لقاء كارثي

ليله…..عارفه والله بس زي ما قولتلك ملهاش ذنب حرام هي اقتنعت بكلامي ممكن يعني خافت علي ايمي لما قولتلها ان هي في خطر خافت تزود حمل نعيمه يعني غير كده مكانتش ساكته والله

عشري…..المهم انك بخير مش مهم اي حاجه في الدنيا و لو علي رحاب انا هتكلم معاها واكيد البنات هيهدوا من ناحيتها ايمي طيبه بتكلع تطلع و تنزل علي مفيش لما تفهم اكتر و تتاكد انك بخير هتلاقيها هديت

ليله…..انا هبقي اتكلم معاها مش عبزاها تضايق البنت اكيد هتشوفها انهاردن في العزاء و مش عايزه حد فيهم يضايقها حرام كفايه اللي عاشته معايا و اللي عملتوه فيها

عشري….طيب بالنسبه بقي لحوار العزاء ده عايز اتكلم معاكي فيه

حطت ليله اديها علي شفايفه بسرعه وبصتلوا بحزن

ليله….عارفه هتقول ايه كويس بس انت شايف انه هينفع

عشري…..انا شايف ان الدكتور طلب مننا نريحك و انا مش هستني انه يطلب ده خصوصا بعد ما عرفت اللي حصل ليله انا مش عايزك تتعبي ولا عايز اي مضاعفات تحصلك و الاكيد لو خايفه علي زعل نعيمه هي هتقدر ده

ليله……عارفه انها هتقدر بس انا مش هعرف يا عشري اسيبها في يوم زي ده مش هعرف اكون مش معاها في العزاء و اوعدك والله هفضل مكاني مش هتعب نفسي و لو فيا حاجه والله العظيم المرادي هقولك اني تعبانه

عشري….لولي ريحي قلبي بلاش تنشيف دماغ

ليله…والله مش تنشيف دماغ انا بقولك اهو لو تعبت هقولك و لو انت شوفتني تعت نفسي روحني حتي لو بالغصب و الله انا كويسه واحسن كتير و لو علي الالم ده طبيعي بيجي وبيروح المهم مفيش نزيف
وبعدين هو انت هتقعد ولا هتروح اكيد هتروح صح طيب كلكم هتروحوا وتسيبوني يعني ممكن اتعب لوحدي مش كده خليني معاكم و خليني اكون جنب نعيمه عشان خاطري

بصلها بقله حيله وشاف ان معاها حق لو فعلا كلهم راحوا هيسيبوها لوحدها

عشري…بتفكير طب اسمعي خليكي و هخلي معاكي امي او اي حد

ليله….يعني كده هتبقي متطمن عليا ما انا لو فيا حاجه مش هتعرف تتصرف وبعدين يا عشري المكان مش بعيد ده هنا في التجمع جنبنا يعني لو تعبت هرجع عشان خاطري يا عشري

عشري…..بتنهيده ماشي يا ليله هعملك اللي انتي عيزاه بس اتمني ترتاحي و متفضليش راحه جايه و لو حسيتي انك بجد مش قادره ياريت تعرفيني

ليله….والله هعرفك

عشري….طيب قوليلي بقي محتاجه ايه من البيت عشان اكلم محمود الوقت يخلي رحمه تطلع تجهزهولك