لقاء كارثي

ايه…..اهدي ايه بقولك قلبي هيقف بجد مرعوبه و مش عارفه المفروض اعمل ايه لما اطلع

ايمي….يا بت ما قولتلك هو اللي هيعمل هيتروق عليكي يا قلبي

ضحكت نعيمه هي وليله و نادين واقفه جنبهم تضحك بهدوء

ليله….يابت اتلمي بقي هي مرعوبه خلقه بترعبيها اكتر يويو يا قلبي اهدي والله العظيم مافي اي حاجه تخوف و بكره لما اكلمك اطمن عليكي هتقوليلي كان معاكي حق

نعيمه….بضحك احيه البت متلجه

ايه….بسرعه جريت الدموع في عينها انا مش عايزه اطلع والنبي

ايمي….بضحك بت في ايه هو ايه شغل العيال ده مش ده يا اختي سلامه اللي كنتي هتموتي منه علي بوسه وحضن اهو هيبقي في بوسه وحضن و مراجيح

ليله….بضحك ايمي روحي علي عربيتكم و بطلي ترخمي عليها

ايمي….والله بضحكها دي هتعيط بنت العبيطه

ايه….بدموع انا مش عايزه اطلع والنبي

ليله…..يويو يا قلبي في ايه متبقيش عبيطه ورحمه امي ما في حاجه تخوف خالص يا بت انا لو قولتلك شكة دبوس هبقي بخوفك والله الموضوع بسيط خالص و ابسط مما تتخيلي

نادين…بتأثر ضمتها طب انتي بتعيطي ليه الوقت

ايمي….متستعجليش با اختي الاسبوع الجاي هتبقي مكانها بت يا ايه انا بهزر والله متخافيش يا هبله وبطلي عياط ابوكي هيفكرك بتعيطي عشانه هيفتحها مناحه تاني

ايه……بخوف طيب اعمل ايه طيب لما اطلع

ايمي….بضحك يا بت هتعملي ايه اتعاملي عادي خلاص بقيتي في بيتك

نعيمه….بضحك ماهو مفيش رولز معينه بتتعمل في يوم زي ده يا يويو كل حاجه بتبقي عشوائيه بس لا مفر من المراجيح

ايمي….بضحك جدعه يا بت تربيتي

ليله….ورحمة امي انتو الجوز ما شوفتو تربيه يابت اتلمي انتي وهي البت مرعوبه لوحدها بترعبوها اكتر ايه ملكيش دعوه بيهم دول هيسوا من التعب و غلاوتي عندك اهدي و متخافيش الموضوع بسيط والله العظيم و اكيد سلامه يعني مش غشيم

ايه…..بدموع مين ده اللي مش غشيم والنبي اسكتي

ايمي……بضحك احيييييه جربتي

ليله….بضحك الله يحرقك يا قلبي اقصد هو هيهديكي بطريقته متخافيش بقي و تنكدي علي نفسك انتي المفروض تتبسطي

ايه….طيب هو انا بجد مش عارفه اعمل ايه لما اطلع يعني ايه اللي بيتعمل في الاول

ايمي….ما قالتلك مفيش روزلز كل الطرق تؤدي الي المراجيح

ليله….بضحك طب غوري بقي من هنا بجد امشييييي

ايمي…..بضحك خلاص والله