لقاء كارثي
لقاء كارثي
لقاء كارثي
أميره أسامه
صاحبة البطل الواحد
. البارت المئه 124.
………………………..
قفلت ريهام مع ايمي و اتصلت علي سلامه عشان تاخد رايه و تستأذنه.
سلامه…..الووو
ريهام…..ايه يا سلامه عامل ايه
سلامه….بخير يا قلب اخوكي انتي اخبارك ايه
ريهام….الحمد لله
سلامه….الشغل تمام معاكي
ريهام….اه كله زي الفل الحمد لله
سلامه…يارب ديماً
ريهام….يارب بقولك ايه؟
سلامه….قولي يا قلبي
ريهام….ايمي اتصلت عليا الوقت و قالتلي يعني انها عيزاني اروح معاها هي والبنات عشان يشوفوا الفساتين
و قالتلي كمان محمود هيجي يقعد بدالي اقولها ايه
سلامه…..قوليلها اللي يعجبك لو عايزه تروحي روحي مش حابه براحتك
ريهام…..لا هو انا عادي يعني حابه بس انا بقولك بشوف رايك يعني
سلامه…..بابتسامه رأيي في ايه روحي طبعا يا قلب اخوكي اتبسطي معاهم و انزلي ادام كلهم رايحين و هي قالتلك روحي طبعاً هما نازلين علي سته كده صح
ريهام….اه هي قالتلي ساعتين ومحمود هيجي بدالك و بتقولي اروحلها علي البيت عند مامتها عشان نمشي مع سلمي و ايه بس المشكله اني معايا العربيه و هي بتقولي سيبيها و نركب مع سلمي كلنا
سلامه…..طيب خلاص مفيش مشكله
ريهام….ايوه بس يعني انا خايفه انهم يتأخروا او ناخد وقت وكده فا لسه هرجع و هاخد العربيه و بصراحه هخاف ارجع متأخر لوحدي
سلامه…طيب بصي انا كده كده انا و الشباب المفروض هنتقابل برضو عشان نشوف حوار البدل ده و هنروح مع عشري هبقي اسيب العربيه عند البيت و هركب مع سلامه و بعدين هبقي اشوفك و اخدك انا و لو منزلناش انهارده هجيلك متقلقيش
ريهام….يعني اروح ؟
سلامه…..روحي طبعاً عشان تختاري فستانك معاهم ماما مش هتقدر علي اللف معاكي و كمان عشان تاخدي راي البنات و انا الوقت هحولك فلوس عشان يبقي معاكي بزياده
ريهام …بابتسامه ربنا يخليك يا سلامه
سلامه…ويخليكي ليا يا قلب اخوكي
ريهام…طيب هو انت مع ميدو عشان اقولوا ولا مش معاه
سلامه….معاه بس ميدو مش هيقولك لا اكيد
ريهام…. بابتسامه معلش اديني اكلموا عشان ميزعلش
سلامه….بضحك ماشي ياستي هديكي تقوليله ميدو ميدو تعالي
خليكي معايا
ريهام….معاك
قرب ميدو من سلامه
عسال….هااا
سلامه…امسك ريهام عيزاك
عسال…في حاجه ولا ايه
