لقاء كارثي
((لقاء كارثي))
لقاء كارثي
أميره أسامه
صاحبة البطل الواحد
~° البارت الثاني°~
……..
بعد ما الشباب طلعوا يغيروا هدومهم قربت نعيمه من ايمان.
نعيمه….ايدك عامله ايه يا ايمي ؟
ايمان…احسن الحمد لله جات بسيطه
ايه….انا مشوفتهاش هي مفتوحه جامد
ايمان….لا خربوش صغير بس نزل دم كتير
سلمي….خليكي ضاغطه عليها اوي
ليله….نودي نودي قربت كفها هزتها من رجلها
فتحت نادين عينها و السماعات كانت لسه في ودنها شالت واحده بهدوء
ليله…طمنيني عليكي انتي كويسه؟
نادين…..الحمد لله هي الدنيا هديت بره؟
ليله….اممم مش اوي عايزه تحطي السماعات تاني حطيها بس انا رأيي يعني بلاش و حاولي تهدي نفسك بنفسك احنا معاكي
نادين…..مش هقدر يا ليله انتي عارفه
ايمان…..خليها تحطها احسن
نعيمه….علي فكره هو الاحسن متحطهاش علي الاقل احنا الوقت معاها يعني هي مش لوحدها متخافيش يا نودي ده رعد عادي و بعدين مفيش هنا تراب
ايمان….خلاص خليها بس لو الصوت خوفك حطيها تاني
نادين….هما راحوا فين ولا انا كان بيتهيألي أن في حد
ليله….بضحك ايه البانيك اتاك خلاكي تهلوسي ولا ايه
نادين….بصدمه ايه ده هو مكانش في شباب هنا
نعيمه….بضحك شوفي زعلت ازاي
ليله…لا ياختي في بس طلعوا يغيروا عشان اتغرقوا
ايمان…..علي فكره احنا منظرنا عره خالص و لازم نغير احنا كمان الهدوم لازقه علينا
ليله….اه انا كمان لابسه تيشرت ابيض و شكلي فضيحه
سلمي….بصت لفوق بقولكم ايه هما هيفضلوا هنا ولا الوضع ايه بالظبط
نعيمه….يفضلوا فين اكيد هيمشوا يتحسن بس الجو و يتكلوا علي الله
ايه….و يتكلوا علي الله ما تسيبوهم العيال زي القمر
ضربتها ليله علي رأسها
ليله….لحقتي تشوفيهم احنا في ايه و انتي في ايه
ايه….بضحك لا والله أبداً بس كانت باصه سريعه كده
سلمي….بصله سريعه بردوا
ايمان….متكلمي اللي اسمه سالم ده يا ليله
ليله….انا بقول استني شويه يعني ساعه حتي يكون الجو ظبط كده كده لو الجو أتحسن هيمشوا علي طول لو متحسنش يتصرفلهم في مكان بقي
نعيمه….هو اصلا المفروض يجي عشان يسلمنا الڤيلا و يستلمها منهم و يأمن عليها صح ولا ايه
ليله….المفروض شويه و تلاقيه جاي
نادين….بس الجو بره مرعب و صعب اوي ميتهيأليش يظبط في ساعه
ايمان….لا أن شاء الله يتعدل
نادين….طيب افرضوا الوضع ساء اكتر
ليله…..سالم يتصرف بقي و بعدين احنا جايين في وقت مش مصيف يعني اكيد في أماكن فاضيه عنده كتير بس لحد ما يجي سالم هيفضلوا موجودين في النهايه طلعوا جدعان و رفضوا أننا نفضل بره اكيد يعني مش هنطردهم بعد ما وقت مشيهم يجي
ايمان….بصراحه اه تبقي قلة ذوق بس عشان كده بقولك كلمي سالم عشان لو الوضع ساء يبقي عنده خلفيه و يجهز اي مكان تاني ليهم
سلمي…..انا رأيي من رأي ايمان كلميه حتي لو لسه قدامه ساعتين و يجي علي معاد التسليم بس يبقي جهز مكان طبعاً لو هما حبوا يقعدوا في مكان
نعيمه….اكيد مش هيسافروا في الجو ده طبعاً هما مجانين دي الدنيا خربانه بره
مسكت ليله موبايلها اتصلت علي سالم لقت الموبايل مقفول جربت تاني بردوا كان مقفول
ليله…..موبايل سالم مقفول
نعيمه…..يعني ايه ؟
ليله….معرفش يمكن شبكه
ايمان….خليكي وراه بقي
سمعوا في الوقت ده صوت رعد قوي اتخضوا وصرخوا و بسرعه نادين حطت السماعه في ودمها وضغطت بأيدها و غمضت عينها
نزل فضل و سلامه علي صوتهم .
سلامه….في حاجه حصلت ؟
نعيمه….لا اتخضينا بس من الصوت
فضل….متقلقوش ده رعد الجو لسه بايظه بره
ايمان…الجو غريب اوي بجد لما اتحركنا لحد اول ريست كان جميل و طبيعي
فضل….ايوه فعلاً الجو مكانش باين انه هيقلب كده خالص بس عادي بتحصل
سلامه….أصلاً كانوا محذرين من اول امبارح و شوفت امبارح كتير اكتر من بوست نازل علي الحوار ده
ليله….ايوه بس مش ديماً الأرصاد بتكون صح اوقات كتير بيقولوا الجو هيبقي وحش و يطلع حلو
سلامه….ده حقيقي فعلاً بس جات معاهم المرادي
فضل….بص علي نادين هي عامله ايه الوقت؟
ايمان…..احسن بس سمعت صوت الرعد لبست السماعه بسرعه
فضل…..احسن عشان متتعبش تاني
نزلوا الشباب الاربعه وراء بعض في الوقت ده و نزل عشري اخر واحد و هو ماسك الموبايل
عسال….بص لسلمي بما أن مفيش ثلج في البيت لاقيت البلكونه فوق غرقانه ثلج حطتلك كام واحده في كيس حطيهم علي راسك
سلمي….بابتسامه شكراً و الله بس خلاص مش مستاهله
عسال….عشان متورمش و كمل بابتسامه و بعدين خلينا نستغل الجو ده في اي حاجه
سلمي…..ماشي شكراً
عسال…..حاجه بسيطه
فضل….ايه مبيردش ؟
عشري….لا مقفول
فضل…طيب ايه مش معاك رقم ابنه الكبير أو اي حد من اللي تبعه
عشري….معايا رقم ابنه و اخوه بس هما كمان مقفولين
فضل….طب والعمل ؟
صرخوا البنات تاني بخوف لما سمعوا صوت قوي نازل علي الشبابيك و قاموا بسرعه من مكانهم و شدت ليله نادين و وقفوا بعيد.
رشيد….اهدوا اهدوا ده ثلج
قرب سلامه من الشباك فتح الستاره وبصلهم
سلامه….دي خربانه خالص
حسان….و العمل
عشري….مش عارف مش باين لها سفر
ايمان….انتوا لو بتفكروا ترجعوا في الجو ده منصحكوش و احتمال كبير أصلاً الكماين ترجعكم الطريق صعب و احنا جايين و مكانش كده كمان
فضل….هو مستحيل طبعاً نرجع في الجو ده أصلاً من البلكونه فوق المنظر صعب و السيول غرقت الدنيا
عسال…..طيب جرب تاني كده و اتصل عليه يمكن شبكه اصلا طبيعي الشبكه في الجو ده تبوظ
ليله….اسفه لو بتدخل بس انتوا بتتكلموا علي سالم صاحب الڤيلا
عشري….ايوه هو كلمك ؟
ليله…..لا انا بحاول اتصل عليه بس مقفول
عشري….نفس الوضع
نعيمه….طيب مش معاكم رقم تاني ليه؟
عشري….معايا رقم ابنه وأخوه بس هما كمان موبيلاتهم مقفوله
سلمي….طيب عادي يمكن نايمين أو شبكه زي ما قولتوا اكيد هيظهر خصوصاً أنه المفروض يجي يستلم منكم و يسلمنا
ايه….ايوه و لسه في وقت احنا اللي جينا بدري
عشري…..سالم بيصحي من الفجر يعني مش نايم و بيتهيألي أغلبنا الشبكه معاه كويسه متأثرتش بالجو
ايمان….عادي يمكن في مكان مش فيه شبكه
عشري….هو وابنه وأخوه مستحيل المشكله ان مستحيل نسافر في الجو ده و لازم نوصل لسالم عشان يشوفلنا مكان تاني
ليله…امممم طيب عموماً الساعه عشره و نص يعني لسه قدامنا حوالي ساعتين مثلاً يمكن يظهر
سلمي…..طيب لو مظهرش ؟
عشري…..متقلقيش يا انسه لو مظهرش اكيد هنمشي هشوف اي مكان أو هنسافر و زي ما تيجي تيجي
ايمان….تسافروا ايه ؟! انت اكيد مش مستوعب الطريق عامل ازاي بيتهيألي اللي يسافر في جو زي ده يبقي بينتحر صوت الهواء لوحده مرعب
عشري….مفيش في ايدنا اي حل
ايمان…اكيد هتتحل لسه في وقت و بعدين انتوا دخلتونا و رفضوا نفضل بره اكيد مش هنسيبكم تمشوا في جو زي ده قبل ما يظهر سالم
سلمي…..علي فكره انا مقصدتش حاجه انا بس بسأل لو مظهرش هيبقي ايه العمل
عشري….عارف يا استاذه بس حقك طبعاً أصلاً الوضع كله بايظه
عسال….عامله ايه الوقت ؟
بصتلوا نادين و هزت راسها
عسال شاور علي دونها سحبت السماعه و بصتلوا
عسال….بقولك عامله ايه الوقت؟
بصت نادين بخوف علي الشباك لما سمعت الصوت و بسرعه لبستها تاني
ايه…..هو ايه صوت التكسير ده لا يكون في العربيات
راحت ليله وقفت جنب الباب كان في حيطه كبيره بس زجاج بصت علي العربيات
ليله…..مش باين حاجه بس ايه المايه دي كلها دي وصلت لنص العجل
حسان….ما انا بقولك من البلكونه المنظر فظيع دي سيول
عشري….فضل تعالي
قرب منه فضل و بعدوا شويه عند المطبخ
فضل…..نعم
عشري…..حاول كده تجرب اي حد من معارفنا هنا يلاقيلنا اب مكان نفضل فيه
فضل….معايا رقم جبالي و حيدر
عشري….جبالي مقفول هو كمان شوف حيدر كده انا مش معايا رقمه
فضل…..استني طيب
راح فضل جاب موبايله و اتصل و بعدين بص لعشري
عشري….ايه بيرن
فضل…..غير موجود بالخدمه
عشري….يعني ايه
فضل….مش عارف في حاجه غلط
قرب منهم رشيد
رشيد….في ايه؟
عشري…..مفيش بنحاول نلاقي اي حد من معارفنا بس اللي مقفول واللي غير موجود بالخدمه
رشيد…..طب وبعدين احنا صعب نمشي في جو زي ده الطريق هيبقي صعب
عشري….و اكيد مش هينفع نفضل هنا أصلاً احنا المفروض نكون الوقت بنجهز عشان نسلمهم الڤيلا
رشيد….طيب هنعمل ايه خلينا نستني شويه يمكن حد فيهم يرد و بعدين هما بنفسهم قالوا نفضل لحد ما نوصل لسالم
عشري…..شكلهم تعبانين يا رشيد واكيد محتاجين يرتاحوا و يغيروا اكيد مش هيعرفوا يعملوا ده في وجودنا
فضل….طيب انا عندي حل مؤقت لحد ما يردوا علينا
عشري….حل ايه ؟
فضل…الڤيلا اربع اوض نروح نفضي اوضتين منهم مؤقتاً ونحط شنطنا في الاوضتين التانين عشان لو حابين يرتاحوا يغيروا انت شايف غرقانين ازاي من المطر
رشيد….انا شايف أن فضل بيتكلم صح يعني علي الاقل متبقاش قلة ذوق مننا لو فضلنا سايبينهم كده قاعدين في مكان واحد مش عارفين يتحركوا
عشري….بقلة حيله ماشي بس انا مش عايزهم يفكروا أننا بنقسم التوصل و بنحطهم قدام الأمر الواقع
رشيد….لا هنقولهم مؤقتاً لحد ما نمشي بس و نلم حاجتنا بس عشان يبقوا علي راحتهم واضح انهم مش نايمين كمان في الطريق
عشري…..طيب اطلع يا فضل و خد معاك حد من الشباب فضوا اوضتين
رشيد….تعالي انا هطلع معاك
فضل….ماشي يلا حسان تعالي معانا
طلعوا علي فوق الثلاثه.
قربت نعيمه من ليله بهمس
نعيمه….هما طلعوا ليه ؟
ليله…..واحنا مالنا
نعيمه…واحنا مالنا ايه الثلاثه كانوا عاملين يتوشوشو و بعدين طلعوا
ليله….يمكن بيلموا شنطهم أو بينزلوها
نعيمه….ولا بيتفقوا علينا ؟
ليله…..بيتفقوا علي ايه انتي يابت شاربه حاجه
نعيمه….وليه لا البلد خربانه و فرصه يستفردوا بينا
ليله….بضحك انتي دماغك باظت من قلة النوم شكلك
نعيمه….طب بقولك ايه
ليله….قولي
نعيمه….احنا هتفضل بلبسنا كده انا عايزه اغير و بعدين حاسه اني بردت
ليله….والله وانا كمان بردانه استني لما ينزلوا من فوق نستأذنهم نطلع ثواني نغير
نعيمه….نستأذنهم ده ايه الڤيلا خلاص مش بتاعتهم
ليله…..و لا بتاعتنا هما لسه المفروض ميسلموهاش الوقت و بعدين اكيد حاجتهم في الاوض فوق يعني لازم نستأذنهم يا سوسه
نعيمه…طب يارب نخلص قبل ما انشف من البرد
ليله….الوقت ينزلوا
سلمي….ايه المناظر دي
ايه….بصي الڤديو ده لقريه في الأرياف متدمره
نعيمه….في ايه قرية ايه دي
ايه….مش عارفه في الأرياف مكتوب
سلمي….جماعه الدنيا بايظه خالص تقريباً البلد كلها بايظه يعني مش محافظات بس
ايمان….يعني ايه مش محافظات ؟
سلمي…..بصي كده يعني مش القاهر و هنا بس ده الفيس و الانستا كله منزل فديوهات و صور و اخبار صعبه
ايه….الحقوا دول أعلنوا حالة الطوارئ في البلد
سلامه….عسال فين ريموت التلفزيون ده افتح كده خلينا نشوف الاخبار
عشري…..بغضب بسيط الموبايلات مقفوله كلها بردوا
سلمي…..يا تري بابا عامل ايه انا خايفه اوي عليه و مش عايزه كل شويه اكلموا عشان ميقلقش انا قولتله أن الوضع تمام
ايه….تمام ايه اكيد عرف أن البلد كلها بايظه
ايمان…..انا كمان خايفه علي ماما وبابا و اخواتي انا هكلمهم
ليله….بس حاولي متقلقهمش بردوا
نعيمه….ليله انتي كلمتي حد من اخواتك
ليله….لا معرفش نايمين و لا صحيوا مش عايزه اقلقهم
نعيمه….اكيد صحيوا هو ده جو حد ينام فيه
ليله….أما اكلمهم انا كمان و اطمن عليهم
بعد عشر دقائق قفل ا البنات مع أهلهم و كل واحد فيهم اطمن علي أهله و طمنوهم عليهم بس الوضع مكانش يطمن خالص كل واحد فيهم قالهم علي الكوارث اللي حواليهم.
نزل في الوقت ده الشباب
عشري…..ايه خلصتوا
رشيد….اه الاوض جاهزه
فضل…..حد رد عليك
عشري….كله مقفول و المصيبه الاكبر أنهم أعلنوا حالة الطوارئ يعني مش هينفع نسافر
رشيد….اهو ده اللي كان ناقص
حسان….أن شاء الله يردوا استنوا بس الوضع لسه مش مستقر
فضل…بقولك ايه قولهم بقي عشان واضح البنت اللي كانت تعبانه نامت علي بار المطبخ
بصوا علي نادين أقواها مربعه أيدها علي الرخامه و السماعات في ودمها وسانده راسها ومغمضه عينها.
رشيد….بصوت عالي نسبياً طيب يا جماعه لحد ما سالم أو اي حد من معارفنا يرد الشباب فضوا اوضتين عشان لو حابين ترتاحوا أو تغيروا هدومكم
فضل…..الڤيلا انتوا اكيد عارفين انها اربع غرف معلش جهزنا اتنين و نقلنا حاجتنا في الاتنين التانين مؤقتاً بس لحد ما نمشي
عشري…..احنا بنعتذر علي الوضع ده بس معلش استحملونا يعني وضع مؤقت بس لحد ما نمشي.
ليله….أولاً شكراً بجد لأن احنا حابين نغير
هدومنا اللي اتغرقت دي ثانياً احنا اللي بنعتذر عشان جينا من بدري ازعجناكم
رشيد….ازعاج ايه مفيش اي حاجه احنا اللي بنعتذر أننا مجهزناش باقي الاوض معلش لسه محدش فينا لم شنطته
بس قولنا الاوضتين دول يوفوا بالغرض مؤقتاً
ايمان…..هي نادين نايمه ؟
قربت منها سلمي
سلمي…..نودي نودي اه دي نامت
رفعت نادين راسها و شالت السماعه
ايمان….نادين قومي اطلعي فوق نامي شويه
نادين…لا لا مش هنام فوق انا
فضل….متقلقيش الشبابيك مقفوله و جهزنا الغرف ليكم ارتاحوا شويه
نادين….لا لا انا مش عايزه انام
ليله….طيب تعالي غيري و انزلي تاني يلا قومي
قاموا البنات راحوا مسكوا شنطهم
عسال….سيبوا الشنط هطلعها انا
سلامه….بتعملوا ايه احنا هنطلعها
ليله….لا لا شكراً احنا هنطلعها
عشري…..سيبوا الشنط احنا هنطلعها يلا اطلعوا انتوا
ايمان…..احنا مش عايزين نتعبكم
عشري….مفيش تعب
طلعوا البنات و طلعوا الشباب شنطهم و شاوروا علي الاوض الفاضيه و كل ثلاث بنات دخلوا اوضه عشان يغيروا و يرتاحوا
نزلوا الشباب علي تحت عشري كان باين عليه أنه مش طايق نفسه.
حسان… ايه يا شباب هنعمل ايه ؟
سلامه…بأبتسامه عشري مش طايق نفسه
عشري….بصلوا و هو التليفون علي ودنه اكيد مش طايق نفسي الوضع اللي احنا فيه زي الزفت
رشيد….ايوه يا عشري بس احنا مش في الوضع ده بمزاجنا
عشري….ماهو ده اللي هيجنني بس لو اوصل لسالم كل حاجه هتتحل
ياحسان…طيب و لو معرفتش نوصل ليه ولا نوصل لاي حد من معارفكم هنعمل ايه اكيد مش هنخرج ندور علي اي حد يكون بيأجر ڤلل أو شاليهات
عسال….حتي لو عملنا كده انت متخيل أننا لو عرفنا نخرج اصلا هنلاقي حد انت مش شايف السيول بره عامله ازاي
حسان….لا شايف و من فوق المنظر صعب و مفيش حد بره أصلاً مننا للبحر
سلامه….صحيح شوفتوا منظر البحر عامل ازاي
رشيد….خدوا بالكم الوضع ميطمنش خالص يعني مش موضوع سيول و برق ورعد دي البلد كلها بايظه و ادام أعلنوا حالة الطوارئ يبقي الموضوع ممكن يخرج عن السيطره
عسال…الله يبشرك بكل خير
رشيد…و انا جايب الكلام من عندي ما هي باينه
حسان….ايوه بردوا هنعمل ايه لو معرفناش نتصرف
فضل….مالك ماسك في نفس النقطه ليه اكيد هنشوف حل
حسان….ابوه ايه هو الحل يا فضل انا ماسك في نفس النقطه لأننا حقيقي لازم نفكر بجد شويه لو كل حاجه اتقفلت في وشنا هنتصرف ازاي اكيد مش هنفضل في العربيات لأن ده مش امان صوت التكسير بره قوي و وارد جداً الشبابيك تكون اتدمرت
عسال…..حسان بيتكلم صح الثلج فوق مغرق البلكونه مكنتش عارف افتح الشباك
عشري….طب ايه العمل يا حسان بتفكر في ايه لو معرفناش نتصرف اكيد مش بتفكر في اللي فهمته
حسان…..عندك حل تاني يا عشري
رشيد….فهمونا بتتكلموا في ايه طيب
سلامه….انتوا بتفكروا أننا نفضل هنا صح
حسان…ليها حل غير كده
عشري….صعب يا حسان مش هينفع
حسان…..امال نخرج نموت بره فكر بالعقل يا عشري دي القيامه قايمه بره
فضل…..صراحه حسان معاه حق
سلامه….انا كمان شايف انها لو قفلت خالص مفيش غير الحل ده خصوصاً ان احنا مضطرين يعني مش بمزاجنا
عشري…..يا شباب مينفعش حتي لو ده الحل الوحيد هما هيوافقوا
عسال….بيتهيألي احنا لو قولنا نمشي أصلاً هما ممكن يرفضوا عشان الوضع بره يعني ممكن يعتبروا أنه رد جميل
عشري…رد جميل عن ايه يا عسال عشان دخلناهم ساعتين كده او كده هما كانوا هيوصلوا يعني لو فرضنا مكانوش وصلوا بدري و كانوا وصلوا في معادهم و الدنيا خربت كده كان هيبقي وقتها في رد جميل
عسال….اه يا عشري ليه لا بيتهيألي باين عليهم انهم محترمين و جدعان يعني إنسانياً علي الاقل
عشري….إنسانياً ازاي بس هما مش مجبرين يتحملونا ميعرفوناش يا عسال و الوضع ليهم هيبقي محرج ياريت كانوا شباب اللي وصلوا كان وقتها هيبقي فيها كلام تاني لكن المشكله ان كلهم بنات
سلامه….خلاص خلينا نستني و منسبقش الأحداث
حسان…..بس انا شايف اننا لازم نسبق الأحداث
سلامه….افرض رفضوا يا حسان هنقعد.غصب عنهم
حسان….اكيد لا بس وقتها يبقي فيها كلام تاني
عسال…..بس انا شايف أنهم هيوافقوا و مش بس كده هما اللي هيطلبوا مننا من غير ما احنا نعرض عليهم
فضل….هو انت ليه واثق كده
عسال…..مش مسألة ثقه بس مجرد احساس خصوصاً أن الموضوع لا بمزاجنا ولا بمزاجهم و الاهم من كده هما بيتهيالي يعني صعب يقعدوا في جو خربان زي ده لوحدهم
رشيد….تقصد يعني أنهم ممكن يخافوا
عسال….احتمال كبير أصلاً الجو بره يخوف اي حد مش هما بس زي ما حسان قال القيامه قايمه بره و بعدين سالم موبايله مقفول يعني لو حصل معاهم اي حاجه مش هيلاقوا حد يلحقهم
عشري….هو احتمال كويس يعني لو فعلاً خافوا و محبوش يبقوا لوحدهم هيوافقوا أننا نبقي معاهم
سلامه….خلاص يبقي زي ما قولت بلاش نسبق الأحداث و نشوف هيحصل ايه
……….
في غرف البنات خرجت ايمان و سلمي و ايه راحوا علي الاوضه التانيه خبطوا وفتحوا.
نعيمه….خضتوني بحس حد من الشباب
ايمان….لا متقلقيش هما تحت بس جينا نتكلم معاكم
نعيمه…في ايه
ليله….ادخلوا طيب واقفلوا
سلمي….نوي عامله ايه الوقت
نادين…..نزلت التيشيرت بعد ما غيرت الحمد لله احسن كتير
ايه….روقي كده يا نودي و متخافيش احنا كلنا معاكي
نادين…بابتسامه متقلقيش انا زي الفل بس هموت وانام
ايه…..وانا كمان والله
سلمي….انتي اكتر حد نمتي و معرفش ازاي نمتي من سي ميلو
ايه….باست ميلو و حضنته انا واخده عليه عادي
ايمان….طيب اقعدي بقي انتي و سي ميلو خلينا نتكلم شويه
ليله…..شكلك جايه تتكلمي في وضع الشباب معانا صح
ايمان….اكيد طبعاً قولولي هنعمل ايه في الورطه دي البلد مقلوبه و بيقولوا انها زاهره غريبه و مش مفهومه ماما بتقولي الدنيا بايظه عندهم و في خسائر كتير
سلمي…..و إعلان حالة الطوارئ ده معناه ان اي طريق سفر اكيد هيتقفل لأن محدش متوقع ايه اللي ممكن يحصل الساعات اللي جايه خصوصاً أن اللي حاصل بره ده مجرد بداية
نعيمه….ايوه صح ده مكتوب أن الساعات الجايه هي الأخطر يعني من بداية الساعه خمسه احتمال الموضوع يسوء اكتر
ليله….ايوه مش فاهمه بردوا انتوا بتلفوا وتدورا علي ايه
سلمي…لا بنلف ولا بندور بس يا ليله انا عن نفسي شايفه أن الموضوع مش الطف حاجه يعني لا هينفع الشباب يمشوا في الجو ده و يسافروا ولا سالم ده بيرد و كمان معاهم ارقام ناس تانيه ومش عارفين يوصلوا ليهم فا كده الموضوع بيروح ويجي علي أنهم احتمال يفضلوا هنا وبصراحه ده مش وضع كويس
نعيمه….صراحه انا كمان مش حاسه الموضوع يعني هنقعد ازاي مع بعض مش حلوه
ليله….عندك حل تاني
سلمي….يعني ايه شكلك موافقه؟
ايمان….شوفتي اهي رأيها طلع من رأيي اصل انا وسلمي مختلفين علي النقطه دي.
ايه….وانا مش معترضه بس كمان قلقانه دول ست شباب يا ليله و احنا لوحدنا و في نفس الوقت مقدرش اتحمل ذنبهم لو سافروا وجرالهم حاجه
ليله….ايه يعني ست شباب هو العدد اللي فارق معاكي
ايه…..لا مش كده بس عددهم قد عددنا يعني لو أقل و حد فيهم فكر يعمل حاجه اكيد هنقدر عليهم
ليله….بضحك انتي يا بت عبيطه ليه حسستيني أنهم متحرشين و لا مجرمين الشباب باين عليهم محترمين و غير كده ان شالله يكونوا عشره حتي مستضعفه نفسك ليه
ايه….بضحك عشان انا مش حمل قلم واحد لو حد فيهم فكر يقربلي هستسلم عشان مليش في الفرهده
نعيمه….اه يا سهله يا رخيصه
سلمي….اهو كلامها ده لوحده اللي يخليني رافضه الموضوع
ايمان….يا بنات هما كانوا محترمين معانا و دخل نا يعني طلبنا منهم ندخل بس نادين رفضوا أننا نفضل بره حتي لما جينا نجيب العربيات محبوش أننا نخرج تاني في الجو ده و صاحبهم اتعور و اتبهدلوا
سلمي….ايوه مش يمكن بيجروا ناعم يعني زي ما احتجناهم هما كمان هيحتاجونا
ايمان…لا يا سلمي لما وصلنا كان مطر جامد و هواء و ثلج بس كان الوضع لسه في الاول إنما الوقت الدنيا خربت خالص يعني مكانوش يعرفوا أن كل ده هيحصل
ليله….وحتي لو بيجروا ناعم زي ما قولتي يا سلمي ده معناه إنهم محتاجينا يعني بيتهيألي صعب نتخلي عن حد في وضع خطير زي ده و انا عن نفسي اكيد مش حابه الموضوع بس لو محدش فينا عرف يوصل لسالم أو هما معرفوش يوصلوا لاي حد معرفه و الوضع باظ اكتر هنسيبهم يا بنتي حتي لو فكروا يخرجوا العربيات العجل بتاعها مبقاش باين يعني مش هيعرفوا يمشوا
سلمي….العربيات بتاعتهم دفع رباعي و عاليه يعني يقدروا يتحركوا بيها
ايمان….يا بنتي ولو اتحركوا هيروحوا فين هيتحركوا ازاي علي الطريق
ليله…..و بعيداً بقي عن كل ده انا شايفه الموضوع بشكل تاني خالص
نعيمه….ازاي
ليله…شايفه أن احنا اللي محتاجينهم مش هما علي فكره
سلمي….محتاجينهم في ايه ؟
ليله….اقولك أولاً احنا جايين هنا في توقيت الدنيا فيه بتبقي فاضيه مش هتلاقي حد موجود هنا غير اللي دماغه رايقه زيينا ويحب يسافر في الجو ده و الهدوء ده يعني من الاخر مش هتلاقي حد يساعدنا ثانياً زي ما قولتي يا سلمي عربياتهم دفع رباعي إنما احنا عربياتنا شويه وهتلاقيها غرقت و لو علي كلامكم الساعات الجايه هتبقي الأخطر معناه اننا هتبقي في ورطه حقيقيه حتي عربياتنا احتمال تبقي عطلانه ثالثاً لو حصل اي حاجه يبقي معانا حد يقدر يتصرف و مننكرش أن لما نادين تعبت كلنا من خوفنا عليها معرفناش نتصرف اينعم الشاب اللي ساعد نادين معملش حاجه بس علي الاقل كان فاهم يتعامل ازاي معاها انا في العموم لو موافقه أنهم يفضلوا فا ده عشان الصح اكيد مش حابه اي شخص يتأذي يعني الموضوع مش مصلحه بس لو هنفكر في مصلحتنا وجودهم ضروري
ايمان…..صح انا مع ليله
نعيمه….هو كلام مقنع بصراحه بيتهيألي لو الدنيا باظت اكتر مش هنقدر نتصرف لوحدنا خصوصاً أني مش شايفه اي حد بره البلد ملهاش صوت كل واحد في مكانه و قافل عليه و احنا هنا مش في القاهره نقدر نتصرف احنا في مدينه تانيه و مرعوف عنها الهدوء
ليله….بالظبط ده اللي بيقولوا
ايه….انا اقتنعت بصراحه بس لسه خايفه من موضوع أننا نبقي مع شباب غريبه
و كمان بصراحه مش عارفه بابا لو عرف هيعمل ايه
سلمي…..ده اللي مخوفني بصراحه
ليله…..بسيطه مش هنقول اي حاجه مع اني يعني عارفه عمو احمد كويس و لو عرف الوضع اللي احنا فيه ده هيعذرنا و رأيه هيبقي من رأي اكيد مش هنعرض اي شخص للاذي في موقف زي ده
ايمان…..خلاص يبقي محدش يقول و لو حبيتوا تقولوا ابقوا قولوا لما ترجعوا
سلمي….انتي ساكته ليه يا نودي ما تقولي حاجه
نادين….انا بصراحه مش فارق معايا يعني لو فضلوا معانا بيتهيألي مش مشكله يعني في النهايه كلنا مضطرين نتقبل الوضع اللي احنا فيه و زي ما ليله قالت شكلهم محترم و واضح يعني انهم مش شباب صغيرين و تافهين موقفهم معانا كلنا كان كويس بجد و بعدين محستش اني خايفه من اي حد فيهم بصراحه فا انا مع ليله و ايمان اكيد مش هنسيبهم في وضع زي ده
سلمي….ياريتني ما سألتك
ايمان….يا بنتي انا نفسي اعرف انتي خايفه من ايه
سلمي….مش حوار خوف والله بس احراج يا جماعه ازاي نقعد مع ست شباب لوحدنا
ايمان….هو احنا هننام في حضنهم انتي كمان
سلمي…ايوه بس يعني احنا كنا جايين نتبسط و نقضي وقت مع بعض براحتنا كده احنا هنعمل حساب لكل حاجه بنعملها
ليله….و ايه اللي كنتي ناويه تعمليه أن شاء الله مش هتعرفي تعمليه في وجودهم
سلمي….بضحك يعني نلبس براحتنا نرقص نلعب اي حاجه
ايمان…..و هما اللي هيوقفوكي يعني و بعدين رقص ايه اللي هترقصيه والدنيا خربانه بره يا بقره
سلمي….بضحك لا ما كده السفريه تبقي باظط خالص نعمل اي حاجه عشان نحس انها مباظتش
ليله….بضحك هي عين امنيه الكلب اختك يا ايمي
ايمان….ايوه صح نرجع بس بالسلامه و هعلقها
نعيمه….طيب انتوا كده استقريتوا علي ايه
ليله….ولا حاجه لو سالم مظهرش لا هو ولا الناس اللي تبعهم هنرضب بالأمر الواقع
سلمي….ايوه بس مش هنروح نقولهم خليكم مش للدرجادب يعني انها تيجي مننا
ليله….مننا أو منهم في النهايه النتيجه واحده اكيد مش هنسيبهم يمشوا في الجو ده خصوصا أن وضعهم محرج اكيد هيحاولوا يمشوا عشان نكون براحتنا و اكيد هنمنعهم
ايه…..نودي نامت
ليله….سيبها نايمه فضلت صاحبه طول الطريق و خافت اوي خلوها ترتاح
سلمي….انا عايزه انام اوي بس خايفه
ليله….خايفه من ايه نامي بلاش عبط
سلمي….انام و هما تحت لا مش هعرف
ليله….انا صاحيه مش هنام و هنزل تحت كمان اللي عايز ينام ينام
ايمان….انا كمان هفضل صاحيه مع ليله ناموا شويه لحد ما نشوف هنعمل ايه انا هروح اكمل لبس يا ليله و نبقي ننزل مع بعض
ليله…..طيب تمام
مر حوالي نص ساعه نامت نادين و سلمي و ايه و نعيمه كل واحد فيهم حط راسه علي اساس يريح جسمه بس النوم غلبهم
في الأسفل
كل شاب كان قاعد بعيد عن التاني اللي واقف قدام الشباك واللي قاعد يغير القنوات في التلفزيون ويتابع اللي بيحصل علي قنوات الاخبار و اللي ساند راسه علي الكنبه و اللي بيجرب يتصل علي اي حد ينقذهم من الموقف اللي هما فيه.
الساعه دخلت علي 12 الضهر و لسه مفيش اثر لسالم أو اي حد يعرفوا كله موبايلاته مقفوله و الوضع بره بقي كارثي بمعني الكلمه السيول مش بتقف شبكات الموبايل بدأت تتأثر التحذيرات شغاله في التلفزيون و علي شبكات التواصل الاجتماعي مش بتقف و بره الڤيلا الوضع ميطمنش البحر عالي جداً صوت تكسير جاي من كل مكان السماء نفسها شكلها مرعب حتي النهار مش باين إذا كان بداية اليوم او في آخره خلاص كأنه وقت المغرب الشمس مش باينه طول الوقت عمدان النور من بعيد عماله تعمل شراره كراسي و شمسيات الڤلل اللي قريبه منهم كلها بتطير.
سلامه….كان واقف وساند بأيده علي الزجاج و فجأه بصلهم لقائهم هما كمان بيبصوا لبعض زلزال صح
حسان….اه انا حسيت بيه
فضل….اااااالله كده خربت
عسال….ده تاني زلزال انهارده بتاع الصبح انا محستش بيه بس عرفت أنه حصل
رشيد….وبعدين هنعمل ايه ؟
عشري….بتوتر ساب الموبايل و هو باين عليه الغضب مش عارف اوصل لاي حد بقولكم ايه خلينا نطلع نلم شنطتنا و نمشي
سلامه…..نمشي ازاي يا عشري
فضل…..عشري انت شايف الدنيا فيها ايه
عشري….اه بس انا مش هفضل تحت رحمة الوضع اللي انا فيه
حسان….وهو بمزاجنا يا عشري
عشري….لا مش بمزاجنا بس حتي البنات مقالوش حاجه و اكيد مستنين أننا احنا اللي نقول و ده مش هيحصل عشان لا نحرجهم ولا يحرجونا فا انا شايف اننا نمشي قبل ما الوضع يطربق علي راسنا اكتر
رشيد….انا ممكن لقولهم عادي في النهايه احنا مجبرين
عشري….لا يا رشيد مش هينفع هما كمان وضعهم مش احسن من وضعنا و مش حابب أنهم يقبلوا وهما مجبورين اسمعوا الكلام و خلونا نقوم الوقت قبل ما الدنيا تبوظ اكتر يلااا مش عايزين نعمل نفسنا
قاموا الشباب بقلة حيله مجبورين علي وجهة نظر عشري و في نفس الوقت شايفؤن أن معاهم حق البنات ممكن تقبل و هما مجبورين
نزلت ليله وإيمان في الوقت ده لقولهم واقفين كلهم و باين أنهم كانوا طالعين
ليله….هو ده زلزال ولا ايه؟
حسان….ايوه فعلاً حسينا بيه
ايمان….بس بيتهيألي كان قوي
سلامه….ربنا يستر باين كده انها مش هتعدي
عشري…..ااااا طيب اولاً احنا كنا حابين نشكركم علي استضافتكم لينا الشويه دول و اسفين لو ازعجناكم المفروض كنتوا تيجوا تلاقوا المكان افضل من كده عند التسليم بس زي ما انتوا شايفين الدنيا اتقلبت فجأه و محدش كان متوقع اللي حصل فا بنعتذر مره تانيه أن شاء الله نص ساعه بالكتير و الڤيلا هتكون فاضيه.
ايمان…..هو سالم رد عليكم؟
فضل…..لا سالم مش ظاهر لا هو ولا ابنه ولا اخوه ولا اي حد من الناس اللي نعرفهم في دهب
ليله…..ايوه واااا ؟؟
فضل….مفيش هنمشي
ليله….تمشوا ازاي يعني ؟
رشيد….بيقولوا أن الساعات اللي جايه هتبقي خطر فا دي فرصه أننا نمشي الوقت قبل ما الدنيا تبوظ اكتر
ليله…..تبوظ اكتر من كده ده عجل العربيات مبقاش باين
حسان….احنا هنتصرف يعني هنمشي واحده واحده كده وربنا يسترها
عشري….سواء ظهر سالم أو لا كده كده انهارده كان اخر يوم لينا يعني كنا ماشين فا نعتبر أن مفيش حاجه حصلت و نتوكل علي الله قبل ما الوضع يبقي اسوء
ليله…..ايوه انتوا كنتوا ماشين و اخر يوم ليكم بس ده قبل ما الجو يقلب بالمنظر ده يعني كده الوضع اتغير
عشري….ماهو اتغير بس سالم أو اي حد يعرفوا كان الحل للوضع ده يعني كنا هنقعد يوم او اتنين في اي مكان لحد ما الجو يهدأ بس للاسف ملهمش اثر
ايمان…..بس انت ناسي أنهم أعلنوا حالة الطوارئ يعني احتمال كبير أصلاً يرجعوكم
عشري….أن شاء الله مش هيحصل خليها علي الله
ليله….سوري يعني انا مش قصدي أتطاول عليك بس انت مجنون بجد
عشري….بابتسامه بسيطه لا خالص بس معنديش اوبشن تاني
ليله…..لا في اكيد يعني لسه منتهتش حلول الأرض
عشري…..ايوه وايه هو
ليله…..تفضلوا هنا لحد ما الجو يهدأ أو يمكن سالم يظهر حتي لو علي بليل بكره اكيد مش هيختفي العمر كله
عشري…..ولو مظهرش ؟! يعني لحد الوقت محدش فينا عارف ايه الخساير اللي حصلت واللي لسه هتحصل واختفاء سالم و ابنه وأخوه مش طبيعي و وارد يكون حصل معاهم اي حاجه
ليله….يبقي احنا مضطرين نفضل مع بعض لحد ما اي حد يظهر او الجو يتحسن لو الساعات اللي جايه خطر اكيد مش هتفضل العمر كله يمكن علي بكره الوضع يتحسن
عشري….انا بشكركم طبعا علي موقفكم بس صدقيني مش هينفع يمكن الوضع يتحسن زي ما بتقولي علي بكره و يمكن كمان الساعات اللي جايه تخلي فعلاً الوضع أخطر مما كنا نتخيل و يبقي وقتها صعب نمشي من هنا لفتره محدش يعلمها
فضل…..عشري طيب نفكر شويه بلاش نجاذف انا شايف أنهم بيتكلموا بعقل و كفايه اصلا أنهم فكروا فينا
عشري…..فضل قراري نهائي انا عارف بقول ايه الوضع هيسوء اكتر جروبات السواحليه و جروبات العرب كلهم بيقولوا أن في إعصار يعني مش هتخلص علي كده كمان مينفعش نبوظ اجازتهم
ايمان…..ماهي كده كده باظت خلاص انت متخيل أننا ممكن نقضي اجازتنا في وضع كارثي زي ده
رشيد….هو لو الوضع اصلا زي ما بتقول بيتهيألي هما كمان مينفعش يفضلوا لوحدهم هنا لو لا قدر الله حصل اي حاجه مفيش حد معاهم بس طبعاً براحتكم لو حابين تفضلوا ده مجرد رأي شخصي
ايمان…..هو اللي انا شيفاه صح اكتر أن لا احنا ولا انتوا نمشي هنا مهما كان الوضع سئ بس في النهايه احنا هنا في امان اكتر من بره
عشري…..رشيد بيتكلم صح الوضع فعلاً هيبقي كارثي اكتر و انتوا كمان لازم ترجعوا بس لو مش حابين براحتكم عموماً احنا لازم نتحرك و منضيعش وقت يلا يا شباب بسرعه
سلامه….بقلق يا عشري استني
حسان….خلاص دماغه قفلت انسي
عسال…..بس مينفعش ينشف راسه الدنيا خربانه وهتخرب اكتر انتوا عارفين فيها كام ساعه علي ما نوصل يعني اكيد هيحصل حاجه علي الطريق
فضل….لو من الساعه خمسه الدنيا هتبوظ اكتر ممكن نشد شويه علي الطريق لسه الساعه 12
سلامه…..نشد ايه احنا بسبب الجو ده مش هتعرف نتحرك غير علي أربعين سرعه يعني هناخد وقت أطول من العادي الضعف
ايمان….خلاص اقتنعوا
فضل…..ابن عمي دماغه ناشفه وانا عارفه صعب خصوصاً أن انتوا اللي معانا لو كان شباب كان الوضع اختلف
ليله….بغضب بسيط علي فكره اللي المفروض يرفض أصلاً هو احنا اكيد يعني مش حابين نقضي اجازتنا مع شباب منعرفهمش في بيت واحد بس احنا مضطرين عشان مصلحتكم و سوري بقي ابن عمك ده مختل عقلياً
فضل….بابتسامه لا والله هو طيب بس مش حابب يسببلكم احراج عايزكم تبقوا براحتكم
ليله…..بس احنا مجبرين كلنا علي الوضع ده يعني لو قلبنا الموقف واحنا اللي كنا ماشيين وانتوا اللي لسه جايين وأضطرينا نفضل هنا كان هيرفض عشان احنا مش شباب
حسان….اكيد لا بس هو شايل هم انكم يوافقوا مجبرين علي الوضع ده
ليله….يا سيدي ليه هنتجبر احنا اللي بنقولكم و بعدين لو بتتكلم علي الإجبار حالياً كلنا تحت رحمة القدر
ايمان….انا رأيي تطلعوا تقنعوا
رشيد….طيب تعالوا يا شباب خلونا نتكلم معاه علي الاقل الليله دي يمكن سالم يظهر فعلاً
فضل…..بعد اذنكم
ايمان….اتفضل
طلعوا الشباب و راحت ليله وقفت قدام الشباك
ايمان…..مالك اتعصبتي ليه ؟
ليله….عشان حقيقي بني ادم مختل محكم رأيه علي الكل هو مش مقدر خطورة الجو بره عموماً احنا عملنا اللي علينا هو حر بقي لو حد من باقي الشباب جراله حاجه يشيل هو ذنبه
ايمان….اديكي قولتي عملنا اللي علينا وعرضنا عليهم هما احرار بقي في النهايه ده قرارهم بطلي حمقه بقي
ليله….بتفرس انا من الناس اللي تحكم رأيها علي حاجه غلط يحمد ربنا أننا ماقبلين الوضع أصلاً
ايمان….بضحك لما بتقلبي يلا السلامه
ليله….لا أصله استفزني بيقولي لو كنتوا شباب كان الوضع اختلف ايه نروح نركب شنب ودقن عشان حضرته يوافق
ايمان….انا نظرتي مخيبتش فيهم قولت لسلمي وايه انهم محترمين و شكلهم بجد مش حابين يضايقونا يعني الجمله مش مقصوده زي ما فهمتيها
ليله….يقصد بقي ولا ميقصدش هو حر بقولك ايه هاتي سيجاره
ايمان….بضحك و ترجعي تقولي بتبوظيني
ليله…..يا ستي اخلصي و هاتي ما هي كده كده بايظه حرق دمي منه لله
ايمان….بضحك وهي بتديها سيجاره يابت مالك وماله احنا عملنا اللي علينا خلاص
ليله…..بصي انتي عارفه اني مش بتاعت مصلحتي بس بيني وبينك الزلزال اللي حصل ده وترني و حكاية أن الساعات اللي جايه هتكون كارثه موترني اكتر عشان كده عيزاهم يفضلوا
ايمان….يعني لو حصل حاجه هيعملوا ايه يعني هيسندوا الڤيلا ما هما هيبقوا معانا في نفس الوضع
ليله….انتي بتسظرفي ڤيلا ايه اللي يسندوها يا بنتي الموضوع اكبر من كده يعني مش موضوع زلزال بس البلد هنا هاديه و محدش عارف قعدتنا لوحدنا في جو مش مستقر زي ده ممكن يحصل فيها ايه.
ايمان….الله يخليكي بلاش توتريني خليني عامله دماغ كده و هاديه
ليله….أفضلية قولي عامله دماغ عامله دماغ لحد ما الناس تفكري بتضربي و تحششي .
ايمان….بضحك يا ستي اللي يفكر يفكر
قربت ايمان منها وقفت جنبها و بصت بره
ايمان….يا نهار اسود و منيل انا حاسه أننا في فيلم نهاية العالم
ليله….حاسه مش متأكده
سابتها ليله وراحت قعدت علي الكنبه و حطت رجل علي رجل.
فات حوالي تلت ساعه ايمان كانت لسه واقفه و ليله قاعده و بتشرب سيجاره تانيه ونزلوا الشباب و معاهم شنطهم.
بصت ايمان عليهم
ايمان….ايه لسه مصمم ؟
سلامه….حاولنا نقنعه بس هو عنده و جهة نظر
عشري…..بجد شكراً و انا مقدر جداً نصيحتكم لينا بس معلش كده افضل ليكم عشان تبقوا براحتكم
ليله…..بنظرة غضب و هي بتنفخ الدخان علي فكره حلو أن البني ادم يصمم علي رأيه يكون في علمك لو حد من صحابك جراله حاجه هتشيل ذنبه طول عمرك اما بالنسبه ليكم فكروا عشان وجهة النظر الصح عمرها ما بتطلع من مختل
قامت ليله من مكانها و راحت قعدت علي كرسي البار و ادتهم ضهرها وخدت نفس من السيجاره
الشباب كلهم ابتسموا وكتموا ضحكاتهم و بصوا لعشري اللي كان رافع حاجبه و مبتسم
عشري….بهمس لايمان هي في الحقيقه قطر كده
ايمان….بابتسامه لا والله في الحق بس وبصراحه هي معاها حق انا من رأيي تغير رأيك احنا مش معترضين علي وجودكم بس لو واخد قرار ربنا معاكم و توصلوا بالسلامه
عشري….الله يسلمك و فرصه سعيده
راحوا فتحوا الباب واول ما فتحوا لقوا في وشهم كمية هواء رهيبه كان في حوالي خمس درجات الدرجه الثانيه واصل ليها المائه و العجل كله غرقان
عسال…..بضحك ايوه وبعدين هناخدها عوم لحد العربيات
حسان….اتفضل اتصرف بقي و متنساش انك هتخرج عربياتهم الاول
عشري….بضحك حاسس في سنه شماته
فضل….حاسس مش متأكد هنعملها ازاي دي يا ابو عقل كبير
ايمان قربت منهم علي الباب و بصتلهم و ضحكت
ايمان…..سيبك من كل اللي بيحصل ده انت فعلاً هتروح العربيات ازاي
سلامه…..هيشمر البنطلون و يعوم
عشري…..معلش هستأذنك بس تجيبي مفاتيح العربيه أخرجها و بعدين هرجعهالكم تاني لما اخرج عربياتنا
ايمان…..انا رأي تفكر و تبطل عند
رشيد…..خد بالك لو مصمم هتروح تجيب العربيه لحد هنا عشان اعرف اركب انا مش هنزل في المائه
عشري…..يا سيدي حاضر بس يلا اخلصوا
قامت ليله من مكانها كانت سمعاهم قربت منهم و مدت أيدها لعشري بالمفاتيح
ليله…..المفاتيح و بيتهيألي كان لازم تلبس مايوه
ضحكوا الشباب كلهم و ابتسم عشري وهز راسه و خد منها المفاتيح
قلع الكوتشي بتاعه و فضل يرفع البنطلون لحد ركبته و بعدين بص لايمان و هو رافع حاجبه ونزل اول ثلاث درجات و في الثانيه لمس المايه
عسال…..بلاش يا عشري مش ظابطه صدقني
عشري….بعند خليها علي الله
عشري حس أن الموقف فعلاً خطير و صعب أنه يوصل العربيات بس محبش يبين ده ادام ليله خصوصا لما أكدته المفاتيح وحس من عينها بنظره تحدي
بمجرد ما نزل رجلة للدرجه الثانيه و لمس المايه كان خرج بره التنده الخشب الصغيره اللي فوق الباب و بدأت المايه تغرقه.
نزلت في الوقت ده نعيمه وهي شايله ميلو
نعيمه….ايه ده في ايه ؟
ايمان….ايه اللي صحاكي
نعيمه….سامعه صوت ميلو من الاوضه التانيه قلقت روحت خدته عشان يناموا هو في ايه
ايمان…..مفيش مصمم يمشي عشان يسيبنا براحتنا وبيحاول يخرج العربيات
نعيمه…..يمشوا ازاي ده عايم في بحر
ليله….خليه فاكر نفسه هيقدر يتحدي الطبيعه
حسان….هو المطر بيزيد ولا انا بيتهيألي
سلامه….قصدك السيول
وصل عشري لعربية ايمان و دي كانت آخر واحده مركونه بعد ما المايه كانت واصله لبعد ركبته و المطر غرق النص التاني حاول يفتح الباب كان تقيل اوي المايه مخلياه مش بيفتح لكن في النهايه فتحه ركب بسرعه و طبعاً المايه دخلت شويه جوه بس حاول يدورها مدارتش فضل يجرب اكتر من مره معرفش و للاسف عشان عربياتهم اللي جوه تخرج كان لازم يخرج عربيتها هي وليله الاول لأن المكان مش واسع ولازم يخرج بضهره.
فتح الباب تاني و خرج و بصلهم
ايمان…..هي باظت ولا ايه ؟
عشري…..مش بتدور
رشيد….و ادي اول مشكله
ايمان…..طب وبعدين هنروح ازاي
عسال…..عادي الجو يهدأ بس و اي حد يجي يشوفها بس المشكله ان عربياتنا مش هينفع تخرج إلا لو خرجنا عربياتكم
سلامه…..لعشري ايه مش بتدور خالص
عشري….المايه عطلتها
سلامه…..طب ايه كده العربيات مش هتخرج
ليله….بصوت عالي و ابتسامة شماته عادي صاحبك ساحر واكيد هيعرف يلاقي حل أصله صاحب وجهة نظر كبيره
ضحكوا الشباب كلهم علي ليله و ابتسم عشري و هو حاطت أيده في جنبه و باصص علي المايه و بيهز راسه.
نفخت ليله دخان السيجاره و هي مبتسمه
بشماته قرب عشري بقلة حيله واستسلام للوضع اللي اضطروا يتقبلوا غصب عنهم
رشيد….لف ضهره وابتسم لليله بيتهيألي شكلنا هيبقي وحش لو قولنا أننا موافقين علي أقتراحكم
ليله….خالص اتفضلوا
دخلوا بهدوء بشنطهم علي جوه و فضلت ليله واقفه علي الباب باصه لعشري بابتسامه استفزاز و شماته حاول يتخطاها بابتسامه هاديه و هو ببعض علي شفايفه
و اول ما طلع من الدرجه الثانيه فضل بنطلونه ينزل في مايه
حطت ليله السيجاره في بوئها ووقفت قدامه و حطت كفها علي صدره و قفته بصلها بصدمه و رفع حاجبه و كلهم جوه ضحكوا
ليله…..بأبتسامه وهي رافعه حاجبها شالت السيجاره و نفخت الدخان في وشه قولتلك فكر و رفضت عرضي و كانت نيتي كويسه و بكل صدر رحب كنت موافقه انا والبنات انكم تفضلوا معانا و نتشارك في نفس المكان و نرضي بالظرف اللي احنا فيه بس انت كان عندك رأي تاني و وجهة نظر تانيه و الوقت انت مضطر تدخل و بما أن وقت تسليم الڤيلا راح و المفروض انها بقت لينا فا مضطرين تقبلوا بشروطي أو تقبل انت بشروطي لفت راسها وبصت للشباب و هي بتضحك و غمزتلهم طبعاً الشروط دي يا جماعه مش عليكم لأن انتوا كنتوا موافقين
ضحكوا وهزوا رأسهم بصت تاني لعشري
بس شروطي دي عليك انت و بما انك رجعت تاني فا اهم شرط لازم تعرفه أن انا موتي وسمي اشوف مايه علي الارض يعني زي الشاطر كده تحاول تتصرف و تدخل من غير ما تنقط
عشري….بابتسامه جميله و هو متغاظ منها ودي اعملها ازاي بقي
ليله…..لا ما انت ساحر و مش صعبه عليك
اتصرف
عشري……بضحك ايه اقلع البنطلون هنا
ليله….ضحكت غصب عنها لا مش للدرجادي بس المايه اللي تنزل منك تمسحها من فضلك أصلي مش بحب شكل المايه علي الارض بتعصبني
عشري…..طيب ممكن ادخل بقي عشان بدرت و المطر مش بيقف
ليله…..اممممم ماشي ممكن
وسعت ليله من قدام الباب دخل بسرعه و قفلت وراه.
ايمان…..بضحك قربت منها و همستلها انتي كياده اوي يا بت
ليله…..مش هو اللي عمل فيها شبح يتحمل بقي
فضل….اطلع غير بسرعه عشان متبردش
عشري……فين الشنطه بتاعتي
عسال….امسك اهي
خد عشري الشنطه بتاعته و طلع بسرعه علي فوق
ايمان….يلا اطلعوا طلعوا شنطكم
عسال….بابتسامه طيب الاول هنشف المايه و بعدين هطلع
ليله…..بضحكه جميله لا مش للدرجادي يعني انا كنت برخم عليه بس عشان استفزني سيبها انا هنشفها بس قولولي فين حاجه التنضيف
حسان….هتلاقيها في الحمام اللي جنب المطبخ
ليله….تمام
رشيد…..شكراً علي ذوقكم بجد
ايمان…..مفيش شكر ولا حاجه يلا اتفضلوا
طلعوا الشباب مع بعض علي فوق و هما معاهم الشنط و بيضحكوا علي الموقف اللي اتحط عشري فيه
صوت المطر القوي صحي نادين و صحيت سلمي و ايه علي صوت ضحك الشباب
خرجوا و نزلت نادين بسرعه علي تحت و حكولهم البنات اللي حصل
سلمي….يعني كانوا ماشين بجد
ايمان…..اه والله ونزلوا بالشنط كمان
سلمي…..شكلهم محترم فعلاً
ايمان…..احنا عملنا خير معاهم ربنا بقي يكملهم بعقلهم معانا.
ايه….بقولكم ايه انتوا مجعتوش انا جعانه اوي
ليله…نشفت الارض و بصتلها اه صحيح هو سالم جاب الحاجه ولا لا
نعيمه….هو مقالكيش
ليله….لا انا بعتلوا الفلوس و قالي هيجيبها علي طول ويجيبها علي الڤيلا بس مكلمنيش من اخر مره كنا في القاهره
نادين…..دي تبقي مصيبه لو مجبهاش هنجيب اكل منين
سلمي….لا بس انا كنت بجيب مايه وشايفه في اكل
ليله….بيتهيألي ده بتاعهم
سلمي…..ميتهياليش دي حجات كتير والمفروض أنهم كانوا ماشين انهارده
ليله….معرفش بقي لما ينزلوا نسألهم
سلامه…..تسألونا علي ايه
نزل سلامه و وراه الشباب معادا عشري اللي بيغير هدومه
ليله……المفروض أن سالم كان هيجيبلنا حجات يعني اكل ومايه كده يعني
فضل….اه ده جابهم فعلاً
ليله…..اللي في الثلاجه
فضل….لا دي حجات احنا كنا جايبينها حاجتكم بره
ايمان….بصدمه بره فين
ليله…..اوعي تقولها في وشي والله ساعتها ما يخرج بره غير الساحر صاحبكم
رشيد….بضحك لا متقلقيش في اوضه صغيره بره علي الجنب
ليله….يعني هننزل في المايه
عسال….لا لا دي علي اليمين كده لو عايزين الحاجه اخرج اجيبها انا
ليله….ياريت لو مش هنتعبك
عسال….مفيش تعب ولا حاجه
فضل…..استني هاجي معاك عشان في حجات كتير
فتح عسال الباب و خرج وراه فضل ولفوا يمين فتحوا الباب و خرجوا الحاجه نقلوها جوه الڤيلا علي كذا مره وقفلوا تاني
رشيد….علي فكره هنا في حجات كتير اتبقت مننا مستخدمنهاش لسه بيتهيألي هتنفع
ليله….اكيد هتنفع احنا عددنا كبير مع اني كنت اتمني تخلص حاجتكم عشان اضايق صاحبكم
نزل عشري و ابتسم
عشري…..انتي حطاني في دماغك ليه
ليله…..وانا هحط في دماغي ليه بس مبحبش اللي يعند في الغلط
عشري…..هو انا من ناحية عنيد فا دي حقيقه بس انا معندتش في الغلط انا بس كنت حابب نسيبكم علي راحتكم يعني في النهايه انتوا مش مضطرين تتحملونا عشان وضع اتجبرنا عليه
ليله….اديك قولت اتجبرنا عليه يعني انتوا مش غاصبين علينا ولا حاجه
عشري…..بضحكه جميله ايوه بس ده مش معناه انك انتي كمان عنيده
ليله….خالص علي فكره انا لا بحب العند و لا ليا فيه بس استفزتني لما قولت لو كنتوا شباب كان الوضع مختلف حسيت اننا لازم ندور علي شنب ودقن عشان نقنعك
عشري….بابتسامه خالص والله اقصد يعني مكانش هيبقي الموضوع محرج يعني كنا هتبقي شباب مع بعض نيتي كانت خير يعني
ليله…بصت لفضل اللي كان واقف جنبها وبيضحك نيته كانت خير؟
فضل…..اه و الله لما طلعنا عشان نقنعه هو اقنعنا بوجهة نظره و كان عامل عشانكم
ليله…امممم يعني اسامه
فضل….اه وامسحيها فيا
ليله…ماشي عشان خاطرك انت بس
نعيمه….بقولكم ايه هي المائه بتاعت المطر دي ممكن تدخل هنا
رشيد…..والله كل شيئ جايز
عشري….بابتسامه يارب تدخل عشان صاحبتك تتعصب
ليله….بضحك شوفتوا بقي بيجر شكلي ازاي تصدق انا غلطانه اني نشفت المايه اللي نزلت منك و عقاباً ليك بقي هتفضي كل الشنط دي و تظبط الدنيا
عشري…..بس كده ماشي بس انا بقول بما اننا قعدتنا هتطول بقي ميبقاش في احراج بينا و بيتهيألي نفطر الاول عشان انا جعان
ايه…..اه انا كمان جعانه اوي بجد
ليله….طيب يبقي ناكل
فضل….طيب قبل ما ناكل بقي احنا كده متفقين علي أن الاوض هتتقسم بينا صح ولا ايه
نعيمه….اكيد طبعاً امال هتناموا فين كملت بابتسامه بس ممكن صاحبكم ده ينام هنام مش في الاوضه عشان ضايق صاحبتي
عشري…..بضحك الله حتي انتي انا كنت فاكره هاديه
ايمان….مين دي اللي هاديه ده واضح والله انك طيب اوي
عسال…..ابتسم طيب انا شايف أن قبل الاكل في حاجه اهم لازم نعملها
ليله….ايه هي
عسال….يعني أننا نتعرف علي بعض مش معقول نقضيها ده و دي و استاذ و انسه ولا ايه
ايمان……اه احنا متعرفناش صحيح
رشيد….يبقي انتوا الاول اتفضلوا
وللحديث بقيه……
