لقاء كارثي

شغلهم مهرجان تاني اغنيه رزمن خمسه .

و عدي و مصطفي و تامر خربوها حرفياً الثلاثه قالعين جواكت البدل و شكلهم قمر و بيرقصووا بشقاوه كانهم بيتخانقوا مع بعض علي كلام الاغنيه تامر و عدي عملوا احلي دويتوا مع بعض

و بعدين شغلوا مهرجان انا مش ديلار يا حكومه و ولعوها اكتر و انضم ليهم سلامه

شاورت أيه لسلمي تطلعلها كانت مكسوفه ومش راضيه

ابتسم حسان و طلعها وفضل هو تحت وقفوا جنب بعض و ادتها عصايه معاها

شاورت ايه لليله تطلعلهم مرضيتش و فضلوا تقولهم لا بايدها وتبص لعشري و تضحك

عشري بصلهم وضحك وفضل يقولهم لا

سلمي وايه فضلوا يتحايلوا عليه من بعيد ابتسم ومحبش يزعلهم خدها من ايدها يطلعها ليهم

عشري….بهمس في ودنها اقفي من غير رقص

ليله…بضحك مش هرقص يا رخم

مسك كفها وطلعها و بعدين راح مكانه تاني و قفت جنب البنات ترقص و تتحرك معاهم بهدوء من غير رقص

كان مطمن ان الاغاني كلها مهرجانات ومش بترقص فا سابها

راح عدي وقف جنبهم و هو بيضحك ضحكه تجنن لما شاف ليله طلعت

واشتغلت اغنيه حودق بندق مشاغبين قرب منهم عسال بالطبله فضلوا يرقصوا البنات معاه شويه بعدين نزل تحت وقف مع نادين بالطبله واتلم عليهم البنات ورقصهم بقي جزء فوق وجزء تحت

شوره ونزلوا كلهم تحت تاني و كملوا رقصهم تحت و بدأت الاغاني تتغير لاغاني رقص

البنات المرادي اللي كانوا مولعين الجو اشتغلت اغنيه انا قلبي دق دقه

عشري كل شويه يبص لليله تقف ساكته و تعمل مؤدبه يبص بعيد ترقص حواجبها

مكانش عارف يعمل فيها ايه يربطها ولا يموتها كان عمال بيضحك وهي عماله تنكش فيه من بعيد

رقصوا بعد كده العرسان والعرايس رقصه سلو مع بعض

و قف سلامه وحسان قدام البنات

واشتغلت اغنيه هيثم شاكر (حكايتنا)

مدوا ايدهم للبنات الانوار انخفضت و بقي في انوار ليزر واصله للسماء و عماليهم علي البيست اللي واقفين عليه عمال يطلع نار و دخلن والالعاب الناريه فوقهم واصله للسماء..

مسكوا ايدهم وضموهم

حكايتنا كملت وكان في وعد نفذته و شيلتك في عنيا اسمك و اسمي جنب بعض ولاخر عمري شريك فيا ادي كل صحابنا و معارفنا جم يتبسطوا معانا الليله ديا قلبي مالفرحه عمال يضم حضنك يا حبيبي بحنيه

بص سلامه لحسان وغمزلوا و بعدين قربوا هما الاتنين من البنات شالوهم و لفوا بيهم البنات بقت تصوت و الزغاريط شغاله والشباب بتصفر و ناس بتسقف و الالعاب الناريه زادت.