لقاء كارثي

لقاء كارثي
أميره أسامه
صاحبة البطل الواحد

. البارت المئه 144.

………………………..

في المخزن..

ضمت نادين نغم اوي

نادين…مبروك يا قلبي والله فرحتنه عشانك بجد

نغم….الله يبارك فيكي يا نودي انا كمان فرحانه يمكن مكنتش حاسه ان هو ده اللي عيزاه بس بمجرد ما البيت اتسجل باسمي حسيت ان روحي رجعتلي بجد

نادين….اكيد طبعاً عشان ده حقك المهم كل حاجه مشيت بخير

نغم….اه الحمد لله مع اني امبارح مكنتش متوقعه خير خالص اولا لما شوفتهم حسيت اني مرعوبه بعد كده حصل شد كتير و كنت خايفه تقلب بمشكله بس عدت

نادين…الحمد لله بكره هتروح تتنازلي

نغم….اه ان شاء الله

نادين….اهو كده بقي نبدأ نركز في حياتنا بجد و نفكر في مستقبلنا و نهتم اكتر بالشغل و تبدأي كمان تقدمي في شغلك الاساسي

نغم…..بضحكه جميله زهقتي مني

نادين….خالص والله بس انتي معاكي شهاده جميله حرام متستغليهاش لصالحك جربي حظك و برضوا اشتغلي هنا انتي وراكي ايه يعني اشتغلي هنا و في مجالك لان انتي سنك لسه صغيره و صدقيني من سن العشرين لسن 35 اكتر وقت تقدري تبني فيه نفسك لو قضيتي السنين دي في شغل جد هتبقي في حته تانيه بعد كده ترتاحي

نغم…..انتي معاكي حق عارفه يا نودي انا اوقات بستغربك يعني شكلك و طريقتك واسلوبك ميديش انك مهتمه بالشغل و بجد انتي ماشاء الله شاطره جدا و بحس اني لما بتكلم معايا اني عندي طاقه و حماس للشغل اوي

نادين….لاني بحب الشغل و الشغل الحاجه الوحيده اللي كنت بطلع فيها طاقتي كلها و كل ما كنت بنجح و بعرف اجيب فلوس و اعمل شغل تاني كنت بتحمس اكتر عشان كده بقولك اشتغلي طلعتي طاقتك كلها في الشغل و امني مستقبلك و انجحي

نغم…. بابتسامه حاضر والله هعمل كده طيب قوليلي بقي هتساعديني في اللي قولتلك عليه بخصوص البيت

نادين….طبعا هساعدك عيزاكي تبعتيلي كل تفاصيل يعني المساحه كام اوضه الدور العنوان البيت فيه غاز و عداد مايه و كل حاجه وكمان لازم اشوفوا بنفسي عشان اصوروا

نغم…..طيب هبعتلك كل التفاصيل دي بس هو احنا لازم نروح فعلا لان بصراحه مش فاكره مساحته او معرفهاش اصلا هنا اربع اوض و اتنين تويلت ومطلخ كبير ووالريسيبشن قطعتين بس كبار اوي و البلكونه بتاعت الشقه كبيره و لافه تقريباً علي جزء كبير منها