لقاء كارثي

فا لما حصل موقف ليله هي متعرفش ليله زيكم متعرفش الدواخل بتاعت العلاقه بينكم هي حابه تكسب ليله نعيمه تكسبك و سبق و ليله وقفت قدام نعيمه و كان في هجوم منها علي رحاب قوي عشان خاطر نعيمه

فا الطبيعي عشان ارجع اكسب البني ادم ده واكسب ثقته فيا اسمع كلامه اريحه ارضيه و ده اللي حصل من رحاب اه هي غلطت بس ده كان تفكيرها وقتها زي ما كان تفكير ليله الاتنين غلطوا

رحاب حاولت تكسب ثقه ليله و تحافظ عالسر اللي امنتها عليه و تعمل اللي يطلع في ايدها مهما كان بسيط زي انها تديها سوايل تديها مسكن تفضل معاها طول الوقت

هي مكانش في ايدها غير الحجات دي تعملها حاولت بس انها تقف مع ليله و تساعدها و في نفس الوقت تلتزم بوعدها ليها انها متقولش

ايمي…يعني يا نجود عشان تكسب ثقتها و احنا كمان نكسب ثقتها تعرض حياه ليله للخطر ما لو عالموضوع اللي بتتكلمي فيه هو خلص وانتهينا منه و انتي بنفسك الكل بيتعامل معاها بطريقه كويسه حتي نعيمه نفسها و احنا فهمنا نعيمه اصلا ان الموضوع بسيط وعادي و يعدي و الدنيا تمام

نجود…ما انا قولتلك بقي هي لسه بتتعرف عليكم يعني وقت الموقف ده مكانتش لسه علاقتها بيكم كويسه و بعد الموقف خدتوا عنها فكره مش تمام و لما حاول تصلح موقفخا كان لسه في بدايه حلوه بينكم فا هي من وجهه نظرها حبت تمسك بايدها في البدايه دي و تمشي وراء ليله حبت ترضيها و في نفس الوقت عملت اللي متاح في ايدها تعملوا و بعدين انا لما اتكلمت معاها قولتلها يا رحاب حتي لو كنتي جيتي قولتي ليله مكانتش هتزعل زي ما قالتلك و لو زعلت هتفهم بعدها انك خوفتي عليها

قالتلي والله انا حلفت لليله ان لو حست انها بتتعب اكتر هقول و مش مهم تزعلي بس طول الوقت كنت شيفاها بخير اه ملامحها باهته بس هي تاهت شويع بين ملتمح الحزن والتعب و فسرت ده علي انه حزن اكتر لانها بخير قدامها

ليله….بهدوء حصل انا لما كنت بحس بتعب لما المسكن يروح مكنتش بعرفها و كنت بقولها اني كويسه

نجود…اهو شوفتي فا هي محستش ان ليله حالتها بتسوء بالعكس هي شافت انها افضل فا كملت معاها

اللي عايزه اقولوا يا ايمي ان حقك تضايقي وتاخدي موقف وتزعلي عشان ليله محدش يقدر يلومك بس كمان موقف رحاب مكانش احسن حاجه هي خافت تخسر ليله لو قالت السر ده خافت انها تخسر علاقتها معاكم اللي لسه بتتبني حاولت تكون منكم و بتساعد حد منكم بس بطريقته و هعيدهالك تاني رحاب لو كانت حست ان ليله حالتها بتسوء مكانتش سكتت