لقاء كارثي
لقاء كارثي
تقي….بهدوء تمام يا عدي فهمت
عدي…..انا مش عايزك تكوني زعلانه مني
تقي….خالص والله بالعكس انا مش عيزاك انت تكون زعلان
عدي….انا مش زعلان يا قلبي انا بس بفهمك و بعرفك اني مش رخم في ناس انا كاراجل من جوايا بحس اني مرتاح عادي اخواتك الكبار و الدنيا تمام بس اي خد من سني ياتقي مش هقدر و حتي لو كبير و انا من جوايا مش مرتاح برضوا هقولك و طبعا الكلام ليا انا كمان اكيد مش هقرب من اي حد من سني زي نسمه ريهام امنيه ايه نغم مثلا عشان مضايقكيش
تقي….بابتسامه تمام يا عدي عموما انا فهمتك و متزعلش و اكيد مش هتتكرر تاني بس صدقني الموضوع مكانش مقصود احنا قربنا خدنا صوره هو اتعامل معاا زي ما بيتعامل مع نسمه مش اكتر
عدي….عارف وعشان كده مش زعلان و عارف كويس ان نادر بالاخص بيتعامل معاكي كا اخت لانك متربيه معاهم من زمان ولو في حاجه من ناحيته كانت حصلت و بشوف بنفسي الطريقه والكلام اللي بيكلمك بيها و متختلفش عن طريقته مع نسمه بس انا حبيت اوضح نقطه بسيطه مش حابب انها تحصل
تقي….تمام يا عدي و اوعدك مش هتحصل تاني
عدي….ماشي يا قلبي المهم متبقيش زعلانه
تقي….خالص والله يا عدي مقدرش ازعل منك
عدي…..ربنا يخليكي ليا يلا روحي بقي غيري و ظبطي نفسك وانا كمان هدخل اخد شاور و قبل ما انام هكلمك نرغي شويه
تقي….ماشي يا قلبي بحبك
عدي…..بضحكه جميله و انا بموت فيكي باي يا حبيبي
تقي….باي
……………….
عند ليله و عشري الاتنين كانوا قاعدين علي البار من اول ما طلعوا بنفس لبسهم بيشربوا قهوه و سجاير وعمالين يتكلموا.
عشري…..بابتسامه مالك مش علي بعضك ليه
ليله…. بابتسامه قلقانه علي البنات بصراحه و نفسي اطمن عليهم
عشري….بضحك سعات بحس انك امهم يا ليله
ليله…..مش حكايه امهم بس ايه كانت مرعوبه و صعبانه عليا
عشري….بضحك ايه مرعوبه ده انا هايف علي سلامه منها
ليله….بضحك بالعكس دي بوء عالفاضي مشوفتهاش كانت عامله ازاي لما وصلنا كأنها طالعه تتاخد منها روحها و بصراحه انا حاسه بيها عشان كنت زيها كده
عشري….بابتسامه طيب بذمتك مش طلع الموضوع سهل
ليله….بضحكه جميله اممم يعني بس هي مش هتفهم ده طول ما هي مرعوبه
عشري….متخافيش عليها سلامه بيحبها و هياخدها واحده واحده بكره تطمنك هي وسلمي ان كله تمام
