لقاء كارثي

لقاء كارثي
أميره أسامه
صاحبة البطل الواحد

. البارت المئه 169.

………………………….
موجوع بيطبطب على موجوع.

من أغرب المشاهد اللي ممكن تشوفها في الحياة إنك تلاقي اشخاص قلوبهم بتنزف وكل واحد فيهم مخبي نزيفه بإيده و بالايد التانية بيحاول يسند غيره

ولا واحد فيهم بخير
ولا واحد قادر يقول أنا تعبان.

ومع ذلك كل واحد فيهم بيبتسم ابتسامة ناقصة ويقول للتاني هتعدي.

في اللحظة دي الوجع بيتأجل
مش بينتهي.

كل واحد بيركن همه على جنب ويبلع دمعته ويكتم شهقته عشان يلاقي في قلبه مكان يطمن بيه قلب اللي قدامه.

وكأن الأحزان اتفقت بينهم على هدنة قصيرة يسندوا فيها بعض قبل ما يرجع كل واحد منهم يشيل حمله من جديد.

يمكن دي أعظم صورة للرحمة
إن الإنسان وهو غرقان يمد إيده ينقذ حد بيغرق جنبه ويمكن دي كمان أقسى صورة للوجع..

إن اللي محتاج حضن هو نفسه اللي فاتح دراعه يحضن بيه غيره.
و بكده الحياة بتمشي
موجوع بيطبطب على موجوع.

…………………

في صباح يوم جديد صحي الكل علي صرخه نعيمه الكل قام مفزوع و اتنطر من علي سريره جري عليها

عشري فتح عينه بسرعه و بص في الاول علي ليله لقاها هي كمان صحيت مخضوضه و اللي جه غي دماغها يا اما ايمي حصلها حاجه يا اما اخوات نعيمه فيهم حاجه

قام عشري بسرعه فتح الباب وخرج و هي خرجت وراه بسرعه وهي ماسكه بطنها و كله خرج من الاوض و سبقتهم حنان كانت نايمه بره و جريوا علي اوضه نعيمه

لقوا ايمي و خداها في حضنها جامد و نعيمه منهاره مش مبطله صريخ حالتها كانت صعبه جداً

نعيمه….بصريخ مطلعش حلم يا ابمي مطلعش كابوس امي وابويا راحوا يا ايمي دفنتهم بايدي يا ايمي مش هيرجعوا تاني

ايمي….بدموع اهدي وحياتي عندك

نعيمه…..امي راحت يا ايمي ابويا راح دفنتهم بايدي يا ايمي

دخلوا كلهم شافوا المنظر ده اتصدموا البنات قربوا بسرعه منها و هي عماله تصرخ و تبعدهم و حنان بتحاول تمسكها وهي عماله تصرخ و منهاره كان عندها امل انها تنام و تصحي تتفاجئ ان كل ده كابوس لكن لما صحيت و فهمت ان كل ده حصل جالها زي هيستريا

حنان…..بسم الله علي قلبك بسم الله اهدي يا بنتي

سلمي….بدموع نعيمه و النبي اهدي كفايه

نعيمه…..مطلعش حلم يا سلمي امي وابويا راحوا بجد طب هكمل ازاي من غيرهم عزاهم انهارده ازاي حد يقولي والنبي اني لسه بحلم