لقاء كارثي

انا نفسي اكيد واثقه في ربنا اني هحمل و ربنا هيكرمني بس هيفضل اول حمل اكيد واجعني لانه كمان حصل في ظرف وحش اوي

فا حطيت نفسي مكانها هي اصلا مكانتش قادره تقف لما سمعت الخبر و الهزه اللي اتهزتها من صوت نعيمها علي امها وابوها انا واثقه ان كل البنات حسوا بيها زيي بالظبط صوت نعيمه كان بيرج المستفسي و قلبي كمان يا عشري صوت نعيمه حرك ابني جوه بطني

عشري….شششش اهدي يا عمري اهدي اوووف ليله انا يمكن عارف من البدايه من اول ما وصلت بحجم الصدمه اللي شوفتيها انتي ونعيمه و مقدر الموقف و عارف انه مش سهل احنا لو شوفتا حادثه صعبه منعرفش صحابها لنتوجع و بتفضل معلقه في عقلنا فتره ما بالك بحادثه بتحصل مع ناس مننا اكيد مقدر كل ده

و اكيد عارف انتي مريتي بايه و يمكن بعد ما سمعت كل التفاصيل دي مقدرش الومك او اعاتبك علي اي تصرف عملتيه بوعي او بدون وعي لان التفاصيل اصعب من الحدث نفسه و اللي سمع غير اللي شاف بعينه و انا مش زعلان منك يا ليله الصدمه اللي شوفتيها بعينك انتي ونعيمه تخليني اقول الحمد لله انكم بخير

انا هقولك نفس الكلام اللي قولتوا لحنون امبارح انا مش زعلان علي الحمل اللي راح قبل ما نفرح بيه جايز لو كنا عرفنا من الاول و الوقت عدي في حملك شويه واحنا مبسوطين و عمالين نعد الوقت و مخططين كان هيبقي اصعب فا دي رحمه من ربنا و كمان الرحمه الاكبر انه اوقات بيدينا ابتلاء عشان يخفف ابتلاء اكبر و مفيش اكبر من الحادثه و اللي حصل معاكي شتت تفكيرنا كلنا واولنا نعيمه كلنا كنا هايفين عليكي و مركزين معاكي اه محدش فينا نسي اللي حصل لاهلها ولا هي

بس ربنا ادانا وقت بسيط كام ساعه نسيب الابتلاء الاكبر و نركز معاكي

انا يمكن كنت زعلان مش علي البيبي والله انتي عارفه اني هموت واجيب منك حتي لو طفل بس زعلت لان اللي كان جنبك رحاب مش انا زعلت اني مقدرتش احس بيكي اللي كنا فيه يمكن خدني منك شويه او جايز لما عرفت ان في مادثه حصلت قلب ياتسال من مكانه وانا بتصل بيكي ومش بتردي لا انتي ولا نعيمه و فضل لما كلمنا قال ان في خادثه حصلت و كان بيكلمك و الناس بيقولوا العربيه وقعت من فوق الكوبري وقتها انا مش عايز حتي افتكر احساسي في التوقيت ده انا وصلت حتي بعد ما سلامه طمني عليكم و قال انكم بخير بس محدش فيكم قادر يتكلم صدقته بس لما جيت و شوفت العربيه مخبوطه قلبي رجع اتشال من مكانه و مكنتش قادر امشي علي رجلي لحد ما شوفتك قدامي جايز بعد كده ارتاحت انك بخير عشان كده مكنتش مركز معاكي بعد ما عرفنا بموت اهل نعيمه حتي ملامحك اللي كانت غريبه بالنسبالي انا ترجمتها صدمه حزن لانه طبيعي يبان عليكي الزعل والتعب و دي اكتر حاجه مزعلاني اني متوقعتش الاسوء