لقاء كارثي

ايه….ايوه صح انا هكوت واعرف هي ازاي عرفت كل ده

ايمي…..مش صعبه يا ايه اي هكر يركب موبايل اي حد اي واحد يتأجر يراقب ليله او اللي مع ليله و يعرف مكانهم و مكان اهالايهم و اي مكان بيترددوا عليه و يجيب كل معلومه عنه كله بالفلوس يا ايه و ادام بتدفعي هتاخدي المعلومات اللي عيزاها لكن انها تبقي لوحدها مرقبانا كلنا كده مستحيل دي واحده بالمنظر ده من كتر الانتقام مبقتش شايفه و مستعده تدفع كل اللي تملكه عشان تعرف كل حاجه عن ليله واللي حواليها فا هتأجر ناس و هتهكر كوبايلات و هتجيب معلومات او لو مش هتعمل كل ده سهل اوي تدخل اي دخله زي اللي دخلتهم علي ليله دي مع مثلا شاب من الشباب اللي بيشتغلوا عند عشري و فضل في الكافيهات قرشين و قولي عشري فين و مع مين واحد زي حارس البيت عند ليله قرشين و هتقولوا اي كلام عبيط عن شغل ليله وهو مش هيبقي فاكر انها حد وحش و هيقولها عادي اللي يعرفوا من الاخر مش هتغلب و اللي بيفكر بطريقتها دي بيقدر يقنع اللي قدامه كويس

سلمي……صح يا ايمي مش بعيد فعلا تبقي عملت كده

نعيمه…..والله انا مش مقتنعه بكل ده غير ان دي عايزه علقه تصوم وتصلي عليهم بعدها و بعدين انا بجد مش قادره افهمك يا ليله انتي بجد كنتي عايزه تساعديها و لا انتي بتثبتيها و لا ايه بالظبط

ليله……لا يا نعيمه كنت هساعدها لو بجد هي بتعمل كده من وجعها انا كنت مقرره اصلا و قولت الكلام ده لايمي اني بعد اللي حصل مش عايزه اخسر عشري مش عايزه ادخل في صراعات معاها او مع غيرها تعبت يا نعيمه و عايزه اعيش مرتاحه انا كل حياتي في صراعات وقرف و مشاكل حبيت عشري و حبيته لدرجه اني اتنازلت لاول مره في حياتي عشان احافظ عليه عشان هو الراجل اللي دخل قلبي بجد كل اللي كنت عيزاه اني اعيش معاه في هدوء و ابعد عن اي وجع او مشاكل

سهل اوي اعاديها لان هي اللي جات عليا بس قررت اني اسكت و اسامح و اسيب حقي لو ده هيخليني احافظ علي عشري و نعيش في هدوء و قولت لايمي خلاص الموضوع هيتقفل بس هي مش ساكته و انا بسهوله اقدر انسفها و انتوا عارفين كده كويس و عارفين اني عمري ما بدأت بالاذي غير لما حد ينكشني

نعيمه…..طب ما هي بتنكشك اهي عايزه تساعديها ليه

ليله……عشان اتقي شرهاااا يا نعيمه عشان نبرتها و كلامها واضحين للاعمي هي ناويه علي شر و لو شرها ده عليا انا هقدر اتصرف بس شرها علي اللي حواليا و انا مش جامده با نعيمه للدرجه اللي تخليني عيني في وسط راسي علي الكل لازم تعرفوا ولازم تاخدوا حذركم عشان كمان عارفه ان لو عشري عرف هخسره بس مش هخسره في اني هزعل او هبعد عنه هخسره لما هي تأذيه او تأذي اللي منه عشري مش هيسمي عليها و هو ده اللي هي عيزاه ..