لقاء كارثي

انا كل اللي اقدر اعملوا عشانها اني ابعد عنها هاني و اي حد يفكر يمسها بس بعد ما ام/وت مش هتلاقي حد يقفلها حتي ابوها ملهوش لازمه و من زمان مش هيبقي ليها غيركم بعد ربنا و علي فكره انا سألت عليكم و عارفه كل حاجه عنكم انتوا ناس شبعانه ولاد اصول بجد و جدعان و سمعتكم سبقاكم يعني لا هتستغلوها ولا هتطمعوا فيها زي اهلها رجعت بصت لنغم و ابتسمت و نغم دموعها كانت نازله بهدوء انا هكتب كل حاجه تخصني بأسمك يا نغم مش هسيب مليم لاي حد ميستاهلش كل حاجه هتبقي ملكك بعد م/وتي الكيان اللي تعبت فيه و كل دقيقه تعب و مرمطه هتبقي ملكك محدش يستاهل غيرك و اوعي تفتكري ده تعويض عشان اريح ضميري او عشان تسامحيني او عشان مبقاش شايله ذنبك لا يا نغم انا من الاول و من قبل ما اتعب او اعرف اني تعبانه كنت ناويه اكتب وصيه و اديكي كل حاجه انتي واختك ليا بس طلب صغير ستك يا نغم امي لو م/وت و هي لسه ربنا مطول في عمرها خدي بالك منها انا عارفه انها سكتت عن الغلط كتير معاكي و يمكن كانت ام قاسيه زمان عليا قبل ما يبقي معايا فلوس اتسند عليها و شوفت منها كتير بس مهما كان هي امي اكرميها يا نغم لحد ما تقابل وجه كريم لان لو انتي مش جنبها ولا حد هيبص في وشها هنم/وت بطولها و الناس هتكتشف انها م/اتت لو ريحتها طلعت غير كده محدش هيسأل عنها
و لو بعد وقت طويل قدرتي تسامحيني ابقي سامحيني مقدرتيش عذراكي لاني عارفه ان السماح ده مش سهل

نغم…..بدموع انا مش عايزه حاجه يا مريم مش عايزه فلوسك و لا عايزه اي خاجه منك وووو يعني انتي ليه بتتكلمي علي انك خلاص هتم/وتي

مريم…بابتسامه ما كلنا هنم/وت يا نغم مفيش حد هيعمر فيها بس انا عايزه قبل ما ام/وت ابقي مفهماكي كل حاجه و اوعي تفكري انك هترتاحي بعد م/وتي الفلوس اللي هتبقي في ايدك هتفتح عليكي نار لو انتي بطولك مش هتقدري تسدي عليهم عشان كده طلبت منهم يبقوا جنبك اهلك عاملين زي الكلاب السعرانه و هيتجننوا لما يعرفوا ان كل حاجه بقت بإسمك مش عيزاهم يحسوا انك بطولك و ملكيش ضهر و عيزاكي تصحصحي و تفوقي لنفسك عشان ميضحكش عليكي اللي هيبقي في ايدك مش قليل و عشان ام/وت وانا مرتاحه و مصلحه و لو جزء بسيط من كل غلطاتي بنات محمود جوزي اللي كان سبب في كل العز ده هديهم حقهم و هكتب نصيبهم من ورث ابوهم عشان ابقي مخلصه ضميري منهم و عشان محدش فيهم يرازي فيكي هما غلابه بس الامر ميسلمش جايز يستضعفوكي لما يلاقوكي صغيره عموما انا خلصت اللي عندي