تعاهدنا

البارت الرابع عشر…

الفصل الرابع عشر…

قفل أدهم بغضب الرساله بتاعت سهام وبسرعه اتصل بساره

وهو شياطين الدنيا بتتنطط في وشه نسي تعبه ونسي جرحه

ونسي كل حاجه مركزش غير مع ساره الشيطانه زي ما كان ديما

بيسميها بينه وبين نفسه الشيطانه اللي متوقعش انها تفرق

بينه وبين حب عمره كله الشيطانه اللي كانت سبب وجع عهد

وعياطها وسواد حياتها وحياته.

رن التليفون وانتظر الرد كانت ساره في النادي بتجري في

التراك بكل نشاط حاطه الهاند فري في ودنها بتسمع موسيقي

ولا في بالها اي حاجه. وفجأه موبايلها رن داست عالسماعه

وهي بتجري كانت متوقعه يكون اي حد إلا أدهم تقرييا

دي كانت أول مره يتصل بيها من وقت ما أتجوزت اخوه

مكانش فيه من ناحيته اي حاجه ليها لكن قرر انه يبعد عنها

نهائي عشان تنساه وعشان ميحسش انه بيخون أخوه كفايه

مراته بتحب حد غيره و ياريته اي حد ده أخوه. والاهم من

كل ده انه عارف ساره لو كلمها و اتعامل عادي هتتمادي فيها

و معندهاش اي مانع انها تقرب منه وهي علي ذمه أخوه

حتي وجوده في البيت كان ديما يحاول انه ميبقاش موجود

بصفه مستمره وديما كان موجود عند سهام لانه مكانش

بيلاقي راحته غير هناك..

فتحت ساره الموبايل ولسه بتجري الووو.

وبمجرد ما نطق أدهم عرفت ساره صوته علي طول ووقفت

بصدمه..

أدهم…..بشر وغضب وكرهه..😡😡

من يوم ما عرفت انك بتحبيني وانا بحاول أبعدك عني بكل

الطرق عشان مكانش في اي حد في حياتي غير عهد وعشان

كنت عارف ان اخويا بيحبك يعني بكل الأحوال مكنتيش

تنفعيلى صديتك كتير و بعدتك عني اكتر كنتي بتصعبى عليا

وبقول معلش اصل الحب ده مش بأيدنا قولتلك وقتها اني بحب

حد تاني واني بتمنالك السعاده مع شخص غيري و تقدري

تلاقي معاه الحب اللي ملاقيتيهوش معايا عرفتك ان أدم

أخويا بيحبك جدا لان ادم كان صعبان عليا وكنت واثق انك

لو أديتي نفسك الفرصه انك تقربي منه كنتي هتحبيه وتلاقي

عنده الحب اللي يعوضك بجد وتعرفي انك كنتي غلطانه لما

حبتيني انا..

كنت بحاول طول الوقت ابعدك عني بكل ذوق ومع ذلك

كنتي عامله زي المرض الخبيث اللي بيمسك في جسم

البني ادم و بيفضل قافش فيه وبيحاول يدمره..

كنتي بتحاولى تقربي اكتر بدأت أغير طريقتي معاكي

وابعدك عني بطريقه مختلفه وهو اني احاول اقسي

عليكي عشان تخافي علي كرامتك وتبعدي لكن لا كان عندك