأليش عن السبب لان عشري كان تحت و خلاص جاي يعني مش هقدر اتكلم او اشرح اي حاجه تمام
سلمي….هو انا مش فاهمه بس تمام قولي.
ليله….بكل هدوء و عقل هتقعدي مع تامر تفتحي معاه نقاش عادي جداً و هتتكلمي عن الوضع الحالي لايه و ارتباطها بسلامه و تعرفيه ان في حجات لازم تتغير زي الهزار بالايد فتح الاوضه عليها اي حاجه زي كده و تعرفيه ان سلامه ليه احترامه.
سلمي….بصدمه و دموع سريعه اوعي ياليله تقولي ان اخويا عمل حاجه في ايه واوعي والنبي تقوليها
ليله….بتتت بطلي عياط محصلش حاجه
سلمي….طب في ايه انتي مش هتكلميني وتقوليلي كده غير لو في حاجه
ليله…..قولتلك مش هعرف اتكلم الوقت بس عشان اختصرلك يعني زاضح ان الهانم نايمه في العسل مت سي حسان و متعرفش ان اختها منفصله عن سلامه بقالها يومين
سلمي…اييييييه انتي بتقولي ايه يا ليله تامر عمل ايه والنبي
ليله…..اسمعيني كويس و بطلي عياط بدل ما تجي اجيبك من شعرك و وطي صوتك اخوكي معملش حاجه بس لفت نظر سلامه يا سلمي و طلب من ايه تحط حدود واختك المتخلفه رفضت و قالتله ده اخويا هي كانت عندي و لسه نازله و انا اتكلمت معاها و هتفك البلوك عن سلامه و هترجعلوا
سلمي….بلووك كمان هو في ايه انا مش فاهمه
ليله….سلمي اختك لما ترجع اوعي تعرفيها اننا اتكلمنا انا قولتلها محدش هيعرف لو عرفت انك عارفه هتشك في الموضوع و بيتهيألي الموضوع ده مينفعش يتفتح مره تانيه ابداً انتي مش هتتكلمي معاها و هتعملي عبيطه و حتي تامر هتتكلمي معاه عادي و انا عارفه ان انتي بالذات اللي تامر هيسمع كلامها و اصلا مش هيقدر يسألك ليه بتقولي كده انتي فاهمه كويس اختك هتحط حدود بس كمان انا وانتي عارفين ايه كويس مش هتقدر تعمل ده لوحدها لان احتمال تامر ميركزش اصلا انها حاطه حدود و يفضل بتعامل عادي بس كلامك انتي معاه هيفرق و عمره ما هيتجرأ يعمل كده في وجودك لان انتي اللي عارفه القصه من البدايه كويس فهمتي
سلمي….بدموع طيب انا فهمت بس انا عايزه اعرف والنبي مش هقدر استني مش هعرف انام يا ليله
ليله….اسمعيني ايمي هتمشي كمان كام ساعه و هتوصل الصبح او علي الضهر اكيد هترجع تنام لو قدرت تقابلنا في المطعم هشوفكم هناك بس اكيد محدش هيعرف بمقابلتنا دي خالص تمام
سلمي….طيب اوك ماشي
ليله….بطلي عياط الموضوع بسيط
سلمي….بسيط ايه سابوا بعض يبقي.اكيد سلامه حس بحاجه
ليله….محسسسسش قولت هو اضايق مش اكتر فا احنا بقي نعمل ايه نحاول نلم الموضوع بهدوء و نظبط تصرفاتنا فهمتي
سلمي….حاضر يا ليله
ليله….سلمي ايه متعرفش اني كلمتك ولا تعرف انك عارفه حاجه اصلاً تمام
سلمي….حاضر
ليله…بطلي عيلط وفكي قبل ما ترجع و كلامك مع تامر يكون بهدوء ده هيبقي نقاش عادي و نصيحه مش هجوم و براحه عليه
سلمي….حاضر بس لازم اشوفك انتي وايمي
ليله….حاضر بكره بس ترجع ايمي و هتفق معاها تمام
سلمي….اوك تمام
ليله…..يلا سلام يا قلبي
سلمي…باي
قفلت ليله وقعدت علي الكرسي و شردت …
فلاش باااك
ليله….هاي ايمي
ايمي….قلبي اركني و تعالي اركبي معايا يلا
ليله….واركن ليه سيبي انتي عربيتك ويلا تعالي
ايمي…ماشي
ركبت ايمي و اتحركت ليله.
ليله….تفتكري هنلحق نجيب هديه لايه و بعدين نروح نظبط شعرنا
ايمي…اه طبعاً هنلحق لسه اكتر من سبع ساعات
سلمي….قالتلي ان تامر حاجز الكافيه علي عشره كده
ايمي….معانا وقت اكيد بقولك ايه انا في حاجه كده عايزه اقولهالك من فتره و متردده بصراحه
ليله….حاجه ايه ؟
ايمي…يعني انا حاسه كده بحاجه غريبه من ناحية تامر لايه
ليله….يعني ايه مش فاهمه ؟ غريبه ازاي
ايمي……غريبه يا ليله
ليله….بصدمه لا متقوليش انك تقصدي اللي في بالي
ايمي….ايه مش حاسه بكده
ليله……لا يا شيخه اواي بس ده اخوها يا ايمي
ايمي…لا احنا لو هنتكلم بجد هو مش اخوها
ليله….تمام ابن خالتها بس متربين سوا
ايمي….وايه اللي يمنع اهتمام تامر بيها مش طبيعي يا ليله انا بشوف في عين تامر حب كبير اوي لايه
ليله….يا بنتي دي مخطوبه و خطيبها في اقرب وقت هينزل يكتب الكتاب و يتجوزوا
ايمي…..ليله ركزي في نظراته في اهتمامه في كل حاجه الراجل لما بيحب بيبان في عينه تامر عارف ان ايه بتعابروا زي اخوها و هو اكيد معندوش الجرأه انه يعبر فا بيحاول يلفت نظرها و بعدين في مره تامر عمل لسلمي عيد ميلاد اهتم مثلا انه ينزل معاها و هي بتجيب لبس زي ما بيروح مع ايه اهتم انه يقف و يظبط العياده بنفسه زي ما وقف في محل ايه
ليله….هو بصراحه لا بس ده لو بجد اللي بتقوليه تبقي كارثه ازاي يفكر كده دي متربيه معاه
ايمي….قولتلك ملهاش علاقه اقولك علي حاجه كمان هتصدمك
ليله….قولي
ايمي….. انتي عارفه مين اللي خد باله كمان و اكدلي ان نظرتي دي صح
ليله….مين حماده
ايمي…لا زوزو لقيتها بتقولي من كام يوم كده علي نفس الموضوع و قالتلي الفتي نظر ايه بهدوء انها تخلي بالها من لبسها من تصرفاتها قدام تامر بلاش تخليها تتعامل براحه اوي عشان الموضوع ميكبرش في عقله.
ليله…..طب وليه زوزو قالتلك كده
ايمي…..هي كمان لاحظت و زوزو مش عبيطه بتركز و بتفهم و بعدين هي حبيبه قديمه
ليله….بس تامر محترم
ايمي….جداً و اكيد عمره ما هيأذي ايه انا اعرفهم كويس من زمان و عارفه تربيته بس هو بيحب
ليله…..ازاي سلمي طيب وايه مخدوش بالهم
ايمي….مش عارفه بس ايه انتي عرفاها كويس مش بتركز في الحجات دي و علي سجيتها اوي يعني هتشوف ان ده اهتمام من اخ لاخته و سلمي مشغوله ديماً و اكيد هتبقي مبسوطه من اهتمام تامر لايه لان انتي عارفه ظروف ايه و اكيد هتفرح بعلاقتهم و تفرح ان تامر بيعتبرها اخته الصغيره
ليله……طيب هنعمل ايه
ايمي….ولا حاجه انا اكيد مقدرش اتكلم مع سلمي في حاجه زي دي لانها مش هتصدق و هتشوف اننا بنبالغ و ايه طبعاً لو عرفت هتخاف و هتكش من تامر
ليله….ايوه بس افرضي شيطانه خلاه عمل اكتر من كده يعني لو الموضوع معاه موقف علي حب وبس
ايمي…لا مش هيعمل اطمني
باااااااك.
فاقت ليله و هي قاعده مصدومه و عماله تهز في رجلها جامد و سرحت تاني في موقف حصل بعد فتره.
فلاش بااااك.
بصت ليله و ايمي لبعض
ليله….سلمي بطلي عياط انتي واثقه من اللي بتقوليه ده
سلمي….بدموع ايوه واثقه بقولك شوفته بليل بعد كتب الكتاب في اوضته بيعيط سمعت صوته و هو بيصلي و عمال يعيط كأنه ناسي ان في حد معاه و عمال يدعي لربنا وهو ساجد انه ينساها و تخرج من قلبه انا اتصدمت و دخلت عليه و هو سلم و اتصدم اني واقفه في الاول مسح دموعه واتعصب عشان دخلت عليه بس قولتله انت بتحب ايه مقدرش يخبي انهار في حضني زي العيل الصغير
ليله….طب ازاي و امته و ليه مقالش و لما هو بيحبها ليه مخدش خطوه قبل جوازها
سلمي….قولتله قالي مكانش ينفع ايه مش بتشوفني غير اخوها خوفت احسسها بحبي ليها تكرهني او تخاف مني قالي قبل كتب الكتاب بفتره مكانش حاسس ولا متأكد ان اللي جواه ده حب كان طول الوقت يكدب نفسه بس لما الوقت قرب بدأ يحس انه تعبان و لما الكتاب اتكتب كان بيموت و عرف هو قد ايه بيحبها بس هو خاف بقول قدامنا و قدام بابا بس اخويا تعبان اوي و انا مش عارفه اعملوا ايه و في نفس الوقت مصدومه انه حب ايه لان ايه بجد بتتعامل معاه علي انه اخوها الكبير و انا واثقه ان ايه لو كانت فعلاً حست من تامر كده كانت هتخاف منه و مكانتش هتفكر حتي تديلوا فرصه لانها مش بتشوفوا غير اخوها وبس انا مش عارفه ايه
ايمي…..قولتلك يا ليله و مصدقتنيش
سلمي….انتوا كنتوا عارفين
ليله….ايمي اللي كانت حاسه انا مصدقتش بس بصراحه لما لفتت نظري بدأت اركز معاه و اااه اتأكدت من حب تامر ليها
سلمي…..ليه مقولتوليش طيب
ايمي….هنقولك ايه يا سلمي اخوكي بيحب اختك ولو قولنالك كنتي هتصدقي
سلمي….لا يا ايمي بس علي الاقل كنت عرفت علي الاقل كنت ركزت مع ايه اكتر و خدت بالي منها كنت عرفت تامر ان اللي بيفكر فيه ده غلط و مش صح
ايمي…..هو حب يا سلمي مأجرمش هتغلطيه في ايه بس هو كفايه اللي هو فيه ربنا يعينه
سلمي….بس الشيطان وحش و جايز كان عمل اي تصرف غلط
ايمي….اخوكي متربي و مستحيل يأذي ايه و بعدين خلاص كلها كام يوم وتبقي في بيتها خدي بالك من اخوكي لانه اكيد هيتعب لحد ما يقدر ينساها.
باااااااااك.
مسكت ليله راسها كانت حاسه انها هتنفجر كانوا فاكرين ان تامر نسي بس ميعرفوش انه لسه بيحبها اكتر من نفسه وافق انها تتجوز و اتوجع و وافق انها تتخطب لتاني مره من سلامه و بردوا اتوجع جه علي نفسه و محاولش يتكلم لان الموضوع صعب هو اختار سعادة ايه بس مكانش واعي لتصرفاته .
رن موبايل ليله لاقته عشري افتكرت انه قاعد مستنيها.
ليله….ايوه يا حبيبي
عشري….ايه ياعمري مكلمتنيش ليه انا شوفت عربيه ايه مشيت
ليله….معلش حقك عليا بس كنت بظبط المكان و كنت هكلمك
عشري….طيب خلصتي نيجي
ليله….اه يلا تعالي هو مين معاك
عشري….بابتسامه قولتلك لما اطلع بقي
ليله…..اوك يا قلبي يلا متتأخرش باي
عشري…..باي يا حبيبي
…………..
صحي عسال علي صوت إشعارات موبايله لقي نادين نايمه مدياله ضهرها وهو حاضنها و رايحين في سابع نومه بص علي الموبايل و اتصدم لما لقي الساعه 12 ونص
عسال…..يانهار اسود عملتي فيا ايه يا مجنونه قرب منها بهدوء باسها من رقبتها و من خدها حبيبي حبيبي توتيتي
نادين….امممم
عسال…..امممم ايه قومي ده انا هموتك
فتحت عينها بهدوء و لفت بصتلوا
نادين….في ايه؟
عسال…..بابتسامه و هو رافع حاجبه انتي عارفه الساعه كام
نادين …تحت تأثير النوم كاام
عسال…..الساعه 12 ونص
نادين….ايييييه بتهرج
عسال….اعمل فيكي ايه اموتك في ايدي
نادين….بابتيامه بجد الساعه 12 ونص
عسال….والله العظيم
نادين….طيب ليه سيبتني كل ده
عسال…..سيبتك ايه انا نمت زيك اصلا
نادين…..نعيمه متصلتش
عسال….مش عارف بس اكيد لا
نادين….طيب قوم قوم خلينا نمشي
عسال….بابتسامه اقول عليكي ايه بس دي غلطتي انا مكانش ينفع اسمع كلامك
نادين….انا مالي انت اللي نمت
عسال….بابتسامه حضنك حلو اعمل ايه
نادين….بابتسامه انت كمان حضنك حلو اوي
عسال…بضحك طب قومي يا مجنونه يلا خلينا ننزل واوصلك
نادين….حاضر ثواني بس وهخرج
عسال….يلا مستنيكي
