لقاء كارثي
لقاء كارثي 114
لقاء كارثي
أميره أسامه
صاحبة البطل الواحد
. البارت المئه 114.
………………………
في صباح يوم جديد نزلت نادين و نزلت نعيمه راحوا علي المخزن.
وصلوا مع بعض تقريباً
و قبل ما تدخلي نادين علي المخزن اتصلت علي عسال
عسال…..ايوه يا حبيبي
نادين…..ميدو انا وصلت المخزن خلاص مش هعرف اكلمك الوقت
عسال….تمام با حبيبي انتي هتطولي جوه
نادين….مش عارفه لسه بس اول ما المندوبين يجوا ياخدوا الحتجه همشي انا كده كده مش هعمل حاجه هنا انهارده يعني ممكن ساعه بالكتير
عسال…..طيب خلصي و اتصلي عليا و عرفيني هتعملي ايه كده
نادين…..انا هروح لايمي عشان طلبت مني لبس لچوي المساعده بتاعتها و هروح اديها الحاجه و بعد كده مش ورايا حاجه هشوف بس ليله هتنزل امته و هروح معاها
عسال…..تمام يا روحي لنا تخلصي اتصلي عليا
نادين…..اوك
عسال…..نادين فطرتي
نادين…..اه كلت ساندوتش
عسال….بألف هنا يا حبيبي يلا خلصي و كلميني باي
نادين….باي يا ميدو
دخلت نادين علي جوه
نادين…..نوني ممكن اطلب منك خدمه سريعه كده تعمليها معايا
نعيمه….قولي يا قلبي
نادين…..انتي شوفتي چوي ؟
نعيمه…..ايه چوي دي
نادين….چوي يا نوني المساعده اللي رشيد جابها لايمي
نعيمه….چوووووي ااا لا مشوفتهاش عرفت من ليله بس انا مروحتش لايمي بقالي كام يوم مالها يعني
نادين…..ايمي طالبه مني اختارلها كام حاجه كده للبيت و للخروج و عيزاكي تختاري معايا
نعيمه…..طيب ماشي بس انتي عارفه مقاسها
نادين…..قريبه من ايه هي رفيعه خالص و حتي نفس طولها تقريباً
نعيمه…..تمام طيب عايزه ايه بالظبط يعني في البيت
نادين…ترنجات هي قالتلي سته
نعيمه…..بضحك هي بتجهزها ولا ايه
نادين….بضحك يا بت لا بس يعني واضح انها يا حرام مش معاها حجات كتير
نعيمه…..قشطه طيب يلا نختار
نادين….بصي يعني لو في اكتر من سته ممكن نحطهم عادي و هي تختار براحتها
نعيمه….ماشي اشطا.
اتحركت نعيمه في المكان و بدأت تطلع الترنجات و تبص علي المقاسات
نعيمه……بصي الثلاثه دول كده
نادين…..اه حلوين اوي بس بصي ابعدي عن الابيض بيتهيألي مش مناسب خالص
نعيمه…ليه مش مناسب ده الابيض حلو في الشتاء
نادين…..ايوه يا نوني ده لو قاعده بيه عادي انما هي هتبقي لبساه و بتشتغل بيه يعني هيتبهدل علي طول
