لقاء كارثي

نعيمه….بتنهيده ابتسمت يمكن لما سافرت و طول الفتره دي كنت حاسه ان السفر مغيرش حاجه او زود حالتي النفسيه و وحدتي بس لا هو اكيد ليه الفضل طبعاً حاسه ان انا مش انا

الدكتور……بمعني !

نعيمه….يعني جايز اكون اهدي شويه مرتاحه اكتر جايز كميه الحجات اللي كانت جوايا و خرجت ريحتني جايز التمارين ساعدتني كتير و جايز كمان لما بقيت لوحدي فتره ده ساعدني مش عارفه بس حاسه اني خفيفه الحمل اللي كان ضاغط عليا خف خالص او مبقاش موجود.

الدكتور….مبسوط اني بسمع منك الكلام ده اوي طيب قوليلي حد عرف انك جيتي ولا لسه؟

نعيمه…. بابتسامه لا عرفوا كلهم طبعاً البنات جم و قضينا مع بعض وقت جميل وناموا معايا اتفاجئوا مكانش حد عارف غير نادين جات خدتني من المطار بس مفاجئتهم كانت تجنن و الشباب جم برضوا و كنت مبسوطه معاهم و امبارح روحت لاهلي و قضيت اليوم معاهم يعني في حجات حلوه كنت محرومه منها وتغييرات كتير ..

الدكتور……بابتسامه طيب احكيلي الاول عن مقابله البنات ليكي بعد الفتره دي و مفاجئتهم كانت عامله ازاي وفرقت معاكي قد ايه

نعيمه….بضحكه جميله كانت تجنن فرحوا جدا دموعهم وجعتني بس فرحتني حسيت اني بجد كنت فارقه معاهم حسيت ان روحهم رجعتلهم زي ما رجعتلي اول ما شوفتهم كانوا واحشني كلهم اوي بجد و اكيد فرقت معايا مقابلتهم فوق ما تتصور

الدكتور ….مين اكتر حد دموعه فرقت معاكي او حسيتي ان لهفته عليكي كانت قويه

نعيمه…. بابتسامه كلهم والله اوي و كلهم فرقوا معايا يمكن ايه و سلمي وجعوني اوي لان انا ماشيه وانا مزعلاهم بس متخيلتش ان هما بجد ينسوا كل حاجه حضنهم و دموعهم كانوا حقيقين اوي زي الام مهما بيعمل ابنها مبتقدرش تزعل منه بجد بحبهم اوي

الدكتور ….طيب و ايمي لقائك بيها كان شكلوا ايه؟

نعيمه….بضحك كانت فقره الكل بيعيط عليا انا وهي ديماً بحس ان ايمي جامده و مش بسهوله ممكن تعيط او تتأثر بس بمجرد ما حضنتني كانت منهاره قالتلي ليه سيبتينا هوننا عليكي و الكلمه دي فرقت بجد معايا حسيت اني وجعتهم اوي

الدكتور …حسيتي انك موجوعه منها بسبب الخلاف اللي حصل قبل سفرك او حسيتي ان هي لسه بتفكر بنفس الطريقه او حتي ندمانه و مش عارفه تعتذر

نعيمه…..حضنها ليا كان صافي يعني لا هي افتكرت ولا انا محدش فينا ركز في اي حاجه غير اننا مع بعض و بس كنت وحشاها و هي كمان كانت وحشاني