لقاء كارثي
لقاء كارثي
عشري….بقولك ايه كنسلي الاكل انا هجيب حاجه مش هتلحقي و هتتعبي
ليله…. بابتسامه انا عايزه افهم بس هو اكلي مش بيعجبك و بتجيبهالي بشياكه و لا ايه بالظبط
عشري….بضحك تصدقي ان انا راجل مش جدع عشان مش عايزك تتعبي انجري يا بت علي البيت و ارجع الاقيكي ماليه السفره اكل مشويات محاشي او سمك اقولك سمك مشوي يلا يا شملوله انا هطلع عين امك من هنا ورايح
ليله…..بضحك انت بتفتري عليا عشان انا يتيمه
عشري….بضحكه تجنن يتيمه وانتي معايا و الله انا اللي يتيم من غيرك يا ست البنات كلهم بس بجد انا مش عايز اتعبك من بدري في شغلك و بترجعي جري تشوفي اللي وراكي انتي عارفه انا باكل اي حاجه اعملي حاجه بسيطه لا تتعبي حالك
ليله….طب والنبي بلاش تكلمني بدوي عشان انا بضعف
عشري……بضحك فدوه لروحك
ليله….بضحك فدوه لجلبك
عشري….طيب يلا يا مجنونه البنات جايين هما و الشباب
ليله….ماشي يا عمري سلم عليهم و خدوا بالكم منهم
عشري….اوك باي ياروحي
نادين…..اهلا يا بلطجي
عشري….قلب اخوها عامله ايه؟
ازيك يا نغم
نادين…الحمد لله
نغم….بابتسامه الحمد لله
نادين…. انتوا مالكم خارجين عاملين كده ليه
نادين…..عاملين ازاي؟
عشري….بضحك وشكم احمر خالص و مفرهدين
نادين…..جوه حر جدا بسبب الشغل
عسال…..فعلا جوه الجو فظيع اوي يلا بس اركبوا عشان متتعبوش
تامر….انا هاخد نغم و همشي وراكم تمام
عسال….تمام يا تيمو
عشري ركب وراء
نادين….انت بتركب وراء ليه تعالي جنب ميدو
عشري….اركبي يا بت جنبك جوزك عيزاه يضربنا
ضحكت نادين و ركبت هي وميدو
عشري….اااااااه
عسال….ايه لسه تعبان
عشري….دماغي هتتفرتك يا ميدو
نادين….ايه ده انت مالك
عشري…..ضغطي واطي
عسال…..الدواء مظبطكش شويه
عشري….ولا عمل حاجه
نادين….انت خدت ايه
عشري….جيبت نقط كده بس معملتليش حاجه
نادين…..طيب انا معايا مسكن حلو اوي
عسال….بلاش هو لسه واخد الدواء من شويه ملحقش
عشري…لا هاتي هاتي انا مش قادر
عسال….يا ابني بلاش
نادين…..خليه ياخد ده بنادول اسود مش هيعملوا حاجه حرام شكله تعبان امسك
عسال….بضحك خد بالك هينيمك
عشري….لا مش بنام انا هاتي يا نودي
نادين….امسكي و خد المايه
و ريح كده شويه خمس دقايق بالكتير و هتخف
عشري…..ماشي
………………….
