لقاء كارثي
لقاء كارثي
ايمي….طيب بطلي عياط واهدي كده انتي من الاول عارفه يا امنيه انك هتقعدي بعيد عننا و قولتلك في البدايه خالص لو تفتكري ليه هتاخدوا الشقه بعيد كده قولتي مش مهم وعادي و عشان شغل عمرو صح
امنيه…صح بس مكنتش حاسه اني ممكن اوصل للحاله دي يمكن في اول الجواز مكانش حقيقي فارق معايا عمرو لسه معايا و مش لوحدي كمان كنت بروح وباجي اينعم هو اللي بيوصلني و بيوديني عشان الطريق ساكت بس كنت بغير جو الوقت يا ايمي انا بجد لوحدي هو بينزل الصبح يادوب اصحي احضروا الفطار يفطر و ينزل بسرعه يجي بليل انا ببقي واخده برشام الترجيع مش قادره اقاوم النوم و برضوا هو بيبقي راجع مش قادر و عايز ينام اوقات اقوم احضر العشاء و ناكل مع بعض اوقات باكل لوحده لان معدتي بايظه واقوات اصعب عليه و يسيبني نايمه اجي انا علي الساعه خمسه الصبح مش قادره انام خلاص صحيت نمت كتير افضل لوحدي
لحد ما يصحي يفطر ويجري واكمل اليوم روتين وزهق وملل و ياريت كل ده معايا حد تعبت بجد
ايمي…..طيب اهدي عشان خطري قوليلي طيب هو عمرو ليه مش عايز يجيبك الشقه في حاجه مضيقاه يعني
امنيه….لا خالص كل مشكلته انه مش هيقدر يقعد في الشقه بقولي ده بيتك قولتلوا مفيش حاجه اسمها كده وبعدين انت لو بتحبني بجد هتخاف عليا ومش هتبقي حابب تسيبني كده افرض حصلي حاجه وانا بعيد يقولي انا كل شويه بكلمك اقولوا طيب انا زهقانه يقولي حاضر هحاول اشوف مكان تاني بس افضي عشان معنديش وقت خالص من الشغل قولتلوا طب ليه نلف ونتعب و ندور والشقه موجوده يقولي مش هقعد في بيتك قولتلوا طيب خلاص نقفل البيت هنا و نروح بس نقعد في الشقه لحد ما اولد و نرجع تاني علي الاقل لما هرجع هيبقي معايا حد يسليني هبقي ولدت وهبقي مشغوله بس في روح معايا في البيت مش راضي يا ايمي و بقالي يومين شبه مش بنتكلم مع بعض يتصل يسال عليا و يقفل هو زعلان عشان شايف اني حاسه بزهق و فاكر اني زهقت منه و انا بجد زعلانه منه اوي لانه اول مره ميبقاش حاسس بيا
ايمي…..بتاثر طيب اهدي عشان خاطري و بطلي عياط ايه رايك اكلموا انا انتي عارفه عمرو بيحبني و علاقتنا حلوه
امنيه….حتي لو كلمتيه هو قافل دماغه من ناحيه البيت خالص مش هيوافق يا ايمي
ايمي…مفيش حاجه اسمها مش هيوافق هنتكلم و هحاول اقنعه جايز انتي عشان نفسيتك تعبانه لما بتتكلمي معاه طريقتك مش احسن حاجه و جايز بتوصليلوا انك زهقانه منه و بعدين هو قالك هشوف بيت تاني يعني معندوش مشكله فا خليني انا اتكلم معاه و نشوف حل
