لقاء كارثي

عشري….انا عارف يا ليله ان الموضوع مقصر معاكم جدا و احنا كمان كلنا متقصرين يمكن احنا معاكم من وقت مش طويل اوي بس والله العظيم اتوجعنا عليهم كلما انا عن نفسي حاسس بخنقه و ضيفه نفس فظيعه حاسس انه بجد حلم يعني مقدر جدا شعور نعيمه و احساسها ان ده كابوس او حلم مستنيه تصحي منه فا اكيد المووضع عليكم صعب و مش مطلوب منك او من البنات تركنوا زعلكم علي جنب بالعكس حقكم تاخدوا وقتكم في الزعل بس اللي اقصدوا انكم تحاولوا تفوقوا بسرعه عشان نعيمه هي لسه قدامها وقت اطول تفوق من صدمتها دي و لسه لما اخواتها يفوقوا ويعرفوا الموضوع مش سهل يا ليله عليها و عليكم و هي بالاخص هيبقي تقيل عليها جدا انها تعرفهم او تشوفهم منهارين قدامها

ليله…..انا مش عارفه هي بجد هتعمل ايه بس الاكيد ان نعيمه مش هتقدر تواجههم و لا هتقدر تبلغهم موقف صعب و متمناهوش لاي حد في الدنيا انا لو مكانها مش هقدر يا عشري

عشري…..احنا اكيد مش هنسيبها انا وفضل و الشباب هنحاول نوصل لنادر بطريقه هادين و اكيد وجود حماده و عم احمد هيفرق كتير

و برضوا مش هنسيكم لوحدكم تعرفوا نسمه عارف ان الموضوع مش سهل عليها وعليكم بس الاكيد هيعدي يا ليله

ليله….بدموع كتير جوه عينها وجعت قلبي يا عشري و هي مصدومه و بتصرخ كانت فاكره انها هتصحي تلاقي كل ده حلم وحش كان عندها امل يطلع كابوس و انا حاسه بيها اوي لاني اتحطيت في نفس الموقف مع امي بتفرج معاها علي فيلم و ماتت في حضني بكل هدوء اوقات الوجع بيكون اضعاف لما متبقاش عامل حسابك للموقف اللي ممكن تعدي بيه لما متبقاش جاهز بحس انه ارحم لينا بكتير ان لو الشخص اللي فارقنا ده كان تعبان بيكون تمهيد علي الاقل لموته و بنقدر نستقبل الصدمه بهدوء او بتبقي عامل حسابك ليها في اي وقت لكن لو مش عامل حسابك بتحس ان الموت سرقه منك علي خوانه

سكتت شويه و بصت لبعيد و نزلت دموعها تجري علي خدها طبطب علي كفها و باسه

عشري….اهدي يا قلبي عشان متتعبيش

بصتلوا ليله بوجع فظيع و هي دموعها بتجري

ليله…..انا يمكن خدت نفس الصدمه مع نعيمه و هي شايفه اهلها بيموتوا قدامها عشان كده قلبي واجعني شوفت كل حاجه زي ما هي شافتها

والله العظيم يا عشري كان في شعور غريب ملهوش وصف في وقت الحادثه مش عارفه انت هتقدر تفهمني ولا لا بس