لقاء كارثي

نسمه….. بابتسامه هاي نودي

نادين….عامله ايه يا قلبي

نسمه….بخير

نادين…..هاي نوني

نعيمه….هاي يا قلبي اتاخرنا عليكي

نادين…..لا خالص يلا بينا

نعيمه….اه يلا ليله نزلت من عند اختها هي وتقي

نادين….طيب احنا هنعدي بس علي ايمي

نعيمه…..طيب ليه هي مش رايحه مع سلمي

نادين….ايوه بس هاخد منهم ريهام لانهم كتير مش هيعرفوا يقعدوا في العربيه كلهم

نعيمه….هي ريهام جايه معانا

نادين….. اه و امنيه اخت ايمي و سلمي و ايه فا عشان بس ايمي تقعد براحتها هي و امنيه و ميتعبوش حرام

نعيمه….تمام طيب قوليلهم يتحركوا و نتقابل في النص بدل ما نضيع وقت

نادين….اممم طيب اتصلي علي ايمي او سلمي قوليلهم

نعيمه….اوك اتصلت علي سلمي

سلمي…..ايوه يا نوني

نعيمه….بقولك يا سلمي ما تجيبيهم و نتقابل علي الطريق ناخد منكم ريهام بدل ما نضيع وقت

سلمي….طيب تمام انا اصلا عند ايمي اهو

نعيمه….يطب خلاص اتحركوا يلا و نتقابل احسن

سلمي…..اوك يا قلبي تمام يلا هنتحرك حالا

نعيمه….اوك هنستناكم عند بوابه تسعه من بره اوك

سلمي….اوك باي

نعيمه….باي

………………..

تقي….بابتسامه خجوله شويه اممم يعني انتي بجد كنتي حاسه

ليله….بضحك عندك شك في ذكاء عمتك يابت ده انتوا كنتوا مفضوحين بس قوليلي بقي حصل امته و ازاي

تقي….بضحك ليه التحراج طيب

ليله…..لا وانتي وش كسوف اوي انطقي يا بت

تقي….اممم بصي هو في الاول خالص والله يا ليله مكانش في اي حاجه بعني اول مره شوفت فيها عدي كان يوم خطوبتك في المطعم

يعني مش هنكر كان عاجبني شكله بس والله مركزتش معاه للدرجه

و لما شوفته تاني في فرح ايمي فاكره انتي لما تتخانقت معاه عشان طلعوا يتصوروا علي السور

ليله….بضحك يومها انا وعشري اصلا خدنا بالنا و حتي عشري قال ليله و عشري الصغيرين لان موقفكم ده فكرني بموقفي معاه لما اتقابلنا اول مره في السفريه الاولي كان مصمم ياخد صحابه ويمشي و انا كنت متعصبه منه اوي عشان شيفاه بيعرض صحابه للخطر الجو بره كان زفت و بصراحه خوفت عليهم قولتله امشي انت لو مش خايف علي نفسك بس سيبهم هما و لما شوفناكي بقي بتقوليله خلاص اتصور انت بس ملكش دعوه بيهم ضحكت

تقي….بابتسامه بصراحه كنت متعصبه منه لانه هو اللي كان مجنون فيهم و هما سامعين كلامه و بعدها علي طول هزرنا وضحكنا من اليوم ده عجبني طريقه كلامه هزاره و بس مشوفتهوش تاني غير بعد لما عرفت ان عشري اتجوزك و خدك علي بيته و روحت علي نعيمه و نادين في اليوم ده زي المجنونه كان هو هناك بس مركزتش معاه اوي كنت متعصبه جدا و بصراحه طلعت فيهم كلهم حتي ميدو و لاقيته ساكت كملت بضحك تقريبا كان خايف من لساني لان عشري اخوه فا قولتلوا انت ساكت كده ليه