لقاء كارثي

لقاء كارثي
أميره أسامه
صاحبة البطل الواحد

. البارت المئه 158.

………………………..

في ناس وجودها لوحده يطمن القلب ناس لما تفرحلك تحس إن الفرحه وصلت لروحها هي كمان ولما تضحك وسطهم تضحك من قلبك من غير ما تحسب تصرفاتك أو تخاف من نوايا حد.

ودي نعمة اللمه النضيفه.
اللمه اللي اتربى فيها الكبير على الأصل واتربى فيها الصغير على الشبع في الحب فطلع قلبه لين وكلامه حنين وعينه مليانه رضا

الإنسان لما ياخد كفايته من الحنان مايبقاش جعان اهتمام ولا يحارب غيره عشان يحس بقيمته تلقاه دايماً أحن من غيره مايعرفش يكسر خاطر ولا يتلذذ بوجع حد لأن اللي اتربى متطمن مايعرفش يبقى مؤذي.

في حضرة القلوب الحقيقيه النفاق مالوش مكان..

كل حاجه بتبان صافيه الضحك صافي الدعوه طالعه من القلب والخوف على بعض حقيقي
وساعتها بس الواحد يفهم إن الونس مش في العدد الونس في القلوب اللي تحبك من غير سبب وتحتويك من غير طلب.

القلوب اللي اتملت حنان وهي صغيره بتكبر وهي عارفه إن الطبطبه مش ضعف وإن الاحتواء رزق وإن الأمان نعمه مش كل الناس تعرف تديه.

في حضرة المشاعر الصادقه الناس بتبان على حقيقتها.

اللي قلبه نضيف يبان في ضحكته و فخوفه على غيره في فرحته اللي طالعه من قلبه كأن الفرحه تخصه

…………..

الفرح كان مكمل و الاجواء تجنن بدأوا يفكوا كتير عن الاول و المود الحزين اللي كان مسيطر عليهم اجواء الفرح غيرته ..

الشباب كانوا واخدين سلامه وحسان و بيرقصوا بيهم فرحتهم كانت مقسومه علي اتنين حتي اخوات عشري و فضل شاركوهم و اتبسطوا معاهم..

كان في شباب تانيه اصحاب سلامه و اصحاب ميدو و اصحاب مصطفي من المنطقه معاهم و فرحانين من قلبهم لسلامه

البنات كمان كانوا متجمعين حوالين البنات و بيرقصوا معاهم و بيرقصوهم و مبسوطين اوي

شاركهم الرقص نجلاء و زوزو و حنان و اميمه وقمر ونجود وعزه حماة سلمي و علا

الكل كان مبسوط و طاير من الفرحه

بعد كده انضموا تاني مع بعض ايه وسلامه فضلوا يرقصوا مع بعض و حسان وسلمي مع بعض و الشباب و البنات حوالين

قرب تامر و هو ماسك ايد ابوه و دخلوا يرقص مع البنات الشباب كلهم صوتهم بقي عالي مره واحده و عمالين يصفروا والبنات عماله تشجعوا مسك ايدهم ورقص معاهم

كانوا حابين يفرحوه باي طريقه و يخلوه يندمج و يتبسط