لقاء كـ،ـ،ـارثي
عند تقي و عدي دخلوا للدكتور شاف الدكتور التحاليل و بعدين طلب منها تروح تجهز نفسها عشان تكشف.
بصت لعدي و شاورتلوا يجي يقعد مكانها عشان ميشوفهاش
عدي ابتسم و قالها لا
بصتلوا بقلة حيله فا صعبت عليها و هزلها راسه اول ما بعدت قام قعد مكانها و مسك موبايله
ثواني بسيطه و دخل وراها الدكتور كشف عليها تاني فضل بتكلم معاها شويه و هو بيكشف عليها و يسألها لو في اعراض بتحس بيها و بعد ما خلص خرج علي بره و هي ظبطت لبسها وراحت وراه.
قعدت قدام عدي و بصت للدكتور
الدكتور…..بصي يا تقي التحاليل الحمد لله كويسه محتاجين بس نظبط الحدي الكالسيوم
تقي….ايوه الدكتور في المعمل قالي انهم مش حلوين
الدكتور….هما مش واقعين اوي بس هنظبط النسب دي شويه لانها سبب في الاعراض دي و طبعاً عندنا جرثومه في المعده كمان مش قويه بس لو اهملنا فيها الدنيا هتبوظ مننا فا هنعمل ايه بقي
تقي….بأبتسامه ايه؟
الدكتور…..هنمنع اي اكل من الشارع
بصلها عدي و ابتسم
تقي….تمام
الدكتور….هنمنع اي مياه غازيه و صودا و اي اكل في مواد حافظه نهائي
تقي….انا اصلا مش بحبهم بصت لعدي و ابتسمت بطريقه هبله
عدي…..بأبتسامه تقي مش بتحب العك خالص.
تقي…خالص
الدكتور…..بضحكه جميله يبقي خاربه الدنيا الحمد لله
تقي….مش خاربه الدنيا و لا حاجه بس انا طول الوقت في الشارع فا بضطر اكل
الدكتور…..تمام كلي بس تقدري تختاري الاكل المناسب ليكي مش لازم يعني نختار اسوء حاجه و نجري عليها
تقي….تمام يا دكتور
الدكتور….الورقه دي فيها الممنوعات كلها لمدة شهرين بعد الشهرين دول هنحاول بقي نلتزم يعني هتاكلي اللي نفسك فيه بس بالعقل وارد تاكلي تاني من بره و تعكي بس العك ميبقاش كل يوم اتفقنا
تقي…..اتفقنا
الدكتور….العلاج اللي فوق ده كورس لمدة ست شهور ده الكالسيوم و الحديد و كاتبلك هتاخديهم امته و قد ايه و اللي تحت ده للجرثومه اللي عندك
تقي…..دكتور طيب انا الفتره دي شعري بيقع كتير و ضواقري بتتكسر من ابل حاجه يعني بتطول بس ضعيفه
الدكتور….مجموعة الڤيتامين اللي انا كاتبها دي هتظبط الدنيا يعني عشر ايام اسبوعين هتبدأي تحسي بفرق بس المهم الالتزام كمان عايزين نشرب مايه كتير اوي
تقي….اوك يادكتور ميرسي اوي طيب هو انا هاجي تاني امته
الدكتور…..شهر بالظبط و هشوفك تاني
تقي…تمام يا دكتور
الدكتور….العفو الف سلامه نبطل عك
تقي…خلاص بمجرد ما هخرج من هنا هلتزم
الدكتور….هنشوف
عدي….بضحكه جميله شكراً يا دكتور
الدكتور…..بأبتسامه العفو
خرج عدي وراها و نزلوا من العياده فتح عربيته بالريمود و راح فتحلها
تقي….بصتلوا انا جعانه
عدي….بضحك جعانه اااااه
تقي….ايه هترجع في كلامك انا عايزه واحده بيتزا مارجريتا او ميكس تشيز
عدي….بضحك انا مش هرجع في كلامي بس انتي لسه قايله للدكتور بمجرد ما هخرج من الباب هلتزم
تقي…..طب ما انا خرجت و نزلت معاك السلم وجيت علي العربيه شوفتني كلت حاجه وعدت و نفذت و جه وقت الاكل بقي
عدي…..يعني اخرك في الوعد نزول السلم
تقي….يلا ياعم الله يباركلك انا كنت خايفه قبل ما اعمل التحاليل بس الحمد لله طلعت بسيطه هنسمع بقي كلام الدكاتره و نمشي وراهم
عدي…..طب نعمل ايه منمشيش وراهم يعني
تقي….ياهم اللي يمشي وراهم يمرض خدهم علي قد عقلهم و اخلص هموت من الجوع انا مفطرتش
عدي….بضحك اركبي يا مصيبه
ركب عدي و اتحرك بيها
عدي…..علي فكره الچاكت بتاعك اتغسل و اتكوي و رجع زي ما كان
تقي…..هو لسه معاك انا مش قولتلك مش عيزاه
عدي….ما انا قولت انتي كنتي بتقولي اي حاجه عشان الموقف مرضتش اتصرف فيه
تقي….لا لا مش هقدر خلاص البسوا تاني مش عيزاه
عدي….طيب زي ما تحبي بصلها و بعدين ضحك و هو بيقلدها دم يا عدي دم
تقي….بضحك بقولك ايه انت هتفضل ماسكها عليا
عدي….طبعاً هو في حد يمسك عليكي حاجه و يفوتها كده لا وعامله فيها شبح و جامده و لسان طويل و بتتخانق و مره واحده تعيط و تترعش و مرعوبه طلعنا قطط
تقي بابتسامه ضيقت عينها وعملت ان الكلام مش عليها
عدي….بضحك ايوه بقول عنك علي فكره
تقي…..طيب علي فكره بقي انت رخم عشان هي ملهاش علاقه خالص و الموقف علي فكره كان مرعب و يخوف و يوتر و انا اصلا اول مره اشوف موقف زي ده و مكانش موقف عادي ده واحد اتدبحح قدامي و اصلا انت كمان كنت خايف
عدي…..انا مخوفتش بس اتصدمت لان متوقعتش الموضوع يوصل لكده انا قولت لما يشوف انه عور صاحبه هيوقف بسرعه متوقعتش اصلا ان صاحبه اللي يعمل كده
تقي…..عدي هو كان قاصد
عدي…..لا لا ميتهيأليش كانت غلطه يعني رغم اللي عملوا فيه ده كله بس لما شافه كده اتصدم و كان باين عليه انه خايف عليه بجد حتي محاولش يجري او يهرب و بعدين مسك رقبته بسرعه هو وصاحبه التاني و حطوا ايدهم علي الجرح
تقي…..بس هو اللي وصله لكده هتفرق ايه
عدي….انا مش بدافع عن صاحبه هو في كل الاحوال غلط و ظلم الراجل ده بس المخدرات دي لعنه بتلحس عقل البني ادم بجد و السكه دي طريقها كله ضلمه قليل اوي اللي راح الطريق ده و عرف يرجع منه
تقي…..هو يعني انت عمرك ما جربت حاجه زي كده بصراحه
عدي….انا لا طبعاً مستحيل ربنا يعافينا يارب انا اخري السجاير
تقي….عشان حرام و لا عشان طريقها صعب
عدي….اكيد اول حاجه عشان حرام تاني حاجه انا شوفت بعيني كل اللي راح الطريق ده بقي عامل ازاي ايه اللي يخليني اجرب الهلاك ده علي فكره انا اعرف ناس كتير اوي بتشرب و بتعامل معاهم و انا عموما بتعامل مع كل الفئات و خدي بالك فيهم ناس جدعان بجد بس للأسف إرادتهم زيرو مش عارفين يرجعوا و حاول ا علي فكره بس خروج القرف ده من الدم صعبه اوي و بعدين انا ليه اعمل في نفسي كده يعني ايه اصلا اتضغط شويه او اتحط في مواقف صعبه او اكتئب من اي حاجه فا اجري بسرعه اشد عشان اعمل دماغ و مفكرش انا ليه اصلا اخلي عقلي يغيب ده العقل الصاحب ده نعمه و بعدين في ناس فيهم اتحبسوا وجربوا بهدلة الحبس و القرف ازاي بعد ما اقعد مده جوه و ابطل ضرب و اشوف ذل جوه الحبس و يوم ما ربنا يكرمني واخرج ارجع تاني اشد و ارجع تاني ارمي نفسي في القرف اللي في السجن اصلا اللي بيدخل جوه علي قد ما بيتعب و بيشوف الذل بس اهلوا بيتعبوا اكتر و بيتمرمطوا انا مستحيل اعرض اهلي لموقف زي ده مستحيل مستحيل اوجع قلب امي لا لا دي كبيره اوي علي فكره مستحيل اخلي ابويا يوطي راسه بسببي مستحيل اوجع اخواتي انا بشوف اصلا ان اللي بيعمل كده مهما كان بيمر بمشاكل و اذمات انا يلجأ للطريق ده فا هو اناني مفكرش غير في نفسه
تقي….عندك حق و اصلا منظرهم بيتحول ملامحهم بتتغير
عدي…..انا اعرف واحد كان صاحبي وراح نفس الطريق ده هو قدي يعني في العشرينات لس لو شوفتيه تقولي انه في اخر الثلاثينات مثلاً و حتي اللي في الثلاثينات شكلهم اصغر منه بقي جلد علي عضم ملامح وشه راحت سنانه وقعت بقي مسخ طب ليه ليه بجد
تقي…..ربنا يشفيهم و يهديهم.
عدي…..يارب.
………………….
عند نعيمه..
نسمه….هتوحشيني يا نوني
نعيمه….وانتي اكتر والله كنتي مسلياني مش كنتي استنيتي لبكره
نسمه….لا خلاص بقي انا اطمنت عليكي و بعدين ليه جيالك بكره يا ستي قولت امشي بكرامتي قبل ما تطرديني
نعيمه….بضحك اطردك ايه يا هبله انا ما بصدق نبات مع بعض
نسمه…..عارفه والله انا هسيبك كده تتبسطي برجوع ليله لحد ما تتجوز واكيد هبقي اجيلك كل فتره اقعد معاكي شويه عشان متبقيش لوحدك
نعيمه….ماشي يا ستي
نسمه…..بقولك ايه
نعيمه…..قولي
نسمه….مفكرتيش كده بعد ما ليله تتجوز تيجي تقعدي معانا بدل ما تبقي لوحدك
نعيمه…..مش هقدر يا نسمه انتي عارفه اينعم الوضع بين امك و ابوكي بقي افضل كتير بس انا خدت علي اني اكون لوحدي ليله معايا حد من البنات انتي لما بتيجي لكن اني ارجع تاني و كده صعب
نسمه….طيب ليه صعب بس
نعيمه …..خدت علي الهدوء علي الخصوصيه
نسمه…..ما انتي ليكي اوضتك
نعيمه….عارفه بس هنا ده بيتي بتحرك براحتك بتعامل براحتي
نسمه….يعني انتي لو رجعتي هنحدد اقامتك في الاوضه بس ما تتحركي و تتعاملي ماخو بيتك
نعيمه…..يابت افهمي انا مهما شرحتلك مش هتفهميني لانك مجربتيش تنفصلي عن اهلك و لا تستقري انا حالي بقي عامل زي اللي اتجوزت و بقت تحس ان بيتها اللي كبرت و اتربت فيه بقي غريب شويه عنها بعني تتكسف تتحرك في البيت زي ما كانت بتعمل تتكسف تفتح تلاجه تتكسف تحس البيت لسه بيتها و بعدين خلاص بيبقي اتعودت انها ليها بيت خاص و حياه خاصه فهماني
نسمه….ماشي يا ست نوني فهماكي عموما يعني بعد جواز لياه اكيد هفضل انطلك
نعيمه….نطي براحتك ياقلب اختك
نسمه….سلميلي علي البت نودي لما ترجع
نعيمه…..حاضر عيوني متأكده انك مش عايزه العربيه
نسمه….لا طبعاً هعمل بيها ايه مش هلاقي ليها ركنه هناك و بعدين مين هيرجعهالك انا هاخد اوبر
نعيمه…..طيب متنسيش تبعتيلي تفاصيل العربيه اللي هتركبي معاها و خلي بالك من نفسك واول ما توصلي كلميني
نسمه…..حاضر يا قلبي يلا مش محتاجه مني اي حاجه اعملهالك قبل ما امشي
نعيمه…..سلامتك يا قلبي نودي اكيد مش هتتأخر و بعدين مش محتاجه حاجه والله
نسمه….ماشي يا قلبي يلا باي
نعيمه….هاتي بوسه الاول طيب
باستخا نسمه و ضمتها و بعدين مشيت.
………………
عند نادين بصت علي عسال و هو راكب العربيه و بيجربها كانت واقف بره.
فتح عسال الباب بتاع العربيه و بصلها بغيظ و ابتسم و بعدين عض علي شفايفه
نادين….ايه باظت ؟؟
عسال…..اعمل فيكي ايه ؟
نادين….ابتسمت ايه و الله ما عملت اي حاجه هي اللي وقفت مره واحده و بعدين يعني انا حاولت اعرف هي مالها بس معرفتش منها
عسال….بضحك خبط ايده علي وشه وبعدين بصلها هو انا واضح كده اني هشوف معاكي ايام ما بعلم بيها الا ربنا صح
نادين….بأبتسامه حصل بس انت اللي حابب وجع القلب ده فا البس بقي
عسال…..بضحك ما انا لبست خلاص هو انا لسه هلبس العربيه خلصانه بنزين يا اخرة صبري
نادين…..هو ايه اللي خلصانه بنزين لا طبعاً
عسال…..ايه مخدتيش بالك من المؤشر
دخلت نادين براسها وهو قاعد بصت علي المؤشر و بعدين بصتلوا وابتسمت ابتسامه هبله وخرجت بسرعه
عسال….بضحك و بنظره تجنن غمزلها ايه سكتنا يعني
ابتسكت و فضلت تجيب عينها شمتل و يمين
عسال……بضحك ايوه افضلي بقي لفي عينك ما خلاص حفظتك تتزنقي تديني النظره دي علي طول
نادين….بضحك طب جرب تاني انا حاسه انه مش بنزين علي فكره
عسال…..انتي لسه بتقاوحي نادين انتي اخر مره حطيتي بنزين امته
نادين….وانا ايش عرفني هو انا مخي دفتر
عسال….بضحك امال مين اللي يعرف انتي مش عاجبك كمان
نادين….بضحك اسمع بس هقولك انا من وقت ما نوني اتحرقت وانا معاها و العربيه كانت هناك واخر مره حطيت بنزين كانت فوول و لما خدتها عشان انزل اشوف شغلي عملت بيها كام مشوار و كان فيها بنزين عادي
عسال…..طيب اديكي بتقولي اهو محطتيش من قبل ما نوني تتحرق والمشاوير اللي عملتيها الكام يوم دول كتير يعني الطبيعي انه يخلص
نادين….بنظرف قرف كأن كلامه مش عاجبها لا مش طبيعي اصلا كل المشاوير مش بعيده يعني
عسال….بضحك بخربيت الثقه يعني مش عاجبك و بتقاوحي و معترضه و قرفانه ده نظام خدوهم بالصوت صح
نادين….بضحك لا يعني مش كده بس انا حاولت اعرف مالها
عسال….بضحك نزل من العربيه ومسكها من دراعها اه صحيح هو ايه حكايه حاولت اعرف نالها دي هاااا و بعدين انا جاي شايفك بتكلميها خير
نادين…..بضحك ما انا زهقت و مش عارفه هي مالها وقفت فجأه ليه فا فضلت بقي اقولها مالك طب فيكي ايه
عسال…..بضحك انا لو جرالي حاجه هيبقي بسببك
نادين…..بضحك بعد الشر عليك يا قلبي
عسال…..انتي تسكتي خالص
نادين بابتسامه حطت ايدها علي بوئها وفضلت عينها رايحه جايه
عسال…..بضحك و بطلي البصه دي عشان بعرف ان في مصيبه
قلبت وشها زي الاطفال و عملت فيها بريئه
عسال…..لا خلاص مش اوي كده بضعف انا بردوا
نادين…..بأبتسامه حب طيب هنعمل ايه باظت هي كده
عسال…..لا مش باظت هو انتي معلوماتك عن العربيه اللي بتخلص بنزين انها بتترمي
نادين….بضحك لا بس هنتصرف ازاي يعني هركنها وامشي و لا ايه
عسال…..هو في بنزينه مش بعيده ممكن اخدك و نروح نجيب چركن صغير يحركها بس مش عارف هينفع في عربيتك الحل ده ولا لا
نادين…..هنحطه ازاي اصلاً
عسال…..اسكتي اسكتي
نادين….خلاص هسكت شوف انت حل بقي انا مالي انا انت اتصرف
عسال….ما طبعاً انتي مالك اعملي المصيبه و اخلعي
ضحكت نادين و سكتت و فضلت بصاله
عسال….بقولك ايه البنزينه قريبه اوي انا معايا حبل هربط العربيتين في بعض
نادين…..وتحرني لا طبعاً مش موافقه
عسال….بضحك انتي كمان ليكي عين تعترضي
نادين….بضحك ايوه يا ميدو بس شكلي هيبقي وحش اوي و انت ساحبني كده زي البقره
عسال….بضحك لا يا قلبي انتي جميله بس هي المشكله مش في اني اسحبك ولا انك تكوني بقره المشكله هتعرفي تتحكمي في العربيه ولا هتلبسي فيا
نادين…..بضحك لا مش هلبس فيك
عسال…..هو انا مش مطمن بس معنديش حل و سعي بقي كده اجيب الحبل
نادين….بابتسامه وسعت
طلع عسال حبل و ركب عربيته طلع بيها قدام عربيتها و بعدين نزل ركب الحبل في العربيات و بصلها وضحك
نادين….بضحك عيب والله خليك واثق فيا و بعدين علي غكره انت المفروض تخاف عليا مش علي العربيه
عسال…..بضحك يا قلبي فداكي الف عربيه بس انا مش هجري يعني اكيد و مش هيحصلك حاجه انتي بس براحه علي العربيات
نادين…..هبهرك
عسال….ربنا يستر اطلعي يلا
ضحكت نادين و ركبت و هو ركب اتحرك بهدوء و هي مشيت وراه بهدوء هي كمان فضلوا ماشين علي اليمين لحد ما اخيراً وصلوا عند البنزينه.
نادين….بابتسامه ايه رأيك
عسال….بضحك الله ينور و سعي بقي اشيل الحبل بص للشاب اللي شغال في البنزينه فووول يا كابتن
دقايق بسيطه و خلصوا هو كمان حط بنزين و طلع الڤيزا عشان يسحب و بص لنادين بنظره حاده لما فتحت الشنطه اللي علي وسطها بصتلوا وقفلنها بسرعه و ابتسمت زي العبيطه.
عسال…..شوفي كده يلا دوري
ركبت نادين و شغلت و اول ما العربيه اشتغلت ضحكت
نادين…..صحيت تاني
عسال….بضحكه تجنن صباح الفل اطلعي وريا يلا عشان الناس ورانا
ركبوا وخرجوا من البنزينه مشيوا شويه ركن عسال و نزلها راح واقف قدام الشباك
عسال…..علي فين يا قمر
نادين…ااا مفيش كنت هروح
عسال…..طيب ممكن اخد القمر نتغدي سوا و نقعد شويه مع بعض و بعدين يروح
نادين…..بأبتسامه ماشي ممكن
عسال…..طيب يلا ورايا
نادين….حاضر هنروح فين
عسال…..هنطلع علي الكربه
نادين….اه عشان تخلص و تبقي قريب من شغلك و تسيبني
عسال…رفع حاجبه ملاحظ ان لسانك طويل انهارده انا قولتلك اني خلصت شغل صح
نادين….بأبتسامه بحبك
عسال….بضحكه تجنن و انا بحبك يا مجنونه يلا بينا
…………..
عند ليله و عشري بص عشري علي ليله كانت علي اخرها و هتموت من الوجع و هي البنت بتشيلها الليزر مغنضه عينها بقوه و عماله تعض علي شفتيفها و بتهزر في رجلها و قابضه علي كفها
عشري….بابتسامه ليله
ليله…..فتحت و بصتلوا بغض اسكت شويه اسكت انا بموت الوقت
عشري…..بضحكه هاديه مش انتي اللي عملتيه
ليله…..عشري اخرج استناني بره
البنت….. بأبتسامه هو بيحاول يشتتك
ليله….قصدك يشلني
البنت…..بضحك معلش احنا خلاص هنخلص اهو انا عارفه انها بتوجع خصوصاً انها في مكان حساس و انا والله بحاول امشي معاكي براحه
ضحك عشري بهدوء بصتلوا ليله و ابتسمت بغيظ
كملت البنت بس ليله مكانتش قادره
ليله…..ااااااه لا لا وقفي وقفي خلاص مش قادره
عشري….طيب خلاص وقفي معلش
البنت….بصي هو فاضل حاجه بسيطه اوي احنا خلصنا والله
ليله….مش قادره تعبت والله
البنت….طيب خدي نفس بس و اهدي كده خلاص والله خلصنا
رفعت وشها لفوق وهي بتتنفس كانت موجوعه جداً
عشري….لو مش قادره خلاص يا قلبي
ليله….هو المفروض في جلسات تاني
البنت….لا هي رسمه صغيره الجلسات الكتير بتبقي للرسم الكتير او كبير
عشري….طيب هو مفيش بنج او اي مخدر موضعي
البنت….لا هي كده كده هتحس بالحرق بس خلاص والله احنا خلصنا
عشري…..ايه يا حبيبي تتحملي بدل ما تيجي تاني
هزت ليله راسها وفضلت تمشي ايدها علي راسها بتحامل غير طبيعي
عشري….طيب هاتي ايدك كده و اهدي و ركزي كده معايا
البنت….بصي عدي لحد عشرين هنكون خلصنا
مسكت ليله كف عشري و غمضت عينها وقبضت علي كفه بقوه مكانتش متحمله
عشري…اهدي خلاص خلصت علي فكره
ثواني بالظبط و خلصت.
البنت….خلاص خلصنا الحمد لله
ليله….اووووووف
عشري….هي هتسيبها كده يعني مش هتحط كريم او اي حاجه
بصت ليله علي شكل التاتو بعد ما عملت ازاله
البنت….لا طبعاً هنحط كريم مضاد حيوي هقولك عليه و هنحط عليها قطعه شاش معقم صغيره كده عشان نتجنب العدوي مع كل غيار بتغسليها بمايه عادي و صابون و يفضل يكون طبي و بعدين تنشفي المكان كويس بفوطه نضيفه و تحطي كريم تاني بعد ثلاث ايام هنتعامل عادي هكتبلك كريم تاني ڤيتامين أ او د عشان يسعاد في ترطيب المكان و كمان يساعد ان الجلد يتحسن
هنتجنب الهرش خالص لو عملت قشره او بثور اوعي تقشريها او تلعبي فيها خالص هنتجنب الحراره الشمس هنخلي المكان جاف علي طول بس كده و الڤيتامين بعد المضاد ضروري اوي
عشري ….طيب اكتبيلي بقي كل اللي هتحتاجه
ليله….منظرها بشع
البنت…..اول يوم وتاني يوم بس هتبقي كده من اليوم التالت هيختفي المنظر ده متقلقيش و العلامه نفسها مع الوقت هتمشي
ليله…..طيب تمام ميرسي بجد تعبتك و جننتك معايا
البنت….بابتسامه لا خالص والله اتفضل دي اسامي الكريمات
عشري….طيب الحساب كام
البنت….خلاص والله
عشري…بأبتسامه ميرسي تسلم ايدك
البنت….تسلم شكراً طيب 800
ليله….بس خدي منه اكتر هو السبب و بعدين ده انا رسمته اكتر من كده
عشري….بضحك مفتريه
البنت…..بضحك الازاله غير الرسم و بعدين خليها عليكي بقي كان بيحاول يضحكك
ليله….بضحك ماشي يا ستي عشان خاطرك بس.
حاسبها عشري و بعدين مشيوا
عشري….اركبي يا قلبي
ليله….بغيظ بقولك ايه الابتسامه اللي علي وشك دي تختفي انا مش طايقه الهدوم اللي عليا
عشري…..بتوجعك
ليله….والله اوي يا عشري حاسه في نار طالعه منها
عشري….هي بوسه هتخففها علي فكره
ليله….بابتسامه اتلم يا بلطجي
عشري ….بضحك ماشي بس احسن عشان تحرمي تعملي القرف ده تاني
ليله….انا ملاحظه انك بجد فرحان فيا
عشري….اكدب يعني اه فرحان فيكي عشان تحرمي تعملي حاجه هتتحاسبي عليها اصلا وبعدين وانتي بترسميها موجعتكيش ولا عشان كنتي عايزه تغيظيني اتحملتي
ليله…..لا هو وجعها في الرسم مش زي الإزاله خالص و بجد تجربه وحشه جداً ومؤلمه جداً يعني بتتحرق و انت حاسس و ياريت مره واحده و بتخلص لا دي بتمشي حته حته تحرق فيك بجد وجع مميت بتتحرق و بتتكهرب
عشري….امممم يعني ممكن تحربيها تاني؟
ليله….لا مستحيل انا اصلا مبسوطه بجد اني شيلته اصلا مكنتش مرتاحه بيه لاني عارفه انه حرام
عشري…حرام و عملتين بردوا
ليله…..كنت عايزه اضايقك
عشري….بأبتسامه طيب يبقي احسن تستاهلي و فرحان و شمتان فيكي كمان حبيبتي تضايقيني جات علي دماغك
ليله…..طب امشي من قدامي ويلا وصلني
عشري…..طب مش هبوس الللي واجعك ده
ليله….بضحك اتلم يا بلطجي و اركب
عشري….ماشي هركب و هتلم
قفل الباب و راح ركب و اتحرك عشان يوصلها لايمي و سلمي.
………………..
عند تقي و عدي .
عدي…..بأبتسامه هو ده اللي جعانه جعانه كملي اكلك
تقي…..مش قادره شبعت خالص
عدي ….مش عجباكي ولا ايه
تقي….لا والله دي تحفه بس شبعت
عدي….لحقتي
تقي…..انا قولتلك اني سريعه في اكلي
عدي….سريعه ماشي بس انتي مكلتيش غير اتنين و بالعافيه لا تكوني عامله فيها مؤدبه و كده عشان مقولش انك طفسه
تقي…..بضحك لا والله انا اصلا اللي قولتلك جعانه
عدي…..ماشي يا ستي بألف هنا بس ياريت نلتزم بقب شوبه بكلام الدكتور و نبطل عك شويه
تقي…..ايه خايف اقولك جعانه لما اشوفك متخافش انا هقطع علاقتي معاك انهارده
عدي…..بضحك تاني و بعدين في قطع العلاقات اللي مش بيحصل ده
تقي….بضحك علي فكره بقي انت اللي جيت معايا امبارح و انت اللي حيت انهارده انا مقولتلكش
عدي…..ايه مضايقك ولا حاجه
تقي…..انت لا خالص
عدي….امممم لا تكوني مضايقه يعني اني قطعت خروجتك انتي و الاستاذ حدوته
تقي….بضحك لا مش مضايقه يا عم هبقي اعوضها لحدوته بعدين عشان كان واعدني نروح سينما
عدي…..هو ايه حمايه حدوته ده اصلا
تقي….ما قولتلك صحاب
عدي….يعني ايه صحاب اصلاً هو في حاجه اسمها صحاب بين الشباب و البنات
تقي…..خير عايز تقنعني انك ملكش صحاب بنات
عدي…اااا لا مش كده
تقي….بضحك بعد ااااا دي تسكت خالص
عدي….بابتسامه لا بصي انا اعرف بنات كتير من ايام الجامعه في منهم ارتبطوا بصحابي فا بشوفهم بنتقابل كل فتره اعرفهم و يعرفوني بس معنديش صاحبه بنت هما كانوا مجرد زمايل و اخوات مش اكتر
تقي….طيب ما حدوته كده زميلي و اخويا هو انا قولت انه خطيبي
عدي….بس علاقتكم قويه
تقي…..لانه صاحب جدع و صاحب مواقف حلوه عمري ما احتاجت ليه في اي حاجه و خذلني بيحكيلي كل حاجه بحكيلوا كل حاجه بيضحكني دمه خفيف حنين مش شاب يعني مش عارفه هتفهمني ولا لا
عدي…..قولي هفهمك
تقي….يعني اغلب اللي عرفتهم بعيداً عن ادهم مثلا كانوا حابين اننا نرتبط او قربوا مني لغرض بس هو مش كده طبعا في صحاب تانيه و بيعتبروني اختهم كلامي ده مش عنهم انا اقصد اللي محبتش علاقتهم اصلا شوف انا كل صحابي الولاد بيعتبروني اختهم صاحبهم كده يعني و اكيد لو حاسه منهم بسوء نيه مش هكون قريبه منهم بس حدوته الوحيد اللي قريب مني لانه مختلف
عدي….امممم وايه نوع الاختلاف
تقي…..يعني عادي كده بسيط مش بحس معاه اني مثلا مش مرتاحه او مش في طبيعتي علي فمره هو من عيله و مبسوط بس لنا تشوفوا و تتكلم معاه تحسه انه جدع ابن بلد مش مغرور فاهمني و انا النوعيه دي من الناس بلاقي معاها نفسي يعني انا الحمد لله كا معيشه طول عمري عايشه في مستوي كويس جداً مفيش حاجه بحتاجها و بابا مش بيعملها و بعيداً عن الدرووب اللي حصل في شغله اخر فتره الا انه في عز ما هو كان مضغوط كان بيحاول انه ميقصرش فا انا بشوف حياتنا حلوه اه مش اغنياء اوڤر بس انا الغناء بالنسبالي مش في كم الفلوس يا عدي انا ممكن اشوف نفسي اغني حد في الدنيا طول ما انا معايا تمن اي حاجه نفسي فيها طول ما انا اللي بحتاجه بقدر اجيبه مش شرط علي طول بس في النهايه بعرف او بيجيلي فا انا مستحيل اعتبر نفسي مش غنيه اللي بيقدر يجيب اي حاجه عجباه بالنسبالي مش فقير
عدي….هو عموماً الفقر مش عيب
تقي….لا طبعاً مش عيب اللي اقصده اني حتي لو انا مش من طبقه عاليه و معايا فلوس ملهاش عدد مش مهم في النهايه لو حابه اسافر نفس الاماكن اللي اي حد بيروحها بعرف اخرج بعرف اجيب لبس بعرف فا انا بشوف نفسي زيي زيهم من التخر معنديش نقص و الجامعه عندنا بصراحه فيها مستوايات فظيعه و غالبا مفيش حد مش معاه عربيه و انا منهم و مع ذلك عمري ما حبيت العربيات ولا حبيت اركبها لمجرد اني اقول انا ركبت عربيه او معايا عربيه
في ولاد بقي من اللي بقولك عليهم دول فاكرين ان الحجات دي ممكن تعجبني زي ما بتعجب بنات كتير بس انا مش كده و انا لو حابه احيب عربيه هجيب بس بالنسبالي ملهاش اهميه..
حدوته بقي و ادهم و تمارا و كام واحد من صحابنا رغم انهم مرتاحين مادياً جداً الا انهم شبهي فيهم مني اخر حاجه تلفت نظرهم الفلوس و المظاهر حدوته معاه عربيه علي فمره و موديل السنه كملت بضحك بس عادي ممكن يسيبها و نخرج و يشحطط اهلي في المترو و المواصلات وعلي فكره بنبقي مبسوطين جداً بناكل من عربيات في الشارع عادي و بندخل احلي اماكن بردوا عادي فاهمني
عدي….اممم طيب هو مرتبط بقي علي كده
تقي….بضحك هو بيحب بنت خالته جداً و هي كمان بتحبه و احنا صحاب
عدي….بأبتسامه ااااه طب حلو طلع مرتبط يعني
تقي…..اه والله بقولك صحاب مش مصدقني ليه
عدي….مش حكايه مش مصدقك بس عشان بمكن بتتكلمي عنه كتير علاقتك بيه قويه فا قولت يمكن في حاجه كده ولا كده
تقي…..لا خالص والله علاقه صداقه و اخويه و بس و بعدين انا كان نفسي اوي يبقي عندي اخ ولد و محصلش فا هما كلهم بجد بالنسبالي اخواتي علي فكره يعرفوا بابا و ماما
وعلاقتهم بيهم تجنن ليله كمان تعرف ادهم و تمارا و حدوته و بنحبه هو بالاخص جداً
عدي…..طيب كويس ابقي عرفيني عليه بقي
تقي….ليه ان شاء الله خدت عليا انت اوي
عدي….بضحك هو مش انتي لسه بتحطيلوا علي كل حاجه يعني اكيد حكيتي عني فا نتعرف بقي
تقي…و انا هحكيلوا عنك ليه انت مجرد واحد حشري عرفته ورخم
عدي….بضحك وسواق
تقي….بضحك اه و سواق
عدي….ماشي ياستي شكراً مبتكمليش جملتين حلوين
تقي…..بضحك اااا لا وجدع و طيب و حنين و يعني بسيط كده و خدت عليك بسرعه ابسط ياعم
عدي….تتحسدي ايه كل ده
تقي….بابتسامه طيب انا عندي بجد يعني فضول اسألك كام سؤال
عدي…..اسألي
تقي….ما انا سألتك قبل كده وانت بتتهرب علي فكره
عدي…..انا طيب علي ايه ؟؟ اسالي تاني
تقي….هو انت بجد مرتبط
عدي….بضحك ايه بكدب عليكي مثلا
تقي….لا مش قصه بتكدب بس اقولهالك بصراحه؟
عدي…..قوليها بصراحه
تقي…..يعني انا شوفتك يوم ما روحت لليله و شوفتك تاني يوم علي طول وخرجنا مع بعض و بعد كده مشوفتكش تاني يوم بس انت كلمتني اليوم اللي بعده و جيت معايا وانا بعمل التحاليل امبارح و جيت انهارده فا غريبه فين حبيتك من كل ده يعني انا لو مرتبطه و حبيبي بيخرج مع بنت تانيه مش هسكت اكيد هغير هضايق فا هي ازاي مش بتغير مثلاً ازاي مش معاك كمان مش بشوفك تتكلم كتير في الموبايل اول مره خرجنا بعد ما روحت لليله قعدنا حوالي خمس ساعات امبارح بردوا قعدنا وقت طويل و انهارده غالباً نص اليوم انت معايا مشوفتكش كلمتها ولا حتي مسكت الموبايل اصلا قولي انت مخطوف ولا متهدد في العلاقه دي ولا ايه حكايتك
عدي…..بضحك لا مش كده انا قولتلك اني اعرفها من حوالي اربع خمس شهور هي كويسه فيها صفات كتير حلوه مش هكدب معجب بيها او ارتباطي بيها كان سببه الاعجاب بس تقدري تقولي علاقتنا مش بتاخد خطوات
تقي….بهدوء يعني ايه؟
عدي….مش عارف مفيش جديد رتم علاقتنا بطئ
تقي….يعني ايه رتم علاقتكم بطئ هو في حاجه اسمها كده؟
عدي….اه فيه يعني هفهمك احنا اعجبنا ببعض مجرد اعجاب اتعرفنا و عرفنا كل حاجه عن بعض و بعدها مفيش جديد
تقي…..يعني انت بتحبها ولا لا هي بتحبك ولا لا ؟
عدي….بصي هو مش حب اللي هو حب كبير و كده ااااا مش عارف افهمك ازاي بس يعني في هدوء غير مبرر في علاقتنا و عشان مبقاش كداب يمكن العيب ده فيا انا هي من الاشخاص اللي مش بتعرف تفتح كلام او تحاور او تخلق روح انا حاولت كتير بس خلاص يعني فتحت مواضيع حوارت كتير خلقت روح كتير يمكن ده طبعها بس انا مش عارف علي فكره كمان هي اوقات بتحاول انها تغير الطبع ده بس بترجع تاني لطبعها كمان بحس انها مش بتغير خالص مهما حصل مع اني بحس في مواقف كتير انها بتحبني
تقي…..طيب ما يمكن بتثق فيك اوي
عدي… الثقه مطلوبه بس كمان لازم احس بغيرتها يعني يكون في علي الاقل غيره حلوه فهماني
تقي….طيب انت بتغير عليها؟
عدي…..اكيد يعني الطبيعي ان الراجل يغير اوقات بتنزل مع صحابها بحس اني مش علي بعضي مضايق مش برتاح غير لما تقولي انها روحت وقتها بحس انها مهمه عندي وبحبها اوي
بصتلوا تقي بابتسامه و بعدين لعبت في صوابعها بتوتر بسيط و رجعت بصتلوا تاني
عدي…..اوقات كمان بحس اني عادي مشاعري بارده من ناحيتها تخرج تقعد تتأخر عادي
تقي….طيب بتخرجوا بتتقابلوا بتتكلموا ولا دي كمان كل فين و فين لاني لاحظت انك لا بتتكلم في الموبايل و لا بتقولي مثلا انك خارج معاها
عدي….لا بنخرج اكيد و هقابلها بكره بنتكلم اكيد بس بيكون بليل اكتر يعني لو كلمتني الصبح او اي وقت في النهار بيبقي مكالمه سريعه لاني بشتغل بليل بقي بكون فاضي
تقي…..اممم بس يعني خلينا نقول اني شوفتك ثلاث مرات او اربعه باليوم بتاع ليله و كنت فاضي فيهم مشوفتكش كلمتها غير اليوم بتاع ليله ده لما اتصلت عليك وانت طالع توصلني
عدي….بإبتسامه عادي يعني ممكن تكون صدفه مش اكتر
تقي….طيب سؤال بقي هي عارفه مثلا انت فين او بتعمل ايه عارفه انك معايا مثلاً
عدي….بأبتسامه هو انتي شاغله دماغك بيها ليه
تقي…..اولاً انا بتكلم معاكي عادي و بسألك زي ما سألتني لو مضايق ممكن اوقف كلام عادي ثانياً انا بطمن لاني محبش ابداً اكون مصدر او سبب مشكله محبش اني اضايق بنت زيي و زي ما قولتلك يعني انا لو مرتبطه بيتهيألي الوضع هيكون غير كده
عدي…..اولاً انا مش مضايق اسألي براحتك ثانياً يعني ايه لو مرتبطه الوضع هيكون غير كده
تقي….يعني لو انا في علاقه شبه علاقتك وعارفه حبيبي فين و مع مين هيبقي فيها كلام تاني
عدي….بأبتسامه يعني لو عارفه ان حبيبك قاعد مع بنت هتضايقي
تقي….بضحك اضايق لا خاااااالص يجرب بس هو
عدي…..بضحك بتكلم جد
تقي….والمصحف وانا
عدي…..يعني تضايقي
تقي….هو الموضوت معايا هيبقي تخطي مرحله اني اضايق دي مسأله احترام يا عدي
عدي…..طيب ما انتي و حدوته صحاب و بتقولي انه مرتبط و بتخرجي سعات معاه لوحدك خطيبته مش بتضايق ليه
تقي….لان باختصار اللي بيني و بين حدوته مخالف انا عايزه اقولك ان حبيبته هي اصلا بنت خالته و مقدرش يعترفلها او حتي يلمحلها لان في المواضيع دي حدوته بيتلخم و خجول جداً انا الاي ظبطهم مع بعض اصلا فاهي عارفه كويس حدود علاقتي بيه و عارفه انه اخويا بجد
عدي…..طيب يعني افرضي ارتبطتي انتي و حصل نفس الموقف حبيبك خرج مع حد من صحابه
تقي….بص لو انا علي علم بعلاقتهم و بصحوبيتهم عادي بس كمان مقدرش اكون متأكده لو حصل بجد هتبقي عادي بردوا ولا لا بالنسبالي يعني انا لو هاخد علاقه حدوته و حبيبته نموذج اقولك اه عادي تمام بس يمكن لما اتحط في نفس الموقف مقدرش يعني ممكن مقدرش ابقي زي بنت خالته واكون بارده و انا عارفه ان حبيبي مع غيري مليش علاقه بقي هي انتيمته او زمايل او اخوات ممكن اوي اغير و متقبلش ده
عدي….طيب ما يمكن حبيبة حدوته مش متقبله
تقي….لو عندي شك واحد في الميه ان حبيبته مضايقه من علاقتي بيه او مثلا تمارا مضايقه من علاقتي بأدهم صدقني مستحيل و من رابع المستحيلات اشوف حد فيهم من غيرهم في النهايه هما بنات زيي واللي مش هقبلوا علي نفسي مستحيل اقبلوا عليهم بس انا عارفه انهم بيثقوا فيا جداً و عارفين علاقتي بيهم عامله ازاي و يمكن عشان كده سألتك عن حبيبتك يهمني اعرف هي عارفه ولا لا مضايقه ولا عادي بالنسبالها بس مش اكتر
عدي…..بس انتي متعرفيهاش عشان تعملي حسابها
تقي…..ملهاش علاقه يا عدي هي بني ادمه و ليها مشاعر و شعور لازم احترمهم
عدي….يعني لو هي عارفه انك معايا و مضايقه مش هتقعدي معايا
تقي…..طبعاً لاني لو في موقفها و متقبلتش ده حقي
عدي….طب ولو متعرفش
تقي….وليه متعرفش بيتهيألي حقها عليك انك تعرفها و تقولها هو انت لو عرفت انها بتخرج مع شاب تاني مش هتضايق سواء بقي صاحبها او معارف
عدي…..هضايق اكيد
تقي…..خلاص يبقي هي كمان حقها تضايق حقها تقبل او ترفض
عدي….تمام بس لو هي مهتمه اصلا لو مش مهتمه تعرف انا فين مع مين خلاص
تقي….وهي هتعرف منين الا لو انت قولتلها ماهي مش معاك يعني كش بتشم علي ضهر ايدها
عدي…..بس هي لو كلمتني مثلا مش بتسألني انت فين مع مين هو اخبارك ايه عامل ايه وبس
تقي…..يبقي نصيحتي ليك بما انك هتشوفها بكره حاول تعرف العلاقه دي اخرها ايه حاول تكلمها في اللي مضايقك لو انت بجد بتحبها لان هي وارد تكون متعرفش ان انت عندك مشكله لازم تكلمها في كل اللي عندك او حاسس بيه لو حابب العلاقه دي تكمل.
عدي….طيب ايه رأيك تخرجي معانا بكره
تقي….انا وانا مالي
عدي….عادي هو مش احنا بقينا صحاب يعني ممكن تفتحي اي كلام معاها لو حابه كمان تجيبي حدوته معاكي هاتيه و نقعد كده احنا الاربعه و نتعرف كلنا علي بعض و محاول كده نغير المود بيني و بينها انا متأكد انك هتقدري تساعديني
تقي…..بتوتر اااا ايوه بس يعني لا انا مش هعرف
عدي….ليه
تقي….اولاً لاني معرفهاش ثانياً لان مش انا اللي هقدر اقيم او احدد شكل العلاقه بينكم يا عدي انت كبير بما فيه الكفايه و تقدر تحدد ده كمان مينفعش اي حد يتدخل بينكم
عدي….ايه بتتخلي عني فين رد الجميل
تقي….انا مش بتخلي عنك ورد الجميل ارده في اي حاجه الا اني اتدخل في حاجه متخصنيش انا معرفش طبعها ولا اعرف ممكن تتقبل مني كلام ولا لا لان اصلا مش من حقي اتكلم معاها انا لو مكانها هقوم ارزع التربيزه في وش اللي هتكلمني و في وش حبيبي
عدي…..بضحك ليه العنف طيب
تقي….مش عنف يا عدي بس انا مختلفه عنك مختلفه عن حبيبتك كل واحد ليه شخصيه
عدي….بس هي طيبه و هاديه و بتسمع من اي حد مش عنيفه زيك
تقي….بنرفزه بسيطه يا سيدي انا مالي هي بنوته زي الفل بس مش من حقي اعمل كده و بعدين علي فكره في بنات كتير زيها و في بنات كتير زيي
عدي…..يعني انتي مش بتسمعي لحد
تقي…..بسمع و باخد برأي غير يبس لو قريب مني لو في بينا عيش و ملح و عشم لو غلطانه بعترف بغلطي مش بكابر و بروح اتاسف كمان اوقات كمان بحس اني مش قادره اخد قرار و ده مش ضعف شخصيه علي فكره اوقات الشخص بيتوه من نفسه و مبيقدرش يفهم هو عايز ايه كل ده وارد بس انا في الجزء ده متحملش يا عدي مقبلش كلام من حد عن علاقتي بحبيبي مقبلش ان حييبي يخرج مع اي بنت عادي ممكن يكون ليه صحاب زمايل و يخرج معاهم بس في وجودي مش من غيري لان مستحيل لو انا مرتبطه براجل هيقبل مثلا يتصل عليا انتي فين لا انا مع صاحبي انتي مشغوله مع مين كنت بكلم صاحبي
عدي…..يعني انتي لو ارتبطتي بشخص مش هتخرجي مع حدوته ولا هتكلميه
تقي…..بص يا عدي انا فيا طبع لما بحب شخص جداً بحب اعرفه علي كل اللي قريبين مني يعني زمايلي كلهم اللي قريبين مني و علي راسهم حدوته و ادهم ابويا يعرفهم و بيثق فيهم و بيفطروا معانا في رمضان ولو خرجت معاهم عمره ما بيتعصب لانه عارفهم كويس و انا لما عرفتوا عليهم كنت قاصده ده لان ابويا راجل و اكيد ليه نظره في الراجل اللي زيه يمكن انا من حبي فيهم مبقاش شايفه هما وحشين ولا كويسين مع اني علي قد سني ماهو صغير بس ليا نظره في اللي قدامي بس كمان كنت حابه ان بابا يتعرف عليهم والحمد لله رأيه كان نفس رأيي فا انا لو ارتبطت اكيد هعرف حبيبي او خطيبي علي كل حد بحبه في حياتي زي ما هعرفهم عليه بس
لو علاقتي بيه جاده فعلاً اما من نفسي مش هخرج مع اي حد فيهم لوحدي و من غيره لان الراجل اللي هيبقي في حياتي ليه احترامه كمان انا ليا دماغ غريبه شويه يعني لو هو عرفهم و وثق فيهم و سمح اني اخرج معاهم من غيره علي فكره هينزل من نظري لان مهما كانت ثقته فيهم و فيا المفروض احس بغيرته عليا اكيد اكيد مش هسمح لنفسي اتصل بيهم في اي وقت خصوصاً لو متأخر باختصار لو في راجل دخل حياتي انا من قبل ما هو يطلب التغيير ده انه هعملوا لان مهما كان الراجل ليه احترامه زي ما الست ليها احترامها و ده ميقللش من ابويا علي فكره ابويا صحابي بالنسباله زي ولاده عارفني كويس و عارفهم و احنا بالنسباله ولاده كلنا لكن حبيبي وضعه هبكون مختلف اكيد
عدي….بأبتسامه يعني لو حبيبتي مش هيبقي في حدوته
تقي….بضحك هو حدوته ليه مضايقك كده
عدي….والله مش مضايقني انا بسأل باعتباره هو الاقرب ليكي
تقي…..مش هقاطعه يا عدي لان اللي بينا كبير عيش و ملح و مواقف و احترام متبادل بس كمان الحياه هتختلف انا الوقت مش مرتبطه هو كمان لسه مخدش خطوه في كل الاحوال اكيد اكيد حتي لو اللي هرتبط بيه حبهم و معندوش مشكله فيهم و حتي لو حبيبته هو معندهاش مشكله معايا مش هنبقي زي الوقت الحياه اكبد هتاخدنا شويه من بعض هيبقي في مسؤوليات اكتر مش هنبقي فاضيين لبعض زي الوقت يعني هو لو خطب الوقت تفتكر هيبقي فاضيلي الحقني يا حدوته تعالي يا حدوته ارغي معايا يا حدوته مستحيل انا كمان مش هقدر اكون موجوده زي الوقت
عدي….بأبتسامه انتي قولتيلي عندك كام سنه
تقي…..بأبتسامه عشرين
عدي….متأكده انهم مش ثلاثنين
تقي…بضحكه هاديه اه متأكده
رن موبايل عدي كان قدامهم علي التربيزه لمحت تقي مكتوب حبيبتي
بصت علي الاسم و بعدين بعدت عينها بتوتر بسيط و هي مبتسمه أبتسامه بسيطه وهو لاحظها
مسك الموبايل و حطوا علي ودنه.
عدي…..ايوه يا حبيبتي
…..
عدي…..اخبارك ايه ؟
……
عدي….بص لتقي بطرف عينه بخير طول ما انا سامع صوتك
اتوترت تقي و همست بهدوء و هي مبتسمه
تقي….ثواني وراجعه
فجأه مسك كفها و بصلها
عدي…..لا يا امي انا في مشوار قوليلي محتاجه حاجه مني
بتصلوا تقي بتوتر اكبر ابتسمت و بعدين وقفت ابتسامتها سحبت ايدها بهدوء من كفه و قعدت تاني و هي بتلعب في شعرها و باصه لبعيد
عدي….بأبتسامه وهو باصص لها ماشي لو احتاجتي حاجه كلميني و انا كده كده هكلمك وانا راجع البيت عشان لو افتكرتي حاجه تعرفيني يا ست الكل سلام.
بص عدي علي الموبايل و هو مضيق عينه و بعدين حطه علي التربيزه و بصلها و هو مبتسم و السيجاره بين شفايفه نظرته طولت و ابتسامته وترتها اكتر ابتسمت و بعدت عينها و عملت فيها عبيطه
تقي….بتوتر ااااا تحب يلا نقوم نمشي
عدي….زهقتي
تقي…..ااا لا يعني عادي بس لو حابب تمشي
عدي….مش اتققنا اني اخرجك بدل خروجه استاذ حدوته
تقي….بابتسامه اااااا طيب تمام بس يعني خلينا نمشي انا زهقت من القاعده
عدي…..بأبتسامه و نظره غير مفهومه بس تجنن ماشي
اتوترت اكتر تقي ابتسمت بهدوء و لعبت في شعرها قامت وقفت و لبست شنطتها
بصلها عدي و ابتسم و همسلها
عدي….هو انتي لما بتتوتري بتلعبي في شعرك
بصتلوا تقي و ابتسمت بهدوء
ابتسم وسابها راح يدفع الحساب رجعلها بعدت عينها عنه
عدي…..يلا
…………….
نادين…..بصراحه انا متوتره اه
عسال….طيب ايه بس يا قلبي علي حسب معلوماتي يعني ان الوضع اتغير و هي بقت اهدي و اتعاملت مع ايمي كويس يعني خلاص نسيت و بعدين ده حتي عشري رضيت عنه فضل قال ان الدنيا بينهم كويسه حسان كمان قال انه كله تمام لما شافها
نادين…..بس انا عارفه انها هتاخد مني انا اكبر موقف فيكم يا ميدو
عسال….انتي بنفسك قولتيلي انها طلبت من تقي انها تعتذرلك و تقي جاتلك و اعتذرت
نادين……عارفه بس اقولك علي حاجه بصراحه انا حاسه اني مش هقدر ابص في عينها خايفه جداً من المقابله دي لدرجه اني مش عايزه اروح و بفكر فعلاً مروحش حابه يعني اني اقابلها لوحدنا بعدين
عسال…..مش هينفع يا نودي بيتهيألي لازم تكوني موجوده اولاً ابمي و رشيد لسه راجعيني و وحشونا ولازم نسلم و نتطمن عليهم ثانياً ليله و عشري من يوم فرح امنيه مشوفنهمش و بعد اللي حصل ده لازم نستقبلهم لازم نكون كلنا مع ليله وانتي اولنا هي لو مش هتزعل من كل اللي حصل ده جايز تزعل انها متشوفكيش متحسش انها كانت و حشاكي
نادين…..انا متوتره والله يا ميدو متلغبطه علي قد ما هموت و اشوفها علي قد ما انا خايفه كأني عامله عامله
عسال …بضحك هنستعبط ما انتي عامله عامله
نادين…بأبتسامه بتطمني انت كده يعني
عسال….لا بعرفك يعني بصي يا نودي الموضع هدي و احنا كلنا كنا عارفين انها لو هديت من ناحية عشري معناه انها هتسامح الكل و ده حصل فا متقلقيش ان شاء الله خير انا واثق ان ليله مش طالبه تشوفنا عشان اي حاجه وحشه او مش متوقعه مثلاً
نادين….امال ليه عيزانا نتقابل
عسال…هنعرف بكره و بعدين احنا من وقت اللي حصل مشوفناش بعض يعني اكيد حابه تتكلم تعاتب تلوم يعني حقها صح
نادين….بتنهيده صح ربنا يستر بقي
عسال….متقلقيش يا قلبي المهم قوليلي بقي الاكل عجبك
نادين….بصت علي التربيزه و برقت و بعدين بصتلوا ميدووووو
عسال….اهدي اهدي
الكل في المكان حواليهم بدأ يقول زلزال زلزال
قام ميدو من مكانه بسرعه قعد جنبها و مسك ايدها
نادين …زلزال والله زلزال
عسال…..اه بس راح يا قلبي متخافيش ولا كأن في حاجه
نادين….طيب دي بتمطر بره شويه الجو هيقلب تاني ولا ايه
عسال…..لا خالص ولا اي حاجه عادي يا عمري قوليلي بقي اعدي بكره عليكي امته
نادين كانت باصه علي الناس و بتبص علي الشبك جنبها علي الشارع
لف وشها بكفه و ابتسم بهدوء
عسال….خليكي معايا هاااا هعدي عليكي امته.
نادين…ااااا عادي براحتك
عسال……علي فكره شعرك كده حلو اوي
بصتلوا و ابتسمت بهدوء
عسال….بضحكه تجنن بحبك يا خوافه
نادين…..بهدوء و انا بحبك قلبي وقف علي فكره
عسال…..لا يا قلبي بعد الشر عادي خلاص راح لحاله الارض بتلعب معانا شويه بس احنا جامدين ولا بيهمنا صح
نادين….بابتسامه صح
………………
في نفس الوقت بالظبط بمجرد ما حصل الزلزال اتصلت بسرعه نعيمه علي فضل
فضل…..ايوه يا قلبي
نعيمه….فضل في زلزال صح
فضل…..والله الشباب قالوا بس محستش
نعيمه…..ايوه يعني انا مش دايخه
فضل…..بضحك لا مش دايخه زلزال يا خوافه
نعيمه……نهار اسود انا قاعده لوحدي
فضل….فين نسمه
نعيمه……مشيت هتروح و نادين لسه مجاتش
فضل….طيب اهدي خلاص مفيش حاجه
نعيمه….مفيش حاجه ايه ده كان قوي والله
فضل…..بس وقف خلاص و بعدين اهدي ده حتت زلزال لا راح ولا جه جنبك يا وحش
نعيمه….لا ماهو مش هيبقي حرق و عماره واقعه فوق دماغي كمان
فضل….بضحك بعد الشر عن القمر بصي شغلي تلفزيون او اي حاجه و متخافيش والله الدنيا زي الفل خلاص
نعيمه…..ايوه يعني هتقفل و تسيبني ياللي معندكش دم
فضل…..تصدقي و تأمني بأيه
نعيمه….بالله
فضل….لو عليا اسيب اللي في ايدي و اجي اخدك في حضني و نتغطي و نشغل فيلم و نشرب حاجه سخنه
نعيمه….بضحك ده اخرك يا عم المغرور خيرررر طلعت من بتوع السيط ولا الغني
فضل…..بضحك سيط و لا غني ايه يا تربيه وسخه يابت انا لو مسكتك مش هرحم امك
نعيمه….بضحكه عاليه اتلم يا قليل الادب
فضل……قال سيط قال اخفي من وشي بدل ما احيلك وعمل زلزال بحق في العماره
نعيمه…بضحك لا خلاص قلبك ابيض
فضل….بضحك لما اشوفك بكره هعلقك
نعيمه…..بضحكة عاليه علي ايه
فضل…..بضحك يا بت طب سوي لاخرتك لو الدار طاحت عراسك بتروحي لربنا بنيتك الشمال دي
نعيمه…..بابتيامه تجننن اهلاً بشيخ العرب انت حضرتك
فضل…..حاضرين ديماً يا دقاقه هلا بيك
نعيمه ….هلا وغلا يا قلب الدقاقه
فضل….بضحك انا بقول تروحي الوقت عشان الوضع مبقاش تمام
نعيمه….بضحك لا ألف سلامه ايه اللي حصل
فضل…..بضحك قلبي هيقف
نعيمه….بضحكه عاليه اتلم يا سافل
فضل…..الله يحرق ضحكتك روحي يلا روحي
نعيمه….بضحك ماشي يلا باي
فضل…..نوني
نعيمه…..نعم
فضل….بحبك يا بت
نعيمه…..وانا بموت فيك يا قلب البت
فضل….سلام يا قلبي لو في حاجه كلميني
نعيمه….حاضر باي يا حبيبي
فضل….سلام.
