لقاء كارثي

و اكمل الكل واقع يا عشري و سايب نعيمه لوحدها و هي لسه سامعه خبر وفاه اهلها و سامعه حاله اخواتها اللي تهد اي بني ادم فا حاولت و قدرت شويه اقاوم و يمكن في البدايه انا مكنتش واثقه في حملي و لما حسيت بالالم ده توقعت ان دي بريود و هتنزل و انا وهمت نفسي اني حامل و شكي مكانش في محله و قولت برضوا جايز يكون وجع طبيعي بعد شد الاعصاب و الاخبار االلي عمالين نسمعها كلها مش حلون فا طببعي احس بالم نزلت دموعها اكتر لحد ما حسيت وقت ما نعيمه صرخت ان في حاجه نزلت مني و كتير لاقيت نفسي كاني بهرب منكم

و روحت التويلت و هناك شوفت فرحتي اللي مكملتش يا عشري

مسح دموعها لحزن فظيع

كنت بموت ولله العظيم مش من الوجع قد ما كان جوايا قهره فظيعه اني بنزل الدم وابني بالمايه عشان محدش يشوف او يلاحظ

رحاب مكانتش تعرف بس هي شافتني و شافت ان في دم في البنطلون فا جات ورايا و هناك حاولت كتير صدقني بس انا اللي صممت متعرفش حد يمكن خوفت منك انت اكتر حد لاني كنت عارفه انك لو عرفت هتصمم ان دكتور يشوفني و دكتور معناها عمليه و اكيد مش هقدر اكون مع نعيمه في المارثه الي هي فيها و يمكن كمان خوفت ان ايمي و ايه و البنات بعد ما شوفت اللي بيقع وبينهار حالته تسوء و ميبقاش في حد فينا احنا الخمسه معاها كنت عارفه ان هي لسه قدامها وجع مش هتقدر عليه لوحدها الغسل والدفن مكانتش هتقدر ان جربت احساسهم بشع يا عشري و الله العظيم بشع و هي يا قلبي مكانتش هتقدر تقف لوحدها

حتي لو كلكم معاها بس اكيد وجودنا هيفرق معاها في اللحظه دي

اقنعت رحاب ان خلاص انا اجهضت و اني في الاول و ده شويه دم مش بيبي كامل يعني و انا قادره اقف و كل الحكايه الم بسيط و كنت مرعوبه اكتر نسمع اخبار اسوء عن اخواتها لاني شوفت نسمه حالتها كانت ازاي فا خوفت عليها هي و نادر و قتها كنت واثقه ان نعيمه لو حد منهم جراله حاجه مش هتقوملها قومه و الله العظيم يا عشري انا لو في موقف غير ده او حتي الدكتور قال حالتهم صعبه لكن عايشين كنت قولت و كنت هحمد ربنا لان بعد منظر العربيه اللي هيخرج سليم يبقي اتكتبلوا عمر جديد و ربنا نقذه بمعجزة و كنت وقتها هطلب مساتكم هقول اني بجهض هقول اني تعبانه

بس كان غصب عني مقدرتش و خوفت يا عشري بجد علي ايمي مش هكدب عليك اكيد حملي يفق معايا زي حملها بس انا فقدته انما هي لو فقدتهم والله هتموت و غير ان فرصتها جايز متبقاش كويسه و لو حتي في فرصه مكانتش هتقدر تتخطي مهما حملت الف مره