لقاء كارثي

قرب منها وهو مبتسم و قعد قدامها نص قعده و مسك ايدها

سلامه…في ايه يابت مالك انا من بدري ساكت واقول الوقت تهدي الوقت تتعود علي الجو الوقت التوتر يروح بس انتي خايفه بجد يا أيه

ايه….بدموع انهارت سلامه انا مرعوبه مش خايفه

سلامه….ايه ده ايه ده في ايه اهدي اهدي

قام قعد جنبها وضمها لصدره بسرعه فضلت تعيط

سلامه….خلاص خلاص متعيطيش في ايه لكل ده باس يا قلبي كمل بضحك يابت انا لسه جيت جنبك

ايه….بدموع سلامه انا مش عايزه والنبي

سلامه….بضحك طيب انتي ليه بتترعشي كده يابت انا سلامه مش عفريت انا حبيبك

ايه…طيب ممكن بلاش والنبي

سلامه…. بضحك هو ايه اللي بلاش مش بمزاجك يابت

ايه….طيب انا ولله خايفه و قلبي هيقف اصلا و حاسه اني مش قادره اتنفس من الخوف

سلامه…طيب ممكن تبطلي عياط و نتكلم شويه

ايه…..ما انت برضوا هتعمل اللي انت عايزه

سلامه…..طيب بصي انا اولا مش هعمل اي حاجه تيجي في بالك غصب عنك يعني اللي انا عايزه ده مش هيحصل الا لو وافقتي عليه غير كده اكيد مش هيحصل غصب عنك تمام

هزت راسها وهي بتعيط

سلامه….بحب مسكلها دموعها ثانيا بقي براحه كده و نتكلم بهدوء انتي بتعيطي ليه

ايه…..انا خايفه

سلامه…من ايه بس يا قلبي مفيش حاجه تخوف

ايه……لا في طبعا و انا مش قادره والله

سلامه….يطب انا مش هعرف اتكلم معاكي وانتي بتعيطي كده لان اصلا مينفعش تعيطي بالمنظر ده في اليوم ده انتي المفروض تكوني مبسوطه

ايه…انا مبسوطه والله بس انا مرعوبه يا سلامه

سلامه….عارف انك مرعوبه و خايفه و متلجه و بتترعشي و ميته في جلدك كمان بس ليه كل ده الموضوع مش صعب كده و بعدين خوفك ده مش حلو في حقي يا قلبي انتي مينفعش تخافي مني انا بالذات

ايه…..بدموع انا مش خايفه منك انا خايفه من اللي انت هتعملوا فيا

سلامه….بضحكه جميله مش هعمل فيكي حاجه يا قلبي والله طيب بصي خلينا نتكلم بهدوء و من غير احراج انتي ايه اللي مخوفك

ايه….بدموع ااااا انا خايفه و مكسوفه و متوتره

سلامه….طيب نحط التوتر علي جنب عشان انا هضيعه خالص و نحط الكسوف كمان علي جنب لان انا مش هتكسف منك و مينفعش انتي كمان تتكسفي مني صح

هزت راسها بهدوء

سلامه….كده فاضل ايه الخوف ده كمان هضيعه عشان انتي مخوفه نفسك علي الفاضي و انا مش هعمل حاجه تخوفك