لقاء كـ،ـ،ـارثي
البارت السادس و التسعين .
………………………
راحت ايه وقفت قدام الباب تبص شمال و يمين صوتهم كان اوضح مكانش صوت كلب او اتنين ولا حتي تلاته كان في اصوات كتير
مسكت في الحديد بتاع الباي بايدها و بصت براسها علي اليمين كده شويه و فضلت تبص بتركيز.
عسال……بتعملي ايه ؟
ايه…..بصت عليه بسرعه و حطت ايدها علي قلبها يخربيتك يا ميدو وقفت قلبي
عسال…..بضحك في ايه بتعملي مصيبه ولا بتشوفي الكلاب
ايه….ياعم مصيبه ايه بس انت سامع الصوت صح ؟
عسال…..اه عايز اقولك ان الشباك اللي في الاوضه عندنا بيبص علي الڤيلا من الضهر و صوت الكلاب فظيع معرفتش انام خالص
ايه….طيب انت بصيت و شوفتهم اصل انا بحاول اشوف الكلاب دي فين و مش عارفه
عسال…..لا الشباك مقفول و عشري و مصطفي نايمين بس انا قلقت خلاص مش عارف انام انتي قلقتي بسببهم بردوا
ايه……انا اصلاً نمت كتير امبارح و خلاص مش جايلي نوم بس لما صحيت سمعتهم بقولك ايه ما تيجي نفتح الباب و نخرج نبص كده
عسال…..بلاش جنان قولي صحيح انتي عامله ايه الوقت
ايه…..لا الحمد لله أحسن كتير سيبك مني بقي خلينا نشوف الكلاب دي مالها فضولي هيموتني
عسال….هما سكتوا خلاص و بعدين فضول ايه بس يمكن بردانين الجو ساقع
ايه…..بردانين ايه يا ميدو احنا هنهرج
عسال…..والله العظيم مش بهرج سبب من الاسباب للصوت ده انهم يبقوا بردانين او جعانين
ايه…..ايوه بس ده عدد اصلا انا مستغربه ازاي الكلاب دي موجوده هنا و ازاي عدت من البوابات
عسال…..لا بتدخل عادي و جايز اصلا متبقاش كلاب عاديه بتاعت شارع يمكن مع صحابهم
ايه…..ميتهيأليش صوتهم قريب من بعض و اكيد دي مش كلاب للتربيه المشكله كمان ان مفيش حاجه ظاهره متخليك جدع بقي و تعالي نخرج نشوفهم و نبعدهم صوتهم مزعج اوي
حنان….صباح الخير يا نور عيني
عسال….بص وراه بعيد صباح النور يا ست الكل بص لايه تعالي طيب الاول اصبح علي ماما كده و بعدين نشوف حوار الكلاب ده
ايه…..ماشي روح
عسال….بضحك لا تعالي معايا احسن تغفليني و تخرجي
ايه….بضحك لا والله تصدق اني اول مره احس اني خايفه اروح اقرب من كلاب لوحدي عشان كده قولت تشجعني
عسال…..طيب الوقت نبقي نفتح كده و نبص عليهم قرب من حنان باس كفها صباح الخير
حنان…..صباح الخير يا حبيبي ايه شوفتوا الكلاب
ايه….مش باينين خالص الوقت نبقي نبص عليهم
حنان….طيب انتوا مش هتفطروا يلا اكيد مش هتستنوا لما الكل يصحي
عسال…..هما نامو متأخر اصلا انا سيبتهم انا و نادين و روحنا ننام بس مش عارف ازاي قادرين ينامو في الصوت ده
حنان…..اكيد سهروا كتير سيبوهم يلا انا هحضر الفطار و نفطر احنا الثلاثه سوا
ايه…..طيب انا هساعدك
عسال….خليكي انتي يا ست الكل انا وايه هنعمل فطار حلو كده
حنان…..لا خليك تعالي انت اقعد هنا و انا وابه هنخلص علب طول صحيح هو احنا هنمشي امته
عسال….المفروض السواق هيجي من بعد 12 كده يعني ممكن قبل الفجر علي الفجر كده يعني
حنان….المفروض نبقي نجهز حاجتنا بقي
ايه…..انا شنطتي تقريبا جاهزه هحط بس فيها اللي بره و بستخدموا و كده خلاص
عسال…..انا كمان مش هاخد وقت هما لما يصحوا و يفطروا يبقوا يجهزوا الشنط عشان نقعد براحتنا بقي و لما يجي نتحرك علي طول
حنان…..ماشي انا هفطر معاكم انا كمان و اروح اجهزها
عسال…..ان شاء الله يا حبيبتي
