لقاء كارثي

حنان…..امك يا نعيمه كانت زي القمر و وشها بيضحك صدقيني هي في حته حلوه اوي و راضيه عنك و عارفه ان اخواتك في امان معاكي كوني قد ثقتهم فيكي و اقوي عشان هاطر اخواتك طمني ابوكي وامك في تربتهم و لو بجد غالين عندك اهدي و وحدي الله بصي قومي اغسلي وشك و اتوضي و صلي ركغتين و ادعيلهم و اقراي شويه في القران صدقيني ربنا هيريح قلبك و ينزل عليه سك*ينه وهدوء

ايمي….مسحت دموعها بس يا قلبي بس خلاص كله هيعدي والله العظيم احنا جنبك و معاكي و مش هنسيبك و هنفرح قريب بخروج نسمه و نادر بالف خير

نعيمه….يارب يارب

عشري….يلا يا نعيمه قومي حبيبتي اغسلي وشك وصلي زي ما حنون قالتلك و حد فيكم يا بنات يشغل قرآن كده بره

ضمتها حنان في حضنها وفضلت تطبطب عليها

حنان…..يارب ريح قلبها و نزل عليه الصبر والرضا

سلمي…مسحت دموعها بهدوء و بصت لايمي هي كانت بتحلم ولا ايه

ايمي…مش عارفه دي قومتني مرعوبه من صوتها اتخضيت والله العظيم

نادين…..ليله انتي كويسه

ليله….اه تمام

نادين…طيب مالك ماسكه بطنك ليه

ليله…لا عادي الم خفيف بس صحيت علي صوتها اتخضيت فكرت ايمي فيها حاجه و فكرت في حاجه في اخواتها لا قدر الله الحمد لله يارب

حنان….بعد الشر عليهم كلهم معلش هي بس لسه يا قلبي مش مستوعبه طبطبت علي شعرها نعيمه كانت مغمضه عينه في حضن حنان و دموعها نازله

ايمي….انا والله فكرت برضوا اخواتها او حد كلمها بس الحمد لله خير يارب خير

ايه…..نوني قومي يلا يا قلبي اغسلي وشك و صلي شويه و فضل هيعدي عليكي عشان تشوفي اخواتك و تطمني عليهم

رفعت نعيمه راسها بهدوء و قامت مسكتها نادين وراحت معاها عالحمام دخلتها و فضلت وقفالها بره

حنان….انا هروح احضرلكم فطار و اياك حد يقول معنديش نفس كلوا غصب عنكم علي الاقل عشانها لسه يومها طويل و لسه العزاء تعالوا علي نفسكم انا عارفه ان في الوقت ده كل لقمه بتنزل بتبقي نار بس معلش الاكل ملوش علاقه و انتي وهي و ايه كمان لازم تاكلوا كلكم تعبانين

عشري…..يلا يا بنات قوموا كده عشان هي تفك شويه معاكم و زي ما حنون قالت الكل لازم ياكل و يلا يا ليله عشان تاخدي علاجك بعد الاكل

هزت راسها بهدوء

و خرجوا كلهم علي بره ثواني وخرجت نعيمه بهدوء لبست الاسدال و وقفت تصلي وهي دموعها نازله نادين كانت قاعده علي حرف السرير بصالها ودموعها نازله براحه قلبها بيتقطع عشانها و مفيش حاجه في ايدها تعملها