لقاء كارثي

نعيمه….يارب يارب

سلمي…..دي قهوتك يا جوجو ودي بتاعتك يا عشري

عشري…شكرا يا سلمي

نجود…تسلم ايدك يا حبيبتي

قربت نادين بهدوء قعدت جنب ليله

نادين…بهمس انتي كويسه

ليله…..الحمد لله زي الفل

نادين…اجيبلك عصير

ليله….لا مش قادره الوقت والله يا نودي

نادين…طيب تمام

نجود….ااا بصوا انا عندي كلمتين عايزه اقولهم عارفه انه مش وقته بس في حجات مينفعش تستني و الكلمتين دول يخصوا عشري وايمي و البنات و طبعا انتي يا ليله

اولا حمد علي سلامتك يا ليله يارب ما نشوف فيكي اي شر و يعوض قلبك انتي وعشري بالذريه الصالحه و نفرح بخلفكم مش هقول كلام كتير مش حابه اضايقك يا ليله بس العيل بيتعوض و اهم حاجه سلامتك يا قلبي دي كفايه متزعليش و لا تضايقي نفسك عادي ياما ستات حملت و سقطت انا كنت منهم وحماتك كانت منهمو اكيد في مننا كتير بتحصل ادام ملكيش نصيب فيه متزعليش

ليله….بهدوء بالعكس مش زعلانه و راضيه الحمد لله زي ما قولتي ملناش نصيب فيه و كل اللي يجيبه ربنا خير

حنان…ونعم بالله

عشري…..سلامتها عندي اهم من اي طفل يا نجود انا مش زعلان و هي كمان مش زعلانه و ميتفعش تكون زعلانه او اللي حصل ده يأثر عليها جايز هي زي اي ست ممكن تتاثر بس انا عارف ان ليله قويه وانا واثق فيها المهم انها بخير وبس مش عايز حاجه تاني من الدنيا غيرها

نجود….ربنا يخليكم لبعض طبعا هي الاهم بس ربنا هيعوضكم و هتفرحوا بولادكم و بكره يبقوا اغلي منها كمان

عشري….معنديش اغلي منها حتي لو روحي فيهم هتفضل هي الاهم

نجود….ربنا يخليهالك و يخليها لينا و لكل حبايبنا و نفرح بيكم برضوا المهم يعني انا حابه اتكلم معاكم بخصوص رحاب

بصتلها ايمي و سكتت

عشري…..نجود انا اتكلمت مع ليله و فهمت شويه عارف اني اتعصبت اوي بس كان غصب عني انتي شوفتي الموقف من بدايته كان ازاي

نجود….طبعا وحقك و حق ايمي و حق البنات واي حد اضايق انا نفسي قولتلها قدامكم انتي غلطتي مش كده بس انا لما روحت واتكلمت معاها انا مش هقول انها مش غلطانه او ادافع عنها بس هي مكانتش تقصد

ايمي…..معلش يا نجود هقاطعك بس بلاش عشان خاطري ندافع في الغلط

الباب خبط قامت ريهام فتحت كانوا الشباب فضل و سلامه و عسال رشيد و حسان راحوا يجيبوا اللبس من البيت و مصطفي روح شويه