لقاء كـ،ـ،ـ،ـارثي
صاحبة البطل الواحد
. البارت الخامس والستين .
…………………….
بعد مانزل عشري مع اخواته و ركب..
علي….حاسس بايه يا محمد
عشري….بتعب وجع بيموتني يا علي
علي….طيب دي غالباً زايده بس انا عملتها صح
عشري…..بوجع لا
علي….طيب من امته وانت تعبان
عشري….من بدري حوالي الساعه 12 تقريباً
محمود….وليه انحملت كل ده يا اخوي
علي…..ليه ساكت من بدري كده صحيح
عشري…ااااااه خدت مسكن و فكرته برد بس راح ورجع اااا اكتر من مره بس خلاص المسكن مش عامل حاجه علي اتصل علي عدي او سليم خليهم يروحوا عند البيت عشان ليله متبقاش لوحدها خليهم يفضلوا تحت ميمشوش و لا يطلعوا ليله مجنونه و ممكن تكسر الباب
علي…..محمد كان لازم نستناها او علي الاقل منقفلش عليها الموضوع بينكم مش ناقص توتر
عشري….اااااااااه شد يا محمووووود
اتصل يا علي و اوعي اي حد يعرف حتي فضل مش عايز رشيد يعرف لو عرف هيغلوا سفرهم تاني
علي….طيب تمام اسكت بس عشان متتعبش شد يا محمود
اتصل علي علي سليم.
علي….الووو
سليم…ها يا اخوي
علي….سَليم اسمعني تاخد بعضك و تخرج من غير ما اي مخلوق يحس و تروح علي بيت عشري اقعد في عربيتك قدام الباب عشان الجو برد اوعي ليله تنزل و خلي عينك عليها
هي لوحدها
سليم….في ايه يا علي خير
علي…..محمد تعبان و غالباً الزايده انا و محمود بناخده علي المستشفي بس ليله لوحدها و الباب مقفول عليها.
سليم….طيب انا جايلكم
علي…جاي فين يا غبي احنا معاه و مرت اخوك لحالها ركزززز دير بالك تكسر الباب و لا تعمل اي حاجه خلبك جنبها واوعي ابوك وامك يحسوا بلاش تقلقهم
عشري….بتعب قولوا ميقولش لفضل
علي….سليم اوعي تقول لفضل عشان محمد مش عايز حد يعرف خالص
سليم….طيب طيب بس طمني الله يخليك
علي….حاضر بطمنك يلا سلام
سليم…..سلام.
ليله كانت عامله زي المجنونه يادوب دخلت جريت لبست البنطلون و ملحقتش تطلع باقي لبسها سمعتهم بيقفلوا الباب..
حاولت تفتحه بس مقفول بقت رايحه جايه في البيت مش عارفه تعمل ايه و لا تتصرف ازاي تروح علي الشبابيك شويه و تجري علي الباب دخلت جري علي اوضته قلبت الدريسنج تدور علي الموبايل او مفتاح او اي حاجه مكانتش لاقيه بقي كل اللي جاي عليها تصرخ بغضب و هي بتدور و مش لاقيه حاجه حتي الموبايل مسابوش عشان تطمن عليه من اخواته.
راحت علي اوضتها و دورت في هدومهم في الچواكت بقت تحط اديها في الجيوب بقت تدور في حاجتها يمكن مخبي مفاتيح وسط حاجتها عشان عارف انها ممكن متتخيلش انه مخبيهم هنا مسابتش مكان مدورتش فيه حتي جزمه بقت تدور فيها يمكن حاطت في اي جزمه مفتاح مفيش خالص كانت هتتجنن بجد
خرجت علي بره بقت تدور في كل مكان في المطبخ مسابتش ولا حمام و لا دولاب حتي غرفة الجيمينج و السينما و غرفة الصلاه و المجالس مفيش
ليله….بدموع هقتلك يا غبي هقتلك يا عشري خرجت تاني علي بره بصت من الشبابيك لمحت عربية حد من اخواته قدام البيت بس مش عارفه مين فضلت تخبط علي الزجاج بس اكيد لا هيسمعها و لا هيشوفها بصت علي الساعه كانت داخله خلاص علي سته
فقدت الامل خالص في انها تلاقي اي حاجه او حتي تفتح لنفسها بقت مراقبه الساعه وهي بتكلم نفسها بصوت مسموع
ليله….اكيد هيروح المستشفي يشوف فيه ايه و يرجع علي طول اه ماهو اكيد مش حاجه كبيره ان شاء الله يمكن برد او يمكن ااااا يمكن ايه
فضلت تفكر في المكان اللي كان ماسكه حطت ايدها علي نفس المكان و هي متوتره و متلغبطه
هو ايه المكان ده ده الكلي لا الكلي لوراء شويه طيب دي المراره و لا الزايده ولا ايه يا غبيييييي ولا ايه انا مش عارفه هو برد اكيد اه برد يارب والنبي اعمل ايه طيب انا مش عارفه اتصرف طب كنت سيبتلي الموبايل حتي اطمن عليك بتعمل فيا كده ليه يا عشري يارب والنبي خليك معاه رجعهولي بخير عشان خاطري يارب انا مليش غيره
فضلت واقفه قدام الشباك عينها راحه جايه علي الطريق شويه و علي الساعه شويه
………….
في المستشفي
دخل عشري مع الدكتور في غرفة الكشف و كان معاه اخواته
كشف الدكتور عليه و بمجرد ما حط ايده علي المكان عشري اتألم بصوت قوي
علي…..بقلق خير يا دكتور
الدكتور ….هو من امته كده
علي….بيقول من 12 خد كذا مره مسكن و التعب بيزيد
الدكتور….هو لازم يدخل عمليات فوراً الزايده ملتهبه جداً
عشري….بتعب ااااه لا لا عمليات لا انا عايز بس مسكن او اي حاجه تضيع الالم ده
الدكتور….مستحيل طبعاً بقولك الزايده ملتهبه و لو قعدت اكتر من كده هتنفجر بص للمرضه بسرعه خليهم يجهزوا غرفة العمليات
علي…..محمد مش هينفع
عشري…..ليله لوحدها يا علي
علي…..سليم معاها خلينا الاول نطمن عليك و اروح اجيبهالك بنفسي
عشري….بتعب لا يا علي متجيبهاش هتمشي
علي…..يا محمد انت جرا لمخك ايه معقول تمشي و تسيبك وانت كده
عشري….عشان مش معقول لو عملتها يا علي وجعي منها هيبقي كبير ولو الوقت بلاقي ليها عذر مش هقدر الاقي ليها عذر لو مشيت
علي….طيب خلاص اهدي خلينا نطمن عليك الاول و بعدين ربنا يحلها
عشري….اوعي تفتحلها يا علي سامع اوعي
مر وقت مش بسيط علي ما جهزوا غرفة العمليات و وصل الدكتور و دكتور التخدير و خلصوا اجراءات الورق خدوا عشري علي الساعه سبعه ونص غرفة العمليات و فضل علي و محمود بره معاهم موبايل عشري و مفتاح اوضه و الدبله و المحفظه و كل حاجته.
محمود….علي هنسيب مرته محبوسه كده
علي…..معرفش يا محمود اخوك دماغه ناشفه الاصول بتقول انها تبقي جنبه بس هو ادري بيها اخاف افتحلها و تمشي تبقي مشكله و هو قال قدامك بيلاقي ليها اعذار في غضبها بس المرادي لو مشيت يا محمود جايز اوي محمد يتوجع و يمكن يسيبها تمشي و في النهايه الاتنين اعند من بعض و هيتعبوا فا خليها واحنا نعمل اللي قال عليه
محمود….ايوه بس حرام هو قال انها صاحيه و اكيد قلقانه انا بقول علي الاقل حتي نتصل علي سليم يطلع يكلمها من وراء الباب لو صاحيه لسه. يطمنها و يعرفها انه هيعمل الزايده
علي…انت عايزها تجن اكتر نقولها عمليه فا تفضل علي اعصابها
محمود….امال نسيبها كل ده و تفضل دماغها تجيب و تودي دي عمليه يا علي مش مشوار اقل مافيها يقعد يوم ولا اتنين بعدها
علي…..يا سيدي بس يخرج و يفوق و بعدها نروحلها نعرفها اكيد مش هتفضل كده لحد ما يرجع محمد زي ما قولت اكيد هيبات يعني لازم تعرف هو فين كل ده..
محمود….طيب خير إن شالله يخرج بس بالسلامه الاول.
علي…يارب.
………….
من وقت ما خرجت ليله علي صوته من خمسه الصبح و هي هتتجنن ومن وقت ما مشي و هي واقفه قدام الشباك هتموت من خمسه و نص لسبعه ونص و مرجعش القلق كان بيموتها هي كانت متخيله شويه تعب بسيط هيروح هياخد حقنه هيدولوا اي مسكن و يكتبولوا علاج و يرجع بس غاب اوي ساعتين و لسه مرجعش حصل معاه ايه و التعب واصل لحد ايه طب هو كويس ولا جراله حاجه بقت واقفه تشرب سيجاره وراء التانيه و عقلها مش راضي يبطل تفكير تعبت من الوقفه و من التوتر و الخوف و اللي تاعبها اكتر انها عاجزه مش عارفه تعمل حاجه محبوسه بجد و متكتفه.
نزل سليم من العربيه بصت بسرعه و شافته.
ليله…..سليييييييم سلييييييم سامعني افتحلي يا سليم عشري تعباااااان سلييييييم رد عليا ووالنبي
كانت عماله تخبط و هو وقف جنب الباب و لع سيجاره و بعدين بص علي فوق بمجرد ما رفع راسه بقت تخبط علي امل يسمعها او يشوفها
بس مفيش الزجاج عازل للصوت والصوره
ليله…..مالت بوسطها لقدام و مسكت ركبها بتعب و غضب يا غبييييي يا غبيييييي و الله لا هقتلك يا عشري لو جرالك حاجه مش هسامحك ابداً
الوقت كان بيمر و الثانيه تقيله علي قلبها و مش بتعدي قعدت ليله و ضمت رجلها و عينها علي الشباك و الطريق بقلة حيله خلاص استسلمت للامر الواقع بس عايزه تطمن عليه و بدأت تفكر في سيناريوهات بشعه كل ما يتأخر اكتر تبدأ اصدق انه جراله حاجه مستحيل يكون بخير و مرجعش كل ده ولا حتي علي او محمود ظهروا طب سليم ليه واقف كده لو جرالوا حاجه اكيد كان هيروحلوا كانت بتحاول تطمن نفسها بس هي هتموت من الخوف و القلق عليه.
ليله….بدموع عشري اوعي يجرالك حاجه هموت والله فيها دي يا عشري طب ارجعلي والنبي و انا هسامحك انا اصلا سامحتك والله العظيم بس اللي بتعملوا فيا ده كتير وحرام يا غبييييي انت كده بتوجعني منك اكتر.
رجعت راسها لوراء و مسحت دموعها و رجعت قامت تاني خلاص مش متحمله راحت علي السلم اللي قرب الباب و طلعت عليه حاولت تفتح الباب عشان تدخل الروف و تنادي علي سليم يفتحلها معرفتش نزلت جابت شوك و معالق و سكينه صغيره اللي لقتها حاولت تفك مسامير الاوكر كانت اقوي من السكينه معرفتش ابداً تعمل حاجه في الباب غير انها تجرحه
رمت الحاجه من ايدها بغضب علي السلم اتنطروا و وقعوا لحد تحت قعدت ليله علي الدرج و حطت ايدها علي وشها و هي بتعيط و بعدين مسحت دموعها بغضب و نزلت تاني علي تحت راحت علي الشباك لقت سليم لسه واقف عينها راحت علي الطريق تحاول تلمح حتي العربيه راجعه من بعيد بس مفيش بصت علي الساعه كانت 8 ونص فات كده ثلاث ساعات و خلاص فقدت السيطره علي عقلها و فكرة ان عشري يكون جراله حاجه مبقتش متقبلاها بس مفيش حاجه في ايدها تعملها غير ان هي تقف و تستني
وجود سليم تحت قدام البيت علي قد ما كان موترها علي قد ما كان مطمنها ماهو لو اخوه جراله حاجه مش هيفضل واقف كده فا فضلت مركزه مع سليم و مع الطريق و مع الساعه
…………….
في المستشفي
من سبعه و نص لتسعه و عشري في العمليات ساعه و نص بحالهم و مخرجش و الزايده بتقعد اقصي حاجه من نص ساعه لساعه علي و محمود كانوا قلقانين اوي و من قلقهم نسيوا ليله اصلاً.
و اخيراً خرج الدكتور و خرج وراه عشري علي السرير مع الممرضين
علي…..محمد محمد اخويااا
فتح عشري عينه و قفلها كان لسه تحت تاثير المخدر
محمود….محمد سامعني
علي….طمني يا دكتور
الدكتور….متقلقوش زي الفل و زي ما توقعت الزايده كانت علي وشك الانفجار بس الحمد لاه دخل العمليات في وقت قياسي
محمود….دكتور هو كان مكلمني و كويس و اخر مره شوفته فيها كانت علي عشره كده
كان يقصد لما راح اداله الاكل
محمود….كان واقف كويس و بيضحك عادي
الدكتور…عادي جداً الزايده اعراضها بتظهر فجأه يعني مش شرط يتعب او يكون تعبان قبلها بيوم او اتنين هي وقت ما بتوصل للمرحله دي خلاص يا تتلحق يا تنفجر و هو ربنا بيحبه لو كان فضل علي المسكن كانت انفجرت بس كويس ان الوجع زاد و المسكن مأثرش فيه عشان نلحقوا
علي….طيب هو كويس
الدكتور….زي الفل الحمد لله متقلقوش هو بس شويه كده و هيفوق هو خلاص فاق معانا جوه بس البنج هياخد وقت علي ما تأثيره يروح و انا شويه و هرجع اطمن عليه
علي….طيب عادي نفضل معاه
الدكتور…اه طبعاً خليكم معاه
محمود…..شكراً يا دكتور
علي….الف شكر يا دكتور
الدكتور….العفو ده واجبي بعد اذنكم
علي…اتفضل
خرج الدكتور من الاوضه و خرج الممرضين بعد ما نقلوه السرير
قرب علي باس راسه بحب
علي…..محمد سامعني انا علي يا حبيبي
محمود….باس كفه بهدوء و طبطب عليه سلامتك يا اخوي
عشري فتح عينه بصعوبه و رجع قفلها تاني
محمود…..جسمه متلج
علي….افرد عليه الغطاء التاني الجو برد و البنج بيتلج اصلاً
عشري…اممممم
علي…..عشري حبيبي يا اخوي سلامتك قدها و قدود يا بطل
عشري…ليييله
علي….بابتسامه متخافش عليها هي بخير سليم عندها واقف تحت البيت
عشري…..ليله
محمود….بتأثر علي خلينا نجيبها ليه والله هي جدعه و عمرها ما هتسيبه
علي….جدعه بس غضبانه يا محمود و اخوك مش متحمل خليه بس يفوق و نشوفه هيقول ايه
محمود….هيقول ايه يعني لو فاق ولقاها جنبه هيفرح و صدقني لو شافته كده غضبها هيروح صراحه انتوا كلكم مكبرين الموضوع يعني هي معملتش حاجه كبيره لكل ده زعلت شويه و حقها بس خلاص
علي….اسكت يا محمود انت مش عارف حاجه
محمود….طيب عرفني معقول تمشي و تسيبه وهو في الحاله دي
علي….محدش قال هتمشي و تتخلي عنه بس هتمشي من غضبها منه ليله حبست اخوك يوم يا محمود من غضبها منه
محمود….بصلوا بصدمه حبسته كيف
علي…..حبسته و خلاص قبل ما يتجوزوا بيوم و ده من غضبها منه اخوك استفزها فا لعبت معاه و قالت بيضايقها و متعرفهوش و لولا اخوها و صحبتها طلعوه كان اتحول للنيابه عشان ضرب شابين تفتمر الوقت و هو حابسها لما شافته بيموت قدامها هتسكت هتنسي انه تعبان اصلا و تطلع غضبها و خوفها و قلقها عليه و بصراحه عندها حق
محمود…..طيب ماهو اللي بيجيبه لروحوا ما كان جابها معانا
علي….اخوك خايف تمشي يا محمود و تسيبه محمد حبها من قلبه بجد و لو سابته وهو محتاجها مش هيديلها عذر و هيتوجع منها و بردوا معاه حق من الاخر دول جوز مجانين و فاهمين طبع بعض خلينا احنا بره عنهم
محمود…..الله يهديهم و يريح بالهم والله بدأت اصدق كلام امك الاتنين اتحسدوا
علي….بابتسامه ربنا يبعد عنهم كل شر و يقومك بالف خير يا اخويا.
محمود….امين يارب.
عشري….امممم حط ايده علي الجرح
محمود…..لا لا بعد يدك يا خوووي بعد يا محمد
عشري…اااااه
علي….سلامتك سلامتك يا اخوي.
………….
غمضت عين لياه وهي قاعده غصب عنها و اول ما حست ان جسمها مال قامت بسرعه عدلت نفسها بصت علي تحت لقت العربيه لسه واقفه سليم مش باين منه غير دراعه اللي سانده علي الباب
قامت بهدوء بصت في الساعه كانت عشره الا ربع رفعت راسها لفوق
ليله….يارب يااارب و بعدين طب ايه فيك ايه يا عشري فيك ايه يا قلبي اوعي يا عشري تموت والنبي
راحت علي المطبخ غسلت وشها عشان تفوق و عملت قهوه في المكنه و خدتها و راحت علي الشباك و فضلت واقفه مرضتيش تقعد عشان متنامش و لعت سيجاره و الوقت بقي يمر عليها تاني بصعوبه.
…………
علي الساعه عشره ونص كان فاق عشري متألم جداً بس بيقاوم.
الدمتور دخل اتطمن عليه و حطولوا مسكن في المحلول وخرج
عشري….بتعب و بيفتح عينه بالعافيه علي الساعه كام
علي…..عشره ونص يا محمد
عشري….طيب نادي علي الدكتور انا لازم اخرج
علي….بصدمه تخرح فين انت عبيط يا محمد مستحيل طبعاً الدكتور قال هتفضل هنا انهارده و بكره علي اخر النهار يشوفك تاني و ممكن تخرج
عشري….وهو بيحاول يرفع ضهره و لا دقيقه تانيه يلا
محمود…..محمد جرالك ايه هو ايه ولا دقيقه تانيه انت يادوب فايق من البنج ده مش جرح دي عمليه
عشري….سمعتوني عايز اخرج
علي…..لا مسمعناش و مش هتخرج و لو وافقناك الدكتور مش هيوافق
عشري….هخرررررج يلاااا هخرج علي مسؤوليتي الشخصيه
علي…..بغضب محمدددد اقعد و اسكت شويه كفايه تنشيف راس لو عشان ليله هنورح نقولها و لو عايزنا نجيبها هنجيبها
عشري…..محمود نادي الدكتور
علي…..مش هينادي حد و انت اقعد و نام و ارتاح
حدف عشري من عليه الغطاء بغضب و حاول يقوم و هو بيسند
علي…..محمد انت مجنون اقعد
محمود….يا محمد ازاي بتقوم كده براحه يا اخوي
عشري…..انا هخرج يعني هخرج وينها ملابسي يا تساعدوني يا هساعد روحي
علي…..لو مقعدتش هنخرج و نقفل الباب عليك
عشري….هكسره و هتتعبني اكتر
محمود….طيب اهدي انا هروح اشوف الدكتور هيقول ايه طيب
علي….انت بتسمع كلامه انت كمان
محمود….يا علي خلينا نسأل و نريحه بدل ما هو متعصب كده احسن الجرح يفك
علي….بهدوء محمد و حياة امك يا شيخ ما تفرهدني معاك اقل حاجه تقعد يوم حتي
عشري….ولا ساعه يا علي ولا ساعه انت عارف كويس مبقدرش انام بره بيتي و لا بحب المستشفيات و مقدرش اسيب ليله
علي….هحيبهالك و تقعد معاك
عشري….لا هروح
علي….يا اخي بطل عند الله يخربيت اللي جابك دماغك حطب
عشري…..وينها ملابسي
علي…..طب استني نشوف الدكتور الاول
عشري….علي قلبي هيقف من المناهده يقول اللي يقوله اخره معايا امضي علي خروجي و علي مسؤوليتي الشخصيه غير كده لا
رجع محمود و معاه الدكتور عشري كان قاعد علي حرف السرير ايده علي جنبه و التانيه ساندها علي السرير
الدكتور….ايه يا استاذ خروج ايه اللي انت عايز تخرجه انت بقالك حوالي ساعتين خارج من العمليه و مكملتهمش كمان مينفعش ابداً تخرج ولازم تفضل معانا انهارده و بكره
عشري…..ولا ساعه.يا دكتور كمان انا لازم اروح ارجوك اكتبلي علي خروج حالا ولو عايزني امضي اني خارج علي مسؤليتي همضي و انت ملكش دعوه بأي حاجه تحصل معايا
الدكتور….اسمعني طيب المشكله مش اني اخلي مسؤوليتي انا لازم انصحك عشان ده واجبي الحمد لله انت بخير بس كنان الزايده عندك كانت ملتهبه بطريقه صعبه و لو كنت اتحملت شوبه كمان كانت انفجرت بس عدت علي خير اللي جاي بقي هو الصعب علي الاقل تفضل هنا تحت الملاحظه يومين او يوم حتي و اكتبلك علي خروج بكره
لو عايز و بعدين تروح براحتك بس هتحتاج راحه مش اقل من اسبوع
عشري….دكتور من فضلك انا مقدر كل ده بس صدقني انا دقيقه كمان مش هقعد هنا اللي هتقولي عليه هعمله بس اروح وانام في بيني
علي….يا ابني اسمع الكلام
محمود….طيب علي الاقل حتي خليك لحد بليل
بصلهم عشري بغضب بسيط و رجع بص للدكتور.
عشري…..دكتور اكتبلي خروج انا هتحمل اي خطوره
الدكتور….انا مش عارف اقولك ايه بس انا صدقني مقدرش اجاذف
عشري….انا اللي بقولك انا المريض و بقولك اني بخير حابب تطمن عليا تاني الوقت قبل ما امشي اطمن بس انا لازم امشي.
حاولوا بكل الطرق اقناعه بس فشلوا خصوصاً لما بدأ عشري ينفعل و يتألم استسلم الدكتور و كتبلوا علي خروج بعد ما مضي علي ورقه خروجه علي مسؤوليته الشخصيه
كتبله العلاج و الاكل اللي هياكله اليومين دول و قالهم علي اعراض معينه لو حصلت يتصلوا عليه و اداهم رقمه الشخصي عشان يتواصلوا معاه في اي وقت و اداهم تعليمات بالراحه الكامله
ساعده محمود في اللبس هو و علي مكانش قادر يقف و قعد ثواني بعد ما لبس علي حرف السرير
علي…..يا محمد انت مش قادر تقف خليك و بلاش عند الله يخليك يا اخوي
عشري….بهدوء و تحامل علي نفسه قام وقف براحه انا تمام يلا خلوني امشي.
هز علي راسه بقلة حيله من دماغه الناشفه لا قادر يقف ولا قادر يتحمل الوجع و لسه بيقاوح.
…………..
عند ليله الوضع كان صعب جداً
مسابتش مكان في الريسيبشن غير وراحت وقفت فيه تقعد علي ايد الكنبه شويه تروح علي السلم فوق وترجع تقعد علي البار و تروح تبص من الشباك و ترجع تفتح بغضب في الباب و تروح تاني تسند راسها علي الشباك و تقعد علي الارض و ترجع تقوم تروح وتيجي في البيت بتوتر
خلاص فقدت اعصابها الساعه 11و نص و هو من خمسه ونص مش هنا
رجعت وقفت علي الشباك
في الوقت ده علي اتصل علي سليم.
سليم….ها يا خوي
علي….في اي حد حس بحاجه اخواتك نزلوا؟
سليم….لا الشباب فتحوا بس الوقت هينزلوا اكيد اخواتك ووعيال عمتك
علب….طيب احنا قربنا علي البيت اجري بسرعه شوفلي كده في اي حد اتأكد ان ابوك مش خارج
سليم….طيب طيب سلام.
ليله عينها كانت علي عربيه سليم هي الحاجه الوحيده اللي مطمناها لحد الوقت بصت فجأه و لمحت سليم نزل من العربيه مشي جري علي بيتهم و بعدين رجع تاني جري ركب العربيه حست ان اعصابها سابت
ليله….لا لا لا لا سليم رايح فين ارجع والنبي يا عشري طب حصل ايه بتجري ليه يا سليييييييم ااااه اااه لا لا عشري عشري عشري سندت ضهرها علي ضهر الكنبه و هي عماله تروح و تيجي بجسمها و ضربات قلبها هتموتها خمس دقايق و رجع تاني سليم سندت بأيدها علي الزجاج و نفسها طالع نازل برعب
ليله….سليييييييم سليييييم رد عليا يا غبي انت كمان
نزل سليم من العربيه و فتح مفتاح الباب بتاع البيت من بره
ليله…ايوه ايوه افتح اطلع بقي والنبي اطللللع يلا قولي اي حاجه
رجع تاني وقف جنب العربيه و سند ضهره.
ليله….والنبي افتح افتح بقي تعبتوني كلكم
بصت علي الساعه و رجعت بصت عليه الوقت مش بيعدي و كل دقيقه بتمر القلق بينهش في قلبها اكتر
ليله….بتعب طب وبعدين هفضل كده لحد امته بتجري ليه يا سليم طيب طمني والنبي اوووووف
اعصابها باظت و اتدمرت الكام ساعه دول و فجأه لمحت عربيه محمود بتقرب و سليم راح جري علي العربيه
ليله…..محموووود عشري فين عشررري والنبي يارب يكون معاهم
نزل علي بسرعه و فتح سليم الباب
سليم….براحه براحه سلامتك يا غالي سلامتك
علي….براحه عليه يا سليم
فضلوا بهدوء يسندوا و ينزلوا رجله بهدوء و نزل واحده واحده لحد ما ليله لمحته و خرج منها نفس اخيراً و هي دموعها بتجري
ليله…..حرام عليك يا اخي حرام عليك نشفت دمي
نزل قدامها بهدوء و مشي خطوتين معاهم بعيد عن عرببه محمود و بعدين وقف سند علي عربيه سليم و هو حاطت راسه فوق ايده و ايده التانيه علي جنبه
ليله….بدموع لا والنبي اوعي تعمل فيا كده فيك ايه يا عمري حصلك ايه اطلعلي يا عشري والنبي
في الاسفل.
علي…..محمد براحه تحب تقعد
عشري…لا لا دخلوني يلا
محمود….طيب واحده واحده
عشري….سليم روح يلا يا اخوي علي البيت ريح شويه اوعي تعرف حد
سليم….طيب اطمن عليك الاول
عشري…انا زين امشي عشان محدش يشوف سياراتكم قدام البيت اوعي يا سليم تعرف فضل رشيد مسافر بكره لو عرف منه مش هيسافر يا اخوي ماشي
سليم….حاضر متقلقش اطلع يلا براحه
علي….لو ابوك لمحك او اي حد قولهم انك كنت معايا انا و محمود وقعدنا مع الناس لوقت متأخر و استنينا يفتحوا الشباب و هنرتاح شويه و ننزل
سليم….ماشي لو احتجتوني رنوي عليا
علي…..طيب روح يلا
خد سليم عربيته و رجع علي البيت.
ودخل علي و محمود علي المدخل
مسحت ليله دموعها بسرعه و راحت جري وقفت جنب الباب قلبها بيدق بطريقه فظيعه و هتموت من الرعب.
طلعوا في الاسانسير اول ما سمعت صوت الباب بيتفتح دقات قلبها زادت اكتر
عشري….بهدوء سند علي الحيطه محمود استني متفتحش
محمود….ايه دايخ و لا موجوع
عشري…بخير بس نادي علي ليله الاول عرفها انك هتفتح خليها تعمل حسابها انكم معايا
محمود….حاضر بس شكلها نايمه مفيش صوت
قرب علي بهدوء امسك اخوك يا محمود
علي…..ليله انا و محمود مع عشري لو صاحيه اعملي حسابك عشان هفتح
ليله….افتحوا الباب ده
غمض عينه عشري و من صوتها عرف انها هتقتلوا
علي….طيب نفتح يعني
ليله….بغضب لابسه يا عليي افتتتتح
ابتسم علي و بص لعشري و هو بيضحك بهدوء و همسلوا
علي….تصدق بالله احنا التلاته هنبقوا ضحايا الوقت
ابتسم عشري و مسك جنبه بوجع
محمود….بابتسامه افتح حرام بقي
فتح علي بهدوء كانت واقفه بعيد شويه عن الباب سندوا عشري و دخل كام خطوه و هو عينه في عينها بترقب
قربت منه ليله بسرعه و حضنته من رقبته وهي منهاره
غمض عشري عينه بألم و لف دراعه عليها.
علي….براحه براحه يا ليله عليه
ليله….بدموع يا اخي حرام عليك دمي نشف والله العظيم موتني الف مره
عشري…بهدوء اهدي انا بخير يا قلبي
بعدت ليله عنه و بصتلوا و بصتلهم
ليله….فيك ايه ؟ وازاي تقفل عليا كل ده هاااااا طب يعني حتي مفكرتش المجنونه دي ممكن تكسر شباك ولا باب و لا تنط من اي حاجه و تجيبلكم مصيبه مفكرتش انا ممكن يحصل فيا ايه الساعه 12 وانت من الساعه خمسه مش هنا و معرفش عنك حاجه و لا حتي سايب موبايل و سايبني متكتفه مش عارفه اتصرف
علي…..اهدي يا ليله هو بخير الحمد لله عدت و بعدين سليم كان واقف تحت عشان نطمن عليكي هو بس عمل عمليه الزايده و الحمد لله اننا لحقناه قبل ما تنفحر
بصتاه ليله بصدمه
ليله….عمليه عمليه ياللي معندكش احساس ولا دم و سايبني هنا هموت هاااا انت بجد ازاي تعمل فيا كده ازاي تسيبني لوحدي من غير ما ابقي معاك خايف امشي يا عشرررررري طب انت تعرف اني ممكن اعمل كده يا اخي منك لله بجد و جعت قلبي و تعبتني معاك
قرب منها عشري بهدوء و شدها من دىاعها فضلت تبعده عنها بس مسبهاش دخلها في حضنه تاني بتعب
عشري….حقك عليا
ليله…..حرام عليك اللي بتعملوا فيا ده انا خلاص مبقتش مستحمله بجد انا فكرت جرالك حاجه يا عشري ناديت كتير علي سليم عشان اطمن و مسمعنيش
علي….ليله اهدي الله يخليكي محمد كان فاكر هيروح ياخد مسكن ولا حقنه و نرجع و لما عرف انها عمليه كان مصمم يرجع عشانك بس الدمتور قال لو مدخلش عمليات الوقت الزايده هتنفجر
ليله….وانت مقولتليش ليه ليه مبعتوش سليم حتي يطمني يا اخي ده من شويه نزل جري علي بيتكم قلبي وقف فكرته جراله حاجه انتوا ازاي متعرفونيش
محمود….حقك علي راسنا يا غاليه بس محمد محبش يقلقك و صدقيني خروجه غلط عليه اوي ده مضي علي نفسة ورقه عشلن الدكتور يوافق بمجرد ما فاق مرضيش يقعد ثانيه عشانك و محدش فينا قالك عشان هو خاف تقلقي اكتر لو عرفتي انها عمليه.
علي…..ليله معلش تعالي علي نفسك للمره الاخيره يا ستي و اجلي اي زعل منه لحد ما يقف علي رجله محدش يعرف خالص انه تعبان غير احنا و سليم حتي ابويا وامي واخواتي والاه ما يعرفوا محمد الوقت في امانتك دي شنطه علاجه و هتلاقي ورقه بكل التعليمات والاكل اللي المفروض ياكله الدكتور نبه علي راحته ميقومش خالص من السرير عشان ده غلط عليه.
مسحت ليله دموعها بغضب و بصتلهم
ليله….اااه تمام هأجل الزعل و بجملت يا علي علي رأيك ما اخوك حالف انه يوجع في قلبي طول الوقت بس اسمعوني بقي بما انه قرر انه يسيبني و مبقاش معاه فا انا لا هخدم ولا هتتم و لا هأكل مش هو عرف يتصرل من غيري يقوم بقي زي الشاطر يعمل كل حاجه لنفسه
علي….بابتسامه عشان خاطري يا ست الناس
ليله….بدموع لا خاطرك و لا خاطره ولا خاطر حد حرام عليكم بقي والله العظيم انا تعبت منكم كلكم انتوا كلكم مجانين والله مفيش واحد في خياتي عنده ذرة عقل
علي….بابتسامه طب حقك علينا والله معاكي حق
محمود…بابتسامه طيب يا غاليه متعمليش حاجه انا لو تكرمتي يعني هاجي كل كام ساعه اعدي عليه وانا ههتم بيه و خليكي في غرفتك
عشري….بهدوء محمود يلا روح انت وعلي ارتاحوا و هات من يدك المفتاح ده
بصلوا محمود بهدوء
عشري….هااااات
مد محمود ايده بالمفتاح خدوا منه و مسك كف ليله حطوا في ايدها
عشري….يلا روحوا مش هاكل من يد حد غير مرتي
ليله….بدموع لا يا شيخ قررت تفك اسري خلاص مش خايف اهرب منك حدفت المفتاح علي الارض اسمعني بقي لو فاكر اني بجد.هعملك اكل و اهتم و كده فا انت بتحلم خليك يا عشري تعبان ماشي و من راي خلي المفتاح مع محمود يرجع يهتم بيك و لا يجيبلك اكل و لا احتي امك تطلع تخدمك عشان لو قفل علينا انا هسيبك تموت يا عشري عشان ارتاح منك بقي و اخلص من تعبي ده معاك و الله يا عشري الكام ساعه اللي عدوا عليا دول لا هدفعك تمنهم وانتوا كمان علي فكره الله يلعن ابو اليوم اللي شوفتك فيه يا اخي
سابتهم و دخلت علي جوه
وقف علي يضحك بهدوء هو ومحمود بصلهم عشري بتعب و هو مبتسم
علي…..يا اخي منك لله كرهتني بسببك
عشري….متقلقش هي بس قلقانه و مضايقه حقكم عليا ويلا روحوا ارتاحوا
محمود….جاب المفتاح من الارض و بصلوا معلش خليه معايا عشان اطمن عليك اديك شوفتها معصبه كيف
عشري…..بوجع هات يا محمود هات يا اخوي كفايه عليها وجع كده
علي….صح خلبها تخس انها مش محبوسه و انا عارف انها مش هتمشي البت بتعشقك يا غبي اوعاك تزعلها
ابتسم عشري بهدوء سلموا عليه و بعدين نزلوا علق عشري المفتاح في الباب و دخل بهدوء و هو بيتسند علي الطرقه بتعب ايده اليمين متعوره و جنبه اليمين عامل فيه عمليه مكانش قادر يقف علي حيله خالص بس مقدرش يروح اوضته غير لما يشوفها خبط خبطه بسيطه و بعدين فتح و هو ساند علي الباب بتعب.
كانت واقفه قدام السرير بتعيط و بصتلوا بهدوء و بصت علي ايده اللي علي جنبه.
عشري….بهدوء حقك عليا يا بنت قلبي
ليله….بدموع انت ليه بتعمل فيا كده ليه يا عشري انا بجد تعبت اللي عيشته معاك الفتره دي هد حيلي الفتره اللي فاتت و تعبي و وجعي كوم و وجعي الوقت كوم تاني عشري انا بقالي اكتر من سبع ساعات بموت استنيتك ترجع علي طول عشان اطمن مرجعتش كل ثانيه كانت بتعدي بتخيل اسوء السيناريوهات اللي في الدنيا جري سليم لوحده موتني يا عشري سايبني من غير موبايل ولا مفتاح ولا مكان يتفتح عشان اعرف حتي اطمن عليك من سليم حبستني بجد يا عشري و خلتني بموت من العجز مش عارفه اقول لمين يلحقني او يطمني عليك عشري انت سيبتني عشان خوفت امشي بجد مش واثق فيا
عشري….بهدوء قرب منها و مد كفه مسح دموعها لا يا عمري مش قلة ثقه
ليله….امال ايه ؟
عشري….بوجع بان علي ملامحه ليله انتي لسه قلبك مليان غضب لسه مصفتيش من ناحيتي ولا من ناحيه اي حد عارف ان مفيش احن منك في الدنيا بس خوفت يا ليله تعمليها و تشوفي انها فرصه و انا في البنج و مش دريان و تمشي تاني.
لو عملتيها اي وقت علي قد غضبي بس هفضل اخلقلك في الف عذر بس لو كنتي عملتيها و انا راقد يا ليله جايز كنت انسي و جعك و اللي عملتوا فيكي و اتوجع منك جايز كنت استسلم و اقول خلاص سابتني في عز و جعي و هونت عليها و اللي خلاها مقدرتش في ضعفي تسامحني يبقي عمرها ماهتسامحني كنت هسيبك براحتك و هعملك اللي انتي عيزاه اه هتوجع من بعدك بس خلاص مش هقدر اغصبك اكتر من كده مش هقدر اشوفك بتتخلي عني في عز احتياجي ليكي و ضعفي في رقدتي خوفت اتوجع و مقدرش اسامحك خوفت غضبك اللي عاميكي يخليكي تعملي حاجه مش شبهك و عشان كده قررت احافظ عليكي لاخر لحظه من اي فكره ممكن تجيلك و تخليني المرادي مقدرش اسامح.
ليله….بدموع و انهيار هو انتوا ازااااااي كده بجدددد ازاي بقيتوا بتحكموا علي تصرفاتي و علي ردود افعالي ازاي بتفكروا و تاخدوا قرار في كل حاجه بدالي خوفت اول مره يا عشري و تخيلت في عقلك الغبي ده اني ممكن اسيبك لو قولتلي مش جابز كنت زعلت بس لما هديت و شوفت انك سيبتها عشاني كنت نسيت مش جايز حتي لو كنت عرفت قبل ما احبك انك خاطب يمكن كنت بعدت بس لو رجعتلي كنت هبقي معاك عشان اعجبت بيك مثلاً..
مفكرتش دقيقه حكمت علي رد فعلي و خدت قرار و سوقت الكل وراااااك و مش بس كده بسبب خوفك ده خليت الكل بقي يساعدك و الكل خد قرار جوازنا من بعض بالطريقه دي عشان خوفتوا من رد فعلي محدش فيكم فكر لحظه اني موجوعه بس و جايز لما اهدي انسي و ارجع تاني لاااااااااا خدتوا قرار من نفسكم في حاجه تخصني و جوزتوني من غير علمي و عملتوا لعبه عليا عشان اييبييه ليله لو متحطتش قدام الامر الواقع مش هتهدا و لا هترجع مين قااااااال كده
طب انت مكنتش واثق في حبي ليك خالص كده مقولتلهمش ليله مش هتقدر تبعد عني خلونا نسيبها تهدي بس لا الفكره عجبتك لان اللي خلاك تخاف في الاول هو نفسه اللي خلاك تخاف تاني و جبرتني معاهم علي جوازب بالطريقه دي من قبل ما تشوف رايي تشوف رد فعلي تسمع قراري و انهارده خوفت امشي و اسيبك و اوجعك يا اخي ده انا لما شوفت ايد نعبمه و عرفت انها اتحرقت لومتك و زعلت منك عشان مقولتليش بردوا حكمت علي رد فعلي سألتني كنتي هتعملي ايع لو روحتي او عرفتي عايزه فعلا تبقي جنبها و لا فرصه تهربي مني ده انا قولتلك يا عشري سكتت و مالت لقدام مسكت رجلها و هي منهاره و رجعت وقفت تاني و بصتلوا
و هب بتضربه بغضب في كتفه و صدره و بتجز علي سنانها ده انا قولتلك زعلي منها حاجه و اني اقف معاها في وجعها حاجه تانيه معقول يا عشري لسه معرفتش ليله ضربته في صدره بغضب غمض عينه بوجع و رجع خطوه و هو ماسك جنبه
معقول يا غبييييي هسيبك قدامي كده و امشي معقول مفكرتش لحظه اني مستحيل اعملها خوفك من خسارتي يا عشري خلاك فقدت الثقه فيا للدرجادي هاااااااا خلاااااص كلكم بقيتوا تقرروا وتاخدوا قرارات من نفسكم شايفني وحشه كده شايفن ردود افعالي محتاجه توجيه منكم بجد شايفين ان مش معايا حق في كل اللي حصل منك ده و ان زعلي مش معايا حق فيه يا اخي ده انتوا شككتوني في نفسي اني ببالغ في رد فعلي انتوا ازاي كده بجد ازاي بتقرروا بدالي و بتفكروا مكاني و بتاخدوا قرار بدالي شايفني وااااااطيه يا عشري متخيل اني اسيبك اسيب جوزي يا عشري تعبان وامشي.
بصلها بتأثر وابتسامه تجنن من الكلمه اللي نطقتها و هي مش في وعيها.
عشري….جوزك
بتصلوا ليله و فضلت تعيط و بعدت وشه عنها قرب منها بهدوء و ضمها في حضنه بس مبعدتهوش
مسكت في كتفه وضمتوا وفضلت تعيط بوجع لفت دراعها علي رقبته و قفلت عليه ايدها بقوه
ليله….بكرهك يا عشري بكرهك بجد
عشري….بهدوء ابتسم عارف عارف يا قلب عشري
بعدت عنه تاني و بصتلوا
ليله….امشي امشي اطلع بره مش طيقاك
عشري….بضخكه هاديه كلها تعب حاضر ليله المفتاح متعلق في الباب من انهارده مفيش مخلوق هيجبرك علي اي حاجه انتي مش عيزاها ولا حتي انا انتي مش محبوسه يا ليله ولا متقيده و احساس العجز ده مش هتحسي بي تاني اعتبري نفسك حره يا ليله وجودك هنا كان حمايه ليكي من نفسك و حمايه ليا من وجع بعدك عني بس صدقيني انا مش هشوفك في الحاله دي تاني و لا هسمح لنفسي او لاي حد يوصلك ليها حقك عليا انا عارف ان الفتره دي تعبتك بما فيه الكفايه و من اللحظه دي مش هتعبك تاني انتي حره يا ليله اعملي اللي يريحك و اللي يريح قلبك لو عايزه تمشي صدقيني مش هزعل و لو عايزه تفضلي انتي عارفه ان ده اقسي طموحي في الحياه قرب منها بهدوء باس راسها بحب و سابها و خرج بهدوء و هو ماشي بضعف و وجع فظيع و محتاج يرتاح بجد
فضلت باصه عليه فتح باب اوضته ودخل بهدوء قفل وراه و راح قعد بتعب علي السرير و هو مش قادر نام بهدوء علي جنبه التاني و حط ايده علي العمليه بوجع فظيع.
عشري….بوجع وهمس و عينه فيها لمعة دموع تموت اوعي يا ليله اوعي تعمليها.
غمض عينه بقوه كان عايز ينام بأي طريقه عشان لو بجد هتمشي لا يسمع صوت ولا بحس بأي حاجه
………….
قعدت ليله علي طرف السرير و هي دموعها نازله الطرقه الطويله قدامها و اوضته جنب اوضتها و عقلها عمال يفتكر في كل كلامه تفكيرها في المفتاح بينها و بين حريتها اللي قال عليها كام متر .
يا تقوم و تمشي و تثبت للكل ان مفيش حد.يجبرها علي حاجه ولا من حقه ياخد بدالها قرار او يجبرها علي حاجه او يحرمها حتي من رد فعلها حتي لو هما صح يا تهدي و تفكر و تسمع صوت قلبها و الكلمه دي الوحيده اللي رنت في ودنها اوي.
وافتكرت حلم امها و ابوها و نزلت دموعها و هي بتفتكر كلمة امها اسمعي صوت قلبك يا ليله..
الحلم كان بيتعاد قدامها و هي باصه علي الطرقه..
عشري….بابتسامه مين دول يا ليله؟
ليله…..دي امي و ده أبويا يا عشري
ليله……ده عشري يا ماما ده عشري يا بابا
نهاد….عرفاه يا ليله
كامل…..و انا كمان عارفه يا ليله
ليله….هو انتوا ازاي مع بعض ؟ هو انتوا اتصالحتوا؟
نهاد….بابتسامه من زمان يا ليله من زمان يا حبيبتي اتصالحنا و بقينا مع بعض
ليله…..انا فرحت اوي بجد
كامل…..مكانش ينفع غير كده
ليله….ياريتكم فضلتوا مع بعض زمان
نهاد….ياريت يا ليله لو الزمن بيرجع مكنتش ضيعت عمري من غيره
كامل…..عاندنا بعض سنين يا بنتي و ضيعنا عمر بحاله و كل واحد فينا لوحده بس لو نعرف اننا في النهايه هنرجع مكناش افترقنا ابداً
ليله….نصيب فرقكم و نصيب جمعكم
نهاد….لا يا ليله احياناً العناد بيغلب النصيب و احنا الاتنين عاندنا نصيبنا بس اديكي شايفه لما كل واحد فينا اتخلي عن عناده رجعنا
ليله….مش مهم المهم انكم بقيتوا مع بعض انا مبسوطه اوي و مبسوطه اكتر عشان شوفتوا عشري قولولي ايه رأيكم فيه؟
نهاد….بيحبك اوي خليكي ديماً معاه
كامل…..جدع و راجل و مستعد يعمل اي حاجه عشان يكسب قلبك
ليله….انتوا ازاي عارفينه و عارفين كل ده عنه؟
كامل….احنا جنبك علي طول يا ليله و بنتابع اخبارك
ليله…..انا هتجوز عشري يا بابا
كامل…..عارف و فرحان من قلبي عشانك انتي تستاهلي كل خير و عشري هيعوضك عن اي حاجه وحشه عشتيها
ليله….يعني انت موافق؟
كامل…..موافق طبعاً ومستني افرح بيكي
نهاد…..مبسوطه معاه يا ليله؟
ليله….اوي بس خايفه
نهاد…..خايفه ليه؟
ليله….من يوم ما عرفتوا و انا خايفه و مش قادره اعرف انا خايفه ليه؟
نهاد….انتي اللي مخوفه نفسك و مصعبه الدنيا عليكي سهليها شويه يا ليله و افرحي و فرحي قلبي و طمنيني
ليله….بأبتسامه حاضر يا ماما هو انا هشوفكم تاني
نهاد….اكيد كل ما تحبي تشوفينا هتلاقينا جنبك احنا ديماً هنا
ليله….بس انا باجي هنا كتير و مش بشوفكم
نهاد…..بس احنا بنشوفك و عموماً بعد كده لما تيجي هتلاقينا
كامل….خدي بالك من نفسك يا ليله
ليله….متقلقش عليا
كامل….مش قلقان طول عمري متطمن عليكي و عارف انك قويه
نهاد…..ليله أسمعي ديماً صوت قلبك
ليله….يعني ايه ؟
نهاد…..يعني ركزي مع صوت قلبك علي طول و اوعي وقت غضبك تسمعي لعقلك حتي لو هو أصح من صوت قلبك اوقات كتير صوت العقل بيضيع سنين من عمرنا مش عيب نتنازل مره عن العقل و نلحق قلبنا يا ليله فهمتيني
ليله….بابتسامه فهمتك
نهاد….اسمعي صوت قلبك يا ليله
حطت ليله وشها بين ايدها و هي بتعيط و بعدين رفعت نفسها و خدت نفس طويل و قررت تسمع بنصيحة اغلي حد علي قلبها..
قررت تتنازل لاول مره قررت تعمل اللي يريح قلبها قررت متضيعش سنين من عمرها و تتوجع و هي بتجري و راء عقلها قررت حتي لو هي صح في كل كلمه و كل وجع حست بيه انها تدي نفسها فرصه ترتاح و تتنازل و توقف الصراع اللي جواها من وهي طفله..
ابوها قالها رجعنا لبعض حتي لو رجعوا بعد فوات الاوان و غلطوا في حق نفسهم هي مش هتعمل كده
قامت بهدوء دخلت علي الحمام غسلت وشها و اتوضت و خرجت بهدوء تدور علي اي حاجه تصلي بيها مكانتش لاقبه اسدال راحت علي الغرفه اللي جوه لمحت اسدال وسط المصليات لسه جوه الكيس بتاعه قفلت الباب بهدوء و صلت و عيطت من قلبها و هي ساجده و مكانتش عارفه حتي تدعي تقول ايه
بس كانت عارفه ان ربنا عارف بكل اللي جواها و رمت حملها عليه خلصت صلاه و مسحت دموعها و قامت بهدوء خرجت علي بره لمحت موبايله جنب المحفظه و شنطه العلاج خدت العلاج و راحت علي البار طللعتوا كله و فضلت تشوف معاد كل واحد امتي عشان متنساش
رتبتهم وراء بعض علي البار بالترتيب
و بعدين بصت في الورقه بتاعت الاكل و التعليمات اللي لازم يلتزم بيها كان مكتوب يشرب سوايل دافيه كتير يبعد عن كل المياه الغازيه يبدأ بأكل مسلوق او باي طريقه صحيه مفيش دهون مفيش حاجه سبايسي مفيش توابل كتير خضار سوتيه..
كان مكتوب كمان ان ممنوع الشاور قبل 24 ساعه و لو لزم الامر يكون بعيد عن الجرح و لو الغيار جه عليه مايه يتحط بداله فوراً او يتجاب بلاستر ضد المايه لضمان سلامه الجرح..
مسكت الورقه و راحت دورت في الادراج كانت شايفه في وسطهم وهي بتدور علي المفاتيح لزق بتاع الثلاجه دورت ولاقته علقت الورقه علي الثلاجه.
و بعدين خرجت بهدوء راحت لمت المعالق و الشوك و السكاكين اللي كانت بتحاول تفتح بيهم دخلتهم جوه و رتبت الادراج اللي بهدلتها و بعدين خرجت علي بره قفلت الستاير شويه شغلت قران و هدت الصوت قفلت الاضاءه شالت الطفايه و رمت طفي السجاير و رجعت البيت بره زي ما كان فضلت تدور علي المعطر و البخور لحد ما لقتهم وفي وسط ما هي رايحه جايه تفتح و تقفل بدأت تعرف اماكن الحاجه.
دخلت بهدوء علي المطبخ الداخلي اللي فيه الخزين فضلت تبص فيه كانت اول مره تدخلوا كان عامل قدامها زي السوبر ماركت مفيش حاجه تخص الاكل او حتي التسالي مش موجوده و في الارض كان في ادراج خشب تحت الرفوف فيها خضار و فاكهه ينفع تبقي بره من غير الثلاجه و اصلا المكان كان واصل فيه التكييف فا كان بارد شويه و حافظ الحاجه كان فيه ركن علي جنب زي العطاره مليان توابل و مشروبات زي اليانسون و الشمر و البابوننج و حجات كتير اوي كلها علب شفافه و مكتوب علي كل حاجه لمحت باسكت صغير علي جنب ابتسمت بهدوء و بدأت الاول تاخد الحاجه اللي هتحتاجها قررت تعملوا الاول حاجه دافيه عشان تفضل جنبه و يشرب منها طول الوقت..
خرجت بره بهدوء مسكت ترمس كان فبه قهوه خدت واحد تاني كان ربحته قهوه لمحت واحد تاني في علبته طلعتوا و غسلته كويس و بعدين حطت اليانسون علي النار
وقفت شويه تفكر تعمل ايه في الاكل و قررت تعمل فراخ مش لحوم عشان تكون اخف عليه.
فتحت الثلاجه كانت كبيره و ليها بابين دورت فيها مش لاقيه فراخ او حتي لحوم كلها جبن خضار فاكهه متنفعش تبقي بره لبن بيض عصاير حلويات قفلتها و راحت تاني علي المخزن كان فيه جوه ديب فريزر لقت فيها كل اللي هي عيزاه طلعت فرخه و خرجت حطتها في مايه عشان تفك بسرعه بس مكانتش عارفه تعملها ازاي.
كانت عايزه تعملها بأي طريقه غير المسلوق عشان ميحسش انه تعبان
وقفت تفكر مع نفسها شويه.
