لقاء كارثي

مصطفي…..اشطا موافق طيب انا هروحلوا كده لوحدي

ليله….هياكلك يعني

مصطفي….لا اقصد عادي اروح كده
و هقولوا ايه انا تبع ليله كمل بضحك هيبقي شكلي عيل اوي

ليله….بصحك لا ما انت هتتصل بيه الاول هو مستني مكالمتك و هيديك معاد تروحلوا علي طول و ظبط انت بقي مع الشباب هنا يشيلوا الدنيا بدالك شويه

مصطفي….لا متشيليش هم المكان هنا الشباب مش مقصرين صراحه

ليله…. بابتسامه خد بالك يا مصطفي لو قدرت تثبت نفسك في الموضوع ده المكان بتاعك هنا هيروح حته تانيه

مصطفي….دعواتك يا ليله انا هعمل كل اللي اقدر عليه والله

ليله….بايتيامه وانا واثقه فيك والله و هتنجح وتكسر الدنيا ومحدش هيعرف يكلمك تاني ياعم و بعد كده عشان نشوف خلقتك هناخد معاد

مصطفي….بضحك نفض كتفه مش عارف الشهره عايزه مني ايه

ليله…..بشحك احييييه بيتنطط من اولها

مصطفي…..بضحك لا مقدرش انتي بالذات حبيبتي

ليله….حبيبي يا صاصا والله انجز بقي مع شهاب خلينا نضحك شويه

مصطفي…..ماشي والله متقلقيش

شوبه و جه شاب حط قدام ليله مشروب و اصناف جديده تدوقها كلت و كانت مبسوطه و طلبت منهم لامينه و بعد وقت مش طويل خدت الاوردر اللي طلبتوا لامينه و مشيت

………………….

اتصلت ايمي علي امنيه..

امنيه…..الووو

ايمي…ايه يا قلبي اخبارك ايه

امنيه….الحمد لله يا قلبي عامله ايه في الحمل

ايمي…..بخير والله انتي عامله ايه زوزو بتقولي انك تعبانه و مش بتبطلي ترجيع

امنيه….اه والله يا ايمي معرفش في ايه مع اني مكنتش برجع في الاول

ايمي….طيب مش بتاخدي علاج

امنيه…لا باخد الدكتور كاتبلي بس بنام كتير اوي بسببه لدرجة اني مش بحس بنفسي عمرو بيفضل يتصل و لا بسمع

ايمي…..معلش ان شاء الله فتره. بسيطه وتعدي المهم بقي زوزو بتقولي انك مش كويسه و مودك مش حلو و في مشكله بينك وبين عمرو

امنيه….لا عادي يعني مش لدرجه مشكله

ايمي…طب امال ايه صوتك اصلا مش حلو ايه حوار الشقه ده

امنيه….ايمي انا اتخنقت و حاسه اني معزوله هنا لا بشوف حد و لا بكلم حد و المكان هادي زياده عن اللزوم طول اليوم لوحدي

سكتت ثواني و اتخنقت بالعياط الحمل مأثر علي نفسيتي اكتر عمرو بيمشي بدري و بيرجع بليل مفيش حاجه تتعمل حرفيا بخلص كل اللي ورايا في الشقه انا يومياً بقوم اهد الشقه مع ان الحركه كتير مش حلوه بس زهقت مش لاقيه حاجه اعملها بخلص كل اللي ورايا علي طول و بفضل مش ورايا حاجه يا بتفرج علي التلفزيون يا نايمه بسبب البرشام مبشوفش حد غير لو روحت عند زوزو او شوفتك غير كده انا بجد معزوله اتكلمت مع عمرو عشان نروح الشقه بتاعتي عند زوزو مرضيش قولتلوا انا بخاف وانا لوحدي و حقيقي اوقات بحس بتعب و لما برجع بجد ببقي بم/وت غير اني بجد مخنوقه يا ايمي و برضوا مش راضي ابدا