لقاء كـ،ـ،ـارثي

في نفس اللحظه برظوا خرجت تقي مع عدي علي العربيه فنحلها الباب و قبل ما تركب حست انها داخت مسكت في الباب بسرعه و بصتلوا

تقي…..هو ده زلزال ولا انا دوخت

عدي…..زلزال ايه لا مفيش تعبانه ولا ايه

بصت تقي علي بنتين وراهم بيضحكوا.

البنت ….طب والله زلزال

البنت التانيه….بضحك والله اه انا حسيت بيه.

بصلها عدي بهدوء.

عدي…..طلع زلزال فعلاً اركبي يلا المطر بينزل

تقي…..طيب

راح عدي ركب و اتحركوا

تقي….عدي

عدي…..بأبتسامه نعم

تقي….هو ينفع اروح

عدي…..خايفه ولا ايه

تقي…..ااا لا لا بس يعني الجو قالب شويه و مش هينفع نخرج

عدي….الجو مش قالب ولا حاجه حلو بس لو انتي حابه تروحي اوصلك

تقي….ااا اه ياريت

عدي…..مالك

تقي….ااا مفيش تمام

عدي…..امال انا ليه حاسس انك غريبه

تقي….بابتسامه لا مفيش انا كويسه

عدي….اكيد

تقي….هو حصل حاجه اه اكيد

عدي….لا بس من بعد ما امي اتصلت و انتي مش علي بعضك

بصتلوا تقي بابتسامه و توتر و بعدين بصت علي الطريق.

عدي…..بضحكه جميله ايه صح؟

تقي…..ااا احمممم لا و انا مش هبقي علي بعضي ليه من مكالمة مامتك يعني

عدي…..والله مش عارف مجرد احساس

تقي….لا مفيش حاجه بس الجو برد و حاسه اني عايزه اروح ارتاح مش اكتر

عدي…..بأبتسامه ماشي زي ما تحبي لو التوتر اللي انتي فيه ده هيروح لو روحتي البيت هوصلك

ابتسمت تقي و هي باصه قدامها و بعدين بصت جنبها و مردتش عليه

ابتسم عدي بهدوء و بعدين بص قدامه.

عدي….اااا قوليلي بكره يومك عامل ازاي

تقي…..مش عارفه لسه احتمال انزل الجامعه الصبح و ارجع علي البيت عشان عندي مذاكره و ممكن منزلش خالص لسه معرفش

عدي…..ايه ده هو بكره مفيش شغل هيجي علي الكافيه

تقي…..سلامة عقلك احنا بنجيب الشغل يوم بعد يوم وجيبته انهارده

عدي…..يعني مش هشوفك بكره؟

بتصلوا تقي بهدوء

عدي….ااا اقصد يعني كويس هرتاح منك

تقي….بابتسامه اطمن هريحك و بعدين انت بكره مشغول

عدي….انا مين قال

تقي…..مش قولت هتقابل حبيبتك صحيح هي اسمها ايه

عدي……بأبتسامه اااا اه صح بكره مشغول اسمها ريم

تقي….امممم طيب يعني بكره هتبقي مشغول مع ريم هتشوفني ازاي بقي

عدي….هو بعيداً يعني عن اني خلاص كنت هرتاح منك بكره بس يعني لو كنت هشوفك انتي بتيجي علي العصر او الضهر بدري يعني انا هخرج بليل

تقي….اممم لا ركز بقي في خروجتك لا ليل و لا صبح

عدي…..طيب هشوفك بعد بكره

تقي….بابتسامه لا مش جايه

عدي…..ايه مش في شغل هتوصليه

تقي….لا هخلي ادهم يروح هو

عدي….بقي كده طب حلو اوي علي فكره صحيح نسيت اقولك سليم كان بيتكلم معايا علي نسمه انها تشتغل معاكم يعني وكده ايه رأيك

تقي….نسمه مين

عدي….اخت نعيمه ماهو يوم ما وصلناكي كانوا بيتكلموا عن الشغل وكده و انها بتحاول تشوف شغل بعد ما قعدت فا غالبا سليم قالها تنزل معاكم لحد ما تلاقي عشان متزهقش و تقريباً هي اتحرجت تطلب يعني

تقي….دي عبيطه تنزل طبعاً لو حابه هي ازاي مقالتش اصلا انا هكلمها انهارده لما اروح و اشوف كده معاها

عدي…..ماشي بس يارب بقب لو نسمه نزلت ما يبقاش الشغل عليها هي و ادهم و تمارا و انتي تخلعي

تقي…..لا ما انا بيهم من غيرهم هخلع

عدي…..ده ليه بقي

تقي….اااا عادي

عدي……تيجي بعد بكره مع ادهم او بداله

تقي….اشمعني

عدي…..عادي اشوفك اسلم عليكي لو فاضيه نخرج

تقي….لا مش فاضيه و بيتهيألي من هنا و رايح لما تحب تخرج ابقي اخرج مع حبيبتك علي الاقل يعني تحاول تظبط انت و هي علاقتكم ببعض

عدي…..بضحكه تجنن و انتي مالك و مال علاقتنا شاغله نفسك بيها ليه بتقولي عني انا اللي حشري

تقي…..صح انا مالي

عدي…..هتيجي ماشي

ابتسمت تقي غصب عنها و هزت راسها شمال و بمين و بعيدن بصت قدامها.

……………….

عند ليله و عشري

عشري…..يلا يا قلبي ادخلي علي طول عشان المطر

ليله…..انت هتروح فين؟

عشري…..هكلم رشيد اشوفوا فين. كده لو خلص مشوار اهله هقابله

ليله….بقولك ايه اوعي تبعد اوي عشان لو الجو قلب تيجي

عشري…ايه خايفه عليا

ليله….بابتسامه اكيد و بعدين الجو مش مريح افرض قلب تاني و اتحبسنا في الكافيه تبقي انت بره وانا جوه

عشري….والله لو حظر التجوال بقي قدام البيوت او في الشققق من جوه لا هجيلك

ليله….بضحكه جميله بحبك يا بلطجي

عشري….وانا بموت فيكي خلصي براحتك و كلميني

ليله….حاضر خير قاعد يعني

عشري….في ايه؟

ليله…..ابتسمت ورفعت حاجبها الباب يا بلطجي

عشري…بضحك ااااا اسف يا ليله هانم

فتح عشري الباب و نزل بسرعه فتحلها

عشري…..يلا علي جوه بسرعه

ليله…..بأبتسامه ماشي باي

عشري….باي يا قلبي

دخلت ليله بسرعه علي جوه و عشري راح ركب و اتحرك

دخلت ليله الويترات سلموا غليها سألت عن ايمي قالولها ان هي و سلمي فوق في المكتب طلبت منهم قهوه و طلعت علي فوق براحه.

وققت قدام الباب قلبها كان بيدق بعنف خدت نفس طويل و ابتسمت كانت متحمسه تشوفهم وحشوها اوي و هتتجنن من غيرهم

حطت ايدها علي الاوكره و فتحت الباب

بصت ايمي و سلمي علي الباب ابتسموا بسعاده و جريت سلمي عليها حضنتها

سلمي…..يا ليله يا ليله و حشتيني والله اوي نزلت دموعها و فضلت تعيط

ليله…حضنتها و غمضت عينها و دمعت انتي وحشتيني اكتر

سلمي….بدموع والله كنت محتجالك اوي و كلنا من غيرك ولا حاجه

ليله….يابت بس كفايه عياط هعيط والله لو الميك اب باظ هنفخك

سلمي…..بضحك وحشتيني يا جزمه

ليله…بضحك فضلت رايحه جايه بيها و انتي وحشتيني اوي والله العظيم

بعدت سلمي عنها بصت ليله لايمي بايتيامه تجنن و هي دموعها نازله

ايمي…..بابتسامه غمزتلها خير كلميني عن الحلاوه

ليله….بتأثر وحشتيني يا خبره

ضحكت ايمي و قربت منها ضمتها بكل قوتها و ليله ضمتها باشتياق فظيع الاتنين نزلت دموعهم و سلمي معاهم بتضحك و بتعيط

ايمي…..وحشتي قلبي يا احلي ليله

ليله…اااااا يا جزم و حشتوني اوي والله العظيم مفتقداكي يا جزمه

ايمي….بضحك بعدت عنها و حضنت وشها بايدها و مسحت دموعها مش قدي و الله العظيم حاسه اني بقالي سنين مشوفتكيش و عندي كلام و رغي و طاقه متتوصفش

ليله….وانا كمان والله حمد الله علي سلامتك تنتي و رشيد و حشتوني اوي كلكم بلا استثناء اااا وبجد انا لو كنت محبوسه فا حبستي الوحيده كانت في حرماني منكم

ايمي….عارفه و احنا كما رغم اننا كنا عارفين اننا مش هنشوفك حبه حلوين بس كنا هنتجنن عليكي يا قلبي قوليلي انتي كويسه

ليله….زي الفل والله بخير انتوا طمنوني عنكم و عن البنات

سلمي….كلنا بخير والله

ليله….محدش عارف اننا هنتقابل صح

سلمي….لا لا محدش عارف

ايمي….بت حسيتي بالزلزال

ليله…لا زلزال ايه

ايمي….من وقت بسيط حسيت بيه انا وسلمي

ليله…انا كنت في العربيه مع عشري محستش لا حد فيكم اتطمن علي نادين طيب

ايمي…..بابتسامه يا عمررري تصدقي بالله انتي اجدع حد شوفته في حياتي علي طول شاغله بالك بالكل

ليله….بضحكه جميله هو انا صحيح عايزه اخنقها بس انا عارفه انها بتخاف

سلمي…..اطمني مع عسال متقلقيش

ايمي…..تعالي اقعدي بقي و حشتينا

ليله …وانتوا والمطعم و قعدتنا والله هموت عليكم

سلمي….روحتي مع عشري اطمنتوا علي العمليه

ليله….اه والحمد لله بقي كويس و روحت شلت التاتوووو

سلمي….ايه ده ليه

ايمي….يالهوي صدرك احمر خالص دي اكيد بتوجعك

ليله…اسكتي يا ابمي انا كان نفسي اصوت والم المكان عليا من الوجع بس سكت

سلمي…..طب شيلتي التاتو ليه

ايمي….بضحك البلطجي عايز الحرق بتاعه

ليله….بضحك بيني و بينك انتي عارفه انا مليش في الكلام ده و لا بحب التجميل و الفيلر و الجو ده مش بتاعي مش بحب اللعب في خلقتي بس كنت عايزه اضايقه و معرفس ليه هببت كده اصلا و هو طبعاً من وقتها مش ناسيها استني لما هديت و ىاسه والف سيف اشيله انا والله مكنتش معرتضه بس كنت خايفه

سلمي….وجعك اكيد انا عارفه انه بيوجع

ليله….ده مميت يا سلمي بتتحرقي و انتي حاسه و بتتكرهبي ربنا يكون في عون نوني بجد بس بصراحه حاسه اني ارتاحت و هم من علي قلبي اتشال

ايمي….احسن بلا تاتو بلا قرف حرام اصلاً

ليله….الحمد لله طمنوني علي نعيمه

سلمي….احسن شويه بس ايدها بايظه خالص يا ليله

ليله….خالص خالص يعني شوفتيها

سلمي….يا بنتي انا وايمي دخلنا معاها يوم الحرق اصلا و فرجت المستشفي علينا وهما بيغيرولها و بيعملوا كحت وتنضيف كانت بتموت

ايمي….واغم عليها في ايد الدكتور و كان يوم

ليله…بتأثر طيب متحسنتش شويه

سلمي….لا كتير عن الاول مفيش وجع علي الاقل بس ايدها باينه

ايمي….هي هتاخد وقت و الكريمات بتاعت التجميل مخلتش ان شاء الله هتبقي زي الفل

ليله….انا هوصيلها علي كريمات كويسه من بره عشان متسيبش اثر انا عارفه ان نعيمه نفسياً هتبقي زي الزفت بسبب المنظر

ايمي….ولا لما قصوا الهاتم بتاع خطوبتها علي اللي عملتوا

ليله….احيه قصته بجد طب ليه

سلمي….زنق علي صباعها و من الحرق ايدها ورمت بسرعه و الخاتم بدأ يغطس كان لازم يتقص

ليله….كفايه والنبي حاسه بيها والله ده انا حته صغيره و مش متحملاها

سلمي….انتي كويس ان الرسمه فعلا صغيره

ليله….طيب نادين معاها صح

ايمي….نادين مسبتهاش من يوم ما اتحرقت بصراحه

سلمي….ايوه تعبت والله معاها جداً كنت بكلم نوني بتقولي نادين تعبت و شيلاني و بتغير علي ايدي

ليله…..احيه بتترعب من خيالها غيرت ازاي

سلمي….بابتسامه مش عارفه عملتها ازي انا عن نفسي لو مكانها هخاف

ايمي….هو صراحه المنظر يخوف يعني تخافي توجعيها تخافي تقربي منها

ليله….ان شاء الله تخف بسرعه و تتحسن

سلمي….لولي انتي زعلانه مننا

ليله…بقولك ايه انا مش فاكره حاجه و مش عايزه اتكلم في حاجه و اللي عيزاكم فيه بكره ملوش علاقه باللي حصل هو مجرد طلب هطلبه منكم و الموضوع يتقفل مش عيزاه يتفتح

ايمي…..احييييييه صدقتك يا بت ليله هتسيب حقها

ليله….بابتسامه حقي اخدوا من الغريب مش منكم انا صحيح ليا حق و لو هموت مش هسيبه و محتاجلكم معايا نرجعوا

ايمي…..وده من مين بقي ؟

ليله ابتسمت و بصتلها

سلمي….ليله اوعي تكوني ناويه تقلبي علي عشري و الله العظيم بيحبك

ايمي….بابتسامه عشري ده الحته الشمال يا هباه انا فهمت دماغها

ضحكت ليله و طلعت السجاير

سلمي….لا فهموني اوعي تموني قصدك نادين

ليله….نادين يا هبله يابت ده انا بحسها بنتي و اختي الصغيره و غلاوتها هي عرفاها كويس اوعي تكوني فاكره اني زعلانه منها و الكلام اللي قولت لما كلمتكم انا بصراحه كنت لسه مش طيقاكم بس خلاص نسيت و رجعت لحضن عشري و بصراحه بقي دي احلي حاجه عملتوها معايا و خصوصا الجزمه نادين

سلمي….طب فهميني

ايمي….بضحك البت دي غبيه اوي

ليله….بابتسامه محدش بيفهمني قدك

خبط الباب و دخل الويتر بالقهوه حطها

الويتر….محتاجين حاجه تاني

ايمي….لا يا علي شكراً تسلم ايدك اقفل بس الباب وراك

الوتير…..بعد اذنكم

سلمي….اخلصي قولي حاجه انتي وهي

ايمي….اللي وجعها يتوجع يا سلمي

سلمي….ايوه مين يعني عشري ولا الشباب و لا احنا ولا بصتلهم بصدمه و ابتسمت اوعي تقولي اني فهمت صح

ليله….بابتسامه شر و اللي خلقني و خلقكم لو اخر يوم في عمري ما هسيب حقي الا وانا متكيفه

ايمي….بابتسامه معاكي

سلمي….بضحك طيب انا بقول ان حقك رجع و بلاش مشاكل بقي و لا ايه يعني نبص علي فرحنا و دنيتنا و المسامح كريم

ليله…..بضحك لا المسامح كريم ده برنامج بتاع چورچ قرداحي انا اللي يغلط في امي و يلعب بيا يتحمل اللعب معايا عموماً مش وقته بعدين هنشوف اللعبه هتمشي ازاي خلينا في موضوعنا اللي انا جايه عشانه
ايمي عرفت حاجه ولا لسه

سلمي…اه عرفتها اللي انتي قولتيه بس انا لسه معرفش الحوار اصلا

ايمي….ازاي اصلا ايه تعمل كده ليه محاولتش تقولنا

ليله….ايه مصدومه من كلام سلامه يا ايمي و المشكله انها مش فاهمه فا طبيعي انها تاخد موقف سيبنا من رد فعل ايه هي عموما بعتتلي رساله و قالتلي ان هي اتصالحت هي و سلامه

سلمي….طيب عرفيني ايه اللي حصل

بدأت ليله تحكيلهم كل اللي حصل في نص الكلام سلمي مقدرتش تتحكم في دموعها ايمي كانت بتسمع و مصدومه و في نفس الوقت حزينه.

ليله….بس ده كل اللي حصل اتكلمتي مع تامر يا سلمي

سلمي….بدموع لا يا ليله لسه

ليله….بس لازم تتكلمي يا سلمي مع اخوكي ايه مش هتقدر تتحكم في تصرفاته لوحدها هي محتاجه مساعده من غير ما تحس لان هي اصلا بتتعامل علي ان الموضوع طبيعي و فاكره ان الحوار مجرد غيره من سلامه مش اكتر

سلمي….هتكلم اكيد بس انا مش هينفع اتكلم معاه بره البيت لاني مش حابه اقوله اني عيزاه في موضوع مهم انا عايزه اعمل زي ما انتي قولتي كأن الموضوع اتفتح عادي مني مش مترتب ليه و المشكله ان في البيت مش لاقيه وقت ابقي فيه انا وهو لوحدنا كمت هتكلم معاه انهارده لان بابا قال رايح مشوار بس كسل

ليله….حاولي في اسرع وقت تلاقي حل

سلمي….بدموع انا مكنتش اعرف ان الموضوع كده و اصلا انا مصدومه تامر يا ليله من بعد ما اتكلمت معاه لما عرفت يوم كتب الكتاب بتاع ايه متكلمتش معاه في الموضوع تاني غير مره بعد ما جوزها اتوفي بكام يوم من وقتها قفلت الموضوع معاه و هو حسسني انه نسي

ايمي….اللي بيحب مش بينسي بسهوله يا سلمي و ايه قدام اخوكي ليل نهار هينسي ازاي و هي قدامه و جنبه

سلمي….بدموع المشكله اني مش عارفه اضايق منه ولا ازعل عليه معني اللي حصل ده ان هو طول الوقت ده بيتعذب و ساكت انا يوم ما يجيت قولتلكم اول مره قولتلكم لاني كنت مصدومه معرفتش استوعب لوحدي كمان خوفت بابا يحس خوفت الموضوع يتطور و ايه كمان تحس كنت عايزه حل

ليله….مكانش فيها حل يا سلمي للاسف لان مجرد الكلام في الموضوع نفسه كان هيتعرف و وقتها محدش يعرف رد فعل ابوكي محدش كان عارف رد فعل ايه

سلمي….انا يوم ما سمعت تامر بجد اتصدمت يعني مكنتش عارفه اتعاطف معاه و لا اقوله فوق يا غبي دي اختك

ايمي….مش اخته يا سلمي و مش هتقدري تتحكمي في مشاعر بني ادم حب من قلبه بجد

سلمي….بدموع بس دي اتربت معانا يا ايمي عيشنا كل تفاصيل حلوه و
وحشه عيشنا تفاصيل بيت باسراره بحكاياته زي اي بيت في اسره و اخوات بجد ليه حبها ليه مقدرش يشوفها اخته ليه اصلا قبل انه يوجع نفسه بالشكل ده

ليله….قلبه اختار يا سلمي

سلمي….الوقت اللي زعلت فيه من تامر و رجعت فتحت فيه الموضوع تاني بعد موت جوز ايه علي قد زعل تامر و صدمته و علي قد وجعه علي ايه و حالتها النفسيه بس لما كنت اشوفه لوحده الاقيه سويه يعيط و سويه يبتسم كأنه فرحان يومها من كتر ما ايه كانت واجعه قلبي دخلت عليه زي المجنونه قولتله ازاي وصل بيك الجبروت انك تفرج في بني ادم مات عيط قالي انا مش فرحان بس فرحان ان ايه معايا ايه كانت يومين و هتسيبني مكنتش مصدقه اللي بسمعه قولتله طب ليه لما انت بتحبها كده محاولتش معاها قالي هي شيفاني اخوها مش هقدر اغير تفكيرها و لا هقدر اقولها اللي جوايا عشان متبعدش عني مش هقدر اقول لابوكي لانه هيبعدني انا من البيت عشان هيخاف عليها مني بس والله العظيم والله العظيم يا ليله تامر مش قليل الادب و لا وسخ و لا عمري شوفته قريب من ايه بشكل قذر او مقصود انا عارفه ان سلامه حقه يضايق بس كمان انا عارفه اخويا ميقصدش حاجه وحشه

ليله…..عارفه ان تامر متربي و عارفه ان الموقف جه كده و مكانش مقصود و هو اتعامل بتلقائيه بس تلقائيته دي خليته ينسي ان سلامه موجود و ممكن يفهم الموضوع غلط

ايمي….انتوا عارفين ايه اكتر حاجه مخوفاني ان سلتمه يكون شك اصلا في مشاعر تامر

سلمي…..لا اوعي تقولي كده و النبي

ليله…..هو علي حسب كلام ايه طلب منها بس حدود لكن من غير ما تجرح تامر او تلفت نظره ان ده طلب منه جايز يكون مضايقهوش غير الهزار اللمس بس كمان جايز يكون ايمي معاها حق متنسيش انه راجل و الراجل بيحس يا سلمي

سلمي…..بس لو ده حصل تبقي مصيبه

ليله…لا لو اتكلمتي مع اخوكي و فهمتيه و قدر يسيطر خلص الموضوع و بيتهيألي بما انك عارفه الموضوع اصلا و عارفه مشاعره تامر هيتحرج منك و مش هيقدر يقول اي كلمه و هينفذ كلامك

سلمي…..افرضي قالي انا نسيت الموضوع من زمان

ليله…يقول اللي يقولوا انتي كلتمك معاه هيكون في الاصول مش في الموضوع القديم بس انتي لازم تكوني عارفه ان تامر لسه بيحب ايه و لازم تتصرفي لان اختك مش هتقدر تتصرف لوحدها متنسيش انها متعرفش اصلا انه بيحبها و انها تحط حدود دي هتبقي تقيله علي قلبها

سلمي….بدموع انا شكيت و استغربت لما طلعت فيه لما دخل علينا الاوضه و قالته اختك بتغير قالها انا خبطت قالتله حتي لو خبطت متدخلش غير لما نديلك الاذن لما انتي قولتيلي كده فهمت شويه وربطت المواضيع ببعض بس معرفش انها وصلت لكده.

ليله….علي فكره سلامه من ضمن كلامه معاها انه عايز الجواز يكون بسرعه مش عايز يستني للصيف

سلمي…..يا ريت يا ليله ياريت تقنع ها معايا انا مستحيل اتجوز قبلها انا واثقه في اخويا بس كمان عارفه ان الشيطان وحش و النفس اماره بالسوء بابا مستحيل يركز في الموضوع هو عارف انهم اخوات يعني بيثق في تامر و بيطمن علي ايه معاه بس بعد ده كله حتي لو واثقه في اخويا مستحيل اسيب ايه لوحدها لازم تتجوز قبلي لان لو حصل حاجه من تامر ايه هتكرهه و انا مش عايزه ده يحصل و اخويا نفسه هيكرهه نفسه لو ضعف و عمل حاجه حتي لو بسيطه تخوفها منه

ايمي….يبقي الصح ان ايه فعلا تتجوز و بسرعه و لتزم بكره كلنا نشجع الفكره دي يعني انا هفتح موضوع الجواز و مين هيعمل ايه و مين فاضل عليه قد ايه اكيد وقتها سلامه ممكن يتكلم و لازم نشجع كلامه

ليله….حتي لو متكلمش احنا هنشجع الموضوع انهم ميستنوش للصييف و هنخلي كلامنا متوجه لنعيمه كمان عشان محدش ياخد باله و جودهم مع بعض لوحدهم مش حلو يا سلمي

سلمي….طبعاً مش حلو وانا مش هقدر اتطمن علي ايه وانا بعيده بس انا مش عارفه افتح الموضوع ازاي مع تامر والله العظيم انا مضايقه عشان سلامه بس كمان موجوعه علي تامر اوي تامر بيحب ايه بجد

ايمي…….بحزن هو و محمود بيقطعوا قلبي محمود زيه اكتر بنت حبها حبها من طرف واحد و اتجوزت صاحبه العمر بيعدي بيه و رافض الجواز لما بقولوا وبهزر معاه يقولي يلا ايدي علي كتفك و يضحك بس عينه كلها وجع وكسره و قهر نفسي افرح بيه بجد لانه بيكبر و ناسي نفسه خالص بس كمان مش هقدر الومه الحب من طرف واحد ده شقاء بجد و ربنا يكون في عونه هو و تامر

سلمي…..مش سهله صدقيني يعني تامر اتعذب و هو شايفها مع جوزها الاول و اتعذب تاني لما اتخطبت لسلامه بس والله كان بيعمل كل حاجه بقلب فرحان لفرحتها بس مكسور و موجوع علي قلبه

ليله….غبي غبي بجد كان لازم يستغل الفرصه بعد موت جوزها

سلمي…مقدرش يا ليله لانه عارف ان ايه مستحيل تشوفوا غير اخ الموضوع صعب

ايمي…..ايه مستحيل يا ليله توافق هي بتتعامل معاه علي انه اخ حقيقي مستحيل تفكر فيه كا زوج لو فتح معاها الموضوع او لمح فعلت هتكش منه و بدل ما هي بتتعامل معاه علي انه اخ كانت ممكن تخاف منه تتغير معاه ابوهم يحس الدنيا تبوظ كان ممكن ايه تقرر تعيش لوحدها بس لو كان ابوها سأل السبب كانت هتقول ايه

سلمي…..صعب صعب اوي هو قرر يتحمل الوجع بس مش قادر يشيل حبها من قلبها

ليله…بوجع الحل انها تتجوز اه هيتجوع واوي بس الوقت كفيل ينسيه

سلمي….مش هينسي يا ليله كان محمود نسي او شاف حياته محمود كام سنه يا ايمي

ايمي….35 سنه و حبيبته اتجوزت وهو 25 عشر سنين فاتو يمكن اتعرف علي بنات غيرها كتير بس حب من قلبه للاسف و مقدرش يحب تاني

ليله…..كله نصيب اكيد هيتجوز و يشوف حياته بس لسه نصيبه مجاش لا هو ولا تامر

ايمي…..ان شاء الله خير المهم انتي حاولي تتكلمي معاه ضروري لازم تلفتي نظره

سلمي….ماشي هعمل اكيد كده بس لازم نشجع فكرة جواز ايه و سلامه بأي طريقه

ليله…..سيبيها علينا احنا دي و ان شاء الله خير.

سلمي….يارب.

………………..

وللحديث بقيه……