لقاء كارثي

في خلال الكام يوم دول برضوا نزلوا اشتروا الهيلز و كل الحاجه اللي هتتلبس مع الفستان و خلصوا كل حاجه.

عرفوا ان مريم حاولت الانتحار و لحقوها بس اتعرضت لانهيار عصبي و اتحولت لمصحه تحت اشراف طبي لانها بقت خطر علي نفسها كمان تابع عشري النيابه و كل اللي اتقبض عليهم اتحددلهم جلسات و ده كان خبر مفرحهم ان كل واحد فيهم هياخد اللي يستحقوا.

العلاقه بين محمود و خطيبته بقت احسن و هي كانت مبشوطه انه بخير ..

الاوضاع كلها كانت مستقره الكل استعد للفرح و يوم الحنه اللي كانت مفجأه ايه لليله نزلت ليله من بدري مع نعيمه و نادين و راحوا معاها عند توما و ايه و سلمي و باقي البنات ظبطوا البيت عندهم عشان يفاجئوها.

ورجعت ليله و اتفاجئت و كانت طايره من السعاده بجد احتفلوا بيها
و فرحوها و خلوها حست انها بجد عروسه…

و جه اخر يوم قبل الفرح البنات كلهم كانوا سهارنين مع بعض في شقه ليله و باتوا معاها حتي ايمي عشان يقضوا معاها ليلتها الاخيره ..

هزروا ضحكوا اتكلموا ليله كانت مبسوطه بس مخطوفه و متاخده حاسه انها في حلم سعادتها متتوصفش بس كمان حاسه برهبه من الخطوه عموما زيها زي اي عروسه ..

و بعد وقت طويل قضوه سوا ناموا كلهم و نامت ليله بس مش نوم عميق نوم كله مشاعر مختلطه خوف توتر قلق رهبه سعاده حب فرحه اطمئنان …

و جه اخيراً اليوم المنتظر و صحيوا كلهم من بدري فطروا مع بعض و استعدوا عشان ينزلوا و الشباب كانوا في انتظارهم لان هما كمان كانوا هيجهزوا في نفس المكان معاهم.

و مكانتش ليله عارفه او حاسه باي مفجأه من اللي عشري مجهزها..

و للحديث بقيه……
انتظروا فرحه من القلب